متعب مستاء من مسئولى الأهلى بسبب 500 ألف يورو

[center][img][ندعوك للتسجيل في المنتدى أو التعريف بنفسك لمعاينة هذا الرابط] 500 ألف يورو تثير أزمة بين متعب والأهلى
أبدى عماد متعب مهاجم المنتخب الوطنى استياءه الشديد من تجاهل مسئولى الأهلى له وتقاعسهم فى دفع مبلغ الـ500 ألف يورو لنادى ستاندرلييج البلجيكى حتى يتم فسخ عقد اللاعب مع النادى البلجيكى.

وكان ستاندرلييج قد اشترط الحصول على 500 ألف يورو حتى يفسخ عقد متعب الذى وقع له مطلع الموسم الجارى قبل أن يتراجع ويرفض إتمام الصفقة.

وحصل مهاجم المنتخب الوطنى على وعد من مسئولى الأهلى بدفع مبلغ الـ500 ألف يورو حتى يتم فسخ عقد اللاعب رسميا على أن يرتدى متعب قميص الأهلى رسميا فى يناير المقبل، لكن مسئولى القلعة الحمراء تجاهلوا اللاعب تماما.

واشتكى متعب للمقربين له من موقف الأهلى خاصة وأن النادى البلجيكى كان ينوى تصعيد الأمر للفيفا لكن المهاجم الدولى سارع بإرسال مبلغ 310 ألف يورو أمس الخميس على أن يسدد المبلغ المتبقى (190 ألف يورو) يوم الأحد المقبل.

ووفقا لتصريحات متعب للمقربين منه فإنه سينتظر أياما قليلة للحصول على الـ500 ألف يورو من الأهلى وإذا لم يحدث هذا فقد يفجر اللاعب مفاجأة مذهلة ويلعب لناد آخر فى مصر خاصة وأن التجنيد يمنعه من اللعب خارج مصر.
[/center]

نادى تانى يعنى ايه

لا متعب ان شاء الله فى الاهلى

شكرا على الخبر

شكرا علي الخبر بس ماعتقدش ان عماد يقول كده خاصة ان الصحفي قال ان عماد صرح للمقربين فلو ده صحيح يبقي هو عرف منين

االكلام ده مستحيل متعب يلعب لنادى تانى فى مصر غير الاهلى مش بس عشان هو بيته وهى الفرقه اللى اتربى فيها لكنعشان متعب راجل وقد وعوده وهو وعد جمهوره انو مش هيلعب لغير الاهلى واحنا مصدقينه وخلى اللى يتكلم يتكلم

متعب ان شاء الله للاهلى
ومصدقش كلام الصحفيين الى عايزين يولعوا فيها وخلاص
وميرسى ليك

حتى لو متعب مش هيلعب للاهلى اقل حاجه مش هيخسر جمهوره ده كله ويلعب للزمالك وده اصلا مش هيحصل وخلى الزمالك يصطاد فى الميه العكره

ووفقا لتصريحات متعب للمقربين منه فإنه سينتظر أياما قليلة للحصول على الـ500 ألف يورو من الأهلى وإذا لم يحدث هذا فقد يفجر اللاعب مفاجأة مذهلة ويلعب لناد آخر فى مصر خاصة وأن التجنيد يمنعه من اللعب خارج مصر.

لا طبعا متعب لا يمكن ابدا يفكر يعمل كده هو قالها مليوووووووووون مرة مش هلعب في مصر غير للاهلي فعلا يا عماد عندك حق انت لو اتكلمت عشرين الف مرة كمان من 20 بس الناس هتقول كلام فاضي عشان كده بجد احسن حاجة فيك انك سايب اللي يتكلم يتكلم وياريت يزهقوا زي ما انت قلت بس معلش يا عمدا دي ضريبة الشهرة والنجومية ربما يقويك علي الناس دي ويارب يفتكروا اننا في رمضاااااان وكمان نادي تاني ايه الزمالك يعني ده اصلا لو جيبت اي حد زملكاوي قلتله متعب مضي للزمالك هيضحك ويقولك ياريت بس هو لاعب محترم وعنده انتماء ومش هيلعب غير للاهلي

ميرسي3 الخبر

لا طبعا الخبر كاتب ان عماد هيستنى ويشوف مسؤلين الاهلي هيعملو ايه ومتعب مستناش ودفع اكتر من نص المبلغ ومش مستني اي حاجة من حد ولو افترضنا انه مضايق استحالة هيصرح بكدا واراهنكو انه هيطلع يقول دي مشكلتي انا والاهلي ملوش دخل فيها وانا اللي ملزم احلها زي ما قال كتير قبل كدا وزي ما قال ساعة اصابته مع اتحاد جدة ومش اي حاجة نصدقها بجد لو متعب مضايق وعايز يروح الزمالك مكانش اتصل ببركات ومكانش نادر قال عماد معاكو ان شاء الله

[quote:9083="GOGO.M"]لا طبعا الخبر كاتب ان عماد هيستنى ويشوف مسؤلين الاهلي هيعملو ايه ومتعب مستناش ودفع اكتر من نص المبلغ ومش مستني اي حاجة من حد ولو افترضنا انه مضايق استحالة هيصرح بكدا واراهنكو انه هيطلع يقول دي مشكلتي انا والاهلي ملوش دخل فيها وانا اللي ملزم احلها زي ما قال كتير قبل كدا وزي ما قال ساعة اصابته مع اتحاد جدة ومش اي حاجة نصدقها بجد لو متعب مضايق وعايز يروح الزمالك مكانش اتصل ببركات ومكانش نادر قال عماد معاكو ان شاء الله[/quote]

معاكي حق يا جوجو انا اصلا حاسة ان متعب هو اللي رفض ان حد يساعده في المبلغ وهو اللي عايز يدفعه لوحده لان دي مشكلته وهو اللي لازم يحلها

انا بجد زهقت ايه دا هو فيه ايه بجد؟ هي الاشاعات مش بتخلص ليه وليه برضه كل الناس بتصدق ما عدا احنا طبعا لكن جمهور الاهلي مصدق الاشاعة السخيفة دي برغم ان المصدر بتاعها اليوم السابعو وعمره ما كتب حاجة عدلة وكمان امبارح سوبر كورة منزلة خبر في منتهى السذاجة وفي خلال 5 دقايق كان منتشر في كل المواقع والمنتديات عن يارا والخبر اللي هي طلعت ونفت فيه برغم انه متقال في موقع محترم زي الام بي سي مش موجود في اي مكان ولا كأ،ن حد سمعه طيب اشمعنى يعني انا بجد زهقانة وقرفانة

الصحفى اكيد استشف الكلام ده من كلام نادر شوقى امبارح مع مدحت شلبى
لأن نادر لمح بكده فى كلامة امبارح وانا فهمت نفس المكتوب ده.
لكن انا متأكدة ان انشاء الله متعب فى الاهلى من يناير,مستحيل يلعب فى الزمالك, المرة دى لازم عماد ميمشيش ورا كلام نادر شوقى
و حتى لو النادى الاهلى موقفش جنبة فى دفع الغرامة دى ,اكيد هيعوضة فى العقد الجديد بتاعة

بس يا سوكا نادر امبارح قال حاجة مضايقانا كلنا ومش معنى كدا ان الصحفي يكتب الكلام دا ان عماد بيتلاعب بالاهلي هو معنى الكلام ان متعب بيساومهم؟ متعب ساعة اصابته الاهلي كان عنده استعداد يعالجه وهو قال لا انا اللي هعالج نفسي بس يمكن نادر اضايق لان المبلغ كبير ومش مع متعب لانه مش زي لاعيبة كتير ملبونيرات بس دا مش معناه ابدا انه بيساوم الاهلي وهو قال الاهلي دايما في عقلي حرام بجد كدا هو احنا ميفوتش علينا يومين مرتاحين ابدا ومفيش حاجة تحرق الدم وياريت بتيجي على انه خبر سخيف وخلاص لا الناس بتصدق وبتهاجم

حكايه رجوع عماد للاهلى محسومه وكل اللى بيطلع دة كلام فاضى بس انا اللى مضايقنى بجد موضوع يارا وان الناس رجعت تكتب فى تانى انا نفسى خبر نفيها ليه دة يتنشر حتى لو احنا اللى كتبنا فى التعليقات

صح يا منة موضوع يارا بيتكتب فيه برضه رغم ان الام بي سي موقع محترم ومنتشر جدا وكل الناس عارفاه بس مهتموش ينقلوه عشان دي حاجة في مصلحته هما بينقلو اللي هما عايزينه عشان يمارسو هوايتهم في الهجوم والشتيمة

يعنى هما منشرهوش احنا ننشرو حتى لو فين وفى تعليقات اى خبر مش شرط يكون عن عماد ونكتبلوهم كمان لينك الخبر
عشان يعرفوا ان الله حق وان ورا عماد جمهور يجيبلو حقه
ياريت كلنا نعمل كدة والطريقه اللى مكتوب بيها الخبر فى سوبر كوره مش محترمه بالمرة ومينفعش يتكتب عن لاعب مهما كان بالطريقه دى
ولا ايه ياجوجووانتو معايا ولا ايه

كفايه ظلم واهانه بقى

انا معاكي يا منة طبعا وانا والله رديت في سوبر كورة وقلت الكلام دا بس محدش عبرني ولا كأني قلت حاجة

[quote:fbd3="GOGO.M"]بس يا سوكا نادر امبارح قال حاجة مضايقانا كلنا ومش معنى كدا ان الصحفي يكتب الكلام دا ان عماد بيتلاعب بالاهلي هو معنى الكلام ان متعب بيساومهم؟ متعب ساعة اصابته الاهلي كان عنده استعداد يعالجه وهو قال لا انا اللي هعالج نفسي بس يمكن نادر اضايق لان المبلغ كبير ومش مع متعب لانه مش زي لاعيبة كتير ملبونيرات بس دا مش معناه ابدا انه بيساوم الاهلي وهو قال الاهلي دايما في عقلي حرام بجد كدا هو احنا ميفوتش علينا يومين مرتاحين ابدا ومفيش حاجة تحرق الدم وياريت بتيجي على انه خبر سخيف وخلاص لا الناس بتصدق وبتهاجم[/quote]

ااوكى يا جوجو اللى انا بقولو ان الصحفى ده مجابش كلام من دماغة لأ انا سامعة المكالمة امبارح و نفس المعنى فهمتة, هو ممكن يكون نادر هو اللى مضايق , و مضايق ان الناس بتزايد بأسم عماد وانا متفقة معاه جدا فى ده ,مينفعش فى كل المواقع يطلعو علينا و يقولو رجل اعمال مشهور (جمال الجارحى) هيدفع الغرامة .و يطلع فى الاخر مافيش رجل اعمال هيدفع
حاجة, مكانوش قالو حاجة زى كدة من الاول, كل ده و احنا مسمعناش حاجة على لسان عماد نفسة و مش هنسمع لأنه باختصار مستحيل يقول كده
لكن موضوع ان نادر يقولك ان الغرامة اللى عماد دفعها هتبقى نقطة جدال فى المفاوضات, هو له غرض طبعا ان فى الجلسة بتاعت تجديد العقد انشاء الله يحطو فى اعتبارهم انه دافع من جيبة 4 مليون غير ال6 شهور اللى مبيقبضش فيهم فلوس, هو عايزهم يقدروه
بس نفسى الموضوع ده يخلص بقة عشان ميقولوش متعب بيماطل ,متعب بيساوم....كده بجد حرام

ما هو نادر كان لازم يقول كدا عشان محدش يزايد فعلا ولو مكانش قال كان تاني يوم هتلاقي الكل كاتب ان رجل اعمال دفع لمتعب الغرامة او ان الاهلي دفعها لازم يفهم للناس ان متعب هو اللي تحملها بس يجي كدا يجي كدا برضه فيه هجوم

ميرسى على الخبر

متعب فى الاهلى