دي مش نصيحة

عايزة اقول ان اللي بنقدمه لمتعب دا مش نصيحة النصيحة اني اقول اللي ليا واللي عليا واترك للشخص حرية الاختيار بدون اي ضغوطات مش اقله انت مش محترم وانت قليت نت نظرنا وانت هيحصل وهيحصل فيك وهنعمل فيك بلاوي لو ارتبطت بيها وارجع واقول ان دي نصيحىة عايزة اقول حاجة عارفة ان الكل مش هيوافقني عليها متعب شخص صريح ومش كداب ولا منافق هو مخباش يارا ولا مشي معاها وطلع كدب علينا ولا نافقنا احنا بس في مصر مش بنحب الصراحة وبنحب نعمل كل حاجة واحنا مستخبين لازم نعرف نفرق بين الغلط والخطيئة انا مش بدافع دفاع اعمى انا شايفة انه غلط في بعض حاجات بس مرتكبش خظيئة كبري تستاهل اني اعمل جروبات على الفيس بالالوفات وحملة شرسة على متعب عايزة بس اقلكو ان كان ممكن ننصحه بطريقة احسن من كدا تحسسه اننا بنحيه فعلا لانه لو بيحب البنت دي هيتوجع اوي من الكلام اللي اتقال ويتوجع دي كلمة قليلة ومحدش يقلي عشان يفوق احنا مش اهله عشان نفوقه احنا بننصحه وبندعيله ومش اكتر لكن احنا بنتريق عليه وواخدينه مادة للسخرية كان ممكن برضه نكون اهدى والنصيحة لما بتتقدم بهدوء بتوصل اسرع وبتوصل بحب ولا ايه؟ لكن انا متأكدة انه حاسس دلوقتي اننا شمتانين فيه وبنتريق عليه وهرجع اقلكو انه شخص صريح زيادة عن اللزوم ولو كان حاسس انه بيعمل حاجة غلط ومش كويسة مكانتش يارا راحت معاه الاستاد هو حس انه بكدا مش بيكدب على حد ولا بيضلل الاعلام او الجمهور حتى لو اختلفنا على وجهة النظر دي انا بتكلم دلوقتي وانا معرفش اي حاجة مؤكدة وكلنا برضه بنتكلم والله اعلم بس بقول ان اللي بيحصل حاجة عشوائية وملهاش مبرر انا مش بتكلم ابدا عن الاعضاء هنا لان تقريبا كل اللي هنا محترمين جدا وبيحبوه جدا حتى لو اختلفنا في وجهات النظر بس كلنا في الاخر بنحبه لكن اللي بيحصل على الفيس وعلى بعض المواقع ملوش اي لازمة احنا كان ممكن ننصحه هنا في المنتدى بتاعه كان ممكن ننصحه على الجروب الرسمي الخاص بيه على الفيس لكن معملش جروبات مخصوص عشان اتريق عليه واقول الفاظ مش محترمة عليه وعلى يارا دي مش نصيحة ولا دا حب ولا دا دين ولا دي اخلاق ومهما كانت يارا بتعمل والله انها خدت حسنات كتير اوي على اللي اتقال عليها لانه اللي اتقال مش شوية والصور اللي على النت مش مبرر انه يتقال الكلام دا احنا عاملين زي لما واحد يسرق واحد حرامي ويقول ان السرقة فبه حلال وزي اللي بيقتل ويقول ان اللي قتلته كان راجل مش كويس ويستاهل القتل احنا بنتهم في الشرف وفي الاخلاق وينقول هي اللي ادت فرصة لا طبعا دي كمان حرام واسفة لو طولت عليكو وعارفة ان مواضيعي كترت بس انتو اكتر ناس بجد بحبها وبحترمها وحتى اللي رأيه مختلف عني بحبه برضه اوي وبحترمه

انا معاكى يا جوجو فى كل حاجه
و يارب حد يفهم ده و يبطلو هجوم شويه

انا معاكى يا جوجو فى حاجات وحاجات لا انا مش معاكى فان متعب كدة يا خدها الاستاد فجاة كدة ومنغير ما نعرف بينهم اية كان لازم يقول يا جماعة دى خطبتى ويعلن خطوبتة مش يروح وهو فى عز ازمتة لحفل ملكات الجمال ولا يتخانق مع الصحفى ولا يجبها تترجمة الحوار ولا يتصور معاها بالشكل الفظيع دة وهو لسة مش اعلن خطوبتة ولا يفضل يضحك معاها ويوشوشها طول الماتش طب انا واحدة من الجمهور بسالك بتعمل معاها كدة بصفتك اية مش لما نعرف انت الاول بيربطك بيها اية ؟وبعدين انا شوفت ناس بيقولوا ان متعب لة حرية شخصية ومش ينفع ندخل فيها زى ما بتحبوش حد يدخل فى حياتكوا مش تتدخلوا فى حياتة انا بقول بقى للى بيقرنوا حياتهم الشخصية بحياة متعب الشخصية ان مفيش وجهة مقارنة انا بقول ليهم انتوا وحياتكم الشخصية مع احترامى ليكوا مش هتضر حد انما لما تكون الحياة الشخصية بتاعة متعب لا بقى دى هتضر ناس كتير لانك يا متعب قدوة واقرب مثال بالنسبالى على كدة ان اخويا اللى عندة 8 سنين واخدك يا متعب قدوة وبيحبك ولما بيلعب ماتش كورة بيسمى نفسة متعب يعنى اية ذنب الطفل الصغير دة لما تعمل حاجة غلط وهو يقلدك فيها عشان كدة حياتك انت الشخصية يا متعب بتاثر فى ناس كتير اما حياتى انا الشخصية او غيرى فمش هتاثر فى حد
اما انا متفقة معاكى يا جوجو ان النصيحة لمتعب مبقتش نصيحة دى بقت امر وانا منكرش انى شايفة يارا دى انسانة مش على خلق عشان لبسها لكن ماينفعش اتهمها فى شرفها واقول عليها كلام استغفر اللة العظيم مينفعش يخرج من مسلم او مسلمة ربنا سبحانة وتعالى قال عشان تتهموا حد فى شرفة ونقاؤة لازم تجيبوا اربع شهود طب انتوا بتقولوا عليها كدة بناء على اية يارا لابسها خليع لكن مش معنى كدة انها بنت غير شريفة احنا بردو بنات اتقوا اللة بس انا فى النهاية عمرى ما هكون راضية ان متعب يرتبط بيها عشان لبسها وظروف حياتها والحفلات والحاجات دى مش تليق بمتعب الانسان المحترم الراجل المسلم الشرقى الفلاح المحافظ وع العموم انا احساسى ان متعب مخدوع فى حبها وانة حبة ليها مش حقيقى دة بس ارتبط بيها عشان لاقها اكتر واحدة بتشيل عنة هموم او وقفت جنبة او كدة واللة اعلم ان كنت قولت اى حاجة غلط فربنا يسمحنى عليها لكن هو دة اللى جويا ولازم اخرجة عشان مش يجرالى حاجة

كلامك حلو اوي يا جوليت وبتقولي رأيك بطريقة محترمة جدا انا معاكي في حاجات كتيييييييييييييير جدا والاختلاف في نقط صغيرة اوي بس ممكن نقول زي ما متغب غلط لكن مرتبكش خطيئة ولازم ردة الفعل تبقى على اد الغلط مش يبقى غلط وننحاسبه على انها خطيئة كبري ويارب ربنا يوفقه ويكرمه عشان هو يستاهل كل خير بجد وميرسي يا قمر على اهتمامك وردك وطريقتك في النقاش........ وميرسي اوي يا ماهي على مساندتك

ثانكس يا جوجو على التوبيك الجميل ده انا متفقة معاكى فى ان تناول الموضوع ده على الفيس بوك و بعض المواقع كان اووفر اوى, بس ده جايز لان الصور كانت تصدم اى حد.
لكن انا متفقة مع جوليت فى حتة انه مكانش المفروض ياخدها معاه الاستاد ابدا
ادى فرصة لكل الناس انهم يدخلو فى حياتة الشخصية بطريقة اووفر بردة
و زى ما جولييت قالت ان متعب المفروض قدوة لاطفال كتيير . مكانش المفروض يعمل ده و مافيش بينهم لسة حاجة رسمى

حلو الموضوع يا جوجو بس ممكن يكون الجروبات اللى على الفيس بعضها مش بتحب متعب والباقى متاثر وفى ناس زملكاويه كالعاده داخلين فى الفاضيه والمليانه لازم فعلا نتكلم براحه مش زى الجروبات دى

وانا مالي

ميرسي اوي يا جماعة على ردودكو واحنا لازم ننصحه ونقف جنبه بس بشكل حضاري اكتر من اللي بيحصل دا .....بس انا مش فاهمة ردك بصراحة خالص mtm

ميرسى على الكلام المحترم ده
وبصراحه انا مش بحب يارا دى
بس لو متعب قرار ان هو يرتبط بيه
هو حر لان ده فى الاول والاخر قرار شخصى لمتعب بس مش اى حد تانى

انا معاكى

حلو يا جوجو وانا معاكى