انا اهلاوية جدااااااااااااااااا ولكن

انا متعصبة جداااااااااااااااا للاهلي لدرجة ان الكل بيقول علياان تعصبي اعمى واني موافقة الاهلي على كل حاجة من غير تفكير بس فيه حاجة غريبة بقالنا فترة كبيرة جدا بنسمع هجوم على متعب من الصحافة الاهلاوية وبعض الجمهور على الرغم من انه مشي بطريقة محترمة مع انهم قبل كدا في موضوع الحضري الكل طلع وقال احنا معندناش مانع يحترف بس يخرج بطريقة محترمة عن طريق النادي او لما عقده يخلص ويكون واضح عشان ميحطناش في موقف محرج في نص الموسم وعماد عمل دا قال من الاول ومشي بعد ما عقده خلص ثانيا دلوقتي الجمهور كله حاطط امل رهيب على جمال حمزة وجدو وبيشجعوهم بجنون وبيشكرو اوي في قرارهم بانهم انضمو للاهلي مع ان جمال حمزة دا جاي من نادي منافس عاش ولعب فيه طول عمره واتربى فيه عمل اللي عماد رفضه رفض قاطع رغم الملايين الكتير اوي اللي اتعرضت عليه مرضاش يروح لمجرد انه نادي منافس وجدو اللي الكل عارف انه ماضي للزمالك بطريقة غير شرعية الاهلي دخل في الصفقة وتقريبا نجحت ومبروك طبعا لجدو وللاهلي وان شاء الله يتألق بس انا بتكلم على الازدواجية الغريبة اللي بنتعامل بيها بنهاجم لاعب عشان احترف في نادي بعيد عن ناديه وفي قارة تانية اصلا وبنشجع لاعب راح للمنافس التقليدي للنادي اللي اتربى فيه انا بحب الاهلي اوي ولما متعب احترف في اتحاد جدة كنت بشجع الاهلي اكتر كمان من وجود متعب بس طريقة التعامل غريبة ومش احترافية بالمرة والاغرب ان للساعة دي بنسمع عن اخبار الاعب الاسرائيلي اللي هو مش موجود اصلا وكأن فيه بعض الناس مصصمة على تشويه صورته بدون اي سبب وعلى فكرة فيه موضوع في اخبار الرياضة الاسبوع دا اسمه (فشل حملة تشويه متعب)ياريت لو حد يعرف يجيبه واخيرا عايزة اقول لكا اعضاء المنتدى اني بموت فيهم وانهم الحاجة الوحيدة اللي بتبقى حلوة في اليوم والحاجة والحاجة الحلوة الوحيدة اللي الواحد ممكن يشوفها على النت

والله كل كلامك صح
أصل بعض الجمهور تصرفهم على طول هيك
وحتى لما متعب مابجيب أجوان بالمباراة
بهاجموه بقوة
بس ازا لعب مباراةوجاب هدف
بتلاقي كل الناس معو
يعني شغلة عادية بالنسبة لبعض جمهور الآهلي
وتعودنا عليها

ايوه يابنتى واللهى ااعلام بتاعنا بالزات مش الجمهور بس من نوع معاهم معاهم عليهم عليهم
يعنى مثلا عماد بيبقى هايل فى الماتش وعمل كل حاجه
لكن ماكنش فى توفيق انه يجيب جون بتلاقى الكل ضده
وفى ماتش الاتحاد الليبى كان موفق وجاب جون هايل بقى عالمى
والكل بقى بيمدح فيه


ميسى يا قمر على التوبيك

عندكو حق فعلا بس الواحد زهق اوي يعني خلاص معروف انه لاعب موهوب وبيفيد الفريق ومؤثر ايه الداعي ان كل ماتش اطلع برائ شكل ممكن انقده واقول انه مكانش موفق بس مجبوش الارض واقول عليه فاشل عشان دا مش اسمه نقد دا اسمه حاجة تانية انا مش عارفة الصحفي او الاعلام او اي شخص بيكتب خبر بيشوه شخص او بيسئ ليه مش بيفكر الف مرة بان دا حرام وظلم ضميره مبيوجعوش؟

اه واللهى ناس غريبه
وفعلا ده ماسمهوش نفد
فى حاجه اسمها نقد بناء لكن كلامهم ده نقد هدام
واللهى بقت حاجه تقرف
ده حتى فى مواقع ليس بتكلم فى موضوع الاسرائيلى والجنسيه تانى

انا معاكم بس جمهو الاهلى كلة بيحب متعب ومعاه
اللى ضد متعب دول شوية صحافين مش جمهور الاهلى العظيم

ياريت يا اسامة يكون فعلا جمهور الاهلي كله مع عماد عشان لما بيبقى حد من اي نادي تاني وبيهاجمه دا مبيضايقناش كجمهور متعب لانه من نادي منافس لكن لما الهجوم يجي من الاهلي دا بيوجعنا اوي لانه فعلا جمهور عظيم ويهمنا انه ميشوفش متعب بالطريقة دي ابدا

جمهور الأهلى بيعشق التراب اللى بيمشى عليه متعب اللى بيعمل كده مش اهلاوى ده انسان منافق كذاب عايز يورى الناس ازاى جمهور الأهلى ندل وانسان حاقد على متعب بسبب جماهيريته

جدوووووووووووووو و جماااال حمزة عمرهم ما هيكونوا متعب مش موهوبين زيوا بكرة نشوف انا مش اهلاوية ولا زملكاوية انا متعبية بشجع النادى اللى متعب فيه

انتوا بتنسوا جمهور الاهلي حتى اول لما اتصعد متعب للفريق الاول 2004 كانوا بيقولوا اوووووو يا متعب اوووووو يا متعب الى الان حتى لما كان في اتحاد جدة...... بالذمة مين من جمهور الاهلي بقة يكره متعععب؟؟؟؟؟؟؟؟؟؟

انا واحدة من الجمهور الكبير دا مش مجرد مشجعة لمتعب انا بتكلم عن بعض الناس مش كلهم انا طول عمري بقول عماد متعب دا دلوعة الاهلاوية من كتر ما بيحبوه وجمهور الاهلي عظيم وعاقل بس منقدرش ننكر ان فيه بعض الناس وبعض الاقلام الصحفية بتحاول تشوهه بقالها فترة كبيرة

دول صحافين اللى بيهاجموا متعب

اما جمهور لا كله بيحبه

اظن من حق اى لاعب انه يحترف والجمهور او النادى الى يقف ضده يكون وانا اصلا مش بشجع انا الفرقة الى متعب فيهابشجعها انا بموت فيه