متعب ويارا اد اه

خلاص كلنا عرفنا ان متعب خطب يارا نعومى وسمعناه وشفناهورغم ان انا اول واكتر واحدة مش عاجبنى الارتباط ده بس انا راى ان احنا نبطل نتكلم فى الموضوع ده ونستنى لحد لما متعب يرجع الملعب وساعتها نحكم عليه ونشوف مستواه عامل ازاى بس انا قبل مل نقفل الموضمع ده عايزه رايكم فى حاجه هل انتو شايفين ان علاقه متعب ويارا هتنجح ولا هتبقى زى الخطوبه الاولى وكمان شايفين مستوى متعب لما يرجع هيبقى ازاى ووجود يارا هياثر على متعب سلبا ولا ايجابا
وبصراحو انا راى ان علاقة متعب بيارا مش هتستمر لان انشاء الله لما يرجع متعب للملعب ويدخل الفريق مع ابو تريكه وبركات واحمد حسن الى هما ااقرب الناس ليه بمكن ساعتها يحس ان حياته فيها حاجه غلط ويبدا يصلح
وبالنسه لمستواه انا مش مطمنه ومرعوبه عليه فاكرين لما متعب رجع من السعوديه انا كنت حاسه انو اتغير اوى وبقى قريب من ربنا وعشان كده ربنا كان موفقه جدا وحتى بعد الاصابه مستوى متعب كان رائع واحسن فترة لعبها ده عشان متعب بجد كان قريب من ربنا بس دلوقتى والصور الى احنا شفناها الموضوع ميطمنش وحاجه كمان الصحافه الى رجعت تانى تهاجم متعب وتنتقده وطلع عليه اشاعات وافكركوا بالفتره الى متعب كان مصاحب فيها رامز جلال وكان الصحافه مش سايباه فى حاله ومستواه كان نازل جدا على العموم ربنا يستر وانا بدعيله ربنا يسترها معاه ده راى ودلوقتى عايزه اعرف رايكم بصراحه

اولا يا ياسمين بلاش كلمة انشاء الله اسمها ان شاء اللة
ثانيا انا شايفة ان متعب ممكن مستواة يرتفع والحافز لة هيكون يارا عشان يثبت للناس كلها ان اختيارة كان صح دة احتمال
واحتمال تانى ان متعب ينهى علاقتة بيارا لانة اصلا بيحب خطبتة الاولانية بس هى اتخطبت عشان كدة متعب زعل اوى وراح خطب هو كمان ممكن عشان ينسى خطبتة او عشان يوصلها رسالة انة بيها او من غيرها هيقدر يستمر خصوصا انة كان بيحب خطبتة دى اوى ولما سابوا بعض حاول يرجعلها دى المعلومات اللى عندى والله اعلم بالحقيقة فين
وبعدين يا ياسمين ابو تريكة واحمد حسن عمرهم ما هيقولوا اتجوز دى وبلاش دى هم مش ليهم دخل القرار فى النهاية يرجع لمتعب
وعلى فكرة ممكن متعب يكون بيحب يارا دى بجد والله وحدة العالم ما يمكن تكون نصيبة لكن الصحافة تهاجم متعب او مش تهاجمة عشان يارا فالموضوع دة مش هيفرق معاة لانة قال قبل كدة انة مش عاد بيلتفت للحاجات دى
بس اللى انا حاساة ان مستوى متعب هيرتفع فى الفترة اللى جاية دى خالص عشان هو عندة رغبة انة يثبت وجودة بعد رحلتة الاحترافية اللى انتهت بالفشل

عندك حق يا جولبت شاء الله مستواه هيرتفع
لكن بخصوص يارا ربن امهاه ولو في خي بنهم يتمم الموضوع ده علي خير
ولو مفيش خير بنهم يارب يسبها بسرعه

احنا ملناش حق ان احنا نتدخل فى حياته الخاصه
دى خصوصيات ومهما كان متعب مش هياخد خطوه تضره
وبالنسبه لمستواه فمتعب مش لاعب صغير وبيعرف يفصل كويس بين حياته ومشاكله الخاصه وبين ادائه فى الملعب

no comment

ايه ده لا انا استغربت ايه العقل ده كله ياميرو المره دى راى من رايك

لأ انا بقى اللى مخوفنى ان محدش هيصبر على عماد لو مستواه انخفض,
عشان هيربطو ده بحاجات تانية, ده اللى انا مرعوبة منه

يا جماعة ادعولة ربنا يوفقة وبطلوا الحباط دة كفاية الناس التافة الى بتهجمة وتقول بتحبة

لاااااااااااااا تعليق

عادي جدا اصلا انا كنت هضايق لو كانو كل شوية قالو انهم في نايت كلوب وانهم مش عارفة فين بس يعني دول بيخرجو في اكتر الاماكن زحمة في مصر مرة الاستاد ومرة سيتي ستارز ومش قادرة اقلكو يعني دلوقتي بالذات سيتي ستارز عامل ازاي وقاعدين مع بعض في اماكن عامة والناس كلعا بتشوفهم يعني مش بيعملو حاجة غلط وكلنا اصلا في رمضان بنستنى لحد الفجر وبنتسحر قبلها بفترة قليلة جدا هي دي كمان عيب ؟ وخصوصا ان هو معندش تدريب وحتى لو عنده انا على حد علمي ان في رمضان التدريب بيبقى بعد الفطار

ياجماعة انا خايفة على عماد اوي الفترة الجاية وعندياحساس ان مستواه هيتأثر كتير لو مش علشان ارتباطه بيارا هيبقى علشان الصحافة والاعلام اللي عمرهم ما هيسبوه ف حاله لان كل الناس بتتكلم عليه وهو كده هيضطر يدخل ف مشاكل جديدة كل يوم بسبب موضوع يارا ده وهو كان في غنى عن المشاكل دي كلها كمان بقى عصبي اوي اليومين دول وبيتصرف تصرفات غريبة كأن الناس كلها اعدائه انا معاه ان دي حياته الشخصية لكن هو لازم يعرف انه لوكان حد بيتكلم عن الموضوع ده هنا اوعلى الفيس بوك او اي حتى تانية فهي دي الناس اللي بتخاف عليه بجد انا والله ياجماعة لما سمعت بيكلم كابتن شوبير امبارح وبيأكد خبر ارتباطه بيها حزنت اوي وبكيت من الخوف عليه في الي جاي وربنا يهديك ياعماد ويبغدها عنك

(( حبيبى يا متعب ربنا يديك .. افضل اكتبلك لحد ما اموت وانا شايف عينيك ))

جماعه من فضلكم

يارا اتغيرت كتير وكلنا لاحظنا ده

ربنا يسعده بقى


واحنا ملناش دهوه


ميرسى على التوبيك

عندك خق يا ياسمين كل كلامك صح الصح

عرفتي ازاي يا هدى انهااتغيرت ؟؟؟؟؟

بجد زهقت من كتر الكلام فى الموضوع ده

انا مو بس حاسة يا ياسمين
انا متأكدة علاقتهم ماراح تستمر
راح تكون علاقة فاشلة متل موضوع ستاندرليج
ومافي مقارنة بين أيتن ويارا لانو عالآقل أيتن علاقتهم استمرت كتير
وكان بحبها كتير وبكل لقاء بيحكي عنا وهو مبسوط
وكمان امو كانت مبسوطة كتير فيها بس للآسف مابعرف ليش مااستمرت
اما يارا علاقتو بيها مو واضحة من البداية لحد هلا
واما مستواه في الملعب انا بظن راح يرجع أفضل وأفضل متلما كان عليه
وربنا يوفقو
يعطيكي العافية عالموضوع الرائــــع يا سمين