اتهامات متبادلة بين متعب والأهلى بسبب ستاندرليج البلجيكى

لم يكد يعلن عماد متعب مهاجم الأهلى والمنتخب الوطنى، انتقاله رسمياً لنادى ستاندرليج البلجيكى لمدة موسمين حتى اندلعت حرب الاتهامات بين اللاعب ومسئولى الأهلى.

وكان متعب قد عقد أكثر من جلسة مع مسئولى الأهلى خلال الساعات القليلة الماضية لتجديد عقده مع الأهلى، لكن هذه المحاولات فشلت، فأعلن اللاعب انتقاله رسمياً للنادى البلجيكى.

مسئولو القلعة الحمراء اتهموا متعب بأنه استغل الأهلى ليكون "كوبرى" يرفع من خلاله عرض ستاندرليج من 500 ألف يورو إلى 750 ألف يورو وذهب مسئولو الأهلى إلى أن اللاعب لن يكون جاداً فى إبداء رغبته فى التجديد.

متعب من جانبه اتهم إدارة الأهلى بالتقليل من شأنه عندما عرضت عليه مبلغاً ضئيلاً للغاية من أجل التجديد لا يتناسب مع وضعه الحالى كمهاجم أساسى فى المنتخب الوطنى والنادى الأهلى.

وقال اللاعب، إن العرض الذى قدمه له المهندس عدلى القيعى مدير التعاقدات بالأهلى خلال جلستهما معاً أمس كان سيئاً للغاية، لذا قرر التوقيع للنادى البلجيكى.

انا مش متاكده من صحه الخبر
بس معتقدش ان متعب يعمل كده

لا طبعا مستحيل عماد يعمل كده
هما هيألفوا ولا ايه
على فكره دلوقتى الاعلام مش لاقى حاجه يتكلم فيها
عماد ميعملش كده مع الاهلى
وبعدين عماد مش فارقه معاه الفلوس
هو من الاول عايز يحترف
دلوقتى يقولوا مسئولين الاهلى يقولوا استغل الأهلى ليكون "كوبرى" يرفع من خلاله عرض ستاندرليج من 500 ألف يورو إلى 750 ألف يورو
لا طبعا
ولا هو عشان عماد مش بيحب يتكلم فى الاعلام كتير
اسلوب استفزاز يعنى ولا ايه ؟؟



لا عماد ميعملش كده
ميرسى يا قمرايه على المتابعه

لالالالالالالالالالالالالالالالالا اكيد ده كلام فارغ لا يمكن متعب يعمل كده ولا الاهلي ممكن يعمل كده وفعلا زي ما هدي قالت الاعلام مش لاقي حاجة يتكلم فيها حتي كاس العالم مش ممتع فمفيش كلام يتقال فمش لاقيين غير الاهلي ومتعب

ده كلام مالوش اساس من الصحة
ومش ممكن عماد يعمل كدة ابدا
ولا ادارة النادي الاهلي ممكن تعمل كدة!!!

زى مانتى قولتى يا هدى هو استفزاز صح؟؟؟

عشان يطلع يتكلم ويرد

بس ماعتقدش عماد ولا الاهلى يعملوا كده

كلام صحافه وربنا كرهت كل الناس اللى بتتكلم على متعب حلو او وحش

والنبى يامتعب حدد موقفك بسرعه بقى وشوف هتعمل ايه عشان بجد انا احترت اوى

وانا كمان احترت وبجد خايف من وقلقان من اى كلام بيتقال على متعب وربنا يستر بجد لان الموضوع طول اوى
وياريت يا عمدة تطلع وتتكلم وتقول كل الحقيقة عشان تخرس كل الالسنة
ولو متعب كان عايز يعمل زى ما بيقولوا كان عملها من اول ما جه العرض
ربنا معاك يابنى ويوفقك واحنا وراك مهما يكون

الكلام دا بجد يحرق الدم عماد لما خرج من اتحاد جداة مصاب اصابة جامدة واتهربو منه ومن مصاريف علاجه مطلعش اتكلم اي كلمة مش كويسة عنهم وكان بيتكلم بكل احترام وبيقول احنا بينا عشرة فهيبقى معقول انه يقول كدا؟ انا مش عارفة فين عقل الناس دي وهي بتكتب والاغرب عقل الناس اللي بتصدق وترد ردود مش منطقية وبتسئ لكابتن عماد في المواقع والمنتديات التانية