اهتمام إسرائيلي برفع دعوة قضائية ضد "متعب "لسحب الجنسية المصرية منه

اهتم الإعلام الإسرائيلي بالجدل المثار حول موافقة المهاجم المصري عماد متعب على اللعب بنادي ستاندرلييج البلجيكي ( والذي انتقل إليه من النادي الأهلي لمدة موسمين وثالث اختياري) رغم علمه بتواجد لاعب إسرائيلي بالفريق.

وكان الإعلام العربي قد انتقد متعب بشدة بسبب موافقته على اللعب بجوار المدافع الإسرائيلي رامي جيرشون في صفوف ليج, وهو ما نفاه وكيل اللاعب نادر شوقي الذي أكد أن اللاعب كان معارا للفريق في الموسم الماضي وانتهت فترة إعارته وعاد إلى فريقه هابويل ربشون لازيون.

وقال "نير ياهف" معلق الشئون العربية بموقع "والاه" الإخباري الإسرائيلي إن اللاعب المصري كان يعرف جيدا قبل أن يوقع على العقد مع النادي البلجيكي أنه سيلعب بجوار لاعب إسرائيلي.

وأكد ياهف على أن النقابات المهنية المصرية ومن بينها اتحاد الكرة يحظرون على أعضاءهم أي نوع من التطبيع مع إسرائيل احتجاجا على السياسية الإسرائيلية تجاه الفلسطينيين.

وكان المحامي الشهير نبيه الوحش قد رفع دعوى قضائية ضد متعب مطالبا بإسقاط جنسيته المصرية بعد موافقته للعب بجوار إسرائيلي ما يعني قبوله للتطبيع مع الكيان الصهيوني.

كما قدم النائب جمال زهران عضو مجلس الشعب طلب إحاطة يطالب فيه بإسقاط جنسية متعب وشطب اسمه من سجلات اللاعبين المصريين في اتحاد الكرة.

يشار إلى أن موقع "ون" الرياضي الإسرائيلي ذكر أن اللاعب الإسرائيلي رامي جيرشون البالغ من العمر 22 عاما سوف ينتقل للعب في فريق كورتريك البلجيكي بعد أن أنهى هذا الموسم بنجاح في نادى ستاندرد ليج.

يذكر أن هذه القضية تأتي في الوقت الذي تثار فيه أيضا إحالة الفنان خالد النبوي بعدما شارك مع الفنانة الإسرائيلية "ليزار شارهي" في الفيلم الأمريكي اللعبة العادلة والذي عرض بمهرجان كان مؤخرًا، وهو ما نفاه أشرف زكى نقيب المهن التمثيلية ورئيس اتحاد الفنانين العرب، والذي أكد أنه سيتحدث مع النبوى بشأن هذا الأمر، ومعرفة ما إذا كان النبوى على علم مسبق بجنسية الممثلة من عدمه، على أن يتم عرض الأمر على مجلس إدارة النقابة لاتخاذ قرارها النهائى بشأنه.

ياريت ياشريف تسيب الموضوع
ومتلغهوش مش لازم كل الموضيع تكون مع متعب
انا نزلته عشان نتناقش فيه
وانا اول واحده ضد الكلام ده ومتعب معملش
حاجه تستدعي كل ده احترف زيه زي اي حد
وان كان فيه اعتراض فهو ان متعب يستحق احسن من كده

الحمدلله..يعني كتعب كدة بالسليم
ربنا يحماك يامتعب ويوفقك ويجعلك هداف الدوري البلجيكي
قولوا أمين...
وميرسي الاميرة عالموضوع الجميل

يا جماعة خلاص الموضوع خلص واحنا اتأكدنا ان مفيش لاعب اسرائيلي ولا حاجة

ميرسي اميرة علي المتابعة

يشار إلى أن موقع "ون" الرياضي الإسرائيلي ذكر أن اللاعب الإسرائيلي رامي جيرشون البالغ من العمر 22 عاما سوف ينتقل للعب في فريق كورتريك البلجيكي بعد أن أنهى هذا الموسم بنجاح في نادى ستاندرد ليج.


طيب يعنى حلاص مفيش زفت طيب ليه كل الهوجة ديه حسبى الله و نعم الوكيل

حسبي الله ونعم الوكيل بصراحة ناس فاضية مورهاش حاجة غير تسيء للناس ايه ده كل هادا حقد عمتعب هوا عمل الهم ايه

دلوقتي بقى هيطلعو يقولوكو ايه ازاي متعب يروح نادي كان بيلعب فيه واحد اسرائيلي ويلعب مع لاعيبة كانت بتلعب معاه ازاي يدخل اودة اللبس اللي كان بيدخلها الواد دا ولا ازاي يمشي في نفس الشارع....... يارب ارحمنا بقى من الاعلام وبلاويه والناس اللي دماغها تعبانة كفاية الحر اللي احنا فيه دا

والنبى يسيبوا متعب فى حاله
ما يلعب ويلقوا حد زقت زى مابيقولو
بيقوا يتكلموا
ياساتر ع الناس الفاضيه
ربنا يحرسك يامتعب
خلاص

بليز انا عايزة اعرف الموضوع بالتفصيل لان انا مش فاهمةحاجة هوده مجرد كلام لناس فاضية عايزة تشوه صورة عماد وخلاص ولا اللاعب ده فعلا لسه بيلعب في النادى

ربنا معاك يا عماد