شوبير : حسن حمدي يفتح تحقيقاً في نزول "متعب" للملعب

قال الإعلامي أحمد شوبير أن حسن حمدي رئيس النادي الأهلي أمر بفتح تحقيق عاجل حول نزول مهاجم الفريق السابق عماد متعب لأرض ملعب القاهرة الدولي لتحية اللاعبين قبيل مباراة الأهلي والشبيبة بدوري أبطال إفريقيا لكرة القدم.

وأضاف شوبير في برنامجه "كورة النهاردة" عبر قناة مودرن كورة، أن نزول لاعب غير مقيد بفريق الأهلي لأرض الملعب، هو أمر غريب عن تقاليد ومبادئ القلعة الحمراء.

وأشار أحمد شوبير إلي أن حسن حمدي رئيس النادي أمر محرم الراغب مدير النادي بفتح تحقيق عاجل، لمعرفة الشخص الذي سمح لمتعب بنزول أرض الملعب قبيل المباراة.

من جهة أخري، طالب شوبير اللاعب عماد متعب بالتريث قبل تحرير محضر ضد المصور حسن عبد الفتاح، والذي أظهره طيلة المباراة بجوار يارا نعوم ملكة جمال مصر 2008.

وقال شوبير "اللاعب توجه إلي قسم الشرطة لتحرير محضر ضد مصور التلفزيون، المصور لم يأت بشيء من خارج الملعب، علي اللاعب التريث قبل اتخاذ هذا القرار، إن كان مقتنعاً بما فعله".

ميرسي علي الموضوع

ميرسى ليكى ميرا
وعماد كان نيته مؤازرة زملائه وتشجيعهم
بس الكابتن \حسن حمدى برضه بيطبق القوانين
والجمهور هو الى هتف لمتعب وطالبه بالنزول
وده الطبيعى ان مصورينتهز فرصة متعب مع يارا ويصورهم
المفروض متعب ميديقش كان لازم يتوقع ده
ومفيش داعى يكبر الموضوع لو كان قصة المحضر دى صحيحه

يعني ايه يعمل محضر للمصور امال هو جايبها معاه الاستاد ليه؟
ليه يا متعب بتعمل كدة ارجع لعقلك بقي ربنا يخليك

ياسلااااااااااااااام

هنيجى فى الهايفه ونصدر بقى

يعنى ايه يعنى

متعب نزل يشجع الاعبين

والجمهور حياه ايه المشكله

وبعدين حكايه المصور دى

انا عارفه ان المصورين غلسين

واكيد عماد توقع انه هيتصور مع يارا

لكن اكيد المصور رخم وبقى موهوش غيرهم انا عارفه


ميرسى على المتابعه

ايوة يا هدى كلامك صح هو مضايقش انه صورهم لانه واخدها معاه قدام ملايين و70 الف في الاستاد هو اللي تلاقيه كان رخم وقاعد قدامهم ومش عايز يتحرك واكيد قاله امشي بذوق هو مرضيش .... انا مش بزايد على حبي ليه ولا اي حاجة بس انا عارفة ان فيه ناس هنا مش بتحب متعب فعلا ومش عارفة بتدخل ليه

مش مصدقه ان كابتن حسن حمدى يعمل كده وبعدين مش متعب اللى نزل الجماهير هيا اللى ندهت عليه وحيتو اما بالنسبه لموضوع المصور فلا تعليق

ياجماعة هو مش نجم؟؟
يبقى المصور من حقه يعمل اى حاجة
حتى لو ساب الماتش وفضل يصوره
لان الجماهير بتحب الحاجات دى
والكل اكيد اكيد كان متشوق انه يشوفه كذا مرة
وكويس انه جابه اصلا هو والانسة دى كمان
وبعدين محضر ايه ياعماد
هو انت مش بقيت فاضى غير للمحاضر ويارا
ومابقاش فى كورة خالص فى دماغك؟؟
وبعدين على راى شوبير المصور ده
مجبش حاجة يعنى خارج المعلعب
ولا ايه؟

متعب ماكنش ليه ينزل الملعب لانه مش مقيد ف الفرقه مالهوش انه ينزل ارض الملعب وحسن حمدى عنده حق وبعدين الناس كلها مش عاجبها الى عماد بيعمله جاب يارا معاه وكمان بيتخانق عشانها مع مصور ربنا يهديه

[quote:26f4="the moon light"]متعب ماكنش ليه ينزل الملعب لانه مش مقيد ف الفرقه مالهوش انه ينزل ارض الملعب وحسن حمدى عنده حق وبعدين الناس كلها مش عاجبها الى عماد بيعمله جاب يارا معاه وكمان بيتخانق عشانها مع مصور ربنا يهديه [/quote]

واحب اضيف كمان على كلامك لا حول ولا قوة الا بالله ونبى يا متعب ونبى يا خويا طب جبتها معاك ليه يا عمرى طالما تصوريكم مع بعض ضايقك