من كان منكم بلا "يارا" فليحاسب عماد متعب !!كتب: عبدالقادر سعيد

[color:276f=black]كتب: عبدالقادر سعيد[/color]


أدهشني كثيراً الهجوم على اللاعب عماد متعب فور أن أعلن خطبته على ملكة جمال مصر عام 2007 يارا نعوم , لمجرد أنه ارتبط بواحدة من الوسط الفني أو من المشاهير .

فيارا نعوم التي قامت بالتمثيل في أدوار قصيرة في أفلام قليلة بالسينما المصرية في الأعوام الأخيرة وجدت نفسها سٌبة على جبين عماد متعب لمجرد أنهما قررا الإرتباط والزواج .

هجوم الجميع على لاعب النادي الأهلي بدءاً من جماهير نادي القرن وحتى الإعلام ورجل الشارع العادي كان مستنداً بكل وضوح وشفافية إلى أن متعب "ابن بلد" وبيفهم في الأصول ولا يجب أن يتزوج امرأة لا تلتزم بالتقاليد والعادات وترتدي ما طاب لها من الثياب بغض النظر عن تلك التقاليد .

والمدهش لدرجة تكاد تصيبني بالتحول إلى كتلة نار هو أن معظم مهاجمي اللاعب المصري لارتباطه بيارا نعوم , يلومونه على "تبرج" خطيبته دون النظر إلى -ذويهم- , وسأكون أكثر أدباً وأختصر ما أريد أن أقوله في كلمة "ذويهم" فعليكم أن تقرأو معي ما بين السطور دائماً !!

فهل لا توجد يارا في حياة كل منهم ؟ هل كل من يهاجم عماد متعب لم يحب يوماً ما ويطلب الزواج ممن أختارها قلبه ؟ وهل يختار دائماً أفضل نساء الدنيا وأكثرهن إلتزاماً وخلقاً وتديناً ؟ وهل عندما يختار قلب أحدهم "يارا" جديدة خاصة بهم يعاقبه الأخرون على هذا الاختيار لمجرد الحكم على الشكل الخارجي لها وعلى ملابسها ؟!

بالتأكيد هناك عادات وتقاليد يتمسك بها الشارع المصري من أجل الحفاظ على البقية الباقية من الأخلاق , ولكن عندما تكون يارا نعوم هي الأزمة الوحيدة وهي - عفواً - المتبرجة الوحيدة في مصر , فوقتها سيكون من حق الجميع أن يسلطو كل سهام الغضب حول مهاجم منتخب مصر لتفكيره الزواج بها , فنحن لا نعيش في المملكة السعودية حتى يرفض المجتمع يارا كزوجة لمتعب - وذلك مع كامل تقديري وشكري وإحترامي وإمتناني لما تفعله هيئة الأمر بالمعروف والنهي عن المنكر في الأراضي المقدسة - .

ولكن هناك أمثلة كثيرة لـ"يارا" تحت حُكم هؤلاء الذي يهاجمون متعب , وإذا كان كل رجال مصر أصحاب الدم الحُر والشهامة يهاجمون عماد متعب لارتباطه ببنت ترتدي الملابس القصيرة , فمن المسئول إذاً عما نراه في الشوارع والأماكن العامة المصرية ؟ هل أناس غير الذين يهاجمون متعب ؟ أم أنهم لديهم أزواج أجانب !

باختصار شديد أود أن أقول أن عماد متعب له مُطلق الحرية في اختيار شريكة حياته , وهو اختار فنانة وملكة جمال سابقة من أسرة فنية معروفة , فلم يختر مثلا - ساقطة - أو - فتاة ليل - حتى يهاجم بهذا الشكل البشع من الإعلام والصحافة والجمهور العادي , والشق الثاني من هذه الرسالة هو أن الوحيد الذي من حقه مهاجمة متعب لعلاقته بيارا هو فقط من كان ليس مسئولاً عن إحداهن أو حياته لا يوجد فيها "يارا" , وأؤكد مرة أخرى على ضرورة قراءة الكلمات التي تكتب -بالحبر السري- بين السطور !


كتب: عبدالقادر سعيد[/color]

واللة انتا عندك حق

وحياة ربنا بجد عندك يا استاذ عبد القادر

وبجد انت شخص محترم جداااااااااا فى الوقت اللى مبقاش فيه اعلام يستحق انه يتسمع اصلا

الف شكر على التوبيك الروووووعه

والله كل كلامك صح
تسلم ايدك

بجد ميرسى جدا على كلامك بجد اسلوبك حلو جدا فى كتابة الحوار انا حسيت انى بقرا قصة وانسان وقاعى ميرررررررررررررررررررررررررررررسى بجد وعندك حق فى كل كلمة

اخيرا واحد قال الحق

شكرا ع التوبيم

كلام جميل

اوؤيده فى كل كلمه

بجد الناس دى مازهقتش

بجد ما تعبتش

عاوزين يعملوا ايه تانى

عاوزين يقولوا ايه تانى

انا مش هاكتب دلوقتى حاجه خالص

انا كتبت كتير اوى

تعبت بجد

لكن هاقول

حسبى الله ونعم الوكيل

هو ده فعلا الكلام الى المفروض كل أذن بشريه تعيب العُمده ان تسمعه

بجد كلامك صح

يارب تفرح يا عُمده بالبنت الى حبتها و هيا كمان حبيتك

و احنا وراك يا عماد الى اى مكان

بنحبك يا عماد انته و يارا

بنحبك يا روووووووو

هو ده الكلام الصج

في حياة كل منهم ؟ هل كل من يهاجم عماد متعب لم يحب يوماً ما ويطلب الزواج ممن أختارها قلبه ؟

[b]الكل حب بس كمان الكل بحب بالعقل مو بس بالقلب
انتو روحتو مع المثل الي بقول
لا كرامة في الحب
بس انا بقول هناك كرامة مادام هناك لب[/b]

وهل يختار دائماً أفضل نساء الدنيا وأكثرهن إلتزاماً وخلقاً وتديناً ؟
[b]ليش فيشي بهالدنيي أهم من الدين
ولا خلاص صرنا مهتمين بالدنيا اكتر من أي شئ
هو أكيد مافي حدا بالدنيي متبع الدين مية بالمية
بس عالآقل مو لدرجة يارا[/b]



وهل عندما يختار قلب أحدهم "يارا" جديدة خاصة بهم يعاقبه الأخرون على هذا الاختيار لمجرد الحكم على الشكل الخارجي لها وعلى ملابسها ؟!

[b]طبعا الناس العاقلة والفاهمة والي بدا مصلحة الشخص
اكيد راح تحاسبو
أما الناس الي مو مهتمين بالشخص ومابدن مصلحتو
طبيعي يقول اختار الي بدك ياه
صح الحب مهم ....بس قبل الزواااااااااج
اما بعد الزواااااااااج ففي أشياء كتيرة أهم من الحب [/b]

ببساطه شديده عماد اتهاجم من الاعلام لانه لما تكون عارف الشخص طباعه عمله ازاى وتلاقيه عمل حاجه غير متوقعه يبقى عشان كده هاجموه لكن لو كان مكان متعب هو ابراهيم سعيد او زيدان مكنش الدنيا هتقوم للدرجه دى والدليل ابراهيم سعيد

لا مش هوا ده الكلام الصحيح والله الناس اللي اعترضت على يارا دي الناس اللي عندهااخلاق ودين مش الناس اللي عندهم وحدة زي يارا او غيرها سوري بس مقال مستفز

لا مش فى حياة كل واحد يارا فى حياة كل واحد بنوته رقيقة متدينة هتصونوا وتصون عياله او فى حياة كل واحد يارا فعلا بس ماشى معاها مش هيتجوزها وبيتحدى كل ناس الى بيحبوه بجد عشانها بس فى الاول وفى الاخر هو حر دى حياته احنا مالنا ولو فى حياة كل واحد يارا يبقي كل بنت فينا يارا عندها استعدادتتنازل لمجرد انها تكون ملكة جمال مصر فيها 10000 واحدة احلى من يارا بس معندهمش استعداد يتنازلو انا مش معترضة ع علاقةدى لانها متخصنيش بس معترضة ع مقال لان مش كل البنات يارا

المقال ده انا قريته من اسبوع فات
الصراحة معجبنيش ,

النقطة الوحيدة اللى اتفقت معاه فيها ان الاعلام تناول الموضوع بطريقة اووفر.
و ده يمكن لأن زى ما قال ميرو متعب محدش كان متوقع منه ده سواء كان جمهوور او اعلام.


اما مضمون الموضوع اللى متلخص فى عنوان الموضوع فووق معجبنيش خالص..

[quote:dcfd="كريكورية المغربية"]في حياة كل منهم ؟ هل كل من يهاجم عماد متعب لم يحب يوماً ما ويطلب الزواج ممن أختارها قلبه ؟

[b]الكل حب بس كمان الكل بحب بالعقل مو بس بالقلب
انتو روحتو مع المثل الي بقول
لا كرامة في الحب
بس انا بقول هناك كرامة مادام هناك لب[/b]

وهل يختار دائماً أفضل نساء الدنيا وأكثرهن إلتزاماً وخلقاً وتديناً ؟
[b]ليش فيشي بهالدنيي أهم من الدين
ولا خلاص صرنا مهتمين بالدنيا اكتر من أي شئ
هو أكيد مافي حدا بالدنيي متبع الدين مية بالمية
بس عالآقل مو لدرجة يارا[/b]



وهل عندما يختار قلب أحدهم "يارا" جديدة خاصة بهم يعاقبه الأخرون على هذا الاختيار لمجرد الحكم على الشكل الخارجي لها وعلى ملابسها ؟!

[b]طبعا الناس العاقلة والفاهمة والي بدا مصلحة الشخص
اكيد راح تحاسبو
أما الناس الي مو مهتمين بالشخص ومابدن مصلحتو
طبيعي يقول اختار الي بدك ياه
صح الحب مهم ....بس قبل الزواااااااااج
اما بعد الزواااااااااج ففي أشياء كتيرة أهم من الحب [/b][/quote]

عارفين زمان لما كان الكابتن حسن شحاته والكابتن جمال عبد الحميد لما بينزلوا الملعب كانت الجماهير فى الملعب بتقول ايه

ما هو ده اللى انا خايفة على متعب منه
متعب سهل استفزازة جدا
انا بصراحة متوقغة ان ده هيحصل مع متعب و يا خوفى من رد فعله , ده هو مش مستحمل اللى بيحصل معاه دلوقتى هيعمل ايه ساعتها

[quote:ee33="soooka"]ما هو ده اللى انا خايفة على متعب منه
متعب سهل استفزازة جدا
انا بصراحة متوقغة ان ده هيحصل مع متعب و يا خوفى من رد فعله , ده هو مش مستحمل اللى بيحصل معاه دلوقتى هيعمل ايه ساعتها[/quote]
دة انا مرعوبه من الموضوع دة بالذات وخصوصا بقى فى ماتشات الزمالك والاسماعيلى
يلههههههههههههههههههههههوى
ربنا يستر

صح واحنا ميهمناش متعب مرتبط بمين المهم الاداء داخل الملعب

بالتأكيد هناك عادات وتقاليد يتمسك بها الشارع المصري من أجل الحفاظ على البقية الباقية من الأخلاق , ولكن عندما تكون يارا نعوم هي الأزمة الوحيدة وهي - عفواً - المتبرجة الوحيدة في مصر , فوقتها سيكون من حق الجميع أن يسلطو كل سهام الغضب حول مهاجم منتخب مصر لتفكيره الزواج بها , فنحن لا نعيش في المملكة السعودية حتى يرفض المجتمع يارا كزوجة لمتعب - وذلك مع كامل تقديري وشكري وإحترامي وإمتناني لما تفعله هيئة الأمر بالمعروف والنهي عن المنكر في الأراضي المقدسة - .

كلامة حلو اوى على فكرة واول مرة اشوف حد بتكلم صح فى الموضوع ده

وهو حر بقى وكفاية كلام فى الموضوع ده لانه يخص متعب لوحده مش يخصنا احنا ولا اى حد تانى

واحد بيفهم

هوا وينه الفهم هادا

اولا احنا مش مسئولين غن اللى بنشوفة فى الشارع لكن مسئولين عن اللى بنرطبت بيهم
ثانيا الامر الواقع متعب هيتجوز يارا فبلاش نعشم نفسنا ان هما هينفصلوا
ثالثا فى شباب كتير محترم وفعلا هما بلا يارا
مش زى ما مكتوب فى المقال ان كل واحد لة يارا فى حياتة
رابعا انا واحدة من الناس اعترضت على يارا فى وقت من الاوقات عشان لبسها
لان اللى هى بتعملة غريب عليا لانى محجبة
خامسا كل اللى هاجم متعب بسبب يارا او معظمهم هاجموة بسبب يارا لان دى حاجة غريبة عليهم لانهم فعلا بلا يارا
فبلاش ثقافة التعميم ارجوكم
والمقال دة واضح انة اللى كتبة معتقد ان البنات المتحجبات او المحتشمات انقرضوا لا على فكرة فى منهم كتيررررررررررر
الدنياااا لسة بخير
ولو فعلا يارا قدر متعب ونصيبة فانا احب اقول ان ربنا مش بيقدر لاى انسان حاجة وحشة
ولو مش نصيبة برضو ربنا مش بيقدر لانسان حاجة وحشة