متعب ويارا ومتكبروش الموضوع

تذكير بمساهمة فاتح الموضوع :

فى ايه يا جماعة ايه اللى عرفكوا ان دى خلاص هى اللى متعب هيتجوزها وبعدين ما ممكن تكون صاحبته وحتى لو هيتجوزها دى كانت ملكة جمال مصر يعنى طبيعى جدا يكون ليها صور بكل الاشكال واكيد هوة هيغيرها
الاهم من ده كله انه خرس الجميييييييييع وقال انا فى الاهلى غصب عن اى حد واللى بيقول انى فى الزمالك يلعب بعيد واتبسطت اوى انه جيه والجمهور قعد ينادى عليه

لاتعليق

كفايه هنفضل نضحك على نفسنا لحد امتى بقى متطلعهوش ملاك ومحدش يقولى حريه شخصيه هو مش شخص عادى دا لاعب كبير ونجم كبير وليه حق على كل حد بيحبه وبيشجعه واللى بيحبوه بجد هما اللى هينتقدوه لانهم نفسهم يكون احسن حد ف الدنيا مش يقولو هو حر يعنى روح يتجوز واحده استغفر الله العظيم يارب احسن صوره ليا تفطر الواحد وهو صايم ومسيحيه وعامله افلام اباحيه وحاجه لا توصف ساعتها هتكونو مبسوطين ؟ واللى بيقول مش هتاثر عليه واحده زى دى ممكن يكون زوجها انسان موفق ف اى حاجه؟ ومحدش يقولى هيغيرها هو مش محمد حسان عشان يغيرها وبعدين مخلصوش بنات الناس المحترمه يعنى
ولو قولنا ان اللى بينهم صداقه او اصحاب المثل بيقول اختار الرفيق قبل الطريق والمرء على دين خليله يعنى ليه زى مابتقولو هو هيغيرها ليه بقى هى اللى متطبعش عليه وتغيره لعالمها هى اللى هو الضياع تقريبا
انا كل اللى هيجننى وهو رايح بيها الاستاذ مكانش مكسوف من ابو تريكه والشيخ اسامه ولا احمد فتحى بجد انا مبقتش فاهمه عمادخالص ربنا ينجيه من اللى هو فيه دا ويخرجه منه على خير من غير ماخسارته تزيد ولو هى اللى لازقه ليه ربنا يبعدها عنه ويبعده عنها يااااااااااااااااااااااااارب
وسورى لو طولت

بسوما كلامك مش مقنع خالص اولا قبل اى حاجة هى مش مسيحية مسلمة زيها زينا ثانيا معملتش افلام قباحية دورها فى فيلم حين ميسرة كان صغير جدا ومفهوش حاجة ثالثا والله ربنا اللى بيهدى لاالشيخ محمد حسان ولاغيره دول عوامل مساعدة وهى شادية لما ربنا هداها كان موجود محمد حسان الهداية دى ربنا بينزلها فى قلب الواحد رابعا احنا ملناش ان احنا نحاكمه احنا كل اللى علينال ندعيله وننصحه مش نعمله محكامة عسكرية زى اللى انتى عملهالوا خامسا ممكن اللى انتى بتقولى عليها مش كويسة دى تكون احسن من ناس تير تبان محترمة مش بلبس وممكن وده اكيد انها كانت واقفة جنبه فى ازمته الاخيرة ياعنى قلبها عليه ياعنى هتساعده انه ينجح اكتر واكتر لو بتحبى متعب فعلا ادعيلها ربنا يهديها وتلتزم لكن اخلاقها دى حاجة ربنا اعلم بيها وبعدين احنا مش هنحاسبها على اللى فات احنا هنحاسبها من ياعة ما عرفت متعب واصلا نحاسبها ليه واحنا مالنا دعى الخلق للخالق لما نبقى مليكة نبقى نتتقد البشر لكن طالما كلنا بشر يبقى ندعى ربنا يهدينا جميعا

صح اوى يا ريبورتى وكفاية بقة كدةوحرام عليكوا ايه فى ايه ارحموا الراجل وبعدين ان كان على يارا ما ياما كان فى ناس كتير كدة وربنا هداها ما تشوفوا الممثلين اللى ربنا هداهم وكانوا بيعملوا افلام وسخة ربنا بيقبل توبه عبده ومتعب شخص محترم واكيد لو هى هتبقى مراته هتكون محنرمة زيه ولا ايه وهى ولا بتعمل افلام ولا حاجة ربنا يهديها ويهديكوا وكفاية اوى كدة

بحترم طبعا كل كلمه قولتيها بس انا سمعت انها مسيحيه وسمعت حكاية الافلام والله اعلم طبعا ف الاول وف الاخر وبالنسبه للهدايه اكيد ربنا اللى بيهدى طبعا انا كنت اقصد تعبير معين بس سورى اللى اسمها يارا دى متنفعش تشيل اسم عماد اصلا والحكايه مش حكاية لبس روحى شوفى صورها بس لو تقبلى ان دى تكون زوجه لاخوكى يبقى تقبليها على عماد بس

والله لو اخويا يقدر يساعدها تتهدى ااقبل على الاقل هنكون كسبنا مسلمة بجد وبعدين لو على السمع مش هنخلص ده احنا عندنا 80 مليون مفتى كل واحد بيردد الكلام من غير ميعرف مصدره وبعدين لحد دلوقتى متعب مصرحش لما يطلع هنفهم الموضوع كله وارجع وااقولك لو فعلا بتحبى متعب وامره يهمك ادعيلها ربنا يهديها سواء كانت هتبقى مراته اولا

ربنا يهدينا كلنا ومش لو بحب متعب ان كان ع متعب ربنا وحده هو اللى عارف الواحد بيحبه قد ايه وخايف عليه مش اكتر انا مش هيعود عليا حاجه سواء اتجوزها او لا لكن انا خايفه عليه مش اكتر وياريت تدخلى تشوفى اللى بيتقال عليه فى كل حته وعلى فكره انتى بتتكلمى بمثاليه زياده عن اللزوم وهو ربنا ينجيه من اللى هو فيه دا ويرجع تانى لنفسه ويهديه للى فيه الخير ليه ويهديله واحده تليق بيه وبواحد فى مكانته يارب

دخلت وشوفت كاتبين عليه ايه بس الناس كلها هتسكت لما متعب يطلع وويوضح وحتى لو اتكلموا بعد ما يصرح مسيرهم هيسكتوا لما يشوفوا متالق فى الملعب وراجع احسن من الاول باذن الله واحنا شعب طيب وبينسى بسرعة بس احنا عصبين شوية بس كلوا بيتنسى وانا مش بتكلم بمثالية ولا حاجة بس احنا مدين الموضوع اكبر من حجمه بكتر وياستى ربنا يقدمله اللى فيه الخير سواء كان مع يارا او غيرها ومتزعليش نفسك مش معقول يبقى متعب مبسوط واللى هو صاحب الشان وانتى مضايقة كده هو قبل ما يجبها عارف ان كل ده هيحصل يبقى هو متحمل نتيجة تصرفه

بسوم يارا مسلمة وعيب اوي نقول انها عاملة افلام اباحية عيب اوووووووووووووووووووي يعني واكتر منه انه عيب انه حرام كانت اولى تمثل في افلام عادية وفيها مشاهد وكانت هتكسب برضه وهي مرضيتش ومش هندي ودانا لكا حاجة بتتقال ونصدقها ولا ندور ونقرا خبر قديم اوي ونجري ننشره هنا وكأنه لسه حاصل ارجوكو كفاية كدا

اممممممممممممممممممممممممممم اوك عموما انا اسفه والله من كتر اللى بيتقال واللى بنسمعه بس مش اكتر بعنى انا مش بجيب كلام من عندى كل واحد بيتكلم شويه والله اعلم طبعا واسفه لو اتعصبت شويه هو بس من كتر ماكنت متضايقه من اللى بيتقال عنها فى كل مكان محبتش ان دى لو الكلام دا صح يعنى تكون زوجة عما د و وانا هى متهمنيش فى حاجه المهم هو ربنا يوفقه للى فيه الخير ليه سواء معاها او لا
وسورى ياجماعه بجد لو كان كلامى ضايق حد

ايوه كده يابسمه الحمد لله انك هديتي وعرفت تتكلمي من غير عصيبيه
وأكيد دلوقت غيرتي رايك وعرفت ان أهم حاجه عماد يكون سعيد ومستقر مع الانسانه اللي اختارها
وان شاء الله هتكون انسانه كويسه علشان عماد انسان محترم ويستاهل كل خير
وبلاش نأخد بالمظاهر
ياما ناس كتير من بره ملا
يكه وربنا اللي عالم بقلوبهم

وكلنا لازم ندعي لعماد ربنا يوفقه ويكرمه سوا معاها أومن غيرها

ايوا ياهبه وانتى تقريبا ف المنتدى هنا اللى عارفانى كويس وعارفه انا بحب عماد وخايفه عليه ازاى وانا فعلا كنت متعصبه جامد وكنت معميه مش مركزه ف كلامى سواء مقتنعه بيه او لا هو اكيد مكانش المفروض اتكلم زي اى حد كده وفعلا ياجوجو عندك حق هو فعلا حرام انى اقول حاجه انا مش متأكده منها اصلا لا يعلمها الا الله انا غصب عنى من اللى سمعته بس مكنتش عارفه افكر وربنا يهديها ويهديه ويهدينا كلنا وربنا يوفقه للى فيه الخير ليه سواء معاها او مع غيرها وانا مش هتكلم ف الحوار تانى لا بالخير ولا بالشر وربنا يقدم اللى فيه الخير

الحمد لله يا بسوم انك هديتي ويارب الكل يهدى كدا وربنا هيوفقه ان شاء الله ادعو معايا انتو بس

يا جماعه والله انا مش فرقه معيا مين ولا هى مين بس انا هاقول حاجه عشان توصل مالكة جمال مصر هى عملت ايه وايه اللى ضحت بيه عشان توصل لكده وانت فاهم كلامى كويس بس اعتقد ان عماد مش هايرجع زى الاول ومستوه هاينزل كتير بسبب الموضوع ده بس اللى مزعلنى ومزعل الكل ان احنا وقفنا مع عماد فى حجات كتير ونطبطب وندلع وعملين نقول فى مبررات ونضحك على نفسنا بس بانت كل حاجه خلاص اللى يضحى بمستقبله وبااكل عيشه عشان هو ده مصدر الرزق بتاع عماد فا انا بقول اكل عيشه محدش يفهم غلط يستاهل كل اللى يحصله

بس احنا هنفضل معاك يا عماد عشان بنحب نشوفك فى احسن صوره وفى احسن حال ربنا معاك ويهديك ويرضا عنك معلش ان كنت طولت عليكوم

لا يا رضوى بقى معلش متقوليش هنفضل معاك يا عماد والكلام العجيب دا لا مش هينفع خالص بعد اللي قولتيه الجملة دي وعيب اوووووووي انك تقولي عملت ايه عشان توصل معملتش يا ستي بنت مثقفة ومتعملة ومعاها لغات كتير ويارب نسكت بقى وهتتحاسبي على الجملة دي

لأ انا مجبتش حاجه من عندى دى حدثه حصلة بالفعل فى 2009 البنات اللى كانت فى المسبقه هى اللى طلعت وهى اللى قالت كده وحجات اكتر من كده وش رضوى هى اللى قالت كده من دمغها

يا جماعة
دعوا الخلق للخالق
وخلص الكلام

ميرسى على التوبيك

يا عم محمد ايه علاقه الزمالك دلوقتى وبعدين متعب عارف مصلحته اكتر منى ومنك ومن اى حد سيبكوا بقى من الكلام اللى مالوش اهميه ادعوله لو بتحبوه احسن













( حبيبى يا متعب ربنا يديك ... هافضل اكتبلك لحد ما اموت وانا شايف عينيك )

يعنى لو رمى نفسه فى النيل هنقول لا مننقذوش هو ادرى بمصلحته