فيديو:متعب : انتقدوني كروياً وابتعدوا عن خطيبتي ومطالبات لجنة الكرة مجرد شائعات

أبدي الدولي المصري عماد متعب مهاجم فريق الأهلي استيائه الشديد من تناول الإعلام الرياضي لخطوبته بالشكل الذي يراه اللاعب تعدياً علي حياته الشخصية ، مؤكداً أن كل ما يقال حول مطالبات لجنة الكرة بفسخ تعاقده ما هو إلا شائعات .


و قال متعب في تصريحاته " الكثيرين يتدخلون في حياتي الشخصية ، لكنني لن أسمح بذلك لأن حياتي الشخصية ملكاً لي وليس لأي شخص علاقة بها ، احترم جميع الانتقادات الكروية التي توجه لي ، لكنني لا أريد أن يقتحموا حياتي الشخصية " .


و حول مشكلته مع المصور الصحفي قال " لم أذهب للمشاكل ، لكنني فوجئت بالمشاكل تحاصرني من المصور الصحفي الذي مارس حقه القانوني وأنا سأواصل البحث عن حقي من خلال سلك الطرق القانونية أيضاً ، لن أتنازل عن حقي وشهود العيان الذين استشهد بهم قاموا بالشهادة العادلة وأنصفوني " .


وتطرق متعب للحديث عن خطيبته " ما يغضبني بشدة هو إقحام اسم خطيبتي في جميع الأخبار التي تتناولني ، فتارة يؤكدون أنني فسخت خطوبتي منها ، وتارة أخري يؤكدون أن لجنة الكرة منعتها من دخول النادي ، و أخيراً يؤكدون أن مسئولي النادي يطالبونني بفسخ خطبتي ، وهو ما لم يحدث علي الإطلاق " .


وأكمل " حياتي الشخصية ملكاً لي ، أنا مرتبط بخطيبتي ومستمر معها ، سأكمل معها المشوار حتى اليوم الأخير من عمري ، سأعقد قراني عليها قريباً ، وأعتقد أن هذا لا يسبب الضيق لأي شخص " .


واستفاض " لا أجد مبرراً واحداً لإقحام أسم خطيبتي في جميع الأخبار ، ارتباطي بها نابع من قناعتي باختياري وأعتقد أنني أراها أنسب إنسانة لي ، و أمتلك قناعة كاملة بالإنسانة التي ارتبطت بها " .


وأضاف " أرحب وأحترم بأي انتقاد علي المستوي الكروي ، حتى لو كان هذا النقد لاذعاً لدرجة كبيرة ، لكنني لا أريد أن يقتحم أحد حياتي الشخصية وينتقدني في أمور شخصية " .


وأردف " أحترم جميع النقاد الذين يوجهوني من أجل مصلحتي ، لكنني لن أسمح بالخوض في حياتي الشخصية ، أريد إبعاد خطيبتي عن جميع الأمور الرياضية ، لا يعقل أن أجد صورتها منشورة علي صفحات جميع الإصدارات الرياضية " .


وأنهي مهاجم الأهلي بالتأكيد بأنه سيخوض تدريبات فريقه بشكل كامل بداية من الشهر المقبل بعد التأكد من تعافيه التام من الإصابة التي يعاني منها .






[flash(425,350)][ندعوك للتسجيل في المنتدى أو التعريف بنفسك لمعاينة هذا الرابط]



مافيش حاجة اقولها يا عماد غير انك بتعند مع نفسك و مع كل اللى حواليك
ربنا يهديك و يلهمك الصواب

اكيد متعب عنده حق لان دى حيا ه الشخصيه

ليه ياسوكا بيعاند نفسه واضح جدااا ان هو مصمم عليها واهله اكيد هيبقوا موافقين ما هو مش هيعند معاهم ياعنى وربنا يوفقه معاها ويهديها وتكون زوجة صالحة لى وتساعده انه يرجع فى احسن حلاته هو ده اللى احنا عاوزينه

ده الي احنا خدناه من صحافةمصرالغش والكذب والخداع بعدمافرحوناان عمادسابها طلع كذب عموماربنايوفقك يااحلي عمدة ويهديك ويهديلك يارا ويارب تتحجب وتبطل تمثيل عشان تليق ليك ويارب متبعدكش عن ربنا وتخلي علاقتك بيه دايما طيبه وربنا يوفقك وترجع احسن من الاول والصحافة تسيبك في حالك

ميرسى على الفيديو
وياريت بلاش نسمع ونصدق الصحافه فى الاخبار بتاعتها
علشان معظمها غير صحيح
وربنا يوفق عماد للخير وربنا معاه فى مستقبله
وبلاش تدخل فى حياته الشخصية يارب يفهموا
مش من حقنا والله العظيم ولا من حق الصحافة اننا نتكلم فى حياته

متعب عندة حق فى كل كلمة وبلاش ونبى يا جماعة ندخل فى حياتة الشخصية وربنا يوفقك يا عمدةةةةةةةةةةةةةةةةةةةةةةةةةةة

مش كانه بيقولة ان متعب ساب يارا كلام دة غلط ولا اية

حقك يا عماد


ومن حق اى حد انه ميسمحش لحد انه يدخل فى حياته الشخصيه

واللى ربنا عايزه هيكون

وربنا معـــــــــــــــــاك

ميرسى على التوبيك

عماد كلامه صح اووووووووووووى وميرسى ياقمرايا على التوبيك التحفة والفيديو الجامد

متزعلش نفسك يا كابنت عماد ناس فاضية هانقول ايه بس ؟

ربنا يوفقك بجد مستنينك بفارغ الصبر

ثااانكس ع التوبيك
وربنا يوفقة دايماااا

مش لاقى كلام اقوله غير شكرا على المتابعه السريعه يا سوكا

العفووو يا ميروو
و العفووو ليكم كلكم لردودكم

[quote:6e9c="reporty"]ليه ياسوكا بيعاند نفسه واضح جدااا ان هو مصمم عليها واهله اكيد هيبقوا موافقين ما هو مش هيعند معاهم ياعنى وربنا يوفقه معاها ويهديها وتكون زوجة صالحة لى وتساعده انه يرجع فى احسن حلاته هو ده اللى احنا عاوزينه[/quote]


لأانى مصدقتش كلامه امبارح يا reporty
متعب واضح اووى انه متأثر بتدخل الناس فى حياته سواء كان جمهوور او اعلاميين او او ..
كل قراراته و تصريحاته انفعاليه مبنية عن ضيق من كل اللى حواليه
متعب مش عاوز يتقال عليه انه سابها بناء عن طلب الاعلام و الجمهوور و ده سايبه بيفكر غلط
و بعدين لو مكانش فيه مشاكل فى الارتباط ده كان زمانه خطبها من بعد العيد زى ما قال.
انا بصراحة عذراه لأن مافيش حد يتحمل ان اى حد يتدخل فى حياته الشخصية كدا بالطريقة الاوووفر دى,
عموما كل اللى بتمناه فعلا انه ميبقاش له دعوة بالناس اللى حواليه يتشاور هو و اهلة و بس و يدرك جيدا انه حد سهل استفزازه ,ان كان مش مستحمل اللى بيعملة دلوقتى الجمهوور و الاعلام ,هيعمل ايه لما ينزل ارض الملعب و يواجه الاستفزازات اللى على حق من جماهير الفرق التانية , لازم يفكر فى النقطة دى كويس لأنى فعلا متوقعة ان ده هيحصل و خايفة من رد فعلة,
عموما ربنا يلهمك الصواب و يوفقك

بس اهم حاجة يا عمده رضا الام , والدتك لازم تكون فوووق كل شئ مهما كان .....

سوكا متعب شكله بيحبها بجد وهو قال خطيبتى يعنى اكيد هو جاد

ربنا يوفقك يارب

مدام مصر على يارا

يبقى ربنا يوفقك معاها