تقرير - هل تؤثر مقاطعة الصحف المصرية لعماد متعب في ظل وجود مواقع الانترنت

بعد أن أعلنت الصحف المصرية مقاطعة أخبار المهاجم الدولي عماد متعب لاعب النادي الأهلي بسبب تعديه باللفظ على مجموعة من الصحفيين وإشارته إليهم بألفاظ مهينة , تردد سؤال هام وهو هل ستؤثر هذه المقاطعة على نجومية متعب ؟

بالتأكيد أن هذا القرار الذي اتخذته الصحف المصرية القومية والخاصة والحزبية ما هو إلا نوع من العقاب لعماد متعب حتى يعود ويعتذر عن قوله للصحفين عند سؤاله عن يارا نعوم خطيبته " من يردد اسمها سيأخذ - بالجزمة- " .

ولكن في ظل وجود مواقع الإنترنت والتي يعتبر زوراها وروادها أضعاف مضاعفة لقراء الصحف المصرية المختلفة , أصبحت مقاطعة الصحافة الورقية لعماد متعب حتى الأن بلا تأثير .

وذلك بعد أن تداولت المواقع الإلكترونية المصرية والعربية خبر خطوبة عماد متعب من يارا نعوم ملكة جمال مصر السابقة , وعرفت كل الجماهير هذا الخبر دون أن ينشر على أي جريدة مصرية .

وفي الواقع أن مقاطعة الصحف الورقية لمتعب في الوقت الذي تستمر فيه الصحافة الإلكترونية من متابعة أخباره , هو يشير إلى أن الأولى بدأ تأثيرها يتلاشى في ظل وجود الصحافة الإلكترونية التي جعلت من متعب حديث الساعة في الوقت الذي كان يتمنى فيه كبار الصحفيين الرياضيين ألا يعرفه أحد قبل أن يعتذر !

جدير بالذكر أن الصحف المصرية قد اتخذت قراراً بناء على طلب من رابطة النقاد الرياضيين بعدم نشر أي صور أو أخبار عن اللاعب عماد متعب حتى يعتذر عما بدر منه وعن تطاوله على الصحفيين , بينما لم تتوقف المواقع الإلكترونية عن متابعة أخبار اللاعب ونقلت خبر خطوبته مدعماً بصور الحفل العائلي البسيط للملايين .

[color:9454=#0000ff]ويبقى السؤال لقراء EParena.com .. هل ترى أن مقاطعة الصحف المصرية لعماد متعب سيكون لها تأثير على نجوميته أو متابعة أخباره في ظل وجود المواقع الرياضية والصحافة الإلكترونية ؟؟[/color]

وفي الواقع أن مقاطعة الصحف الورقية لمتعب في الوقت الذي تستمر فيه الصحافة الإلكترونية من متابعة أخباره , هو يشير إلى أن الأولى بدأ تأثيرها يتلاشى في ظل وجود الصحافة الإلكترونية التي جعلت من متعب حديث الساعة في الوقت الذي كان يتمنى فيه كبار الصحفيين الرياضيين ألا يعرفه أحد قبل أن يعتذر !


هو ده الصح

الا يعرفه احد الا لما يعتذر ايه الهبل ده هو متعب لسه الناس ماتعرفهوش؟؟؟؟؟؟؟؟؟؟؟؟ وفعلا المواقع اللى على الانترنت احس ومبيعديش يوم الا فى خير عن متعب لانه بيححق لهم ارباح كتيره دايما اعلى نسبه مشاهده وتعليق

اولا شكرا ع المتابعه يا شريف

عاوز اقول حاجه

كان الاول اول ما عماد طلع كان اى كلام عليه اى ان كان صحيح او اشاعه

وكلام الاعلاميين كان كل ده بيأثر فيه واكيد مش بيلعب فى الملعب لانه متآثر بكده واكيد الكلام على كول فى دماغه سواء ان كان اشاعها او غيره كل ده كان بيحصل ليه بقى لان متعب ما كانش عنده الخبره الكافيه للتعامل مع الاعلاميين والنقاد والاقاويل والاشاعات وغيره وغيره فبالتالى كان كل ده بيآثر عليه

دلوقتى بقى متعب بقى عنده خبره كااااااااااااافيه واقول كافيه من هنا لبكره

بقى عنده الخبره الكافيه اللى يقدر يتعامل بيها مع الكلام والاشاعات دى

يعنى مش اى خبر بيآثر فيه وبيتآثر بيه بسهوله لأ

متعب بيسمع الخبر وبيبقى هادى اووووى ومابتكلمش ولا بيطلع فى اى حته ويتكلم على الكلام اللى اتقال عليه

لانه بقى عنده الخبره الكافيه للتعامل مع كل ده وده طبعا شىء طبيعى

لكن بقى اقووول لكل اعلامى او ناقد او غيره وغيره

متعب مش سهل ومش معنى انه مش سهل يبقى بيعمل الغلط او بيقول كلام غلط لأ ابدأ متعب بيعمل الصح وبيتعامل يالصح والعقل

اكيد طبعا كثره الكلام عليه فى الفتره دى اكتر من اى فتره مرت قبل كده
لكن هوه اتعلم قبل كده وعرف الضربه اللى ماتموتش تقوى صاحبها

بمعنى انه دلوقتى اتعلم وآخد الخبره الكافيه


صدقووونى متعب مش بيعمل اى حاجه غلط وصعب التآثسر فيه وصعب ان انتوا تهزوه

انصح الكل نصيحه

الكل يبعد عن متعب افضل له

متعب راجل لا بيعمل الغلط ولا هايعمله

حياته الشخصيه محدش ليه فيها اى ان كان هوه ميييييييييييييييييييييييييييم

يبقى مالكوش دعوه بقى

لكن بالنسبه للاعلاميين مش هاتاخدوا لا حق ولا باطل معاه الراجل فى السليم وقانونى 100 %

ابعدوا عنه وسيبوه فى حاله بقى

بحبك يا متعب وبموت فيك وهافضل اكتبلك لحد ما اموت وانا سايف عينيك

مابظن هلا مافيشي يحكو فيه عن متعب غير يارا
ومتعب مابدو حدا يحكي عن حياتو الشخصية
يعني هالشئ منيح لمتعب بهالوقت

ماعتقدش انها تاثر عليه

انا بصراحة مكنتش اتمنى عماد يقوول تصريح زى ده حتى و ان كان لة حق.
لأن اكيد بيجى فترة على اى لاعب بيحتاج تعاطف الاعلام معاه.

صح يا soooooooka
لازم نبقي حقانين ياجماعه ونقول
عماد غلطااااااااااااااااااان
ده مش اسلوب
ماظهرش معاها ع العلن واقول محدش يبص
نتكلم بالعقل برضوه

[quote:05d6="كريكورية المغربية"]مابظن هلا مافيشي يحكو فيه عن متعب غير يارا
ومتعب مابدو حدا يحكي عن حياتو الشخصية
يعني هالشئ منيح لمتعب بهالوقت[/quote]

ده يارب يفلوا مقطعينوا كده لحد ما يلعب فى يناير ده اريح لى ولينا والمواقع مش سيبة حاجة ياعنى المقاطعة دى مكسب للمتعب مش خسارة

عندك حق يا سوكة مكانش المفروض ان متعب يقول تصريح زي دة ولازم نعترف يا جماعة ان عماد غلطان كان في الف طريقة وطريقة يرد بيها عليهم بشكل احسن من كدة وبردو عماد في نفس الوقت معاه حق في ان محدش يتدخل في حياته الشخصية ومعتقدش ان مقاطعة الصحف ليه هاتاثر لان ماشاء الله مواقع الانترنت مش سايبة خبر عن عماد الا ومنزلاه وبعدين كمان اهه كلها كام يوم وعماد ينزل التدريبات وهانشوف ازا كان لابس دبله يبقي اتخطبو ولو مش لابس دبلة يبقي ما اتخطبوش ويبقي احسن والله وبجد عماد وحشني اوي ويارب يرجعهولنا بالسلامة يارب ويرجع زي زمان كدة ونرجع للايام الحلوة يارب وبحبك مووووووووووووووووووووووووووت يا متعب .(ومهما العزول يقول هاتفضل متعب وهانفضل نحبك علي طول)(وبحبك موووووووووووووووووووووووووووت يا متعب).

ياجماعه كلنا بشر وبنغلط متعب متغيرش بس اللى بيحصل زياده عن اللزوم

انا شايفة انها مش مأثرة عليه في حاجة ده حتي ارتاح من الاخبار الكاذبه اللي بينشروها وبعدين الماقع الالكترونية بتنزل اخباره باستمرار فبرده بنتابعه وعماد اكيد لو قال التصريح ده يبقي في لحظة غضب وايه يعني ما كلنا بنغلط وكمان الغلط كان من الصحافة من البداية من الكلام اللي كان بينشروه عنه هو ويارا وعماد عمره ما هيتأثر ان الصحافه مبتكتبش عنه لان هو معزته وحبه في قلبنا مش هيتأثر وهو عارف كده وعماد عمره ما هيعتذر عن حاجة هو شايف انها مش غلط وعلي راي المثل اللي علي راسه بطحة يحسس عليها هو مجمعش ليه الصحفيين المحترمين خدوا الكلام علي نفسهم عشان هما عارفين انهما غلطانين وان شاء الله متعب ميتعاقبش والا اي حاجة تحصل والصحافه اللي خسرانة انها مبتنشرش اخبار الملاك ده عندها عموما براحتهم احنا وراك يا عمدة ومهما حصل هنفضل نعشقك لاخر يوم في عمرنا وربنا معاك ويهديك ويوفقك ويبعد عنك كلام الناس
وشكرا ياشريف ع المتابعة
وبنحبك يا عماد ويارا معاك بالحجاب