خاص : مصدر : متعب يفكر في العودة لبلجيكا بعدما تخلي الأهلي عنه بسبب يارا نعوم .. واللاعب فتح خطا مع ستاندرلييج

[right]فجر مصدر مقرب من عماد متعب مهاجم الأهلي مفاجأة كبيرة حين أكد أن اللاعب يفكر جديا في العودة إلي بلجيكا وإستكمال عقده مع ستاندرلييج بعد أن وجد نفسه محاطا بالعديد من المشاكل التي لن يستطيع الخروج منها سواء من ناحية الغرامة المادية أو الإيقاف إذا ما أصر علي التواجد في القاهرة في الوقت الذي لم يلق فيه أي دعم من مسئولي الأهلي عقب واقعة تواجده مع يارا ناعوم في حفلة مكلة جمال مصر وهي الواقعة التي يقول المصدر أنها أفقدته تعاطف مسئولي الأهلي .

وأضاف المصدر في تصريح لموقع جول أن أمام متعب مهلة حتي يوم 21 من الشهر الجاري للعودة لبلجيكا وإلا فسيتحرك ستاندرلييج قانونيا ضده وهو ما جعل اللاعب يفتح خطا ساخنا مع المسئولين هناك لتقليل الخسائر التي ستقع عليه في حالة العودة وإن كانت أي غرامات ستوقع عليه بعد العودة ستكون أقل بكثير مما سيتعرض له اللاعب في حالة عدم العودة .

وهدد مسئولو ستاندرلييج باللجوء للفيفا لإسترداد حقهم بعدما خلف اللاعب تعاقده معهم وسط تكهنات بأن الغرامة المالية تصل إلي مليوني يورو في هذه الحالة مع إيقافه من 4 إلي 6 شهور

وقال المصدر أن متعب تعرض لموقف صعب في بلجيكا لم يتحدث به مع أي شخص وهو ما جعله يعود للقاهرة بهذه الطريقة الغامضة ورفض العودة من جديد قبل أن يتغير موقفه في اليومين الأخيرة من توالي الأحداث سواء في القاهرة أو بلجيكا حيث تخلي عنه الأهلي لأسباب أخلاقية بعد تواجده في حفلة ملكة جمال مصر بخلاف خسارته لتعاطف الجماهير ومع تهديد النادي البلجيكي حيث تأكد متعب بأن بقاءه في القاهرة يعني إيقافه وتغريمه وبالتالي يدرس بجدية العودة من جديد[/right]

اسباب اخلاقية انا مصدقش حاجة زى دى لان لو كان كده مكنش حسام البدرى اتكلم عليه بالشكل ده وبعدين ايه الموقف اللى حصله هناك

ثانكس

بس ياريت نعرف ايه الموقف اللى حصل له حتى علشان يكون فى مبرر لسبب عودته ومهما متعب يكون هنفضل معاه على طووووووول

مصدر مقرب ؟؟؟؟؟؟ ههههههههههههههه

والله حاجة تضحك هو ده الجديد مش كده

[quote:03d8="reporty"]اسباب اخلاقية انا مصدقش حاجة زى دى لان لو كان كده مكنش حسام البدرى اتكلم عليه بالشكل ده وبعدين ايه الموقف اللى حصله هناك[/quote]
انا كمان مش مصدقه الجزء ده
المهم انه بيفكر يرجع بلجيكا

[quote:1a88="غزل خالد"]ثانكس

بس ياريت نعرف ايه الموقف اللى حصل له حتى علشان يكون فى مبرر لسبب عودته ومهما متعب يكون هنفضل معاه على طووووووول[/quote]
و الله يا غزل انا مش عارفه
انا قريت الخبر فى موقع جول العربى فرحت ان عماد بدا يفكر يرجع تانى هو ده اللى همنى
يارب يكون فكر تانى عشان مستقبله

يارب وكل همنا ان متعب يرتاح من المشاكل وبعدين فى وسط ده كله هو اللى هيخسر حاجات كتير ومستقبله اول حاجه يارب يخلصه بقا من ده كله قولوا امـــــــــيــــــــــــن

يا دى يارا نعوم والله الست يارا اشتهرت اليومين دول شهره مكنتش تحلم بيها

اخبر دة مش صحيح وبعدين اخلاق ايه حرام عليكم دة كل اللي عارفينو بيقولوا علي وبيقوولوا فيه شعر وبيشكروا فيه وفي اخلاقه وبعدين كابتن حسام لما اتكلم مع شوبير قال ان متعب قالو هاخلص نفسي من المشكلة واكلم حضرتك وبعدين صحابو والمدرب وكل مسؤلين النادي الاهلي همااللي عايشين مع متعب وعاشروه وعارفينه وعارفين اخلاقه كويس ومش متعب اللي يتخلي عنه الاهلي وبعدين قولنا ميت مرة ان يارا نعوم دي مجرد صديقته وكمان اهم حاجة عايزة اقولهالكو علشان تعرفو وتتاكدو بس ان الخبر دة مش صح خالص ان لما نادر شوقي اتكلم قال ان المشكلة بين متعب وستاندرليج والاهلي مالهوش دخل خالص في الموضوع وماينفعش يكونلو اي دخل علشان ماتحصلش مشاكل للنادي ولمتعب اولا ومتعب عارف ومقدر كدة كويس (ههههههههههههههههههههههههههههههههههههة والله حلوة حكاية اسباب اخلاقية دي اللهي وانت جاهي ينتقم منكم يارب علشان اللي بتعملوه في الواد دة وعايزة اقول حاجة بس ان متعب عارف ومتاكد ان جمهور الاهلي وجمهور عماد متعب متعاطف جدا معاه ومهما حصل عمره ماهيتخلا عنه ابدا انه بيحبه وعارفه وعارف اخلا قه كويس جدا وعماد نفسه اللي قال كدة )( ومهما العزووول يقول هتفضل متعب وهنفضل نحبك ومعاك ووراك علي طول)(وبحبك مووووووووووووووووووووووووووووووووووووووووووووووووووووووووووووووووت يا متعب)

حلوه حكايه اسباب اخلاقيه ديه
هههههههههههههههههههههه والله حلوه
لا بجد ضحكتوني اوي والله بقالي كتير مضحكتش لدرجه اني نسيت شكلي وانا بضحك
ربنا معاه وهما العزول يقول هتفضل عمدتي علي طول
مهما العزول يقول هتفضل متعب علي طول

يعني الصورة متلعطش متفبركة زي ما اتقال ؟؟؟

لا طبعا الكلام ده غلط انا اتمني انه يرجع عشان ده احسنله لكن طبعا الكلام ده غلط اصلا حسام البدري قال ان متعب شاب محترم جدا ولاعب ممتاز والاهلي مجتاجه يبقي ازاي بقي وكمان ايه خسر تعاطف الجماهير ده اومال احنا ايه ومحمود بكر اللي قعد اخر 10 دقايق في ماتش الشرطة قاعد يقول فينك يا عماد يبقي معقول خسر تعاطف الجماهير

ميرسي3 الخبر

انا عايزة اعرف من هو المصدر واللى انتم بتقول كلام وخلاص ياريت الموضوع يتقفل احسن كفاية حرقة دم

اولا عماد مش صغير علشان يعرض نفسه للايقاف و يتغرم فلرس علشان يارا نعوم ثانيا المصدر المقرب مش هيقول خبر وحش على عماد حتى ولوكان صح والمفروض ان احنا مانصدقش على عماد الكلام ده

يا جماعه انا قولت قبل كده الوحيد اللى هيخسر هو متعب
كان لازم يرجع وانشاء الله يكون نص الخبر صح
انو عايز يرجع بلجيكا
لكن النص الاخلاقى بتاع الاهلى ده معتقدش انو صح
وثانكس ع الخبر

دة على اساس انه عيل صغير عشان يخسر مستقبله ويعرض نفسه للايقاف عشان وحده انا اول مرة اسمع عنها
وبعدين لامصدر دة مش عايز يقول نفسه كدة
ومادام هو مصدر مقرب ليه اوى كدة مقالش ليه السبب الحقيقى
وانا نفسى اعرف فين دة اللى خسر تعاطف المسئولين ولسه حسام البدرى من كام يوم بعد الحفله واللى هو المدير الفنى قايل فيه قصيدة وبعدين معتقدش فيه مدرب يحب يكون فى فرقته واحد اخلاقه بايظة!!!!!!!!!!!!!!!!!!!!!!
وفين دة خسر تعاطف الجماهير امال احنا بنعمل ايه
عشان كدة بقول ان احنا لازم نوصل صوتنا لكل الناس
اينعم بنتهزا بس دة مايجيش حاجة جمب اللى بياخدة منهم عماد
وان شاء الله الحاجة اللى يصدقوا فيها انه يرجع تانى بلجيكا ان شاالله بس عشان يفسخ عقدة ودى ويبطلوا يقولو عليه كلام ملهوش لزمه
يااااااااااااااااااااااااااااااارب اهديه لصوابه ومتشمتش الناس فيه ياااااااااااااااااااااااااااااااااااارب

هى كمان فى اسباب اخلاقيه ههههههههههه حلو اوى يا عماد كده انت بتفكر الاهلى ها يقف جنبك الاهلى مبيوقفش مع حد يا عماد

ارجع ياعمده واثبت نفسك وانشاء الله عايجيلك عروض احسن

خبر كاذب

يا جماعه ليه كلكو بصيتوا للخبر من جهه واحده
انا لما قريت الخبر قرحت لانى حسيت ان فى امل ان عماد يرجع تانى
طبعا عشان الغرامه و الايقاف اللى بيتكلموا عنهم
حكايه بقى الاسباب الاخلاقيه اللى بيتكلموا فيها دى اعتقد انها مساله محسومه لاننا كلنا عارفين عماد كويس اوى و مش مستاهله اننا نتكلم فيها اصلا
لاننا كل ما نتكلم بنكون كاننا بندافع عن عماد فى تهمه و هو اصلا مش متهم لاننا بيتهيالى عارفين عماد كويس اوى
و شكرا لمروركم جميعا

حسب الله ونعم الوكيل في الي يطلمه



ميرسي ليكي

[quote:1f5d="nehal said"]يا دى يارا نعوم والله الست يارا اشتهرت اليومين دول شهره مكنتش تحلم بيها [/quote]

والله معاكي حق انا اول مرة اسمع فيها فعلا اليومين دول، بس حرام عليهم يعني هوا رجع من بلجيكا علشان يحضر مع اللي اسمها زفت دي الحفلة اكيد في سبب بس ما حدن بيعرفوا وسبب جامد كمان ربنا يعينه

aiwa keda ya wade3

يارب الخبر يكون صح

ويرجع بلجيكا