منع متعب من السفر بسبب التجنيد .. وازدياد فرص بقائه في الأهلي

زادت فرص بقاء المهاجم الدولي عماد متعب في البقاء في صفوف الأهلي بعدما قامت سلطات أمن مطار القاهرة بمنع اللاعب من السفر إلى بلجيكا صباح الثلاثاء للالتحاق بمعسكر فريقه الجديد ستاندر لييج بسبب عدم حسم موقفه التجنيدي.

وقال نادر شوقي وكيل اللاعب في تصريحات خاصة لـFilGoal.com: "فوجئنا أثناء إنهاء اجراءات سفرنا إلى بلجيكا بمنع متعب من السفر بسبب أنه مطلوب للتجنيد في شهر فبراير المقبل".

وأضاف شوقي "سنذهب أنا ومتعب اليوم (الثلاثاء) إلى منطقة التجنيد لمعرفة موقف متعب ومحاولة حل الأزمة بصورة ودية وفي أسرع وقت لكي يتمكن من السفر إلى بلجيكا".

وأبدى وكيل اللاعب استيائه من الموقف الذي تعرض له متعب، كما لم يخف قلقه من أن تؤثر هذه الأزمة على مشواره الاحترافي في بلجيكا.

وكان محمود الخطيب نائب رئيس النادي الأهلي قد أكد في تصريحات تليفزيونية أن متعب قد يستمر في الأهلي وأن لجنة الكرة ستحسم قرار بقائه خلال 48 ساعة مشيرا إلى علمه بوجود مشكلة خاصة به في التجنيد قد تعيقه عن السفر.

وكان متعب قد وقع عقدا رسميا مع ستاندر لييج لمدة موسمين، وهو ما قد يعرضه لعقوبات من جانب الاتحاد الدولي (فيفا) في حال تراجعه عن تنفيذ العقد.

امااااااااااااااااال سافرتووووووووووووووووه ازاى قبل كدة و الواد طلع التاشيرة ولا اديتلوه تاشيرة مضروبة

ايه ده يعني دلوقتي اتزكروا حكاية التجنيد دي، والله مهزلة.
على فكرة انا حاسة انه اعضاء النادي الاهلي كانوا عارفين بالحكاية دي لأنهم كل مرة كانوا يطلعوا ويقولوا حاسين انه متعب باقي بالاهلي يعني اكيد كانوا عارفين حاجة زي كده، والله ربنا يعينك يا متعب وربنا معاك.

و الله حراااااااام ارحموه ربنا رحمكم كل شوية يطلعولوا موضوع جديد

مرسى يا مريومة يا عسل على التوبيك وربنا يقدم اللى فيه الخير

انا مش فاهمة حاجة خالص متعب سافر ولا لأ

لأ لسا ما سافر حسب الاخبارات اللي موجودة عالمواقع

ربنا يوفقه ويحل مشكلته

جماعة التعليقات هلى الخبر ده فظيييييييعة بجد تفطس من الضحك صراحة احلى حاجة ان الاهلاوية والزملكاوية مش عجبهم اللى بيحصل و ديه حاجة حلوة
خشوا اقروا التعليقات

[ندعوك للتسجيل في المنتدى أو التعريف بنفسك لمعاينة هذا الرابط]

لا حول ولا قوة الا بالله

اومال كنتوا بتدوله التاشيرة لية ان شاء الله

مادام انتوا عارفين انه عنده جيش مكنتوا تقولوله

ده ايه اللخبطة دى بقى

ان شاء الله يا متعب تسافر

[quote:e1f6="اهلاوية بقوة"]لا حول ولا قوة الا بالله

اومال كنتوا بتدوله التاشيرة لية ان شاء الله

مادام انتوا عارفين انه عنده جيش مكنتوا تقولوله

ده ايه اللخبطة دى بقى

ان شاء الله يا متعب تسافر[/quote]


ما هى ديه مصر هى ديه مصر هى ديه مصر

هى ديه الحكومة المصرية هى ديه هى ديه انها توقف حال ايه حاجة يعدل مصر حسبى الله ونعم الوكيل
و الكلام ده مش بس على متعب ده على ناس تانية كتير يجليها فرصة للعمل بالخارج يطلعوله حكاية التجنيد ديه

طب يعنى سفر اذاى قبل كده
وليه كابتن نادر الفيلسوف معرفهوش حاجه زى كده؟؟
انا تعبت

[quote:0f6f="silver_shadow"]طب يعنى سفر اذاى قبل كده
وليه كابتن نادر الفيلسوف معرفهوش حاجه زى كده؟؟
انا تعبت[/quote]

اييييييييييييييوة نادر بيه افندى ممكن يطلعلنا تصريح من تصريحاته و يقولنا موقف متعب دلوقتى ايه و ايه اللى المفروض حيتعمل عشان يتم تجنيب تعرضه لعقوبات من الفيفا

ههههههههههههههههههه

لما نشوف اخر الموضوع دة ايه الواحد خلاص

ربنا ينتقم من كل ظالم
وربنا معاك يا متعب

انا قلت زي ما قلتي يا مريومة ازاي يعني لسه مسافر الاسبوع اللي فات ودلوقتي مينفعش حاجة تحير بجد!!!!!!!!


ميرسي 3 الخبر

بجد تعليقات الناس في في الجول عجيبة اصل مش معقول يعني الاهلي فعلا هيعمل حاجة زي كده الموضوع مش مافيا وادارة الاهلي اكبر من كده بكتير وكمان مش فاكرين برضه لما عماد طلع تأشيرة المانيا عشان يروح لدكتور ماير برضه حصل مشاكل عشان التجنيد ان شاء الله خير والموضوع يتحل

هقول ايه غير ان دمى اتحرق
حسبى الله ونعم الوكيل
وربنا يعينك يامتعب بجد مش عارفة انت ازاى قادر تستحمل الضغط ده كله
ربنا يقويك كمان وكمان يارب
وميرسى مريومة على الخبر

ياااااااااااااااااااخرااااااااااشى

دلوقتي عرفت ليه اللاعيبة المصريين بيفشلوا في الاحتراف تقريبا العيب مش فيهم بس العيب في كل الظروف اللي حواليهم اللي بيتحطوا فيها غصب عنهم

ربنا يقويك يا متعب 3 الظروف دي

[quote:a4ca="AHLAWYA3TOL"]انا قلت زي ما قلتي يا مريومة ازاي يعني لسه مسافر الاسبوع اللي فات ودلوقتي مينفعش حاجة تحير بجد!!!!!!!!


ميرسي 3 الخبر[/quote]

فى ناس قالوا ان لو سفر سياحي مدته اسبوع بس وراجع
اما لو هيسافر ومحدد اقامته سنه هنا المشكله وطلبه يترفض

تعرفي ان ممكن يكون كده فعلا لانه لما كان في برنامج هنا القاهرة مصطفي يونس قاله وطبعا تأشيرة 15 يوم وسينجل وكده قاله اه

ياربي بقي بجد لو الموضوع ده باظ انا هؤمن ان ربنا مش كاتب لمتعب الاحتراف فعلا بجد العقبات اللي ربنا بيحطها في الموضوع دي بتقلقني وبحس انها انذرات لمتعب عشان يتراجع ربنا يستر يااااااااااااااااااااااااااااااااااااااااااااارب

ربنا معاه انا مش عارفه هو دخل الجيش ولا لاء بس لو مدخلش يبقى هيبقى فى الاهلى المده الى هيقضيها فى التجنيد ولو دا كذب ودى اشاعات يبقى هيروح ستاندرلانج وربنا معاه ويوفقه واحنا وراه وبنسانده

انا زيك يا مروة برضه بحس ان ربنا مش عايز متعب يطلع بره مصر
وكل مرة تحصل حاجات اما تلغى الاحتراف او تحصل مشاكل
مرة يتصاب ومرة يتمنع من السفر
انا بجد بقيت احس بتشائم من الاحتراف

انا برضه حاسه بجد ان ربنا مش عايز متعب يحترف
مش عارفه هوه انا حاسه كده علشان كذا مره والحكايه تتعقد وربنا طبعا بيقدر حاجه لازم تحصل واكيد اللي ربنا مقدره لمتعب هوه ده اللي هيكون في مصلحته وهوه ان شاء الله اللي هيكون فيه الخير لعمده سواء قعد مع الاهلي او سافر وراح ستاندرليج

حلو الكلام انا بقى لا هممنى ههههههههههههههه فى تلت حتت دلوقتى بتتخانق على متعب (ستاندرليج-الاهلى -ههههههههههه الجيش)انا مش يهمنى هو حيبقى فين انا بس عايزة اطمئن ان مفيش عقوبة تقع عليه لو النادى البلجيكى موافقيش يفسخ العقد انا ده اللى قلقنى ربنا يستر يااااااارب