نفسى بجد الناس اللى ما بتفهم فى الكورة

[size=24] نفسى الناس اللى ما بتفهم فى الكورة متتكلمش كلمة على عماد متعب لو سمحتم
طيب افهمهم ازاى ان الراجل بيتعب ويتعب وبيعمل اللى عليه
يا ريت تردوا معايا على بيشككو فى متعب


انا عندى رد حيفحمهم هو حسن شحاتة اللى اثبت للجميع ان اختيارته دايما هى اللى صح

وبما ان ان شحاتة تملى بيصمم على متعب اذن الاجابة بان متعب فعلا هو نجم ههجوم مصر[/size]

[size=24][size=18]للاسف الناس فى مصر بتبص الاعب ده جاب كام مش الاعب ده عمل ايه و تعب اد ايه والدليل خروجه مصاب فى العضلة الخلفية فى ماتش الجزائر ده اكبر دليل للاسف انها اصابة لتكون ناصفة له ودليل لمجهوده عشان الاخوة اللى مش لاقين كلمة يرموها على متعب وتملى يقولوا عليه انه بيقف فى ال18 وبيستنى الكورة .

انا محروق دمى اوى بجد لان الولد لاحد دلوقتى مااخدش حقه الوحيد دايمااللى ناصفه هو ابوه المعلم حسن شحاتة[/size][/size]

والله يا مريومة عندك حق في كل كلمة قلتيها ده انا من اول البطولة وكل اصحابي اللي ملهمش فيها 3 رأي كوكاكولا كل ما يشوفوني ده متعب ده بطئ ده متعب ده بطة ده مالوش لازمة وانه عايز الكرة تيجي لغايه رجله وانه مش بيتحرك بجد كلام يحرق الدم بس انا بقي هرد رد من وجهة نظري المتواضعة جدااااااا اولا الناس اللي بتقول ان متعب بطئ ياريت يتفرجوا 3 لقطة ضربة الجزاء بتاعة ماتش الجزاير ويشوفوا متعب كان بيجري ازاي وواخد 2 مدافعين في ضهرة ولو كان بطئ كانوا حاصلوه واخدوا الكرة منه لكن عشان هو سرييييييييييع اضطروا يعرقلوه ثانيا لو متعب بطة باريت يشوفوا جونه في بنين ويعرفوا معني كلمة رشاقة اما اللي بيقولوا انه مالشوش لازمة فيروحوا بشجعوا باسكت احسن واللي بيقولوا ان متعب عايز الكرة تيجي لغاية رجله ومش بيتحرك بقولهم مش انتوا برضه اللي بتتريقوا 3 متعب وبتقولوا عليه متعب تحركات يبقي ازاي مش بيتحرك؟؟؟؟؟؟؟؟؟ بجد ربنا يهدي وياريت الناس دي تشجع المنتخب بس ومش يقطعوا في اللاعيبة

ناس جاهله وحقوديه مش اكتر
والواحد مش بيتعب نفسه ويرد عليهم
والحمد لله متعب واثق من نفسه ومش بيهتم بالناس دى
وكلنا بنحبك ياعمده ووراك

يا عم الى بيقولو كده

المنفسنيين

واحنا مش معاهوم

انا معاك جدا وفيه ناس بتنصفه كتير بس برضه الواحد بيستغرب جدا من اللي بيهاجموه لاني بحس انهم بيتعمدو ميشوفوش مجهوده عماد متعب من اهم عوامل النجاح في البطولة دي كل الفريق طبعا عاملين مجهود جبار لكن الحضري ووائل جمعة واحمد حسن وعماد متعب هما اساس المنتخب بجد ودا رائ واللي مش شايفين ان متعب عمل بطولة رائعة ومجهود جبار بجد دول اللي كل يعرفوه عن الكورة انها مدورة ومش اكتر من كدا وفعلا يا اهلاوي عماد مش بطئ اطلاقا والدليل على كدا ضربة الجزا زي ما قلت وكمان جون نيجريا عماد جاب جونين وعمل اكتر من تلت تربع اجوان المنتخب وبعتبره من اذكى لاعيبة الكورة وياريت ميسمعش اي حد بيهاجمه لانهم بيهاجمه لمجرد الهجوم وهجموهم دا مش مبني على اي اساس ويارب ينصفه دايما ويرد على كل اللي بيظلموه ويشفيه ويلحق النهائي ان شاء الله ويفرحنا كلنا واسفة جدااااااااااااااااااا اني طولت عليكو

وميرسي يا مريومة اوي على موضوعك لاني انا كمان كنت متغاظة اوي وبجد متنكدة وياريت كلنا ندعيله عشان احنا الناس اللي بتحبه بجد واكيد الحب دا مش من فراغ

يا جماعة انا نفسى والله تسيبوا اللى يتكلم يتكلم طالما احنا واثقين
فى عماد وهو طبعا محل ثقة كبيرة وعشان يعرفوا انا هو نجم مصر الاول
ونجم الاهلى الاول مهما قالوا ومهما عادوا خيهم متغاظين برده هو الاول

شكرا ليكم كلكم
و عندكم حق سيب اللى يتكلم يتكلم طالما على رايك يا هبة هما فاهمين الكورة على انها حاجة مدورة تعبير فى الجون بصراحة

وان شاء الله ربنا يوفق المنتخب كله انهاردة يا رب و يفرحونا ان شاء الله

طبعا يا مريومة بس للاسف الناس اللي فاهمة الكورة كدا كتير وربنا يعينا منهم بجد وفعلا اللي يتكلم يتكلم ان شاء الله ربنا هو اللي هينصفه ومن بعد ربنا احنا اكيد وراه وبنشجعه دايما

ميرسى يا مريومه على الموضوع الجميله و متعب احسن مهاجم فى العالم

متعب أحسن مهاجم فى العالم
ومين قالك يا مريومة ان اللى بيشكك فى متعب ده بيفهم كووووووووورة
دول بس أعداء النجاح وبيهدوا كل نجاح وعايزين الناس
تهتم بيهم وبس

و حياة ربنا الناس اللى بتقول كدة بجد والله ولا يفهموا مبادئ الكرة الاساسية اصلا

اقسم بالله مش علشان انا بحب كابتن عماد

ولا علشان احنا عشاقه

بس انا عايزة اقول ان متعب من اوائل الناس اللى بتأدى دورها كويس جدا جدا فى الملعب و من اواائل الناس اللى متعرفش تمسك عليه غلطة فى الملعب
ومن اوائل الناس اللى بتتعب اوى اوى فى الملعب

و بجد انا متابعتى لمتعب من زمااان جدا بقول ان متعب لاعب عنده ضميييييير اوى فى لعبه

بيحب ينفذ كل حاجة مطلوبة منه بالظبط وكماااان لو شاف ان فى حاجة هيزودها بتفيد اكتر بيزودها

ماااشى عارفين ان الاجوال اهم حاجة فى الكرة وان الكرة اجوال

بس عمر ما الجول هييجى الا لما يكون فى ناس زى متعب كدة فى الملعب بتحركاته و ضميره ده

متعب بجد من غير نقطة مجاملة فنااااااااااااااااااان بمعنى الكلمة

بيعرف ياخد من الكرة اللى هو عايزه بجد

بيعمل كل حاجة فى الكرة بجد

ربنا يحميييييييك يا متعب يااااااااااااااااااااارب

و احنا ولا بيهمنا من اى كلااام بيتقال على متعب

لان احنا لو قعدنا نعيد و نزيييد هيبان ان مش عندنا ثقة فيه

بس احنا ثقتنا فى متعب تفوووووووووق كل الافاق

ثااااااااااااااااااااااااانكس جدا يا مريومة على الفرصة اللى ادتهالنا كلنا ان احنا نتحوار مع بعض علشان متعب

اكيد دول مبيفهموش فى الكورة مليون فى المية
متعب هو الاساس فى البطولة دى بعد ربنا لاسباب كتيرة جدا
1 صاحب هدف التعادل فى مباراة نيجريا
2 صاحب الهدف التانى فى مباراة بنين (وده انا باعتبروه هدف صعب جدا ومش اى حد يجيبه)
3 هو السبب فى جون جدو فى الكاميرون بعد ما ضغط ع المدافع وخلاه يرجع الكورة غلط
4 السبب فى ضربة الجزاء وتسبب فى طرد المدافع
كل ده وبيقولوا معملش حاجة

ملحوظة هامة جدا (العمدة مشارك فى هدف النهائى رغم انه طلع قبل الجون ما يجى لانه لولا ماهو طلع مكانش جدو نزل )

والحمد لله متعب واثق من نفسه ومش بيهتم بالناس دى
وكلنا بنحبك ياعمده ووراك