رجل اعمال اهلاوى يتعهد بدفع الغرامه على متعب مقابل عودته للاهلى

علم اليوم السابع أن أحد رجال الأعمال الأهلاوية تعهد لعماد متعب، مهاجم المنتخب الوطنى، بدفع المبلغ الذى سيتم منحه لنادى ستاندرلييج البلجيكى من أجل فسخ عقد اللاعب وديا وعدم تصعيد الأزمة للاتحاد الدولى لكرة القدم.

ودخل متعب فى أزمة شديدة مع ستاندرلييج، بعدما تراجع اللاعب عن تفعيل عقده معه وعاد للقاهرة، مما دفع النادى البلجيكى للتهديد بشكوى اللاعب للفيفا قبل أن يبذل نادر شوقى، وكيل أعمال اللاعب، جهودا مكثفة لإقناع مسئولى ستاندرلييج بعدم شكوى اللاعب للفيفا مقابل الحصول على مبلغ 500 ألف يورو.

وقال مصدر مطلع، إن رجل الأعمال الأهلاوى، الذى يشغل منصبا أيضا داخل إحدى اللجان بالقلعة الحمراء، تعهد لمتعب بدفع ما يطلبه ستاندرلييج ليتم فسخ العقد بينهما على أن يوقع متعب للأهلى ابتداء من يناير المقبل.

ولن يتمكن متعب من الاحتراف خارجيا بسبب التجنيد، وبذلك سيكون اللاعب مضطرا للعب فى مصر، ومن المؤكد أنه سيعود للأهلى، خاصة وأن الأخير يحتاج إليه بشدة فى ظل عدم فاعلية مهاجمى الفريق الحاليين.

هو اكيدطبعا شكرا ليهم بس ده اسمو اسغلال لظروف متغب وهما عارفين ان هما هيكسبو من وراه اكتر من اللى هيدفعوه وطبعا مكسبهم معروف وكفايه انو احسن مهاجم فى مصر

طب مهو متعب كده كده مش هيلعب غير للاهلى فى مصر يبقى المفروض نشكر الراجل ده لانه هيدفع بدل متعب

متعب حظة وحش جدااااااااااااااااا فى تجربة احتراف بتجيله

عمرة ما كمل تجربة لاخرها

يلا ربنا معاه يارب

وعلى فكرة انا قريت انه هايروح دورى خليجى عقبال ما يلعب للاهلى تانى فى يناير عشان مايقعدش كده من غير لعب خالص

بس اعتقد ان القيد فى الدوريات الخليجيه اتقفلت بس مش مهم المهم انه يرجع الاهلى بيته

مش عارفة انا قريت كده بيقولوا زى احمد فتحى عمل كده بالظبط

ميرسى على الخبر

وبااذن الله المشكله تنتهى على خير

ومش تتصعد للفيفا

هو مش محتاج حد يعمله حاجة مقابل انه يرجع الاهلى
هو كدة كدة راجع الاهلى من غير مايكون فى مقابل
عموما يعنى دى حاجه لازم نشكر الراجل عليها
المهم بس الفترة دى تعدى ونفوق من الكابوس اللى احنا فيه
يااااااااااااااااااااااااااااااااااااارب

وعلى فكرة ياميرو القيد فى الخليج بيتاخر شويه يعنى لسه متقفلش

لو مكنش الاتحاد السعودى معندوش مهاجمين متميزين كان جوزيه خطف متعب

[quote:fbd7="الدلوعة"]هو اكيدطبعا شكرا ليهم بس ده اسمو اسغلال لظروف متغب وهما عارفين ان هما هيكسبو من وراه اكتر من اللى هيدفعوه وطبعا مكسبهم معروف وكفايه انو احسن مهاجم فى مصر[/quote]انا معاكى واللة عندك حق الدنيا عطاء هو الراجل دة اذا كان هيدفع جنية النهاردة اكيد عارف انة هياخدة 10 بكرة واكيدلو مش متعب كفؤ مش كان هيدفعلة حاجة وبعدين هو خاف للزمالك يزن على متعب والزن ع الودان امر من السحر قال الحق بقى قبل ما يقع المحذور

صح ياجوليت فعلا
هما خافوا فعلا من الزمالك
بس كانوا المفروض مايخافوووووووووووووووووووووووش

هو رجل الاعمال ده هيكسب من ورا متعب ازاى

ماعتقدش ان ده هيحصل

هو ايه بالظبط اللى متعتقديش انه هيحصل يا ولاء

الاهلى عملها مع احمد فتحى يبقى مش يعملها مع متعب متعب احق ان شاء للة تتحل المشكلة

هى طبعا حاجه كويسه
بس المشكله دلوقت ان متعب فعلا مش بيتوفق فى اى تجربة احتراف
وكلنا عارفين ان هو حلمه انه يحترف

اعتقد ان من الصعب جدا بعد اللى حصل ده ان متعب اصلا يفكر فى الاحتراف تانى

كل اللي نفسي فيه اشوف عماد في الملعب تاني
لسه عستني
ليناير
يالهوووووووووووووووي
هو مش مسجل في القائمه الافريقيه
حد يرد عليا

عخير وانشاء الله تمر الازمة دي عخير ويرجع متعب بتاع زمان بس لسا ما رح نشوفه غير بالشتا والله كتير

[quote:0e72="الدلوعة"]هو اكيدطبعا شكرا ليهم بس ده اسمو اسغلال لظروف متغب وهما عارفين ان هما هيكسبو من وراه اكتر من اللى هيدفعوه وطبعا مكسبهم معروف وكفايه انو احسن مهاجم فى مصر[/quote]

انتى زملكاوية

على فكره بقا سواء دفع او مدفعش متعب كان هيلعب للآهلى وكلنا عارفين ده
لكن ممكن كل واحد يحط نفسه مكان اى مدرب او رئيس نادى فى اوروبا
لو بعد اللى حصل ده واتعرض عليك متعب هتوافق
هما عندهم فى اوروبا مهما كان الانضباط والالتزام ومش هيبصو للى مبين السطور
صح ولا انا غلطان

ربنا يرزقه ويكرمه الراجل ده...فعلا ابن بلد بجد
ويللا يا متعب ارجع لبيتك بسرعة
وحشتنا اوووووووووووي

يارب يحصل كدة بجد والعمدة يرجع تانى وينور بيته وينور بيتوتنا
والله الملعب من غير متعب مش حلو خااااااااااااااالص
وربنا يعوضه بالخير عن كل اللى فاته

يارب يرجع للاهلي والازمه دي تتحل علي خير
مرسي ع الخبر

[quote:e3b0="azza adel"]كل اللي نفسي فيه اشوف عماد في الملعب تاني
لسه عستني
ليناير
يالهوووووووووووووووي
هو مش مسجل في القائمه الافريقيه
حد يرد عليا
[/quote]

هو فعلا متسجل فى القائمه الافريقيه بس مش متسجل فى القائمه المحليه وكمان مش متسجل فى الاتحاد المصرى طبعا وكمان البطاقه الدوليه بتاعته فى بلجيكا