عماد متعب وخطوبتة من يارا نعوم

بسم الله الرحمن الرحيم
انا قبل ما اتكلم عارفة ان التوبك دة مش مكانة هنا بس انا لازم اكتبة هنا عشان كل الاعضاء تشوفة
اولا احنا بقالنا شهر مش ورانا غير متعب ويارا
شوية نجيب صور ليارا مش كويسة وشوية تانية نحسابها على تصرفاتها ولبسها وانا كنت معاكوا انا يمكن اكون اول واحدة اعترضت على يارا وهاجمتها وهاجمت متعب عشان اختيارة ليارا دى
بس يلا بينا نبص للامر الواقع وهى خطوبة متعب من يارا
خلاص هما قرروا انهم يرتبطوا ببعض وقرأوا فاتحة واهل متعب راحوا قرأوا فاتحة مع اهل يارا يعنى والدة متعب واخواتة موافيقين ع الجوازة دى
انا بقى بسألكوا والسؤال موجهة ليا انا كمان طبعا لانى اعترضت على يارا فى يوم من الايام احنا صفتنا اية عشان نقول لمتعب بلاش يارا
اواولا متعب بالغ وعاقل وراشد واخواتة كذلك ووالدتة ربنا يخليهالة ست كمل وعاقلة يعنى هما مش اطفال واظن انهم شافوا يارا وعارفينها وموافقين عليهايبقى خلاص احنا نعترض على اية
ثانيا ولنفرض ان متعب اخطأ فى الاختيار مثلا يعنى واتسرع او ضغط على اهلة عشان يوافقوا على يارا دة هيضرنا فى اية مهو هو اللى اختار وهو اللى هيتحمل نتيجة اختيارة ولو عمل شى غلط هو اللى هيندم علية
ثالثا احنا مش ملائكة اكيد كلنا بنغلط ويارا دى غلطت فى مرحلة من المراحل انها بقت تلبس لبس مسى للبنت المسلمة لكن ربنا بيغفر وهى لو بتحب متعب هتتغير عشانة ويمكن يكون ربنا هداها وبقت حشمة اليومين دول وهتاخد خطوة الحجاب بعدين
ثالثا يارا دى خدت حسنات بسببنا قد الدنيا دى كلها شوفوا كام واحد غلط فيها والاخوة ع الفيس بوك اللى بيتهموها فى شرفها بيتهموها كدة بناء على اية انتوا كنتوا شوفتوها
رابعا المنتدى دة خاص بعماد متعب مش خاص بعماد متعب وخطبتة يارا نعوم فياريت تكون كل الاخبار عن متعب زى بقية المنتديات اللى بتتكلم عن اخبار اللاعبين بس
خامسا فى ناس كتير هنا زى العسل وانا والله مقدرة هما اد اية زعلانين وانا كنت زيهم وبيحبوا متعب وعشان بيحبوة بيتمنولة الخير عشان كدة هما شايفين ان يارا مش خير فبيحاولوا ولو حتى بالكلام يبعدوها عنة فانا بقولوكوا احنا موجودين وربنا يكتبلنا عمر لحد ما نشوف اية مصير متعب مع يارا وانا عارفة قد اية انتوا محروق دمكوا من صور يارا دى وانا زيكوا بس دى ممكن تكون حاجة فى الماضى ويمكن الواقع يكون حاجة تانية وياريت مش تتعبوا نفسكوا زى ما تعبت نفسى وقعدت اتكلم وكلامى ماجبش نتيجة فاصبروا وشوفوا اللى هيحصل فى المستقبل وان الله مع الصابرين اذا صبروا
سادسا انا شعارى هنا اللى هيعمل غلط هقول علية ولو حتى متعب هو اللى غلط هقول انة غلطان لانى بجد بشوف اعضاء بيدافعوا عن متعب فى الصح والغلط وبيطلعولة اعذار كتير فياريت لا نكون متحاملين علية اوى ولا بندافع عنة اوى
طلب اخيييييييييييييييير ياريت المنتدى دة يكون خاص بمتعب وبس اما يارا بقى فلو عايزين تتكلموا عن اخبارها يلا نعمل منتدى تانى ونسمية المنتدى الرسمى لعشاق ومحبى يارا نعوم
انا عارفة انى طولت عليكوا اوى بس كلامى دة جة بعد تفكير عميق وبعد ما فكرت بعقلى وبعد ما هديت وبعد ما فضلت اهاجم يارا كتير بس دلوقت انا فعلا هتبع مقولة دعوا الخلق للخالق
وعيد سعيد عليكوا ان شاء الله

كلامك حلو اوى يا جوليت وهو واضح فعلا انها كانت مرحلة فى حياتها وخلصت وقولنا اهم حاجة دلوقتى انها ابتدت تتغير وشكلها بتحب متعب اوى ومتعب كمان بيحبها وربنا يوفقهم مع بعض ونفرح بيهم قريب جدااااااااااااااا

برافو عليكى يا نور

وفعلا زى ماقلتى يمكن تكون مرحله من حياتها وانتهت لان كل صورها مع متعب مش وحشة ولا فيها حاجة غلط

ومتعب اكيد مش هايسمح بالغلط لو هيا وحشة فعلا زى ما ناس بتلول ماكانش ارتبط بيها

والحمد لله انا مش بدافع عنه فى الصح ولا الغلط انا مع الصح وفعلا عماد دلوقتى عنده حق فى كل كلمة بيقولها سواء عن يارا او مشكلته دى مع الصحفى ده

اشكرك تانى يا نور انتى قولتى كل حاجة انا كنت عايزة اقولها

كلامك حلو اوي يا جوليت وهو دا العقل في ان ملناش حق الاعتراض واكيد اللي حواليه عارفينه وعارفينها اكتر مننا وهيعرفو يقدرو الموقف اكتر مننا واكيد برضه احنا مش ملايكة لو يارا بتغلط في لبسها احنا بنغلط في حاجات تانية وان شاء الله ربنا يهديها ويهديه ويهدينا كلنا ويغفر لنا كلنا لان هو اللي بيحاسب وهو اللي عارف نوايا الناس ومعدنهم الحقيقي وفعلا دع الخلق للخالق ميرسي تاني يا قمر على الكلام الجميل

على فكرة هيا لو وحشة لحد دلوقتى ماكنش متعب يقبل وده الدليل ان هيا اتغيرت او بتحاول تتغير علشانه ان كل الصور الى معاه حلوة ومافيهاش حاجة غلط

معلش كنت عايزة اقول الكلمتين دول بس

ومحدش يجيب صور ليها قديمة بقى يا جماعة علشان لو فضلنا نعمل كده الموضوع مش هاينتهى ابدا كده كاننا بنحاول نزعل نفسنا وخلاااااااااص

كلامك حلو اوى يا نور صح جدا انا لما كنت بدافع عن موضوع يارا ومتعب مكنش قصدى دافع اعمى بس انا كنت بقول الكلام دة لنفسى لان صعب اوى تحكمى على حد من غير متعرفية لانى دوقت من الموضوع دة كتير كنت بزعل عشان كدة مبحبش اهاجم حد وخلاص بحاول ابقى موضوعية فعلن هية ممكن تكون مرحلة وعدت ان شاء للة ربنا يتملهم على خير يسعدهم يبقوا من عباد للة الصالحين امين يارب العالمين

هاهاها حلو المقال الآخير
معك حق اول مرة بتفق على موضوع بدافع عن متعب
حكيتي بطريقة حلوة ومقنعة
...........
وانا لما كنت بهاجمو ....مو بهاجمو ليغير رأيو
انا عم بحكي حكي عادي وعم احكي الي عم حس فيه
انا بعرف انو متعب في أي موضوع ببدايتو مابيعرف شو صح وشو الغلط
ومابيهتم برأي الناس ...بل بالعكس بيعتبر كلامن اهانة لآلو
بس لا..... عم يحكو هيك من حبن لآلو ومن تقديرن لآلو مو اكتر
متعب مابيعرف صح ومابيندم الا لما يفوت الآوان ...متل ستاندرليج تماما
ازا متعب ماقدر يستمر مع أيتن بنت الناس وبنت عائلة كبيرة ومحترمة
ولا مرة شفنا صورتها بالنت ازا مع هيك بنت منيحة كل هالقد فما قدر يستمر معا
فكيف راح يستمر مع يارا برأيي انا امبوسيبل
شخصية يارا وأسلوبا بالحياة وتربيتها مو متل متعب أبدا
ولما بتقولو كلامنا عن يارا مابنجيب من وراه غير ذنوب
مابظن يا جماعة انا ماعم اشتمها ولا عم سبها انا عم قول الي فيها وبس
صحيح انا مابعرفها بس كلشي مبين من شكلها
ونحنا يا جوليت عم نحكي عن متعب بصفاتنا جمهورو
بصفاتنا محبينو الي بنتمنالو الخير دائما ...ومابنرضى يمشي بطريق غلط مين غير مانحكي
وان شاء الله يا جوليت ربنا يهديها
ازا يارا اتغيرت فأكيد كلنا راح نحبها ونهني متعب لانو قدر يغيرها للآفضل
ويعطيكي ألف عافية عالموضوع الحلو

ميرسى يا جوليت موضوع حلو اوووى

شكرا لمروركوا يا جماعة
شكرا يا ريبورتى وهند وجوجو وفاتن و كريكورية المغربية وميرو
ياريت كل الاعضاء يقتنعوا بوجهة نظرى ونبطل كلام عن متعب ويارا

يا جماعه كلنا عارفين ان يارا اتغيرت دلوقتى خالص

وبالنسبه للبسها كلكوا شايفين انها بجد اتغيرت

وملهوش لازمه بقى ان حد ينزل حاجات قديمه ليها

ربنا يسعدهم يارب

ميرسى على التوبيك يا قمرى

شكرا علي الموضوع

يا ريت ولا قديم ولا جديد

صح يا ميرو احنا عايزين المنتدى دة يكون لعماد متعب وبس اما يارا لاعايزين ليها لا جديد ولا قديم شكرا ع المرور يا هدى و شيف كليفر وميرو

انا مش فاهم انتو بتحبو متعب ازاى
ياجماعه يارا دى متعب اختارها تكون شريكه حياته
يبقى هو صح ومينفش حد يتكلم عنها بشكل وحش
انا بتكلم بشكل عام يعنى مقصدش حد

ما خلاص الموضوع خلص يا مارو كل الحكايه دلوقتى ان مينفعش يكون فى منتدى باسم عماد متعب صور تخص حد تانى احنا عايزين صوره هو و بس

انا شايف انو عادى طيب مهو بيبقى فى صور للاهلى والمنتخب انا شايف الموضوع عادى يعنى
وكمان مش فاهم وجهه نظر بعض الموجودين هنا فى يارا مش عارف بصراحه هما مش بيحبوها ليه

كل واحد ليه وجهه نظر تحترم بس هنا منتدى كوره يعنى صور لاعيبه كوره وكل حاجه خاصه بالكوووره ملناش دعوه بحد تانى

شكرا نور

شكرا علي الموضوع

غندك حق والله فى كل كلمة انتى قلتيها

صح يا ميرو دة اللى انا نفسى فية ان المنتدجى دة يكون بتاع متعب لوحدة المنتدى دة خاص باللاعب عماد متعب مش بالحياة الشخصية لة
يا استاذ مارو انت قبل ما تتدخل المنتدى دة بتلاقى مكتوب المنتدى الرسمى لعشاق عماد متعب يعنى مش المنتدى الرسمى لعشاق عماد متعب وحياتة الشخصية او واسرتة او وخطبتة فياريت اى خبر او صور او اى شى يكون لمتعب بس

حلو كلامك

بنحبك يا متعب انته و يارا

بصوا ياجماعه

دلوقتى متعب بيحب يارا

وهتبقى مراته وحلاله يعنى احنا لازم نحترمها زى مابنحترم متعب

لاننا لو مااحترمنهاش يبقى مش بنحترم متعب

وبعدين متعب اعقل مننا كلنا ولو يارا وحشه مكنش اختارها تبقى مراته وهتبقى ام عياله

ياريت نتكلم عنها حلو

واللى مش هيتكلم حلو يبقى مش يتكلم

وححححححححححححححححش

انا ما تكلمتش عنها وحش يا استاذ شريف انا كل اللى بطلبة ان دة يكون منتدى لعماد متعب لوحدة
يعنى مش حاجة مستحيلة