الحب القاتل

السلام عليكم
في البداية ازيكم يا احلي اعضاء000000000
الموضوع اللي بقالنا فترة بنتكلم فيه وبرده منتهاش والا عمره هينتهي طول ما عماد مع يارا
هو عماد للاسف يا جماعة مش قادر يفهم ان الناس اللي بتنصحه انه يبعد عن يارا دول عايزين مصلحته هو فاكر ان ده اقتحام لحياته الشخصية لكن هو لو بص هيلاقي ان لو واحد عزيز عليه جه يخطب وهو شايف ان خطيبة صاحبه فيها حاجة اكيد ان هيقول لصاحبه كنوع من الخوف عليه ونصيحته ولو صاحبه مستجبش لنصيحته اكيد عمادهيضايق المفروض يحط نفسه مكان صاحبه ويعتبر جمهوره اللي بتحبه اصدقاءهويحاول يفهم كلامهم
واكيد يا جماعة ان في ناس كتيير عارضوا عماد في موضوع خطوبته من يارا وهو عاند معاهم تحت مسمي الحب مع انه لو فكر في الموضوع بعقله هيعرف ان يارا متنفعلوش زي الناس ما بتقوله في كل حتة وغير كده عماد اتغير اوي الفتره حوراته اللي شوفناه وسمعناها بتدل انه شخص متدين جدا ومحترم جدا وهادي جدا مش معقولة اتغير فجأة كده وبقي عصبي ومش عايز حد ينصحه الا اذا كان عليه ضغط شديد الفترة دي ومش حكاية الاعلام دي اللي مضيقاه كده لو لاحظنا هنلاقي ان عماد بقي بيربي دقنه كتير مع انه مكنش بيربيها الااذا كان زعلان او عنده مشكله وكمان عماد ربي دقنه قبل حكاية الاعلام دى خالص وبالنسبة لفلوس اللي دفعها لاستندرليج من حسابه الاهلي قال هيرجعهاله يعني مفيش مشكله انه يضايق وعماد مكنش بيحب يجيب سيرة خطيبته في اي حتة وايتن مثال قريب مشفنهاش والا مره وكان بينحرج يقول اسمها دلوقتى كل ما يتكلم بلاحظ انه بيتعمد يجيب اسم يارا وصورهم اللي بقت في كل المواقع وكفايه تعليقات الناس علي صور يارا خصيصا والله كل ما فكر اشيل يارا من دماغي واقول بكرة تعقل وتتغير تصادف ان انا اشوف صوره ليها ازعل تاني علي عماد ولما احنا نطالب عماد انه يحجب يارا لاننا فعلا خايفين عليه من عقاب ربنا لو اتجوزها هيتحاسب علي لبسها وشعرها يبقي احنا بنحبه مش بندخل في حياته عموما من الواضح ان الفترة دي عماد مش قادر يفكر بسبب الحب القاتل اللي بيجمعه بيارا لكن لما يرجع المعسكرات والتدريبات هيعمل ايه وهو دلوقتي مبيقدرش يبعد عنها ربنا يهديك يا عماد
وبالنسبة للناس اللي بتقول حتي لو يارا اتحجبت هيفضل ماضيها انا بقولهم لو عماد مصمم بالمنظر ده علي يارا يبقي يحجبها ويلبسها زي محترم واعتقد ساعتها الناس هتنشغل بحجاب يارا وهتنسي صورها القديمة ولو فتحوها مش هيعلقوا التعليقات بتاعة دلوقتي علي الاقل هيخدوا ذنوب وهي هتاخد حسنات واحنا مفيش في ايدينا حاجة غير ان احنا ندعيلك
وربنا يهديك يا عماد ويهديلك اللي بتحبها ويوفقك داخل لملعب وخارجه ويقدملك اللي فيه الخير
معلش طولت عليكم بس احب اسمع ردودكم
(بنحبك يا احلي عماد ويارا معاك بالحجاب)

ميرسى يا قمرايه على الكلام ده
وطبعا الحجاب شئ جميل جدااااااا
ولازم هى تكون حبه انها تكون محجبه
مش عشان عماد او غيره بس عشان
الحجاب فرض زى الصلاه والصوم
صح ولا ايه رايكم*** ربنا يكرم الجميع بطاعه الرحمن *******
قولوا امين

كلامك مظبوط 100في 100 وربنا يكرمهم ويوفقهم وميرسي علي ردك يا قمر

هو الموضوع مش عاجبكم والايه فين الردود

والله كلامك زى العسل يا روزانا بس ميييييييييييين يسمع


فيييييييييييييييييييييييييينك يا متعععععععععععععععععععععععععععععععععععععب

صح مين يسمع ومتعب لو شافه برده هايقول محدش يدخل فى حياتى الشخصية

ربنا معاك يا متعب

يا حماعه لازم تغير من جوهرها الاول وبعدين المظهر مش العكس

والله كلامك روعـــــــــة يا روسانا
وانا كمان لاحظت من يوم ماارتبط بيارا صار ماعم يهتم بشكلو
وصار شكلو مو حلو
مو متل قبل

ميرسي علي ردودكم واتفق معاكي انها لازم تغير من جوهرها الاول بس اعتقد ان عماد لا يمكن هيغلط مرتين ويكون المظهر وحش والجوهر كمان وحش امال هو خطبها لييييييييه

يا رب يهديها وتتحجب

شكرااااا

كلامك جميل اوى
بس انا مش عايزاكو تجطوا امل كبير انها تتحجب عشان لو محصلش متتصدموش
طبعا مفيش حاجه كتير على ربنا بس اعتقد ان عماد لو عايزها تتحجب كان ممكن يقولها من اول ماحبها
صح ولا غلطانه

شكرااا

ايوة صح فعلا لو عايزها تتحجب كان قالها من البدايه بس يمكن يكون مستنى انها تبقي مراته وبعدين يعرض عليها الامر وكمان شخصية زي يارا الحجاب صعب عليها شوية لان مامتها مش محجبة والااخواتها والااصحابها بس بنقول ربنا يهديها وتتحجب وميرسي علي الردود

[quote:9925="menna met3b"]كلامك جميل اوى
بس انا مش عايزاكو تحطوا امل كبير انها تتحجب عشان لو محصلش متتصدموش
طبعا مفيش حاجه كتير على ربنا بس اعتقد ان عماد لو عايزها تتحجب كان ممكن يقولها من اول ماحبها
صح ولا غلطانه[/quote]

أنصدم بوحدة متل يارا ؟؟؟؟
لالالالالا هاي مستحيلة
والله مابتفرق معي اتحجبت ولا ما اتحجبت
وشو مابتعمل ماخصني فيها

[color:7178=blue]انا مش معاكى بصراحة فى الرأى
و بجد لاحظو ان عماد لما بيتكلم فى الاعلام بيبين انه بيضايق من الصحافة لما تكتب عن خطيبته شوفوا بقه اللى احنا عاملينه فى منتدى عشاقه اللى المفروض ميقدروش ع زعله و مضايقته
[color:7178=black]ثانيا[/color] انا عايزة اسأل كل اللى رد سؤال بس بجد من غير زعل
لو عماد شاف التوبيكده هيبقى شعوره ايه ؟ و هيقول اننا بنحبه ؟
[color:7178=black]ثالثا[/color] احنا مين علشان ننتقد يارا احنا كلنا اخطاء و متهيألى ان عماد واحد شرقى عارف ان سمعت خطيبته من سمعته و اكيد هيكون عارف زاى اختارها
و ع فكرة كلامنا عن يارا ده دلوقتى بقى بيمس سمعت عماد نفسه
[color:7178=black]رابعا[/color] [color:7178=white]و دى وجهة نظر شخصية[/color]
ان الحجاب مش كل حاجة للبنت ياما بنات محجبات او حتى منتقبات و تصرفاتهم عار على الاسلام كله و بنات مش محجبات و ممكن الناس تحكم عليهم غلط و بيكونوا احسن من مليون محجبه بعقلهم و تصرفات موزونة و شخصية
و ازاى بتقولو لواحد حجب خطيبتك كأنه طفل مش عارف ان خطيبته مش محجبة ما تفرضو هو عايزها كده
ع فكرة اللى انا شايفاه بجد اننا فى كل التوبيكات اللى بقة عن يارا و عماد بنجرح فى سمعت بنت شرقية مهما كانت البنت دى و ده اكبر غلط بنرتكبه
بجد متزعلوش منى كفاية كده حرام و خطوبة عماد مش مجال للنقاش الا فى مستوى عيلته (ده المفروض )
حاجة اخيرة انا عايزة اقولها ليه محدش عمل زى المنتدى بتاعنا كده لما زيدان ارتبط بواحدة دينماركية مع ان ناس كتير بتحبه و الدنيمارك غنية عن التعريف
و ياما لعيبة كورة اتجوزا من بنات مش محجبات ما احنا بنشوف صورة حسام غالى و مراته مثلا و ميدو و شادى محمد ع كده بقة انتو شايفين كل دول وحشين
آ’سفة انى طولت بس حبيت اقول رأيي[/color]

[color:8dad=darkblue]حاجة اخيرة بجد
انا نفسى افهم فيها ايه لما يربى دقنه طب هى يارا مالها و مال دقنه مش عارفة بصراحة ايه وجهة نظرك فى الحكاية دى ما يمكن هو عايز دقنه كده
حتى دقنه كمان هننتقدها
يا جماعة بجد تعالوا نشجع عماد انه يرجع احسن مش نقول كلام يضايقه يأثر ع مستواه و تنقلب الدنيا عليه
و الف مليووووووووووووووون مبرووووووووووووووووووووووووووك لعماد و بجد فرحت لما شوفت صورته بس نفسى اشوفه عريس فى فرح[/color]

كل واحد له وجهة نظر وعلي فكرة وجهة نظرك تحترم واعتقد ان عماد لو شاف التوبيك معتقدش انه هيضايق بالعكس انا مش بطالب يارا بالحجاب عشان احترمها انا بطالب يارا بالحجاب عشان خايفة علي عماد من عقاب ربنا لو يارا مش محجبه واظن انك قارئة للقرآن وعارفة ومن ساعة ما عماد خطب يارا وانا كنت معارضة جدا في وسط اصحابي دلوقتي خلي حد يقول كلمة علي يارا او علي عماد بيتهزأ وكمان انا احترمت يارا لانها واخدة شخصية عزيزة عليا جدا ومحترمة وانا مليش الحق اني اشكك في اخلاق يارا "ان بعض الظن اثم" كل اللي قلناه ان مينفعش لبسها في الصور لان بنشوف تعليقات هي فعلا اللي بتجرح يارا او عماد وانا برد بس باقابل بنقد شديد علي اساس لبسها وشعرها بس بعرف ارد عليهم و مدام خدت عماد لازم تتغير للاحسن كمان بذمتكوا انتوا عاجبكم صورها الكتير مع الشباب والتعليقات السخيفة اللي عليها ويعجبكم انها تمثل واكيد معدش في افلام بتخلو من المشاهد الغير محترمة اعتقد مترضوهاش علي نفسكم يبقي مش هترضوها علي اعز الناس ليكم وبالنسبه لموضوع الدقن عماد حلو في كل الاحوال بس لو نرجع شوية لورا هنتذكر ان عماد تربية دقنه دايما كانت مرتبطة بزعله وعموما شكرا علي ردودكم

احنا مليانين اخطاء اه لكن مش بالطريقه دى خاااااالص وكمان مفيش حاجه اسمها يمكن تكون من جواها كويسه واحسن من ناس كتير لبسها حلو انا معاكى ان ممكن تكون من جواها كويس ده افتراض وطب ولبسها وصورها دى كلها ايه وكمان زيدان ان شاالله حتى يتجوز واحده مش بتلبس خالللص مفيش اى مقارنه بزيدان ومتععععععععب متعب ده حااجه تانيه خااالص وبعدسن ليه نبص لنص الكوبيه الفاضى ما تيجو نبص للمليان طب زى ما موجود زوجات لاعيبه مش بيلبسوا كويس موجود برضه اللى كويسين زى زوجه ابو تريكه وبركات وجمعه وغيرهم كتييير وبالنسبه لدقنه احنا كنا بنقول انه مكنش بيربيها وكان شاكله احلى لاكن لما بقا يربيها ده مخلينا مستغربين مش اكتر

ميرسي علي ردك وده اللي كنت عايزة اقوله ليه نقارن متعب بباقي اللاعيبة هو انت بتحب باقي الاعيبة قد متعب معتقدش واللي انت بتقارنيهم بيه كانوا بره مصر كتير ومش متزوجين مصريات وكمان ملناش دعوة بيهم احنا لينا دعوة بمتعب وبس
واحنا وراك يا عماد ومنتظرين يارا بالحجاب

[quote]اعتقد ان عماد لو شاف التوبيك معتقدش انه هيضايق بالعكس[/quote]
[color:b59c=darkblue]انا قولت انه هيضايق لانه قال قبل كده و كلنا سمعناه انه اكتر حاجة مضايقاه ان كل اللى يكتب عنه يجيب اسم خطيبته و شوفوا احنا جبنا اسمها كام مرة[/color]

[quote] انا مش بطالب يارا بالحجاب عشان احترمها انا بطالب يارا بالحجاب عشان خايفة علي عماد من عقاب ربنا لو يارا مش محجبه واظن انك قارئة للقرآن [/quote]
[color:b59c=darkblue]انا آسفة فى اللفظ و متزعليش منى احنا مش من اهل يارا علشان نطالبها بالحجاب دى حرية شخصية و اظن برده ان عماد قارئ القرآن زينا بالظبط
و متزعلوش منى كلكم لو عايزين تلوموا حد ع حكاية حجاب يارا و صورها يبقى لوموا عماد نفسه هو اللى راح طلبها و هى مش محجبة و بصورها دى من اهلها و رضى بالوضع كده محدش ضربه ع ايده و مش هى اللى راحت طلبت ايده و مع ذلك بجد انا فرحتله جدا لانهم شكلهم بيحبوا بعض بجد و ده اساس قيام اسرة مش الحجاب[/color]

[quote]بذمتكوا انتوا عاجبكم صورها الكتير مع الشباب والتعليقات السخيفة اللي عليها [/quote]

[color:b59c=darkblue]صورها دى بعضها باين عليه فبركة و بعضها باين عليه قديم ليه نلومها ع حاجة قديمة
و بذمتكوا حد شافها بتتصور الصور دى بعد خطوبتها[/color]

[quote]ويعجبكم انها تمثل واكيد معدش في افلام بتخلو من المشاهد الغير محترمة اعتقد مترضوهاش علي نفسكم يبقي مش هترضوها علي اعز الناس ليكم وبالنسبه[/quote]

[color:b59c=darkblue]اذا كان عماد نفسه قال انه ممكن يمثل ، يعنى انتى هترضى لعماد انه يمثل و مش هترضيلها ليارا
[/color]

[quote:2cbc="snow white"][color:2cbc=blue]انا مش معاكى بصراحة فى الرأى
و بجد لاحظو ان عماد لما بيتكلم فى الاعلام بيبين انه بيضايق من الصحافة لما تكتب عن خطيبته شوفوا بقه اللى احنا عاملينه فى منتدى عشاقه اللى المفروض ميقدروش ع زعله و مضايقته
[color:2cbc=black]ثانيا[/color] انا عايزة اسأل كل اللى رد سؤال بس بجد من غير زعل
لو عماد شاف التوبيكده هيبقى شعوره ايه ؟ و هيقول اننا بنحبه ؟
[color:2cbc=black]ثالثا[/color] احنا مين علشان ننتقد يارا احنا كلنا اخطاء و متهيألى ان عماد واحد شرقى عارف ان سمعت خطيبته من سمعته و اكيد هيكون عارف زاى اختارها
و ع فكرة كلامنا عن يارا ده دلوقتى بقى بيمس سمعت عماد نفسه
[color:2cbc=black]رابعا[/color] [color:2cbc=white]و دى وجهة نظر شخصية[/color]
ان الحجاب مش كل حاجة للبنت ياما بنات محجبات او حتى منتقبات و تصرفاتهم عار على الاسلام كله و بنات مش محجبات و ممكن الناس تحكم عليهم غلط و بيكونوا احسن من مليون محجبه بعقلهم و تصرفات موزونة و شخصية
و ازاى بتقولو لواحد حجب خطيبتك كأنه طفل مش عارف ان خطيبته مش محجبة ما تفرضو هو عايزها كده
ع فكرة اللى انا شايفاه بجد اننا فى كل التوبيكات اللى بقة عن يارا و عماد بنجرح فى سمعت بنت شرقية مهما كانت البنت دى و ده اكبر غلط بنرتكبه
بجد متزعلوش منى كفاية كده حرام و خطوبة عماد مش مجال للنقاش الا فى مستوى عيلته (ده المفروض )
حاجة اخيرة انا عايزة اقولها ليه محدش عمل زى المنتدى بتاعنا كده لما زيدان ارتبط بواحدة دينماركية مع ان ناس كتير بتحبه و الدنيمارك غنية عن التعريف
و ياما لعيبة كورة اتجوزا من بنات مش محجبات ما احنا بنشوف صورة حسام غالى و مراته مثلا و ميدو و شادى محمد ع كده بقة انتو شايفين كل دول وحشين
آ’سفة انى طولت بس حبيت اقول رأيي[/color][/quote] كلامك صح بس لازم تغيرشويه من طريقه لبسها لان اى غلط بتعمله بقى محسوب على متعب والحجاب مش كل حاجه الاخلاق اهم رغم انى محجبه

[quote]احنا مليانين اخطاء اه لكن مش بالطريقه دى خاااااالص وكمان مفيش حاجه اسمها يمكن تكون من جواها كويسه واحسن من ناس كتير لبسها حلو[/quote]
[color:4a1f=darkblue]لأ صدقنى فيه ايه قيمة الحجاب لو واحدة لابساه من غير اقتناع او مجبرة عليه
ثانيا انا شايفة ان احترام البنت انها تعمل كل حاجة أدام اهلها و طالما اهلها عارفين انها بتلبس كده يبقى عداها العيب و مع ذلك صورها من بعد الخطوبة صور معتدلة مفيهاش اى حاجة
[/color]
[quote] انا معاكى ان ممكن تكون من جواها كويس ده افتراض
[/quote] [color:4a1f=darkblue]لو ده افتراض يبقى العيب ع عماد و بجد انا شايفة انها احتمال كبير تكون كويسة و لو هى مش كويسة متعب هيحبها ليه [/color]


[quote]وكمان زيدان ان شاالله حتى يتجوز واحده مش بتلبس خالللص مفيش اى مقارنه بزيدان ومتععععععععب متعب ده حااجه تانيه خااالص[/quote]

[color:4a1f=darkblue]معاكى ان زيدان حاجة و متعب حاجة تانية بس انا مقارنتش بينهم انا قارنت بينا ( كل اللى بيحب عماد ) و اللى بيحبوا زيدان و متهيألى ان زيدان نجم بجد محبوب و كتير مننا اكيد بيحبه حتى لو مش فى مكانة عماد
كل اللى اقصده ليه اللى بيحبوا ذيدان راعوا مشاعره و معملوش زينا[/color]

[quote]وبعدسن ليه نبص لنص الكوبيه الفاضى ما تيجو نبص للمليان طب زى ما موجود زوجات لاعيبه مش بيلبسوا كويس موجود برضه اللى كويسين [/quote]
[color:4a1f=darkblue]و ليه حكمتى ان جواز عماد و غيره من غير محجبات نص الكباية الفاضى ما يمكن يكون جوازه من يارا و هو بيحبها احسن مليون مرة من انه يتجوز اى واحده محجبة عادية او تكون مجبرة ع حجابها ده و الاسم محجبة و ليه قارنتى دلوقتى متعب بغيره[/color]

[color:4a1f=darkblue]انا كل اللى انا شايفاه ان متعب ممكن يكون شخصية متحررة شوية و التحرر مش عيب بالعكس انا شايفاها ميزة انا بنت و نفسى اللى يجيلى يكون متحرر مش راجل بيدى اوامر و لو هو عايز واحده محجبة مكنش راحلها من البداية
بجد بجد انا كنت معترضة فى البداية ع [color:4a1f=black]الطريقة[/color] اللى اعلن بيها متعب خطوبته بس بعد كلامه عن خطيبته علا فى نظرى جدا و احترمت يارا فى الفترة الاخيرة (لانى مكنتش اعرفها قبل كده ) رغم كل الاشاعات دى [/color]

انا معاكى فى انها من ساعت ما ارتبتط بمتعب وهيا صورها حلوة ويمكن كمان مافيش صور كتير ليهم اكيد لو وحشة للدرجه دى مش هايحبها الحب ده كلو

اولا انا ولد

هو متعب مش لاقى واحده من جواها كويس ولبسها كويس فى نفس الوقت ولا دول اتلغوا من الدنيا وبالنسبه لزيدان حتى لو كان ليه عشاق للدرجه دى هما بالنسبه لهم عادى جدا لان زيدان متربى بره من زمااان يعنى عادى انما متعب اصلا كان بيتكسف لما كان حد يكلمه عن خطيبته وكان وشه بيحمر