تقويماً لسلوكيات متعب .. الأهلي متمسك بإتخاذ إجراء رسمي في واقعة نزول اللاعب أرض الملعب

أعرب محرم الراغب مدير عام النادي الأهلي عن إستيائه الشديد من واقعة نزول لاعب النادي الأهلي السابق عماد متعب إلى أرض الملعب خلال مباراة النادي الأهلي مع نظيره شبيبة القبائل في بطولة دوري أبطال إفريقيا الأحد الماضي.

وأضاف الراغب قائلاً: "نزول متعب إلى أرض الملعب يعد شيء من عدم الإنضباط الذي لم نعهد عليه من قبل، والمخطيء لابد أن يعاقب بشدة".

وأشار مدير عام النادي الأهلي إلى أنه لم يتلق أية قرارات بشأن فتح تحقيق رسمي في هذه الواقعة، وأنه بصدد الإنتظار إلى قرار مجلس الإدارة للبت في هذا الأمر الذي أسفر عن إستياء الجميع، خاصة وأنه لقاء هام في بطولة إفريقية، ولم يكن بمثابة لقاء ودي.

وعلم AhlyNews.com من مصادره الخاصة أن الكابتن حسن حمدي رئيس مجلس إدارة النادي الأهلي أبدى غضبه من هذه الواقعة، نظراً لأنه غير راض بالمرة على تصرفات اللاعب غير المسئولة خلال الفترة الماضية، بإصطحابه يارا نعوم في جميع المناسبات العامة دون أية علاقة رسمية تربطه بها.

وأوردت مصاردنا الخاصة أن رئيس النادي الأهلي لن يمرر الواقعة دون إتخاذ إجراء رسمي مع المسئول عن نزول اللاعب إلى أرض الملعب، خاصة بعد إعتداء اللاعب ومحاولته لضرب أحد مصوري جريدة صوت الأمة أثناء محاولة الأخير مزاولة مهامه وتصوير النجم الدولي برفقة ملكة جمال مصر.

انا بجد مش عارفه في ايه
في هجوم شرس جدااااااااااااااااااا علي عماد متعب
في كل المواقع وياريت بجد عماد يعلن خطوبته باسرع وقت
عشان يرد ع الهجوم ده
موقع سوبر كوره منزل موضوع وحش جدا علي عماد
ومش عارفه السبب

فى هجوم شرس لان مش عماد اللى مفروض يعمل كده واكيد الاهلى هيقوله يا تخطبها يا تسيبها

هو ايه اللى بجد مش عارفة ان فى هجوم على متعب ما هو الاخ اللى عامل فى نفسه كدة فى ليه انا عشان بحب حد يبقى اسكت عن الحق ده انا حتى كدة ابقى بضحك على نفسى وعليه

يا عماد عيب انت مش لاعيب صغير انت مهاجم مصر الأول مش انت اللى تعمل كده خد بالك من تصرفتك شويه انت مش لعيب صغير

انا مستغربة شوية من الخبر ده
و فيها اية لما ينزل الملعب ,الغلط مش غلطة, ولا غلط اللى سمحلة يخش الملعب, الكاميرا اتسلطت علية , الجمهور ناداه, و نزل حيا الجمهور , وحفز زمايله,ايه هى المشكلة؟؟؟؟ مناخدها من الجانب الاجابى يا جماعة, و اكيد هو ماكنش يعرف النظام ده, هو اه النظام المفروض يحترم ده لو كان عماد يعرفة بس بردو الجماهير اللى ملت الاستاد ليها حق الاحترام .

اما بالنسبة لموضوع المصور احنا مسمعناش غيير من جانب واحد , و مسمعناش من صاحب الشأن فنستنى احنا لما متعب يطلع هو و يوضح
لأن الكلام اللى بنقراه مش منطقى , يعنى هو هيتخانق مع المصور عشان بيصوره هو و يارا , طب امال جابها معاه ليه الملعب , شىء متوقع جدا ان المصورين هيستغله وجودهم مع بعض

متعب كان صح لما نزل وحيا الجمهور لان مش معقول 70 الف بينادوا عليا ومنزلش على الاقل احييهم

انا معاكى فى موضوع المصور انه متفبرك او خبر مش مظبوط لكن فى انه ينزل الملعب قبل المتش لا انا شيفه انه مينفعش بعد المطش انزل واعمل اللى انت عايزه انا قبل المطش لأانا مش معاكى غلطان يا عماد

متعب مش فاضي لا لصحافة ولا للجمهور
ولا لكل هالحكي

ماهو برده لو مكنش نزل كانوا هيقوله عليه متنك ومش عايز يسيب الامورة لوحدها ومتعب اتغر والى اخره انا مش شايفة ان فيها حاجة بالعكس ده اثبتا للجميع انه موجود فى الاهلى وطالما التصرف مترتبش عليه شى غلط يبقى مكبرين الموضوع ليه ؟يلا اهى زيطة وكله بيدرو على حاجة يعمل منها موضوع ربنا يفرجها ومتعب يطلع يوضح

الموضوع كبر لان النتيجة كانت سلبية
لكن الاهلى لو فاز ماكنش كل ده حصل
زى ما يكون بيحملوه نتيجة اللى حصل

حد يا جماعة يقولى ازاى ارفع صور على الموقع هنا

هتلاقى على الرموز اللى موجوده فى منطقه الكتابه دوسى على رمز اسمه حفظ صوره بعد كده دوسى browze بعد كده اختارى الصوره اللى انتى عايزاها من الكومبيوتر وبعدين دوسى كلمه host it هيطلعلك صفحه جديده فيها الصوره اللى انتى عايزاها هتلاقى ناحيه الشمال لينكات اعملى كوبى من اللينك التانى على رمز فى منطقه الكتابه اسمه صوره هتلاقيه جنب الرمز بتاع حفظ صوره بعد كده دوسى نعم

اناعارفة خلاص عايزين يمسكوا بأي حاجة عليه والسلام ياريت يسيبوه بحاله ربنا يفرجها

ولسه طول ماهو مع يارا هيشوف اكتر من كده

بصراحة حاجة تصدم
ربنا الهادى

بصراحة ياجماعة كلنا لازم نعترف ان عماد غلط لا هو غلط ولازم يستحمل غلطه ده ولازم صح يايخطبها ويبقى قدام الكل يايبعد عنها
وربنا يوفقه يارب

ماهو ده قصدي
انه يخطبها اويبعد عنها وده الاصلح
بس قريت خبر ع فيس بوك بقول انه بينفي ارتباطه بيها
وانها مجرد صداقه عاديه
وده طبعا مش صح برده

صداقه معتقدتش بس يا رب تكون صداقه بس

[quote:dbe5="MIRO ADMIRE MET3EB"]صداقه معتقدتش بس يا رب تكون صداقه بس[/quote]


دي لو صداقه هتبقى مشكله اكتر مفيش لاعب كوره خصوصآ لما يكون بأخلاق عماد متعب يصاحب بنت ويمشي معاها قدام الناس كده

منا عارف انها مصيبه اكتر بس مش مشكله كام يوم وخلاص انما دى طوووووول العمر

ميرسى على التوبيك