الكل سواء

زى ما هاجمت ادارة الاهلى قبل كدة عشان بسببها لم يتم التجديد مع متعب بسسب فشل قعدة المفاوضات معاه هاجمت ادارة الاهلى وحملتها المسؤلية رغم حبى للاهلى لم يمنعنى انه فى الغلط اقوله انت غلطان لانى بحب هذا الكيان ودايما احب اشوفه صح ...بردو كذلك يا متعب حبى ليك مش حيمنعنى من نقدك فى تصرفاتك بتحب يارا حبها مش معترضة على كدة انما لما تتخانق مع مصور عشان صورك معاها يا سلام عايزنى ايه اسقفلك واحط راسى فى الرمل لا يا حبى انت غلطان وفوق من اللى انت فيه يا متعب اذا كنت بعدت عن الملاعب بسبب اصابتك فانت مش بعيد عن قلوب اللى بيحبوك بسبب اخلاقك و شخصيتك الحلوة اللى حبناها فيك فتحافظ على الصورة ديه ده اذا حبيت تفضل فى قلوب جماهير الكورة ..........اوكيه يا موتعب الدنيا كلها انا عارفة ليه عشان وحشك المدافعين والحراس اللى انت بتتعبهم فقولت اتعب اللى حوليا كمان لاحد ما ارجع و احوطلى كام جول فى الزمالك كدة ..........ماشى يا عمدة منتظرينك بس خلى بالك مش زى الاول النقد حيبقى على ودنه بس لو تستحق فعلا النقد احنا حقنيين ولو مكناش كدة مكنتش انتقدتك دلوقتى

كلامك جميل اووووي يا مريومه
لازم نتقده علشان يفوق
مش دي متعب الللي عارفينو

متعب عمره ماكان كده انا مش عارفه البت دى عملتلوا ايه

بصى يا مريومة انا معاكى ان متعب بقت تصرفاتة غريبة وهو لو عمل حاجة غلط هنقول على الغلط دة بس متعب من النهاردة هيتعرض لنقد عمرة ما اتعرضلة لذلك لازم يكون واعى للى بيعملة لان اى حاجة هيعملها هيدخلوا فيها يارا بذنب ومن غير ذنب فلازم تكون اهدى من كدة وحذر فى كل تصرفاتك حتى لو المصور رخم مش تبقى دى طرقتك بردو فى التعامل معاها كان ممكن تندهلوا الامن بدل ما تتخانق معاة فلازم تخاف على نفسك وتصرفاتك عشان مش كل شوية زوجة المستقبل تتعرض للنقض معاك

الله ينور عليكي يا مريومة
والله معك حق بكل كلمة كتبتيها
انتي الوحيدة الي عم تحكي صح
الحمد لله لقيت حد فايق وبشوف الي عم بصير
وبقول كلام معقول
والله قلتي كلشي بدي قولو
أصلي تعبت من الحكي وفوق على هيدا شئ
عم بلاقي هجوم علي انا
يعطيكي الف عافية عالموضوع

[quote:a7e4="كريكورية المغربية"]الله ينور عليكي يا مريومة
والله معك حق بكل كلمة كتبتيها
انتي الوحيدة الي عم تحكي صح
الحمد لله لقيت حد فايق وبشوف الي عم بصير
وبقول كلام معقول
والله قلتي كلشي بدي قولو
أصلي تعبت من الحكي وفوق على هيدا شئ
عم بلاقي هجوم علي انا
يعطيكي الف عافية عالموضوع [/quote]

والله وانا كمان انا زهقت من كتر الكلام فى انه مش معنى انه يعمل حاجه غلط يبقى ندفن راسنا فى التراب لازم نتكلم عشان احنا بنعشقه وبنخاف عليه اوووووووووووووووووووووووووووووووووووووووووووووووووووووى

ميرسى يامريم وعندك حق والله هو كدة هيفقد كتير اوى بس ان شاء الله يفوق

بنحبك يامتعب

انا معاكي يا جوليت في الي قولتي مية المية ومرسي ليكي يا مريم

احنا لو بنحبه صحيح يبقى لازم نقوله و لما تيجى مننا احسن من غيرنا والله انا مش فاهمة الناس اللى شيفانى بتكلم غلط ديه بقى ازاى هى بتحب متعب طيب انا حضرب لهم مثل لو اخوكى غلط حتسبيه يعمل اللى يعمله وكان ولا حاجة حصلت ولا حتنصحيه

يا جماعه عماد بيعرف يفرق بين حياته الشحصيه وشغله الى هوا الكوره

ودلوقتى هوا ف فتره راحه لغايه شهر واحد يعنى يعمل الىه وا عايزه وبعدين نحكم عليه لما يلعب لو كان مستواه نااازل بسبب يارا يبقا وقتها نتكلم بس دلوقتى ماينفعش نتكلم ونحكم عليه انه ضيع مستقبله والكلام ده

يعمل اللى هو عايز يعمله عادى يعنى يضرب واحد عادى كدة احنا عايزين متعب بتاع زمان اللى نعرفه

ارجع يا عماد ارجع عماد اللى بنحبه مش بس انك راجع الاهلى احنا قصدنا ارجع متعب اللى نعرفه

كلامك صح اوي يا مريومة واول مرة بجد الاقي توبيك هنا منطقي الناس اللي اتكلمت فاهمة بتقول ايه
وانا معاكي جدا يا كريوكة في رأيك من بداية الموضوع ويا جوليت ويا شيماء انتو بجد كلكو معاكو حق ودة رأيي من زمان
انا من قبل موضوع يارا دة ما ينتشر اوي كان دة رأيي لاني كنت حاسة ببداية الازمة بس لما انتقده هنا كلكو كنتو ضدي
المشكلة مش في كدة دلوقتي يا جماعة المشكلة ان متعب بيتغير بجد
لسة سامعة انه جدد للاهلي 5 سنين وطلب 3 سنين مقدم
معاكو ان دة حقه بس ميمنعش برضه ان متعب بيتغير اوي

لا يا ساسو هو الاهلى قاله نجدد 5سنين بدل 3 قالهم لا 3 بس الكلام ده مش حقيقى هو مجدد 3 سنين ب15 مليون جنيه بما فيهم 4 مليون غرامه

يعني يا ميرو بجد حاجة مستفزة جدا راح وقع علي عقد لستنادرلياج والاهلي كان بيتحايل عليه يكمل وهو لا ابدا استحالة حلم حياتي الاحتراف راح وبعد 5 ايام رجع تاني وقال مش هحترف وعمل مشاكل اد كدة وقال انا الوحيد الخسران انا اللي هتوقف واتحمل الغرامة ومش عارف ايه واهو دلوقتي رجع الاهلي والاهلي دفعله الغرامة 4 ميلون زي مانت بتقول بذمتك دة عدل؟
بس العيب مش عليه العيب في الفساد اللي احنا عايشين فيه هو يروح يحترف ويغير رأيه عشان يفضل جنب حبيبته وماله ما في اللي يدفع

هنقول ايه يا ساسو كل حاجه بتقول انه رجع عشانها بس هنعمل ايه مهو اسمه عماد متعب

انا بس عايزة اقول للناس اللي كانت زعلانة اوي علي عماد انه مضايق ونفسيته تعبانة وكل الكلام دة وانا اولهم لاني كنت بقعد اعيط بالساعات عشان فاكرة انه مضايق واخوه تعبان وهيوتقف ومايلاقيش نادي يروحه وهيدفع غرامة اد كدة
عايزة اقولهم بس ماتقلقوش عليه خالص هو زي الفل مخسرش اي حاجة خالص الاهلي جددله اهو وعوضه كل الفلوس اللي دفعها ودفعله الغرامة وهو مش مضايق دلوقتي خالص بالعكس بيحب وبيخطب وشكله مبسوط اوي
احنا بس اللي قاهرين نفسنا اوي وحارقين في دمنا عشانه

معلش يا ساسو قدرنا بس هنعمل ايه بنعشق المتعب

طبعا يا ميرو بنعشقه بس اللي مضايقني اني حاسة انه بيعمل حاجات تستفز جمهوره اللي بيحبه وهو عارف ان التصرفات دي هتضايق اللي بيحبوه وتزعلهم منه
وبرضه مانقدرش ننكر يا ميرو انه اتغير اوي بقي متسرع اوي ومتهور جدا في تصرفاته وعصبي وبيترصف بصبيانية اوي بداية من حفلة ملكات الجمال اللي حضرها مرورا بانه راح بلجيكا ورجع علطول وانه ياخدها الاستاد ومافيش بينهم ارتباط رسمي وانه يضرب المصور ويتصل بسوبر كورة يشتمهم ويهددهم دة غير انه بقي مادي اوي
نفسي بجد يرجع تاني متعب اللي حبيناه اوي ووقتها هننسي اي حاجة عملها ضايقتنا بس هو يبطل عند

واضح كده انه لما خدها الاستاد ممكن يكون بيوصل لحد معين حاجه طبعا انتى عرفاها ومتسرع جدا وكمان فى حكايه المادى دى لا هى المشكله من الاهلى فى الاول لان مش معقول لحد قبل ما يمشى كان بياخد900 الف جنيه بس وهو مهاجم مصر الاول ومكنش بيرضه يتكلم فى فلوس ولحد قبل ما يمضى فى بلجيكا كان هيجدد بس نقول ايه القيعى مش عارف يقنعه لحد ما متعب زهق ومشى بصراحه عنده حق ياخد 11 مليون ده غير الغرامه 4 مليون

يا ساساو ويا ميرو انا معاكو ان متعب بقى متهور وانا ملاحظة انة اتغير اوى اليومين دول فى ناس بتقول متعب مش ممكن يدمر مستقبلة عشان بيحب انا بقى هقول لا الحب بيعمل فى الانسان اكتر من كدة واللى بيحب او حب هيكون عارفة كدة ولا انتوا ناسيين اللى حصل لزيدان لما جاب مى عز الدين الاستاد كان كل همة هى فمش كان مركز فى الملعب وبعدين فى اعضاء بيقولو ان دى حياة متعب الشخصية وهو حر لكن انا بقول انة لو عمل حاجة فى حياتة الشخصية هضر حياتة اللى فى الملعب مش هننصحة انا اذكر ان زيدان لما خطب مى عز الدين سمعت تعليقات عن الموضوع دة بالهبل وردود على زيدان زى الزفت بالرغم ان مى عز الدين محتشمة اكتر من يارا الف مرة وعمرنا ما شوفنها لابسة بيكينى ومع ذلك محبى زيدان فضلوا يقلولة ابعد عنها دى مش مناسبة ليك انت مش شوفت فيلم عمرو وسلمى ولا اية مابلكم بواحدة استغفر اللة العظيم بتغضب ربنا هنقول اية لمتعب بقى ثم ان متعب لسة مش اعلن خطوبتة من يارا طب لية بتجبها الاستاد وتلبسها فلنتك بتاعت المنتخب ولية بتتصور معاها بطريقة مش كويسة وهى لسة حببتك امال لو لما تتجوزو هتعملوا اية العامة والجمهور ليهم حق عليك يا متعب لما تجوزها ابقى اتصور معاها لما تشبع تصوير بس فى حدود للزوق العام بردو اما لو عايز تتصور معاها بالشكل دة لما تجوزوا ابقى احتفظ بالصور لانى انا واحدة من الحمهور لما بشوفك كدة بتكسف انت مسلم يا متعب واسلامنا مش بيقولنا عشان انتوا احرار نضرب الناس ونستفزهم لو الراجل المصور دة دايقك قولوا لو سمحت انا مدايق رخم جبلوة الامن المسئولين مش نتخانق هو دة الحق يا جماعة مش نفضل نطلع مبررات لمتعب حتى لو هو غلطان

والله يا جوليت انا زهقت من كتر الكلام فى الموضوع ده وفى الاخر فى ناس تقولك ملناش دعوه المهم الملعب لا اللى بيعشق حد لازم يخاف عليه جوه وبره الملعب

انا بس عايزة اعرف ياترى اية هيكون رد الفعل بتاع الاعضاء اللى بيقولو احنا ملناش غير متعب اللى فى الملعب لما يلاقوا مستواة اتاثر بسبب يارا دى ماهى ممكن كل شوية تاخدوة حفلات لما تتدوخوة وتخلية فى الملعب مش مركز هتفضلوا تقولوا انة حر طب اشمعنا لما زيدان ما ركزش فى الملعب حسن شحاتة ماقلش انة حر فى حياتة الشخصية كان لازم ينصحة فى حياتة الشخصية عشان حياتة الكروية احنا بقى عايزين ننصح متعب قبل ما حياتة الكروية تبوظ زى حياتة الشخصية

هوا لما يروح حفله والتانيه الاهلى هيسيبه فى حاله

الحمد لله شكرا ليكم جميعا يا ريت بجد مش نسكت لاحد ما ترجع يا عماد الى عمدتنا اللى نعرفه و بنحبه بجد مش اللى بينافقك