عبد الغني : عودة متعب للأهلي الآن درب من المستحيل!

قال مجدي عبد الغني رئيس لجنة شئون اللاعبين وعضو مجلس إدارة الاتحاد المصري لكرة القدم أن عودة المهاجم الدولي عماد متعب لصفوف النادي الأهلي في الوقت الحالي بات درباً من المستحيل.

وأضاف عبد الغني في تصريحات لـ"مودرن سبورت" أن متعب قام بالفعل بتوقيع عقد مع فريق ستاندرليج البلجيكي، مشيراً إلي أن اتحاد الكرة المصري أرسل لنظيره البلجيكي البطاقة الدولية الخاصة باللاعب.

وحول إمكانية عودته للأهلي بعد تعذر سفره لظروف التجنيد قال عبد الغني "أمر صعب جداً وذلك لضيق الوقت، باب القيد سيتم غلقه الخميس المقبل، وهو الأمر الذي يهدد عودته للأهلي خلال فترة القيد الحالية".

وأضاف "من الممكن أن يعود في يناير، هذا وضع آخر، أما الآن فالأمور صعبة جداً، وما يدار الآن فهو أمر صعب تحقيقه".

وكان عدد من مسئولي القلعة الحمراء قد ألمحوا في أكثر من مناسبة خلال الفترة الماضية إلي إمكانية عودة متعب مرة أخري لصفوف النادي الأهلي.

يعني ايه الكلام ده يعني لو معرفش يسافر مش هيعرف يلعب حتي مع الاهلي يعني عقوبة من الفيفا ونص موسم ضايع من حياته حسب الكلام انه مش هيرجع غير في يناير ولا انا اللي فاهمة غلط انا حاسة اني خلاص مش عارفة افكر في اي حاجة

اوووووووف بجد انا زهقت حرااااااااااام الله يكن في عونك يا متعب وفي عوننا

ميرسي ليكي 3 المتابعة

احنا احترنا بس اهم حاجه ربنايوفق متعب

بلد مليااااااااااانه كلاااااااااااااااااااااااااااااااااااااام وبس......انا زهقت والله يكون فى عونك يا متعب

لا هو لو فعلا مقعدش فى الاهلى هيحل مشكلته مع الجيش وهيقدر يسافر باذن الله فمش هيبقى فى مشاكل وربنا يقدمله اللى فى الخير وبعدا حتى هو لو قعد فى الاهلى باذن الله مش هتتوقع عليه عقوبة من الاهلى لان التجنيد يعتبر ظروف قهرية الاعب ملوش دخل فيها فطمى باذن الله مفيش مشاكل

يااااااااااااااارب نخلص من الكابوس ده اللي كان من كام يوم حلم جميل يااااااااااارب مشكلة التجنيد تخلص ويسافر وينضم لمعسكر الفريق وكل حاجة تتحل ياااااااااااارب

حرام اللى بيحصل لمتعب عماد لاعب كبير ومن حقه يشوف مستقبله[img]

khales malat

ايه المصيبة دي حرام عليهم ولا يعني لا يطول ده ولا ده لا دا بقى يبقى ظلم والله.

ربنا معاك يا متعب

يا جماعة ممكن الاهلى يسجل اسم متعب لحد ما يحل مشكلته ده سؤال بس هل ده ممكن؟

ثوانى بس هو الخبر ده منين انا مش لاقيه يا رب يطلع كلام فى كلام

ياريت يا مريومة ينفع والله انا قلقانة اوي عليه

ربنا يوفقه وتتحل المشكلة سواء يعد مع الاهلي او يسافر

انا شايفة ان الحل الوحيد دلوقتي ان متعب يحل مشكلة التجنيد بأي طريقة ويسافر لان عودته للاهلي فعلا بقت مستحيلة اصلا كل البرامج بتتكلم ان فترة القيد هتخلص بكرة ولو في اي نادي بيخلص في صفقة لازم يخلصها بسرعة يبقي ازاي متعب هيلحق يقسخ العقد والبطاقة الدولية تيجي في يومين متهيألبي صعب جدااااااااا وربنا يقدم اللي فيه الخير

اية الظلم دة والله العظيم حرام خلاص بعد مبدء يحقق حلمة يطلع له التجنيد والله حرام انشاء الله تخلص المشكلة دى على خير وتحقق حلمك وحلمنا كلنا بأحترافك ياعمدة

يا جماعة مفيش خبر جديد عن متعب من الصبح مفيش حاجة سمعناها يا ريت حد يطمئنا او حد بيفهم فى قوانين اتحاد الكورة الفيفا هل ينفع الاهلى يسجل اسم متعب معاه السنادى من غير ما يمضى لاحد ما تتحل مشكلته مع ستنادرلاندليج

بالتوفيق لمتعب فى اى مكان يروحو

مرسيه ليكى على الخبر وربنا معاه يا رب

هو خلاص حل مشكلته وهيسافر يوم الجمعه

وهينتظم مع ستاندرلييج