متعب فى حفلة خيرية

تذكير بمساهمة فاتح الموضوع :

الخبر ده انا اللى كاتباه مش منقول عن اى موقع لأن طبعا مفيش موقع هيكتب كده
هما بس يكتبوا متعب فى حفلة ملكة جمال مصر ,متعب فى الساحل الشمالى ,متعب معرفش فييين... ما علينا
كنت بتفرج امبارح على برنامج مصطفى يونس كان مستضيف مطرب اسمه احمد جوهر و كان معاهم ابو لمعاطى زكى, مصطفى يونس كان فرحان اوى ان متعب راجع الاهلى تانى واضح انه بيحب متعب اوى,فسأل احمد جوهر عن متعب .قاله متعب ده انا بعزه جدا و هو كان معايا امبارح فى حفلة خيرية تبع جمعية ولاد مصر و قضينا يوم كامل مع الايتام و فطرنا معاهم و كانوا مبسوطين ان متعب معاهم واتصوروا معاه كتير اوى ,وقال كان معانا فنانين مشاهير كتير زى الفنانة عفاف شعيب و احمد ماهر.....و ملكة جمال مصر (انا الصراحة اتخضيت اول لما قال كده)
المهم ابو المعاطى زكى معدهاش طبعا و سألة: يارا نعوم؟؟؟؟؟
قاله لأ هبة السيسى (قولت الحمد لله).
الصراحة كنت مبسوطة اوى ان متعب بيهتم انه يعمل اعمال خيرية و يدخل البهجة فى قلوب الاطفال دول

اسفة يا جماعة ان مواضيعى كتيرة انهاردة بس لما بقرأ او بسمع اى حاجة تخص متعب
بنقلهلكم علطول, فأرجو ان دى متكونش حاجة بضايقكم.

محدش ليه بقى قال كدة يعنى لولا الراجل دة مكنش حد عرف حاجه ولو قالو هيقولوا انه كان مع ملكه الجمال يعنى مش عارفه والله يعمل ايه تاني هوعلى فكرة دى مش اول مرة عماد يروح فيها الجمعيات دى
ربنا يكرمك ياعمدة وينصرك يارب
وبجد مرسى ياسوكا على اخبارك الجامدة دى واستمرى على كدة
انا بحس انك قاعدة قدام البرامج الرياضيه بس
بس كويس عشان تعرفلنا مين قال ايه ومين مقالش وخصوصا عن العمدةمرسى ليكى مرة تانيه

احمدك يارب اخيرا لاقينا خبر مش اشاعه لانى والله انا كنت قاعد مع واحد صاحبى النهارده وعارف انى بحب متعب وقالى انا شوفت حبيبك امبارح وكان راكب مع احمد جوهر وده بياكد كلامك ميرسى ع الخبر
وحشتناااااااااااااااااااااا يا عمده

ميرسى سوكا على الخبر الجميل جدا
وربنا يكرم متعب يارب ويقدره على فعل الخير دايما ويقدرنا معاه
واكيد هننبسط بمواضيعك الكتير مش معقول نضايق منها
ومش مهم تكون يارا نعوم هناك او لا يعنى معقول متعب يستسلم للخرافات
واصلا مفيش حاجه بينهم

انا كل اللى مخوفنى ان الاشاعة القادمة تكون بطولة متعب وهبة السيسى واللة البنات دى ما بتشتهر الا على حس متعب ولو حصل وطلعوا اشاعة علية مع هبة دى انا مش هصدق ولو شوفت ليهم صور بردو مش هصدق ولو شوفت ليهم فيدو بردو مش هصدق ولو حتى شوفتهم قاعدين جنبى فى البيت مع بعض لايمكن اصدق انة هيرتبط بيها ابدا ابدا ابدا وانا مش هصدق مش هصدق مش هصدددددددددددددددددددددددددددددددددددددددددددددددددددق ولو طلعت اشاعة لو بتحبوا ربنا بلاش تجيبوها هنا المنتدى لحسن انا لو لاقيت اشاعة جديدة انا هولع فى النت والجهاز والاوضة اللى فيها الجهاز والبيت اللى فية الوضةوالجهاز وهولع فى الشارع كلة

[color:de34=darkblue]ربنا يديله ع قد اللى بيديه
خلاص بقه نسيبنا من موضوع يارا و ملكات الجمال ده عرفنا ان متعب مظلوم
المهم دلوقتى انه يرجعلنا احسن من الاول[/color]

[quote:7f84="asmaa ahmad"]البنت التانية اللى كانت موجودة هى فوزية ملكة جمال مصر من كام سنة و دى مخطوبة لمخرج تقريبا يعنى مفيش يارا[/quote]



للأسف كلامك مش صح يا اسماء

فى صورة على النت للحفلة دى و فيها فوزية بس متعب مش متصور معاهم

[b]فين الصور دي ؟؟؟؟؟؟؟؟؟؟؟؟؟[/b]

لأ يا ناعوم كانت معاهم

ميررسى اوى وربنا معاك يا متعب ياارب وترجع لينا بالسلالامة

وانتى عرفتى منين يا سوكا؟

اتاكد بنفسى و شوفت الصور
قوليلى ازاى احط الصور عشان مش عارفة

ان شاء الله ترجعلنا بالسلامه يا عمده

بصى بقى يا سوكا انتى اكيد سيفتى الصور على جهازك اوكيه

ادخلى على اللينك ده [ندعوك للتسجيل في المنتدى أو التعريف بنفسك لمعاينة هذا الرابط]

ودوسى اختيار الملف ورفعى الصوره من جهازك

ودوسى تحميل اوكيه

وبعد هيجيلك رابطين

اعملى كوبى لرابط المنتديات

واعملى بايست فى السايت هنا

تمام

فى انتظار الصور يا قمرى

وميرسى لمجهودك يا جميل

اوكى يا جميل

طيب ازاي كانت معاهم وهما بيقولو ان كان فيه 2 هبة السيسي وفوزية

سورى يا بنات انا غالبا شوفت صور لحاجة قديمة
اسفة ع الازعاج

بس حتى لو هي معاهم في الحاجت دي على فكرة كل واحد بيتوجهله دعوة وبيروح ومش بيبقى عارف مين الضيوف اللي معاه ودا طبيعي جدا واكيد مش بيسأل

ربنا يقدروه علي فعل الخير

ميرسي يا سوكا وسلامتك من الخضة وهيا لو طلعت يارا نعوم كانت هتبقى مشكلة جامدة اوي ههههههههههه