ليه احتراف متعب ديما مهدد بالفشل ؟

السلام عليكم
اخباركم ايه يا احلي اعضاء في احلي منتدي؟

هدخل في الموضوع علطول عشان مطولش عليكم
بس ديما بيجيلي احساس ان متعب ملهوش نصيب في الاحتراف وان ربنا مش كاتب له انه يحقق حلمه ويحترف بس ديما بحاول اكذب نفسي وابطل تشاؤم بس بجد اللي بيحصل اليومين دول خلاني ارجع احس الاحساس ده تاني

اصلا اللي خلاني افكر كده من زمان لما موضوع ساترن الروسي وموضوع بيرستول سيتي فشلوا بغرابة شديدة ومن غير ما يكون لمتعب اي ذنب
وكمان سمعت نادر شوقي مرة بيقول ان قبل ما متعب يتصاب في جدة كان في كلام شبه رسمي انه ينتقل لنادي انجليزي بس طبعا الاصابة قضت علي الموضوع تماما
وكمان ماتش انجلترا لما كنا حاطين امل ان متعب يتألق ويعرض نفسه لكن للاسف مظهرش ب10%من مستواه حتي
وكمان كاس العالم اللي ضيع منه فرصة الاحتراف في الدوريات اللي بيحلم بيها
ودلوقتي حتي عرض بلجيكا شكله هيبوظ او حتي لو كمل ان شاء الله برضه مش ماشي طبيعي مع ان متعب لاعب حر يعني المفروض الموضوع مياخدش كل الوقت والتصرحات المتناقضة دي ده حسام غالي فسخ عقده وجه مضي للاهلي وادرب في اقل من اسبوع

بجد نفسي احساسي ده يطلع غلط ويارب يكون ربنا شايل لمتعب حاجة كويسة تعوضه عن كل اللي بيحصله ده

معاااااااااااااااااكى حق فى كلمة قولتيها

احم احم انتى بصراحه قولتى كل اللى اانا حاسس بيه
بس بكذب نفسى بس مش عارف ليه حاسس بده

بس برده احنا ليسة مش عارفين الراجل حيحترف ولا لا والله اعلم المهم الخير فين يروحله عماد ياااااااااااااا رب

انا كنت لسه عايزة اسال نفس السؤال ده؟ ومش لاقيه اى اجابة

لو موضوع بلجيكا دا كمان فشل هأبطل تفاؤل عشان كل مره بأقول يمكن ربنا شايله حاجه أحسن
ربنا يحقق له حلمه ان شاء الله ويطلع من بلجيكا علي انجلترا أو اسبانيا
ياااااااااااااااااااااااااارب

ربنا معاك يا عماد يا ررررب ويوفقك وتحترف وانا عارفة مين السبب فى ان كل مشروع احتراف لعماد يفشل

انا خايفة عماد يندم ازا احترف بستاندرلينج مش عارفة ليه عندي احساس انه رح يندم بس يارب يطلع خطا

انا كمان بسأل نفسى السؤال دة كتيروكنت بقول اشمعنا هوة بالذات ان مواضيع احترافه بتفشل
بس اكتشفت بعد كدة انها بتفشل عشان ربنا بيحبه
ايوة عشان ربنا بيحبه وما بيخلهوش يروح اى مكان ممكن تحصله فيها اى حاجة
لو بصينا كدة هنلاقى
1- احتراف فى ساترن الروسى وكان النادى ساعتها فى المركز الخامس ولقينا الموضوع فشل
لكن لاقيت الفريق دة فى الموسم اللى بعده رجع للمركز ال12

2- احتراف فى بريستول الانجليزى وكان فى الدرجة التانيه وبينافس على الصعودولقينا بردوا الموضوع فشل
لكن الموسم اللى بعده النادى ماصعدشيعن لو منعب كان راح ماكانش هيصعد بالفريق زى ماكان بيتمنى

3- احتراف فى اتحاد جدة لكن الحمدلله الموضوع كمل والنادى خد الدورى ومتعب تانى هدافين الدورى ولولا الاصابه كان ممكن
يبقى الهداف


يبقى ربنا كان بيشله الخير ويخليه فى المكان اللى اكيد هيعلى فيه

عشان كدة ربنا اكيد شايل كل خير لمتعب وان شاء الله لو احترف اكيد فيه خير ليه
ولو قعد بردوا فيه الخير ليه

فيارب المكان اللى فيه الخير لمتعب يروحه
ويارب يوفقه ويكرمه وان شاء الله بيقى هداف الدورى

عندك حق والله انا حاسه انهم بيحربوا كل الموهوبين الى فى مصر انا مش عارفه ليه هتسالونى هما مين هقولكم اعداء النجاح وربنا يوفق عماد فى مشوار حياته الكرويه والمستقبليه

ربنا يوفقه ويثبت نفس
ويارب الاحساس ده يطلع غلط
لان بجد نفسي متعب يحقق حلمه ف الاحتراف ويتالق

يا جدعان متقلقوش كل واحد مكتوب له حاجه هيشوفها وانا ان شاء الله حاسس ان متعب هيبقى هداف الدورى البلجيكى ويروح انديه اوروربا الكبيره قولوا امين

ميرسي ليكم 3 الردود

وربنا يوفقه مع ستاندرلييج ياااااااااااارب