متعب يقترب من الدورى البلجيكى .. ويرفض عرضين إنجليزيين

صرح نادر شوقى وكيل أعمال اللاعب عماد متعب نجم النادى الأهلى بأن اللاعب يقترب من نادى ستاندر ليج بطل الدورى البلجيكى فى الموسم المنتهى .
وذكر وكيل أعمال اللاعب أيضا أن العرض وصل بطريقة رسمية من يومين تقريبا و أنه لا مجال أخر غير الموافقة فى ظل ضعف العروض الأخرى ، وهى من كوينز بارك الإنجليزى ونادى أخر والناديين يلعبان بالدرجة الثانية فى الدورى الإنجليزى .



لذلك قرر اللاعب بعد التفكير الطويل فى الإتجاه إلى العرض الأقوى فى وسط هذه العروض وهو النادى البلجيكى ومن المقرر أن يسافر اللاعب فى الأيام القادمة إلى بلجيكا لإمضاء العقد .



لم تذكر أى تفاصيل عن العرض الرسمى من الناددى البلجيكى لعدم إكتمال الصورة بعد ، ومن المعروف أن متعب قد أنهى عقده هذا الموسم مع النادى الأهلى ورفض التجديد مع النادى لمرات عديدة ، وسيكون إنتقاله لأى نادى أخر صفقة إنتقال حر .

يا جماعة الخبر موجود علي كل المواقع والمنتديات وفي كلام ان خلاص المفاوضات وصلت للمرحلة النهائية وان متعب رايح 3 مواسم انا هتجنن ومش قادرة اصدق

ان شاء الله يكون تمهيدا لانتقاه لنادي أكبر
متعب لازم ياخد فرصته

فعلا لاخبر موجود فكل المواقع ربنا يستر انا بجد مش عايزه يروح هناك
الله يسامحه نادر شوقى وكيل اعمال فاشل يعنى مش عارف يجيب عرض عدل مش فالح غير فى التصريحات وبس

بس بردوه ارجع واقول احنا وراك ياعماد فى اىحته تروحها وهنشجعك بقلوبنا لحد اخر يوم فى عمرنا ربنا يكتبلك اللى فى الخير ويكرمك دايما يااااااااااااااااااااااااااااااااب

هي الناس زعلانة من الدوري البلجيكي ليه احمد حسن كان متألق هناك اوي وهو دوري قوي وبيتشاف كويس خلينا ندعيله ونشجعه وهو طبعا احنا متفقين انه يستاهل احسن النوادي في العالم لانه لاعب ذكي وموهوب جدا بس لازم نشجعه في قراره اي كان هو ايه

يا جماعة اهم حاجة يكوون عماد مبسوط
بس هو فعلا موجود فى كل المواقع وكل حتة

الدورى البلجيكى فعلا ممكن مش يكون فى نفس مستوى انجلترا واسبانيا

بس برضو النادى اللى عماد هيروحه قوى جدا وبطل الدورى وان شاء الله متعب ياخد

معاه بطوله واكيد متعب هيلعب فى دورى ابطال اوربا اقوى بطوله فى العالم

ودى هتبقى حاجه كويسه جدا ليه وان شاء الله تبقى محطه كويسه انه بعد كده يروح نادى كويس واحسن بكتير

ربنا يوفقك ياعمده يارب