إعلامنا المتناقض ... ارفعوا أيديكم عن متعب

لم أرى أغرب من الإعلام الرياضى المصري في تناوله لقضية معينة ،فالإعلاميين والرياضيين المصريين قادرين وحدهم دون غيرهم على تغيير وجهه النظر في نفس الموضوع خلال مرور فترة زمينة وجيزة.

وربما يعد الهجوم الذي تعرض له المدير الفني للمنتخب الوطني ولاعبو المنتخب قبل انطلاق بطولة كأس الأمم الأفريقية 2010 بأنجولا ثم تحول هذا الهجوم بقدره قادر لـ 180 درجة لإشادة بالمستوى الرائع الذي يقدمه المنتخب و حنكة الجهاز الفني التي لا مثيل لها أكبر دليل على حالة التناقض التي يعيشها الوسط الرياضي.

الأمر ذاته هو ما يحدث الأن في قضية أحتراف متعب ، فلم نجد ناقداً رياضياٌ أو محللاً للمباريات الرياضية أو مقدماً للبرامج ألا وأتفق على انه يجب علينا توسيع قاعدة المحترفين المصرين في الخارج كما انه يجب على الأندية المصرية "وبالتحديد الأهلى والزمالك" أن تسمح للاعبيها بخوض تجربة الإحتراف لأن ذلك سيعود بالفائدة على المنتخب المصري.

أما الأن فنرى الوسط الرياضي يمارس هوايته المفضلة وهي التناقض ليصبح خوض متعب لتجربه الإحتراف هو هروب من النادي الأهلي و أنه لا يصح لمتعب الإحتراف في نادي صغير مثل نادي ستاندرليج والذي لا يرتقي لمستواه.

ولهولاء الجهلاء الذين لم يحاولوا ولو لدقيقة في البحث عن تاريخ النادي البلجيكي قبل التفوة بتلك التفاهات أقول "النادي البلجيكي الذي لا يرتقي لمستوى متعب حاصل على لقب بطولة الدوري البلجيكي 10 مرات والمركز الثاني 10 مرات والكأس البلجيكية 5 مرات والمركز الثاني 5 مرات وكأس السوبر البلجيكيه اربع مرات والوصيف مرتين ووصيف بطولة كأس الإتحاد الاوربي عام "1982".

هل نادي يمتلك هذا التاريخ المشرف والجماهيرية الكبيرة في بلاده ،لا يصلح لأن يكون المحطة الأولى للإحتراف للاعب يحترف للمرة الأولى حياته في إحدى الدوريات الأوربية، إنه النجاح بعينه أيها الجاهلون.

جرأة متعب باتخاذ قرار الإحتراف خطوة إيجابية تحسب له ،وهي أفضل من الوقوف ساكناً مثل العديد من المواهب المصرية التي لو قدر لها خوض تجربة الإحتراف لكان لها شان أخر الأن.

أخيرا أود أن أقول أن احتراف متعب لا ينقص من حبه لجماهير الإهلي ولكن كل منا في مجاله دائما ما يسعى لإن يخطو خطوة للإمام والإحتراف هو الخطوة التي اخرها متعب كثيراً ولكنها خطاها قبل فوات الأوان.

اه واللهى يا بنتى ده اعلامنا جميل اخر حاجه يعنى
ما بيصدقوا حاجه يتكلموا فيها
ومش لاقيين كلام يقولوه اصلا
فاكرين انهم بيبقوا ستارز لما يهاجموا فى خلق الله

ميرسى يا قمر على التوبيك الجامد


ربنا معاك يا عمده وانت اللى هترد على الناس دى كلها بمستواك فى الملعب
ربنا يوفقك

احتراف متعب لا ينقص من حبه لجماهير الإهلي ولكن كل منا في مجاله دائما ما يسعى لإن يخطو خطوة للإمام والإحتراف هو الخطوة التي اخرها متعب كثيراً.

وبعدين يعنى ايه يهرب من النادى ده متعب ابن النادى عالم ناقص عقل

الله لا يوفقهم اللى هاجموا متعب الله لا يوفقهم كل ده عشان الشو والشهرة على حساب انسان صاحب قاعده جماهيرية كبيرة بس زى ما العمده قال القافلة تسير وبجد كبر فى نظره لشجاعته وجرأته فى ابداء رأيه

بجد ثااااااااانكس جدا ليكى يا اميرة على النقاش ده

وبجد انا مش عارفة اقول ايه

يعنى اكيييد كل انسن فى الدنيا دى عارف مصلحته

ومتعب ما دام اختار العرض ده يبقى هو عارف مصلحته كويس

يبقى ياريت بقى الكل يسكت و مالهوش دعوى

لان الانسان لما بياخد قرار و خصوصا لما يبقى قرار جادى

مفيش حد فى الدنيا هيرجعه عنه

وخصوصا ان ده حلم انسان

اى نعم كلنا كان نفسنا متعب يحترف فى نادى احسن واحسن

بس النادى ده بالنسبة لالى مكتوب

فهو واضح عليه انه نادى كويس

ومش لازم الواحد اول ما هيقول يا احتراف يروح يحترف فى المان ولا البارسا و لا تششيلسى..etc

وانا ان شاء الله متفائلة خير ان تجربة الاحتراف دى هيستفيد منها متعب

وهتبقى فتحة خير عليه ان شاء الله

اهم حاجة عندنا انه يكون مبسوط اكيييد

ربنا يوفقه يااااااااااارب

وميرسى جدا اميرة ليكى

حلو اوووووووووووووووووي التوبيك دا ميرسي جدا يا اميرة كلام طالع من القلب والعقل مع بعض احنا فعلا في مصر بق فيه ناس كتير اوي معندهاش عقل تفكر حافظين مش فاهمين

مرسى جدا على التوبيك
والمهم ان متعب يكون مبسوط
وان شاء الله متعب هيهيص زى ما قال يونس و تكون فتحه خير عليه

جرأة متعب باتخاذ قرار الإحتراف خطوة إيجابية تحسب له ،وهي أفضل من الوقوف ساكناً مثل العديد من المواهب المصرية التي لو قدر لها خوض تجربة الإحتراف لكان لها شان أخر الأن.

وده السبب اللي بيخلي حبي لمتعب يزيد انه طموح وجرئ واللي في دماغه بيعمله عشان هو عارف مصلحته

ربنا يوفقك يا متعب يارب وتثبت لكل الناس دي انك انت اللي صح وانك غير كل الناس اللي فشلوا قبلك

التوبيك جامد هو ده فعلا الاعلام المصرى دايما بيحاول يهدم اى حد ناجح

التوبيك جامد هو ده فعلا الاعلام المصرى دايما بيحاول يهدم اى حد ناجح

هو اصلا شويه ناس فاضيه بتتكلم ف اى حاجه وخلاص
مش وراها غير الكلام الفاضى وبس
والله بيفكرونى
بقاعده الستات زمان بيتلموا كده مع
بعضهم ويقولوا احنا هنم ع مين النهارده
وتلاقيهم كلهم بيتكلموا عن نفس الموضوع ف نفس اللحظه
وكل الاراء متناقضه
خمسين رائ ف نفس الدقيقه
يعنى تقلب التليفزيون ع اى قناه تلاقى نفس القضيه هنا هى هنا
هى هنا
مش ف تغيير
وسبحان الله ممكن
تلاقى الضيف
اللى كان هنا تلاقيه بقه ف القناه اللى بعدها بعد ما يخلص
والله ناس فاضيه
فعلا
ويقولوا احنا ف عصر الاحتراف
لا هما قصدهم عصر الانحراف الاعلامى
ربنا معاهم ويكملهم بعقلهم
ميرسى ع التوبيك

توبيك روعه

ميرسى ليكى