إدارة القلعة الحمراء رفضت تجديد عقد متعب بـ11 مليون وتتعاقد مع جدو بـ16مليون جنيه

لأربعاء, 23-06-2010 - 12:13الثلاثاء, 2010-06-22 14:44 | محمد خليفة

* مصرية



في ظل الانشغال بمتابعة فعاليات كأس العالم المقامة حالياً بجنوب أفريقيا فاجأ الأهلي الجميع باقترابه من التعاقد مع محمد ناجي "جدو" لاعب الوسط المهاجم بفريق الاتحاد السكندري في صفقة قد تتخطي حاجز العشرة ملايين جنيه لأن الاتحاد سيحصل علي سبعة ملايين جنيه من الأهلي بخلاف حصول زعيم الثغر علي خدمات ثلاثي الأهلي عطية البلقاسي كبيع نهائي هاني العجيزي وأحمد علي أو "رمزي صالح" علي سبيل الإعارة لمدة موسم واحد، وذلك بخلاف ما سيحصل عليه «جدو» من الأهلي في المواسم الثلاثة والذي يصل علي الأقل إلي ستة ملايين جنيه، وبذلك يكون إجمالي الصفقه 16 مليون جنيه يأتي ذلك بعد أيام قليلة من رفض لجنة الكرة طلب عماد متعب مهاجم الفريق بالحصول علي 11 مليون جنيه لتجديد عقده ثلاثة مواسم... والسؤال الذي يطرح نفسه بقوة أيهما أفيد للأهلي متعب أم جدو.

أولا: عماد متعب يلعب كمهاجم صريح أما محمد ناجي فيلعب كلاعب وسط مهاجم في المركز نفسه الذي يلعب فيه العديد من نجوم الفريق أمثال محمد أبوتريكة ومحمد بركات وأحمد شكري وعفروتو، بالإضافة إلي الثنائي جمال حمزة وعبدالحميد شبانة الذي تعاقد معهما الأهلي مؤخراً، هذا في الوقت الذي لا يوجد فيه البديل الكفء لمتعب لانتهاء عقد أحمد بلال والذي اقترب من الانضمام لسموحة وعدم رغبة لجنة الكرة في استمرار الليبيري فرانسيس دي فوركي، وبذلك لا يوجد في خط الهجوم سوي الثنائي محمد فضل وأسامة حسني واللاعبان كثيرا الإصابات.

ثانياً: عماد متعب مستواه معروف وهو واحد من العناصر الأساسية في صفوف الفريق فضلاً عن كونه المهاجم الأول للمنتخب الوطني، بالإضافة لعدم إثارته أي مشكلة منذ تصعيده للفريق الأول، في المقابل جدو تألق في الاتحاد وهناك العديد من اللاعبين تألقوا مع فرقهم ولم يكتب لهم النجاح مع الأهلي أو الزمالك، فضلاً عن كون جدو يلعب في المنتخب كبديل بالإضافة إلي انضمامه للأهلي والمشاكل تطارده علي خلفية توقيعه للزمالك في يناير الماضي، وتوقيعه علي إيصالات أمانة بما يعني أن اللاعب لن يقدم إضافة للأهلي لأنه سيكون مشغولاً بإنهاء مشكلته مع الزمالك.

ثالثاً: التجديد لمتعب كان سيوفر لخزينة الأهلي والتي تعاني منذ أن رفع ياسين منصور - عضو مجلس الإدارة السابق - يده عن تدعيم صفقات الفريق من أزمة مالية طاحنة خمسة ملايين جنيه علي الأقل.

قدم عماد متعب كل ما لديه خلال وجوده مع الفريق وساعده كثيراً في الحصول علي العديد من البطولات وأعلنها بصراحة من قبل أنه لن يلعب في مصر لغير الأهلي.

بذلك يتضح أن تعاقد الأهلي مع محمد ناجي «جدو» ما هو إلا محاولة من القلعة الحمراء للحيلولة دون انضمام اللاعب للغريم التقليدي الزمالك وشو إعلامي كبير لمحمود الخطيب الذي نجح في التعاقد مع اللاعب رغم توقيعه للزمالك.

هقول ايه
بجد مش عارفه اقول ايه
جدو لاعب كويس اوكيه وهداف ماشى
ومؤدب تمام
لكن ايه جنب متعب لاعب دولى زكى جدا فى الملعب
مش انانى خالص المهم انه يغلط الدفاع
هوه يجيب الجون او زميل ليه مش مهم عنده
وبعدين مش انا اللى هتكلم على عماد يعنى
ده تاريخه سواء مع منتخب الشباب او مع الاهلى او مع منتخب مصر هو اللى يتكلم


بجد نو كومينت على تصرفات الاداره
ايه ده هما عايزين يضايقوه وخلاص

؟؟؟؟؟؟؟؟؟؟؟؟؟


ميرسى على المتابعه يا مريومه يا قمر

لالالالالالالا الخبر ده مش صحيح
لا الاهلى كان عارض على متعب 12 مليون
3 مليون كل سنه كل مدار 3 سنين
وانا متأكد من كده وكمان ده كان فى بدايه الكلام مع متعب يعنى اكيد زاد عن كده كتير قبل ما متعب يمضى لستاندر ليج

يا اسامه استاذ فتحى سند كان قال ان الاهلى مزودش العقد ولو زود عن11 مليون كان عماد جدد للاهلى
يعنى الاهلى مزودش العقد اصلا
وهو الكام طبع مش منطقى لان عماد مش عايز يحترف عشتان الفلوس
ولو عايز فلوس كان راح السعوديه والموضوع ده احنا اتكلمنا فيه

لأ بس بجد الاهلى مزودش عن 11 مليون بجد
ولو زودوا كانوا قالو حتى عدلى القيعى كان قال امبارح
بس متكلمش فى الموضوع ده خالص

لا انا سمعت عدلى القيقى وهو قال ان معروض على متعب 12 مليون وده كان بعد مباره الزمالك تقريبا بس الموضوع مش موضوع فلوس خاااااااالص

تمام ماشى يعنى جدو 16 ومتعب 11
ازاى يقى ؟؟؟؟؟؟؟؟؟

يلا خلاص أحسن انو متعب راح
وربنا يوفقو بستاندرليج
وأما الاهلي بتمنالو التوفيق
بس مع هيك عم حس ماراح يكون بمستواه متل الآول
بعد رحيل متعب
وكل شفنا مباراة الاتحاد الليبي
غاب متعب وخسرو ولما رجع كسبو
متعب انقذ الاهلي كزا مرة
وان شاء الله هلا ينقذ ستاندرليج
وبالتوفيق للكل
ثانكس عالخبر

عماد متعب مستواه معروف وهو واحد من العناصر الأساسية في صفوف الفريق فضلاً عن كونه المهاجم الأول للمنتخب الوطني، بالإضافة لعدم إثارته أي مشكلة منذ تصعيده للفريق الأول،بكرة هيندموااااا ان شاء الله قال جدو قال تيجى مع الهبل دبل ههههههههههههههههههه جدو هههههههههههه هو فى زى متعب ابدا مافى افى العالم لاعب زى متعوبتى

كابتن محمود الخطيب كل همه الانتخابات والدعايه وبس

بس يا شباب انا سمعت انهم 6 مليون مش 16 مليون وبعدين متعب ابن النادى وكل الأداره بيحبوه اكيد مش هيبخلوا عليه انا رافضة فكرة المبالغة فى التهنئة لجودو لأنه لاعب عااااااااادى لا يقارن بالعمده عماد متعب ومركزه ملىء بالنجوم الأحسن منها وألاهلى كان عارض على متعب 14 مليون انا اتأكدت من المعلومة ويا شباااااب متعب عند الأهلى سواء ادارة او جمهور لا يقارن بأى لاعب لأنه ابن النادى وهم كلهم مش ولاد النادى

[quote:a1d8="كريكورية المغربية"]يلا خلاص أحسن انو متعب راح
وربنا يوفقو بستاندرليج
وأما الاهلي بتمنالو التوفيق
بس مع هيك عم حس ماراح يكون بمستواه متل الآول
بعد رحيل متعب
وكل شفنا مباراة الاتحاد الليبي
غاب متعب وخسرو ولما رجع كسبو
متعب انقذ الاهلي كزا مرة
وان شاء الله هلا ينقذ ستاندرليج
وبالتوفيق للكل
ثانكس عالخبر[/quote]

هو ده الكلااام المضبوط الأهلى بلا متعب ما يسوى وهيفقد جمهووووووووور كبير بس انا بحب الأهلى عشان متعب بيحبيه وبيقول انه بيته واكيد متعب هيتابع الأهلى بيته اللى هيرجعله تانى بعد ما يخلص حلمه وهيتابع اصدقائه فى الفريق وجمهوره

ياجماعه مش عايزين نخلط الامور ببعضها خصوصا وان جدو لايلعب فى مركز المهاجم الصريح اى انه لاوجه للمقارنه بينهم ثم ان جدو فضل الاهلى على الزمالك ومن هنا يجب ان نسانده ونحترمه ثم ان متعب كان يفضل الاحتراف وقد كان ومن يعلم قد يكون هذا فى مصلحه مهاجم مصر ونجمها الاول عماد متعب الذى وبكل تاكيد سنسانده لانه اعطى للاهلى دون ان ينتظر مقابل لجهده كل تحياتى لنجمى الاول والمفضل عماد متعب ولن نقول وداعا بل سنقول الى اللقاء عند عودتك الى بيتك واهلك فى النادى الاهلى

[quote:3395="الشبح"]ياجماعه مش عايزين نخلط الامور ببعضها خصوصا وان جدو لايلعب فى مركز المهاجم الصريح اى انه لاوجه للمقارنه بينهم ثم ان جدو فضل الاهلى على الزمالك ومن هنا يجب ان نسانده ونحترمه ثم ان متعب كان يفضل الاحتراف وقد كان ومن يعلم قد يكون هذا فى مصلحه مهاجم مصر ونجمها الاول عماد متعب الذى وبكل تاكيد سنسانده لانه اعطى للاهلى دون ان ينتظر مقابل لجهده كل تحياتى لنجمى الاول والمفضل عماد متعب ولن نقول وداعا بل سنقول الى اللقاء عند عودتك الى بيتك واهلك فى النادى الاهلى[/quote]

كلامك صح متعب نجم مصر الأول وكلنا وراااه وهنشجعه ونتفرج عليييييييييه ومعاااااااك يا عمدتى زما فيش مقارنة بين متعب واى شخص لأن متعب نجم مصر كلها المفضل

بذمتك مش كده يابرنسيسه ؟ طبعاااااااااااااااا مافيش حد زى متعب لانه احسن لاعب فى افريقيا كلها

هههههههههههههههههههههههههههههههههههه

جدو 16 ومتعب 11

ههههههههههههههههههههههه

طيب والنبى تيجى ازاى انا مش عارف

بجد حاجات تضايق وتضحك فى نفس الوقت

[quote:dc8f="SheriF Met3B"]هههههههههههههههههههههههههههههههههههه

جدو 16 ومتعب 11

ههههههههههههههههههههههه

طيب والنبى تيجى ازاى انا مش عارف

بجد حاجات تضايق وتضحك فى نفس الوقت

[/quote]

انا مش عايزة اتكلم اقول جدو ده ما يستاهل لا انا مش بتكلم على كدة انا بتكلم ان ادارة الاهلى كتير مستفزة عشان تشترى لاعيبة بالملايين زى العجيزى وفرانسيس وقبله سماكة ولما يجى بن النادى يطلب السعر المناسب له يتم رفض طلبه مع ان الاهلى فى اشد الحاجة لمتعب