الوسط الكروي في مصر بقى صعب وغريب جدا كل حاجة ملخبطة ومحدش فاهم حاجة فيه توتر وشحن مش مفهوم انا كل ما بشوف اللخبطة دي بقول يارب متعب يحترف فعلا ويبعد عن جو التوتر دا ويعرف يركز في مستقبله والاعلام الرياضي في مصر كمان بقى صعب جدا ومش بس الرياضي الاعلام في مصر كله بقى حاجة مش معقولة الا قلة من المحترمين اللي بنقدر نثق فيهم فعلا انا بقيت دلوقتي بدخل على المواقع اشوف اخبار الكورة في مصر ايه مببقاش فاهمة اي حاجة وناس كاتبة اخبار غريبة مفيش عقل بشري يصدقها ومحدش بقى يراعي اي مصداقية في الكلام انا مش بتكلم على متعب بس انا والله انا بتكلم عموما انا بقيت اخرج من اي موقع رياضي مش فاهمة حاجة وكاني بقرا مذكرة تفسيرية في الفلسفة انا حاسة ان الوقت اللي احنا فيه دا اكتر وقت عدى فيه قلق وكلام مش منطقي بيحصل دا انا ممكن الاقي الخبر وعكسه في نفس الموقع ربنا يحرمنا من انصاف الاعلاميين والصحفين واي حد بيحاول يخدعنا ويضحك علينا باخبار ومعلومات مش حقيقية
موضوع: الوسط الكروي في مصر 
الخميس يوليو 01, 2010 10:31 pm
