الخطيب يسعى لإقناع «متعب» بالتراجع عن الرحيل والتجديد للأهلى

وافقت لجنة الكرة بالنادى الأهلى على رحيل الأنجولى جيلبرتو للاحتراف بأحد الأندية الفرنسية التى تقدمت بعرض رسمى للجنة، جاء ذلك عقب اجتماع جيلبرتو مع عدلى القيعى، مدير إدارة الاستثمار والتسويق بالنادى، بحضور سيد عبدالحفيظ، المنسق العام للفريق، واللذين تفهما موقفه من الرحيل رغم بقاء سنة فى عقده مع الفريق.

وأرسلت لجنة الكرة طلب قيد الرباعى الجديد محمد ناجى جدو ومحمود أبوالسعود وجمال حمزة وعبدالحميد شبانة، ضمن القائمة الثانية للفريق باتحاد الكرة حتى يتسنى لها قيدهم ضمن قائمة أغسطس بالاتحاد الأفريقى قبل 17 يوليو المقبل وهو موعد أول لقاء للأهلى فى دور الثمانية أمام بطل نيجيريا، ويتبقى مكان آخر يتنافس عليه عفروتو وأمير سعيود أو لاعب أجنبى جديد.

وفى مفاجأة جديدة، دخلت لجنة الكرة فى مفاوضات جديدة مع عماد متعب لإقناعه بالاستمرار وعدم الرحيل.

والمعروف أن اللاعب وقع على عقود لنادى ستاندرليج البليجيكى ويحق له فسخها قبل إجراء الكشف الطبى.

وعرضت اللجنة على اللاعب «11» مليون جنيه فى 3 مواسم بعد أن نمى إلى علمها أنه سيحصل على 500 ألف يورو فى الموسم خالصة الضرائب.

ويتولى محمود الخطيب نائب رئيس النادى محاولات إقناع اللاعب بالعدول عن قرار احترافه فى الوقت الراهن.

وفى شأن آخر، يبدأ الفريق تدريبه الأساسى غداً الأحد على أحد ملاعب الناشئين لفريق باير ليفركوزن الألمانى، حيث غادرت البعثة أمس فى الخامسة مساء بتوقيت القاهرة.

من جهجة آخزى، تأجلت اجراءات صفقة جدو مع الاتحاد السكندرى لحين الاتفاق على كيفية سداد الغرامة المالية التى ستوقع على اللاعب فى حال اقرارها من اتحاد الكرة، وكذلك قيمة ايصال استلام النقدية، فيما تم الاتفاق على قيد اللاعب فى القائمة الأولى للاتحاد



[color:931f=red] المصرى اليوم[/color]

متعب بيحترم توقيعه ومش هيرجع وهم ما قدروش متعب والأهلى هيخسر كتير

بس ياااااااااااارب بأذن الله يقنعوه

جماعة هو متعب حيسافر امتى

عماد نفسه يخوض تجربة احتراف فى اوربا وواخد بلجيكا خطوه
ده حلمه
انا عن نفسى بقول يا ريت عماد يحقق الحلم ده
وانا مش عارفه هو بالعافيه يعنى ولا ايه ؟؟؟؟؟؟
وعماد بيحترم توقيعه فى بلجيكا زى ما احترم توقيعه فى الاهلى لاخر لحظه
ولا هما مش عايزينوا يروح عشان مش هياخدوا ولا مليم
ما كانوا بيدوه ملاليم وناس اقل منه بتاخد اكتر وهو احسن منهم كتييييييييييييييييييييييييير اوووووى


يالا ربنا معاك يا عمده
ميرسى يا قمرى على ردك

واللهى ما اعرف عماد هيسافر امتى يا مريومه
بس هو كان قال يومين او تلاته لما كان مع كابتن ايمن يونس
ربنا معاه

شباااااااااااب يلاش نهاجم الأهلى لأن متعب نفسه بيعشق النادى الأهلى ده بيته و زى ما عبدالوهاب قال متعب غير باقى الاعيبة وبيحظى بأكبر اهتمام فى الأهلى وكله هيزعل لو مشى ادارة مدربين لاعيبة وجمهووووووووووووووووور طبعا

[quote:9b2f="مريومة الاهلاوية اوى"]جماعة هو متعب حيسافر امتى[/quote]

مريومة والله مش عارفة غير انه لازم يكون هناك خلال 3 ايام عشان الناس مستاءة هناك من تأخره

[quote:7486="برنسيسة مصر"][quote:7486="مريومة الاهلاوية اوى"]جماعة هو متعب حيسافر امتى[/quote]

مريومة والله مش عارفة غير انه لازم يكون هناك خلال 3 ايام عشان الناس مستاءة هناك من تأخره[/quote]


يعنى خلاص متعوبى كلها تلت ايام ويسبنا


بالتوفيق يا متعوبى

لا طبعا الاهلى نادى كبير ومحدش يقدر يهاجمه يا قمر
وبعدين انا زمالكاويه جدااااااوبحب الاهلى عشان متعب بيحبه وبيعشقه زى ما بتقولى وكمان الاهلى كيان كبير وجمهوره عظيم
لكن لما يبقى عماد ابن النادى ويتظلم ماديا لمجرد انه مش بيتكلم كتير يبقى اكيد فى حاجه غلط


وعلى العموم الاهلى نادى كبييييييير جدااااااااا وكلنا بنحترمه  

يارب يقدر يقنعه على الأقل السنة ادي بس الاهلي محتاجله فعلا يارب وانشاء الله بعد كده يجيله عقد احسن من كده.

عماد بيحترم كلمته وعمره ماهيتراجع فى قراره
وبالتوفيق للاهلى ده حتى جايب صفقات سوبر لغاية دلوقتى
ربنا معاهم

ربنا يوفقك يا عمده يااااااااااااااااااااااارب

[quote:f793="Amal7"]يارب يقدر يقنعه على الأقل السنة ادي بس الاهلي محتاجله فعلا يارب وانشاء الله بعد كده يجيله عقد احسن من كده.[/quote]

انا نفسى فى كدة برده

ان شاء الله مايتراجع
ويكمل على مشوارو الآحترافي

يا جماعة متعب لو تراجع المرة دي يبقي تنسوا بقي الاحتراف ده خااااااااااااااااااااااااالص مش كل مرة يضيع الفرصة عشان خاطر حبه للنادي والجماهير مش كفايه بريستول سيتي وغيره وغيره والله نسيت الاسامي من كترها بجد عماد لازم يحترف دي اخر فرصة وكمان من الاخر متعب لو عايز يحترف لازم يمشي فري انا اتعصبت جدا من الحاج عبد الوهاب لما قال اصل متعب من قطاع الناشئين واحنا بنصرف علي القطاع ده كتير ايه محسسني ان متعب ده كرسي في النادي ومن حقهم يعملوه فيه اي حاجة ساعتها عرفت ليه مش بنشوف ناشئ كويس غير كل 5 سنين ما هو من الاسلوب ده هو لو متعب مش محترم ومتمسك بالفرصة كان استحمل

خلاص بدال هو من الناشئين واللي بيجي من بره بيتقدر احسن حتي لو اقل منه يبقي يسافر احسن له


ده انا لما حسبتها لقيت متعب من اول لما طلع لغاية ما راح جدة اخد من الاهلي 900 الف جنيه بسسسسسسسسسسسسس والسنة اللي راحها جدة الاهلي اخد 600 الف دولار يعني 3 مليون مصري يعني الاهلي كسب منه كتير جدا وشوفوا بقي خلال الفترة دي الاهلي ضيع كام مليون علي مهاجمين مجابوش جول واحد زي احمد حسن دروجبا والعجيزي واسمه ايه اللي في المقاولين دلوقتي ده اللي كانوا بيقولوا هيبقي زي عمرو زكي وفرانسيس وغيرهم كتيييييييييييييير

متعب عشان خاطري احترررررررررررررررررررررررررررررررف وجرب حظك وانا متفائلة ليك جداااااااا وان شاء الله هتحقق حاجات كويسة لانك تستاهل

كلامك صح واللهى
مش كل فرصه تيجى لعماد يفرط فيها
ربنا معاه وبالتوفيق ليه ياااااااااااااااارب

انا مع اهلاوية وهدى جدا محدش يقدر يختلف علىا لنادي الاهلي واهميته وعظمته بس مينفعش جدا وانا برضه اضايقت لما الحاج عبد الوهاب اتصل حط متعب في موقف محرج جدا انا كنت حاسة انه هينفجر من الاحراج ومش قادر يقاطعه ولا يقوله ان الكلام دا مينفعش عشان انا خلاص وقعت ودا لانه شخص محترم مش عايز يحرج الراجل على الهوا ومينفعش فعلا كل فرصة يسيبها عشان حبه للنادي يا جماعة افهمو احتراف متعب ملوش دعوة بحبه للاهلي ولا الجماهير هو يعني لما رب اسرة بيسافر عشان في فرصة عمل احسن في مكان تاني يبقى بيكره اهله وقليل الاصل ولغاية دلوقتي فيه ناس بتقول عماد مفادش الاهلي ازاي بس ما هو زي ما قالت اهلاوية الاهلي استفاد كتييييييييييييييير جدا من لاعب موهوب زي عماد وطبعا الاعلي فاد عماد لانه السبب في شهرته وكل دا بس الاهلي هيفضل كيان واقف على رجله بس عماد مصيره هيعتزل فلازم يحقق طموحه وحلمه ومستقبله في الفترة دي وبعدين هما مستنين لما يوقع ويقولوه طيب نتفاوض ما هو كان موجود ومرضيش يوقع في لندن وقال هرجع للنادي بتاعي الاول واختلفو معاه ومحصلش نصيب وهو وقع دا مش ذنبه اطلاقا وحقه وانا كمان نفسي يحترف وستاندر ليج مش صغير ولا حاجة هو بس مكانش موفق السنة اللي فاتت نتنمناله الاحسن طبعا والاكبر وان شاء الله دا هيحصل ربنا معاك يا عماد يارب انا والله خايفة جدا من تجربة احترافه لانها حياة جديدة في كل حاجة بس كلنا واثقين في متعب انه هيـتألق لانه ملتزم ومحترم واد المسؤلية بس عايزين نشجعه ونقف جنبه وبالتوفيق للاهلي ومتعب واسفة جدا اني طولت عليكو

ولو عماد قرر انه يقعد في الاهلي فدا يبقى عشان هو قراره باقتناع منه مش عشان هو تحت ضغط الاعلام والصحافة والجماهير لانه مبيعملش حاجة غلط فياخد قراره براحته واحنا هنشجعه في اي مكان لكن انا اتمناله الاحتراف لان دا حلمه

بعد ايه ياعمنا انت كمان

ماخلاص استحملوا بقى

ميرسى [img][ندعوك للتسجيل في المنتدى أو التعريف بنفسك لمعاينة هذا الرابط] عمدة

يا جماعه ياريت بقى ندعى لمتعب بس

وكفايه بقى هو راح يحترف

يبقى تنمنى انه ينحج ويحقق حلمه وربنا معاه بقى