القيعي: بانجورا أحد ثلاثة مرشحين للأهلي .. وسنفاوض فتح الله في حالة واحدة

قال عدلي القيعي مدير التسويق والاستثمار بالنادي الأهلي إن المهاجم السيراليوني الدولي محمد بانجورا ضمن قائمة تضم ثلاثة لاعبين مرشحين للانضمام لصفوف الفريق الأحمر في شهر يناير المقبل.

وأضاف القيعي لإذاعة الشباب والرياضة "هناك ثلاثة لاعبين مرشحين للانضمام لصفوف الأهلي في يناير المقبل، هم العراقي مصطفى كريم لاعب الشارقة الاماراتي، والزامبي جيفن سينجولوما مهاجم مازيمبي الكونجولي، بالاضافة للسيراليوني بانجورا مهاجم أيك سولنا السويدي، وسنسعى لضم لاعب أو اثنين منهم".

وظهر بانجورا بشكل جيد مع منتخب سيراليون في لقائه أمام منتخب مصر بالقاهرة في مستهل مشوار تصفيات إفريقيا، ولعب كريم من قبل في صفوف الاسماعيلي، فيما حصل سينجولوما على لقب هداف كأس أمم إفريقيا للمحليين برفقة منتخب زامبيا.

ونفى القيعي أن يكون كريم قد وقع عقدا للانضمام في يناير المقبل، أو أنه اقترب بشدة من الانضمام للفريق قائلا "كريم مرشح مثله مثل بانجورا وسينجولوما، ولم يوقع بعد".

وحول تصريح محمد شيحة وكيل اللاعب بأن كريم أتم اتفاقا نهائيا للانضمام للأهلي قال القيعي "هذا كلام وكلاء لاعبين وليس لنا علاقة به".

وحول إمكانية انضمام محمود فتح الله مدافع الزمالك لصفوف الفريق الأحمر في نهاية الموسم عقب نهاية عقده مع الزمالك، قال القيعي: "فتح الله مازال لاعبا في الزمالك، ولم نقم بالتفاوض معه حتى الأن".

وتابع "بما أن فتح الله لاعبا في الزمالك فبالتأكيد ستكون الأولوية للزمالك في تجديد تعاقده، ولكن اذا لم يتوصل مع ناديه لاتفاق بشأن تجديد التعاقد فمن حقنا وقتها الدخول معه في مفاوضات خاصة وأننا نسعى لتدعيم الفريق بلاعبين مميزين".

وينتهي عقد المدافع الدولي مع الزمالك بنهاية الموسم الجاري، ويسعى الفريق الأبيض لتأمين تواجد فتح الله مع الفريق لثلاث مواسم مقبلة.

وكان فتح الله قد أكد في أكثر من مناسبة ترحيبه بالتجديد للزمالك، مشيرا إلى أنه لم يشترط أي مبالغ لتوقيع عقد جديد مع ناديه.

مرسي ياميرو ع الخبر

شكرا ع الخبر


بس ماظنش فتح الله يقبل

فتح الله للزمالك

( بنحبك يا زمالك وسنظل اوفياء للأبد )

يا ريت يفضل احنا عندنا مدافعين مش لاقيين يلعبوا وكمان فتح الله اشتهر فى الزمالك يعنى لازم يكمل المشوار فى الزمالك

مدافعين ايه يا ميرو

ده هوه جمعه اللى اعترف بيه

باستثناء عبد الفضيل وفتحى مراكزهم بتتغير

لكن احمد السيد مايتقالش عليه مدافع بالنادى الاهلى

ولا سمير موجود ولا غيره ولا.ولا.ولا

بلاش ندخل مع بعض فى خناقه فى دى كمان انتوا عندكوا اتنين حرام يتقال عليهم بيلعبوا كوره اصلا الصفتى وغانم

كفايه علينا موضوع متعب

وانا يا ميرو مش بنكر فعلا الصفتى وغانم مفيش خااالص

بس مش تقولى ان انتوا عندكوا كتير وكده

ومن غير خناق

الاهلى دلوقتى بقى غلط فى غلط

فى ظل عدم وجود مدافعين

فى ظل عدم وجود مهاجمين

فى ظل زحمه فى خط الوسط

كل ده يسبب مشاكل

طيب والفتره اللى فاتت عارف انه اعندوش مهاجمين ماجابش ليه

لأ عال يملى نص الملعب وخلاص

( بنحبك يا زمالك وسنظل اوفياء للأبد )

انا قصدى لو محمد سمير خد فرصه ممكن يعمل حاجه فى ظل تراجع كبيير اووى فى مستوى جمعه وكمان احمد السيد مش سريع وهفواته قاتله جدا بالنسبه للمهاجمين كنا حاطين امل على غدار بس لسه ماخدش فرصه مش عارف ايه اللى حصل من الاهلى فى فتره الانتقالات كنا هنجيب مصطفى كريم بس على اخر لحظه طلع عنده مشكله مع نادى قطرى ده غير الشروط بتاعه الشارقه الاماراتى وكمان فى حاجه ملحوظه فى الزمالك فتح الله بقى بطئ عدا منه كذا كوره فى ماتش سيراليون وانبى

من الاخر الاهلى والزمالك مستواهم فى النازل بالتالى المنتخب فى النازل

عايزك تقرا تعليقى على خبر بتاع اسماعيل يوسف وتقولى تعليقك

شكرا يا ميرو

شكرا علي الخبر
وهو مش كانوا عايزين هشام بوشروان
ده بيلعب حلو اووي وكمان مع متعب هيبقوا ثنائي ملهوش حل
وفتح الله خليه في الزمالك معي اني بحبه بس محمد سمير لو خد فرصه هيبقي كويس

ليه يعنى هوه فتح الله مش لاقى مكان

فتح الله من احلى مدافعين مصر فى الوقت الحالى

بجد ما شاء الله عليه

يارب يفضل فى الزمالك على طول


________ بنحبك يا زمالك وسنظل اوفياء للأبد ________

بو شروان ده يا تولين الاهلى والزمالك كانوا هيجيبوه بعد كده طلب مليون دولار فى الموسم الاهلى خلع من الصفقه بعد كده سمعنا ابراهيم حسن قعد معاه واتفق وفى الاخر راح المغرب تانى بعد ما كان هيروح الامارات