ليه الهجوم على عماد متعب؟

تذكير بمساهمة فاتح الموضوع :

انا شايفة ان فيه ناس بتهاجم كابتن عماد متعب لاسباب مش منطقية تماما اولا مش ذنب متعب ان الاعلام بيتكلم عنه كتير وكل شوية يكتب خبر شكل وناس تطلع ترد وتقول انت زهقتنا يا عماد انت ممل يا عماد طيب يا جماعة هو ذنبه ايه في كل اللي بيتكتب وازاي الناس لحد دلوقتي مش مستوعبة ان الجرايد والاعلام تلت تربع الحاجات اللي بيقولها بتبقى متفبركة وملهاش علاقة بالواقع واللي مش منطقي كمان مهاجمته عشان انضم لنادي ستاندر ليج البلجيكي مع انه من اول الموسم قال انه عايز يحترف ولو جاله عرض كويس واقتنع بيه هيوافق وكان واضح جدا لا هدد النادي بالعقود اللي اتعرضت عليه من نادي الزمالك والمصري وكلنا عارفين انه اتعرض عليه مبالغ اعلى بكتير جدا من الاهلي ومن ستاندر ليج بس هو قال مش هلعب غير للاهلي مطلعش وقال الكلام دا عشان سعره يزيد ولا هو هرب في نص الموسم وحط النادي في موقف محرج كان معرفهم من بدري جدا عشان يعملو حسابهم وميكتبوش اسمه في القايمة الافريقية ولعب ماتش الاتحاد الليبي وهو مصاب ومخافش على نفسه وقبل كدا عروض كتير اوي راحت عليه بسبب انتمائه للاهلي يعني منتهى الاحترام والواحد بجد كل ما بيفكر بيحترم كابتن عماد وبيقدره اكتر وصدقوني مش بقول الكلام دا عشان انا بحبه او عشان بكتب في المنتدى بتاعه انا بقوله لان اي حد لو فكر بعقل بجد هيقول كدا حتى لو مش بيحبه استحالة مش هيحترمه وبجد كتر الكلام في انه باع الاهلي او انه بيماطل الاهلي كلام ملوش لازمة لانه كان واضح ومن زمااااااااااااان اوي ومش عماد متعب اللي يعمل كدا ياريت مكونش طولت عليكو بس انا كتبت الكلام دا لاني عارفة ان هنا اكتر ناس بتحبه وبتدعيله وعايزين نسانده في تجربته الجديدة ونتابعه اكتر كمان من الاول

ياجماعة عماد نفسه بيسمى ده حب وانا معاه لان دليل على اللى الناس بيعملو
ده وانهم مش عايزين عماد يمشى انهم بيحبوه اوى علشان كده بيتكلموا

على فكرة الاهلى استفاد من عماد استفادة جامدة جدا ومحدش خد باله منها انه لما راح اعارة لاتحاد جدة مش كانت بمبلغ كبير ولا ايه ان مش فاكر المبلغ بالظبط حوالى اتنين تلاتة مليون مش دة بردوا يعتبر استفادة منه وفى سنه واحدة عايزين منه ايه تانى لو مش عاجبهم الطريقة اللى مشى بيها يعتبروا انه مرحش اعارة ويبقى مشى بالمبلغ دة واللى بيقولوا ان الاهلى عالجه دة مش صح لان متعب دفع كل فلوس العمليه من جيبه يعنى الاهلى مدفعلوش حاجه كأنه حاسس انه هايجى اليوم اللى هايقولوا عليه الكلام دة واللى بيقولوا ان هو اللى كلم المسئولين بغرض انه يجدد لكن فى الحقيقه انه عايز يزود فلوسه من النادى التانى هو هيقعد ليه مع محمد عبدالوهاب وهو اصلا مش من مجلس الادارة يعنى ملوش علاقة بالنادى ولو هو اللى طلب انه يقعد مع حد عشان يجدد مش هيقعد مع محمد عبدالوهاب لكن محمد عبدالوهاب هو اللى كلمه وكأن الاهلى عايز يبوظ عليه الانتقال وخلاص وانا كنت متاكد ولازلت ان لو متعب جدد الاهلى مش هايسيبو يحترف لان الاهلى هايفضل محتاجله دايما وهايلعبوا عليه من الناحية لكن لازم الاهلى يجرب حد تانى لان متعب مش هايفضل علطول ويدى الفرصة لحد تانى مع انى متاكد ان مفيش حد هايجى زى عماد ابدا فياريت نوصل كلمنا لكل واحد قال او هيقول علي متعب كلمه تسىء ليه او لسمعته لان دة يعتبر اساءة لينا ولاايه يامحبى وعشاق متعب ولو كلامى مش صح ياريت حد يقولى وانا هتقبل ارائكم

لك الله ياعماد واحنا كلنا معاك وقلوبنا دايما بتدعيلك ويارب يارب يارب يبعد عنك شر الاصابات وتبقى هداف الدورى البلجيكى

هما صحيح بيستفزونا وبيرفعو ضغطنا
بس خلاص هلا ولا فارقين معي
يقولو شومابدن يقولو
هما أصلا حتى لو متعب ظل بالاهلي
ماراح يخلص من الانتقادات
لو لعب مباراة وحدة وماجاب هدف
بظلو يهاجموه تحركات وماتحركات
يعني مابيعجبهم العجب
يروح يحترف احسن ويعرفو العالم
وربنا يوفقو وياريت مانعطي أهمية لكل
واحد فاضي ماعندو لا شغل ولا مشغلة

كلامكو بجد صح والواحد نفسه يكبر للناس دي بس غصب عنه بيزعل وبيتحرق دمه وفعلا الاهلي استفاد كتير من عماد الاول لما كان بيلعب وهو اقل عقد في الفرقة وثانيا لما راح الاعارة يبقى ازاي مستفادش وهو لازم عماد يفضل طول عمره في الاهلي وميبقاش ليه اي طموح عشان يبقى افاد الاهلي ولما لعب وهو مصاب وجاب جون عالمي وفتح للاهلي الماتش مكانش بيفيده ؟ انا بس صعبان عليا ان عماد كان بيعمل كل دا ومتوقع ان الكلام دا هيتقدر بس اكيد هو مصدوم من اللي بيتقال ومستغرب ربنا معاك يا عمدة وكل اهلاوي محترم وبيفهم اكيد معاك اما الباقي فليهم ربنا عشان دي ناس معندهاش عقل وما بيصدقو يشمتو فيك كأنك قتلت حد من اهلهم من كتر الحقد اللي في قلوبهم