نقلا عن الاهرام الرياضى

من وحى رمضان و مسلسلاته التى تخطت المائة مسلسل استهل كتابتى فى "الأهرام الرياضى" طبعاً بعد تقديم وافر الشكر لرئيس تحريرها على هذة الثقة التى أتمنى أن أكون على قدرها و تعالوا بنا نبدأ أولى الحكايات وهى حكاية لاعب أسمه عماد متعب تحبه كل الجماهير لأنه بإختصار موهوب وهناك إنطباع أرجو ان يظل محفوراً فى الأذهان بأنه لاعب مؤدب محتفظ بأصوله الشرقاوية حتى الأن.

وحكاية متعب أن مازال يحلم بالإحتراف فى أوربا وبالفعل حصل على أكثر من عقد أولها من بريستول سيتى الإنجليزى إلا أنه وفى اللحظات الأخيرة تراجع مفضلاً البقاء فى النادى الأهلى ويومها حملته الجماهير على الأعناق وظلت تهتف له.. ثم عاد متعب وقرر أن يخوض تجربة إحترافية فى اتحاد جدة السعودى وفيها نجاح بدرجة رائعة إلا أن سوء حظه أوقعه فى إصابة لعينة ابعدته عن الملاعب فترة ليست بالقصيرة ولكنه بعدها متألقاً مع النادى الأهلى وأسهم بقوة فى فوز الفريق ببطولة الدورى وإنتهى تعاقد متعب مع الاهلى و هنا قرر أن يخوض تجربة الإحتراف الأوربية ورغم الضغوط و الإغراءات التى تعرض لها من مسئولى الأهلى فإنه فضل السفر واللعب فى أوربا على أن يصبح ملكا فى ناديه الجديد فى بلجيكا بعد أن غختار نادى ستاندرليج ليكون محطته الإحترافية الأوربية وبالفعل سافر البطل وعقد مؤتمراً صحفياً وارتدى الفانلة رقم 10 وأبدى سعادته الكبرى بإنضمامه لهذا الفريق وأكد أنه محطته الأولى فى سباق الوصول لمملكة الإحتراف الأوربى، ولكن لأننا نعشق الحكايات فقد قرر متعب أن نعيش معه فى حكاية أكثر إثارة بدءاً بحكاية تتعلق بمسابقة لإختيار ملكة جمال فى مصر ولا تنتهى حتى الآن لأنه على ما يبدو أصبح عاشقاً لسباقات الملوك و الملكات ومن يومها إختفى متعب ولم يظهر حتى الآن رغم أنه مهدد بالإيقاف محلياً وعدم الإنضمام لأى ناد بل إن والده الروحى حسن شحاتة إستبعده من صفوف المنتخب الأول لأول مرة وهو سليم تماماً ولكن رغم كل ذلك مازال الملك يهيم على وجهه بحثاً عن الملكة ويبدو أن كيوبيد الملكة أكبر وأصعب بكثير من التفكير فى المستقبل وربنا يستر على الملك و الملكة.

هاهاهاهاها
تعرف انو عم بقرأ هالموضوع وانا بضحك وببكي بنفس الوقت
اه والله ماظل شئ نقولو ولا نحكيه ولا نسب فيه
قلنا كلشي وماخلينا ولا أي شئ
أحسن شئ نبكي ونضحك
ياله ان شاء الله تكون الحلقة الاخيرة لهيدي الحكاية
حلقة حلوة وتفرح كل الناس

مين اللى كاتب الكلام ده؟؟؟؟

كابتن احمد شوبير؟؟؟؟

هى ايه الاشاعه فى الكلام ده اللى كتب هو احمد شوبير

[tr]وهى حكاية لاعب أسمه عماد متعب تحبه كل الجماهير لأنه بإختصار موهوب وهناك إنطباع أرجو ان يظل محفوراً فى الأذهان بأنه لاعب مؤدب محتفظ بأصوله الشرقاوية حتى الأن[/tr]



[color:ee66=violet]وهى حكاية لاعب أسمه عماد متعب تحبه كل الجماهير لأنه بإختصار موهوب وهناك إنطباع
[color:ee66=violet][color:ee66=blue][color:ee66=green][color:ee66=orange]كان و مازال[/color][/color][/color] [/color]محفوراً فى الأذهان بأنه لاعب مؤدب محتفظ بأصوله الشرقاوية [/color]


خلال 24 ساعة مشكلة متعب هتتحل و هيطلع متعب و هيوضح ده اللى قالة نادر

مو معقول احمد شوبير يحكي هيك عن متعب

مكتوب فين الكلام دة فى الجريدة , ويا ريت تحطى اللينك يا اسماء
انا طبعا مش مستغربة من الكلام دة لو كابتن احمد شوبير اللى قالو
لأنى سمعتو فى البرنامج بتاعو قال اسخف من كدة بكتير

اولا يعنى هو مش عارف كل حاجة عشان يتكلم بالطريقه دى ومين قال ان متعب اختفى هو مش طلع واتكلم فى قناه الاهلى ولا هو ماسمعهاش
وبعدين لو هو خايف عليه كدة مايكلموا وينصحه لو الحكايه دى حقيقى مش يعقد يفضحه زياده هو مش ناقص ولا يعنى عشان مطلعش يتكلم فى برنامجه هيهاجمه
والله ياشوبير كنت انت الانسان الوحيد اللى كنت مستنيه اسمع منه طلام مفيد عن متعب وتدافع عنه لكن للاسف دة مدحت شلبى معملهاش ياراجل انت تعملها!!!!!!!!!!

يلا بقى هانقول ايه ربنا معاك ياعماد ويعدى الازمه على خير
يااااااااااااااااااااااااااااااااااااارب

على فكرة دى مش اول مرة ان شوبير يقول كلام كدة على عماد حصل اقبل كدة ساعات مشكلتة مع الظابط وقتها هو الى قال الموضوع وهاجمة فضل كل حلقة يشتم فية قال ان هو كان سهران فى ديسكو وبعد الجلسة قرا على الهوا مذكرة الدعوة لما عرف الحقيقة اعتذر لعماد على الهوا اتصل بعماد وعماد مردش علية فضل فترة كبيرة عماد ميكلموش

عمــــــــــــــــــــاد مؤدب محتفظ بأصوله الشرقاوية حتى الأن

شوبير مش لاقى حاجة يقولها فليم جدو واتحرق وشيكابلا موضوعة مش جديد ومعروف نهايتة وشوبير عايز يروج لقناتة يقوم يعمل اية ؟يفضح الناس دة يا راجل قناة الاهلى مش عملتها تخيلو انى كنت فى يوم من الايام بتفرج على قناة النادى الاهلى وجاء خبر بيقول من حفل ملكة جمال مصر /متعب مستمر فى تعاقدة مع النادى البلجيكى قام الراجل الفاضل ابرهيم المنيسى مقدم البرنامج قرا الجزء بتاع متعب مستمر مع ..................ومرضيش يقرا جزء حفل ملكة الجمال اما انت تافهة بشكل يا شوبير وانت مالك دى حياتة وهو حر ولو انى مش مصدقة الكلام دة انة هيرتبط برورا _يارا_

الراجل ده عشان مصلحته يبيع اقرب الناس ليه متعب قال ان المشكله فى التجنيد وعلى فكرة كلامه صح لان اى حد يصل لسن28 سنه لازم يروح الجيش حتى لو مكملش تعليمية هو ده القانون

وانا سمعت الكلام ده من حد بيشتغل فى الجيش

عمر ما متعب يضيع مستقبله علشان الحب يعنى هو لما مضى وسافر كان ناسي انو بيحب وبعدين لما سافر افتكر هتلاقوا مفروس لان متعب مابيردش عليه هو هيموت ومتعب يرد عليه علشان يعمل معاه لقاء وخصوصا بعد المنافسة اللي بينه وبين مدحت شلبى

[quote:d367="جوليت"]شوبير مش لاقى حاجة يقولها فليم جدو واتحرق وشيكابلا موضوعة مش جديد ومعروف نهايتة وشوبير عايز يروج لقناتة يقوم يعمل اية ؟يفضح الناس دة يا راجل قناة الاهلى مش عملتها تخيلو انى كنت فى يوم من الايام بتفرج على قناة النادى الاهلى وجاء خبر بيقول من حفل ملكة جمال مصر /متعب مستمر فى تعاقدة مع النادى البلجيكى قام الراجل الفاضل ابرهيم المنيسى مقدم البرنامج قرا الجزء بتاع متعب مستمر مع ..................ومرضيش يقرا جزء حفل ملكة الجمال اما انت تافهة بشكل يا شوبير وانت مالك دى حياتة وهو حر ولو انى مش مصدقة الكلام دة انة هيرتبط برورا _يارا_[/quote] كلامك صح وخصوصا انه انتقل مودرن سبورت وفى منافسه قويه بينه وبين مدحت شلبى

اكيد متعب مؤدب
بس مين اللى كتب

والله يا ولاء انتى عندك حق لان ديما متعب لما كان بيبقى عنده مشكلة كان اول واحد بيكلمه هو شوبير ويستضيفه على الهاوا لكن دى اول مرة متعب ميعبرش شوبير بالشكل ده واتلاقى مفروس اكتر لانه طلع وضخ فى قناة الاهلى ومطلعش معاه فعلا شوبير ده ميهومش غير مصلحته ده انا فكرا كويس ساعة مشكلة متعب مع اوب المعاطى زكى شوبير جاب ابوا المعاطى ومرضيش يطلع متعب وابوالمعاطى ساعتها غلط فى متعب جامد وكان كاتب عليه اشاعة وحشة اوى ومتعب كلم شوبير على التليفون لكن شوبير مدلوش فرصة وقفل عليه علشان خاطر ابو المعاطى ومتعب زعل من شوبير جامد ساعتها وفضلوا فترة زعلان منه وبعدين شوبير صلحه انا فكرة الحلقة دى كويس جدا ياعنى مش اول مرة شوبير يعملها فمحدش يهتم بكلامه وبكرة متعب يطلع ويصرح وينفى كل الاشاعات دى وريحنا بقى علشان تعبنا اوووووووووووووووووووووووى

انت انسان مبتحبش غير احمد شوبير وبسسسسسسسسسسس ومش انت بالذات اللي هتحكم على الاخلاق يا كابتن انا كنت فاكرة انك مظلوم بس طلعت غلطانة عشان اللي بيتظلم بيحس بالظلم ومبيظلمش ابدا ومتعب هيفضل طول عمره ما محترم واخلاق وياريت تاني انت بالذات متتكلمش

والكلام اللي قاله مرتضى عنك صح جدااااااااااااااااااا وانك معروف عنك اوي انك بتستغل البرامج بتاعتك للهجوم على الناس ولمصالحك الشخصية واعلامي زيك معندوش اسلوب غير اسلوب فضيحة الناس والهجوم عليهم لازم يتوقف فعلا وشد حيلك بقى يا مرتضى عشان منشفوش تاني ابدا

اللى كاتب الكلام ده احمد شوبير فى مجلة الاهرام الرياضى
و المقال منشور فى موقع كورابيا
تعليق اخير بس على كابتن احمد شوبير كنت زمان باسمع الناس بتقول عليه انسان وصولى و ماكنت فاهمة معناها
دلوقتى بس انا فهمت معناها

هو فعلا انسان وصولي يا اسما لاقصى درجة وممكن يبيع اي حد لو دا هيخليه يحقق نسبة مشاهدة للبرنامج بتاعة دا انت شخص انا بصراحة مش لاقيالك وصف اوصفك بيه

كلامك مظبوط ياجوجو شوبير ده معندوش غالى مبيحبش غبير مصلحته وبس وممكن يعمل اى حاجة علشان مصلحته انا بصراحة كنت بحبه قبل مشكلته مع مرتضى منصور علشان كنت بحس انه فعلا بيحب متعب لكن من بعد مشكلته وانا عرفت قد ايه هو انسان وصولى وممكن يصالح اى حد علشان يوصل لاهدافه اللى خلا يصالح سمير زاهر وابراهيم حسن علشان يوصل لمصلحته يخلى يغلط فى اخلاق متعب علشان يوصل لمصلحته بلا قرف

فعلا يا ريبورتي هو يعمل اي حاجة عشان يوصل بيها ويفضل في بؤرة الاحداث زي ما بيقولو وطبعا ضيوفه اللي قاعدين معاه لازم يصقفوله على كلامه حسبي الله ونعم الوكيل فيه ما هو مش جديد عليه هو بس الدور المرة دي جه على عماد متعب واياك اسمعه بيقله انت ابني تاني دا لو ابنك هتكلمه بينك وبينه ولو غلطان هتنصحه وتقوله يعمل ايه ان شاالله تضربه بس متطلعش على الهوا وفي الجرايد تقول كدا انت معرفتش تفصل يا كابتن

ابنه هو فى ابن يبهدل ابنه كده ده يبقى عاوز الدبح وفعلا هو لو عاوز ينصحه فى الف طريقة وطريقة ينصحه بيها غير انه يشهر بى كده لو حتى افترضنا انه معرفش يوصله كان ممكن يوجهله الكلمتين اللى هو عاوزهم بسبادب وبطريقة تاكدلنا فعلا انه خايف عليه وعلى مصلحته ينفرج على مدحت شلبى ويتعلم منه اهوا كابتن مدحن من ساعة المشكلة مقلش ولا نص كلمة وحشة فى حق متعب بالعكس ده ديما بيشكر فى وكان باين عليه قد ايه هو خايف عليه لما نادر شوقى كلمه وقاله انهم اتفقول مع النادى على مبلغ يدفعوا كان صعبان عليه ان متعب يطلع فلوس من جيبه ومبلغ كبير كده وكل يوم تقريبا بيجيب نادر على التليفون علشان يعرف اخر الاخبار مش بيطلع يشتم حسبى الله ونعم الوكيل والمشكلة دى كانت فرصة كبيرة للمتعبب علشان يعرف مين بيحبه ومين لا

لا دا بقى لما نادر قاله على المبلغ قاله انا شايفة قليل والله يعني شوفي وصلت بيه لفين وتحسيه نفسه متعب يتعاقب منه لله بجد

انا بشكر اللى كتب الموضوع ده ومتعب ملك على قلوبنا وهنفضل نحبه مهما حصل
يا متعب يا ملك

انا اللى مستغرباله فعلا ان كابتن شوبير كان بيحب متعب اوى اوى و متاكدة انو مازال
منساش حوار لكابتن شوبير فى برنامج صالون المستكاوى سالو مين اكتر لاعب قريب ليك,قالوا انا نقطة ضعفى هو عماد متعب بحبه حب غير عادى
بس المشكلة ان هو عبر عن خوفة على عماد بطريقة غلط, كان لازم يعرف ان النصيحة على الهوا تعتبر فضيحة ,طبعا هو ممكن يكون مش عارف يوصلة بس ده حاجة متشفعلهوش.