كلام متعب على قناة الاهلى فيديو

ياجماعة ده فيديو لمتعب على قناة الاهلى ياريت كل واحد يكتب رد فعله على الفيديو

[ندعوك للتسجيل في المنتدى أو التعريف بنفسك لمعاينة هذا الرابط]

متكلمش ف النقطتين بردو
يقول اخويا متابع وحاسس بيهم
احنا عايزينك انت اللى كنت تقف معانا وتبقى جمبنا وكلمتين حلوين منك لاهل الشهداء توسيهم وتحسسهم انك معاهم وحق ولادهم وصحابنا هيرجع .. عايز تريح اعصابك ومش بتقدر تستحمل الموقف كنت روح عمرة تريح اعصابك .. لكن مش تروحلنا اندونيسيا انت ويارا وجدو وصاحبته وتقول بهدى اعصابى اوك بتهدى اعصابك وفنفس الوقت واخدها نزهه ولو النقطه دى اختلفنا فيها بسيط .. فنقطه انك تروح الفرح وتفضل لحد الفجر فيه وكمان متصور وبعدين اسبوعين من المجزره بعد مامات 74 واحد لاجلك ولاجل الفرقه رايح فرح .. اى حد مننا اما بيحصل عنده حاله وفاه لشخص بيقعد لحد الاربعين فى حداد لكن بجد عمرى ماشفت ان حد يبقى ميتله حد ويروح بعد موته بااسبوعين فرح .. خلاص يامتعب ورغم كل ده انا عن نفسى مسامحك وغيرى كتير وبدعيلك ان ربنا يشفيك ويهديك لكن عمرى ماهرجع احبك تانى

حسبى الله ونعم الوكيل بجد فى اى حد يغلط ويتهم الناس وخلاص لكل امرىء ما نوى والاعمال بالنيات هو قال مش بستحمل الحاجات دى ومش هيقابل حد كل واحد ليه مقدرة وقدرة تحمل كل واحد ليه شخصيته وطبعه واسلوبه وبيفكر بطريقة مختلفة عن التانى ماينفعش اننا نطلب منه انه يبقى زى حد كل واحد وشخصيته وطريقة تفكيره وهو حر فى نفسه

اما فرح روتانا بنت غادة عبدالرازق برده انا مش بسمع من الاعلام ومش هزايد على حد قعد لحد الفجر والكلام ده ...عموما بغض النظرعن اللى بيقولوه هى كانت فى فرحه وطبيعى انه يردلها ويروح فرحها والله اعلم كان للفجر ولا لأ ومش مشكلة اصلا الوقت هو فرح فى الاول والاخر سواء قعد ساعة ولا 2 ولا اكتر مش فارقة دى حاجة طبيعية انه يروح وهو مش راح يرقص يعنى

ما لاعيبة الاهلى لما كان اخو محمد شوقى مخطوف فى منهم راحوا فرح عماد عادى



انا مش زعلانة منك اصلا يا عمدة كان كل زعلى عليك انت.... محدش كان مقدر لما سافرت انك زعلان كل الناس هاجمتك وقالت بايع الدنيا عشان كدة ماكنتش احب انك تسافر فى الوقت ده بس هنعمل ايه فى العقليات بتاعتنا اللى للاسف الناس بقى قليل منهم اللى بيفكروا بعقل ويحترموا بعض بقى عندنا لسان وبس ونتهم وخلاص واحنا مانعرفش نية حد .......ربنا يشفيك وترجع بالسلامة اتمنالك كل خير

ليك حق فى كل كلمة قلتها



بقينا دلوقتى اسهل حاجة عندنا نشكك فى النوايا ونزايد على بعض.

كللم ملوش معنى ويعصب اكتر

والناس ازاى عارفه تنام!!!!!!!!!!!!!!! محدش فى مصر عارف ينام من ساعه الى حصل


واكيد عماد كمان مش عارف ينام فقال يسلى وقته بفرح روتانا

أنا معنديش رد علي كلام عماد لأني كنت عارفه كل كلمه قالها لاني ببساطه حطيت نفسي مكانه ومش حكمت عليه من بره من غير ماقدر هو حاسس بأيه...

ومش هقول غير حسبي الله ونعم الوكيل ف أي حد عايز يشوه صورته قدام الناس..

حاجه تانيه بالنسبه للناس اللي مش بتحب متعب أو اللي اكتشفوا فجأه انهم مش بقوا يحبوه بعد ما سافر وموقفه من الشهدا والكلام ده ..
لا علي فكره احب اوضحلكم حاجه بس انتو بطلتوا تحبوا متعب من زمان أوي من أكتر من سنه فاتت تقريبا نفس افهم ليه !!

وانتوا أول ناس بتكون ضده وتقطع فيه لو حصل أي موقف حتي من غير ماتتأكدوا من الحقيقه وصراحه مابتصدقوا أي حاجه تتقال عنه عشان تنتقدوه وخلاص.....

وطبعا في ناس بتنتقده عشان بتحبه وخايفه عليه وعايزاه ديما احسن ودول ناس معروفين ...

ف حاجه بس ياشريف
الجمله دي اتكررت منك كتير أوي

"متعب ومراته وجدو و [[صاحبتها ]] و كانوا بيتفسحوا " افهم من كده انك كنت معاهم مثلا .... ولا
شوفتهم وهما سهرانين لحد الفجر ف الفرح !!!
مش صاحبه يارا دي اللي المفروض في الاول كانت مرات جدو بس اكتشفنا انه مش متجوز للاأسف خلاص تبقي أكيد صاحبه يارا مرات عماد أمال هتبقي مين يعني !!......

علي فكره والله أنا بأحترمك جدا وبأحترم كل الناس اللي ف المنتدي حتي لو مختلفه معاهم ف الرأي بس عايزه اقولك حاجه مش كل حاجه تتكتب تبقي صح وخصوصا بقي لو عن ..عماد متعب..

احنا كلنا بقالنا سنين مع بعض ف المنتدي ده واتعودنا ديما منصدقش أي حاجه تتكتب عن متعب غير لما نتأكد منه بنفسه ...
ياريت بقي مش نصدق كل كلمه تتكتب عنه ونبني رأينا عليها من غير حتي مانتأكد ان كانت صح ولا لا....
واتمني الناس تسمع كلام عماد تاني وتفكر .......وياريت كمان ندعيله ربنا يقومه بالسلامه ..بس من قلبنا..

[quote="د.هبه"]أنا معنديش رد علي كلام عماد لأني كنت عارفه كل كلمه قالها لاني ببساطه حطيت نفسي مكانه ومش حكمت عليه من بره من غير ماقدر هو حاسس بأيه...

ومش هقول غير حسبي الله ونعم الوكيل ف أي حد عايز يشوه صورته قدام الناس..

حاجه تانيه بالنسبه للناس اللي مش بتحب متعب أو اللي اكتشفوا فجأه انهم مش بقوا يحبوه بعد ما سافر وموقفه من الشهدا والكلام ده ..
لا علي فكره احب اوضحلكم حاجه بس انتو بطلتوا تحبوا متعب من زمان أوي من أكتر من سنه فاتت تقريبا نفس افهم ليه !!

وانتوا أول ناس بتكون ضده وتقطع فيه لو حصل أي موقف حتي من غير ماتتأكدوا من الحقيقه وصراحه مابتصدقوا أي حاجه تتقال عنه عشان تنتقدوه وخلاص.....

وطبعا في ناس بتنتقده عشان بتحبه وخايفه عليه وعايزاه ديما احسن ودول ناس معروفين ...[/quote]



عندك حق وخلاص كل واحد اتكشف وكل واحد عارف نفسه مين اللى بيحبه بجد ولما ينتقده ينتقده بكل احترام ويبقى خايف على مصلحته من كتر حبه فيه ده حتى بيبقى نصيحة او توجيه ...ومين اللى كل ما يسمع خبر يصدق ويشتم ويشكك فيه ويقولوا يا خسارة ومتعب خلاص شكرا والكلام ده ........ الكلام ده كنت عايزة اقوله بس يمكن ماعرفتش اوصله او يمكن محدش فهمه لان فى ناس كتير مش بتحترم بعض

هنزايد ع بعض مين الى بيحبه ومين الى بيكره هوا لو انا او شريف او اى حد من المنتدى قال كلمه غير كلامكوا يبقا كدا ليه مصلحه ف انه يهاجم متعب ايه الى هستفاده لما اغلط فيه ولا اشتمه

دا موقف حصل وانا مش راضى عن الموقف دا خلاص انا حر مش اجى بقا اقول لا انا بحب عماد اكتر منكوا وماحدش عارف مصلحته غيرى لا الكلام دا ماينفعش هنا ع فكره لان كلنا بنحبه
والفتره الى لما اجوز وكان مع يارا كنا بنقول نفس الكلام بس بنحبه برضو ماهوا يعنى متعب مش نبى ممنوع من الغلط لا متعب بقاله فتره بيعمل حاجات غلط ممكن تكون من وجه نظره ووجه نظر غيره ان المواقف دى صح بس يعنى الناس كلها مش راضيه عن الى عمله

والى بيخلينا نتكلم عن متعب كدا لاننا بنحبه وبقالنا سنين ف المكان دا مش هنا من امبارح ولا حاجه داخل اشتم وخلاص لا

حد فكر جدو ماتهاجمش ليه زى عماد لان الناس كلها بتحب متعب اكتر من جدو واكتر من عبد الله السعيد وع قد حبها لمتعب زعلنا منه بيكون ع قد حبنا ليه

فياريت ماحدش بقا يزايد ويقول احنا بنحبه والى بيقول كلمه ضده يبقا بيكره

أوك معاك مش هنزايد مين بيحبه ومين بيكرهه لان فعلا لو حد بيكرهه معتقدش انه مجبر يدخل منتدي اسمه عشاق متعب!!
بس ارجع لكلامك قبل كده واحكم بنفسه ان كان ده كلام حد بيحبه أو بينتقده عشان خايف علي مصلحته ولا حد مستني له غلطه عشان يقطع فيه حتي من قبل مايسمع دفاعه عن نفسه!!

أنا قولت في ناس بتنتقد عماد عشان بتحبه وعايزاه ديما احسن وأنا من الناس دي لما بأشوفه غلطان بأنتقده بس عمري ما هأكره أو ابطل احبه عشان شايفاه عمل حاجه غلط "من وجهه نظري طبعا" ما هو مش ملاك زي ما انت قولت...

واعتقد انك من أول الناس اللي قالت عماد كده بالنسباله "شكرا" وشريف لسه قايل فوق انه عمره ما هيرجع يحبه تاني....

[center]ف حاجه بس ياشريف
الجمله دي اتكررت منك كتير أوي

"متعب ومراته وجدو و [[صاحبتها ]] و كانوا بيتفسحوا " افهم من كده انك كنت معاهم مثلا .... ولا
شوفتهم وهما سهرانين لحد الفجر ف الفرح !!!

مش
صاحبه يارا دي اللي المفروض في الاول كانت مرات جدو بس اكتشفنا انه مش
متجوز للاأسف خلاص تبقي أكيد صاحبه يارا مرات عماد أمال هتبقي مين يعني
!!......


[color=Black]مممممممممممممممممممممممممممم
كل الاخبار وكل الناس بتقول انه طالع هو ومراته وجدو وصاحبته
جبت حاجه من عندى وهو مطلعش وكدب الموضوع ده وعلىفكره الموضوع ده صح
تانى حاجه البنت دى مش مرات جدو وجدو ناوى يتجوزها
تبقى البنت طالعه مع يارا ولا مع جدو
ومش هنمسك فى حكايه قعد للفجر ولا لا ان هو يروح فرح فى الوقت ده عيب !!
[/color]

علي فكره والله أنا بأحترمك جدا وبأحترم كل الناس اللي ف
المنتدي حتي لو مختلفه معاهم ف الرأي بس عايزه اقولك حاجه مش كل حاجه تتكتب
تبقي صح وخصوصا بقي لو عن ..عماد متعب..


احنا كلنا بقالنا سنين مع بعض ف المنتدي ده واتعودنا ديما منصدقش أي حاجه تتكتب عن متعب غير لما نتأكد منه بنفسه ...
ياريت بقي مش نصدق كل كلمه تتكتب عنه ونبني رأينا عليها من غير حتي مانتأكد ان كانت صح ولا لا....

[color=Black]لو حضرتك زى مابتقولى بقالك كتير فى المنتدى هتعرفى انا بحب متعب اد ايه وكنت بدافع عنه ازاى قدام الناس كلها واى مشكله كانت بتحصل كنت بفكر اروحله بااسم المنتدى ونساندنه زى ماعملنا ساعه ستاندرلياج لما بيبقى فعلا مظلوم لكن متعب مش مظلوم متعب دلوقتى غلطان مليون فى الميه انا واحمد وغيرنا اللى فى الجروب مكسورين بجد .. عارفه يعنى ايه 75 واحد يموتوا من عيلتك غدر وتبقى مش قادر تعمل حاجه ومستنى اى موقف من لاعب ولا اى كلمه تحسسنا فعلا ان الناس اللى ماتت دى حقها هيرجع .. الناس دى ماتت عشان الاهلى عشان اللاعيبه وملهمش اى ذنب ده جزاتهم .. انه يروحه اندونسيا سيبك حتا من اندونيسيا لان استوعبت شويه انه ممكن يكون فعلا بيريح اعصابه وكل واحد حسب شخصيته .. لكن انه يروح فرح قبل الاربعين يعنى هو ليه نفس يروح فرح ويفرح والناس لسه ميته وحقها مجاش وفالاخر ناس تطلع تقول حياته الشخصيه ومينفعش نتكلم فيها والله عيب .. متعب مش ملاك ولا نبى متعب بيغلط كتير جدا جدا وزى ماقولتوا فيه اللى بنتقد متعب بدافع خوفه عليه وفيه ناس بتنتقد متعب وتقطع فيه انا طول عمرى كنت بنتقده بدافع خوفى عليه لكن دلوقتى بقطع فيه لانى بجد مصدوم والصدمه كبيره انا واحمد وغيرنا اللى الناس هنا بقت تقول دى ناس مش كويسه ومش بتحب متعب والكلام الكتير ده كله بص لمتعب وبرر موقفه ومحدش بصلنا وبرر موقفنا وحس بينا !![/color]

واتمني الناس تسمع كلام عماد تاني وتفكر .......وياريت كمان ندعيله ربنا يقومه بالسلامه ..بس من قلبنا..

[color=Black]وربنا يقومه بالسلامه ومن قلبنا على فكره [/color]
[/center]

thanQ so much , hadir







respect it

على فكرو يا هبة انتى وتوتة ردود فعل sherif met3b و Just Ahly و كتيير من جمهور الاهلى ردود فعل طبيعية جدا ومحتاجين وقت.
زى ما احنا استوعبنا رد فعل متعب لازم نستوعب رد فعلهم هما كمان..مجرد احساسهم ان زمايلهم اللى كانو معاهم ماتو فى ماتش كورة وهما بيشجعوا وكمان النجم اللى كانوا بيساندوه موقفش جنبهم (من وجهة نظرهم), ده احساس مش سهل ابدا ..

مش معنى انهم بينتقدوا تصرفه يبقى كدا هما بيكرهوه لأ ده ممكن يكون العكس تماما
انا بالنسبالى اسوعبت رد فعل متعب بالسفر بره ومتفاجئتش لما لئيته حضر فرح بعدها ..يمكن لأنى شفت مواقف كتير فى حياتى وردود افعال شبيهه برد فعل متعب...ويمكن كمان لأنى فاهمة ان فى بعض الاحيان الضغط النفسى بيسيب الانسان مش قادر يسيطر ولا يتحكم فى سلوكياته وبياخد قرارات سريعة مش مناسبة للموقف من وجهة نظرنا لكن بتبقى مناسبة لطبيعة وتركيبة شخصيته...زى متعب كدة..فى زى استوعب ده وفيه غيرنا مقدرش يستوعب ده بالتالى لازم يكون رد فعله كدة..

اللى فعلا لازم يلام هو الاعلام اللى مبيصدق يوقع ويصطاد فى الماية العكرة..

يا جماعه افهموا كل واحد وشخصيته

متعب بحبك اوى