متعب:أرسلت هذه الرساله لجميع اللاعبين..

في مداخلة هاتفية لنجم النادي الاهلي عماد متعب مع الكابتن احمد شوبير من خلال برنامجة الكورة مع شوبير قال متعب " ان شاء الله الاهلي سوف يحقق الفوز ،نعم الغيابات كثيرة ومؤثرة لكن الواضح من خلال مكالمتي مع لاعبي الفريق ان هناك حالة من التريكيز الشديد للمباراة ..


وتابع المهاجم الدولي "تحدثت مع اكرامي وقلت له يجب ان يكون هادئ الاعصاب لان هدوءه هذا يصل الي اللاعبين داخل الملعب والا يتسرع وسأخذ حذره من الكرات العرضية"
كما تحدث مع صخرة الدفاع وائل جمعه ووجدته الاكثر هدوءاً ومتماسك عصبياً وقال لي سنبذل قصارى جهدنا لتحقيق الفوز وقد تعودنا علي مثل هذة الظروف كثيراً واللعب تحت ضغط خبرتنا تستطيع الحسم بإذن الله"
واختتم متعب حديثة لقد ارسلت هذة الرساله الي جميع اللاعبين "شدو حيلكم وربنا يكرمكم""

لو عايزين تسمعو المكالمة
اعادة الحلقة الساعة 1:30 , 9:00 am

فرقت كتييير اووى مع الاهلى و المنتخب يا متعب.....يالا الحمد لله على كل حااال.

الحمد لله ومنه لله الحكم
ةالاعاده الساعة 1.30 الظهر يعنى ولا ايه؟؟

كنا محتاجينك بجد يا عماد يا خسارة الامل راح وطلعنا خلاص

بجد ... اعرفوا قيمه متعب للأهلى و كمان للمنتخب

و الله من غيره مفيششششششششش


بنحبك يا اهلى و معاك يا متعب لاى مكان

[quote:3222="hend_met3b"]الحمد لله ومنه لله الحكم
ةالاعاده الساعة 1.30 الظهر يعنى ولا ايه؟؟[/quote]

صباحا يا هنودة يعنى بعد ساعة ان شاء الله

الحمد الله ع كل حاجه ومحدش يزعل يا جماعة ع الماتش قدر الله وما شاااء فعل بس بجد عماد غيابة ماثر عشان كده ربنا يكرموا الايام ال جاية ويرجع يلعب ويكسر الدنيا لان الناس كلها املها علية ومستنين منه كتيرررررررررررررررر ويارب يكون قد المسئولية دى وربنا يسامح الحكم ال................... مش لاقية حاجه اقولها غير حسي الله ونعم الوكيل

سورررررررررررى يا سوكة نسيت اقولك ميررررررررررررررسىىىىىىىىىىىىىى يا قمر

[color:bf74=red]ال بينقضوا متعب وهو بيلعب مع الاهلي دلوقتي يعرفوا يقبتوا

يعرب انه متعب الحراس دايما

ميرسي للخبر[/color]

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــت

thxxxx lekooo koloko

البرنامج للاسف متعادش زى ما قولتلكم فوق فى الخبر
و ده لأن على غير العادة البرنامج جه تانى بعد الماتش و خلص متأخر , وعشان كدة متعادش بليل , ولما اتعاد الصبح جت الحلقة اللى بعد البرنامج مش اللى قبل البرنامج.
هحاول اجيب لكم المكالمة ان شاء الله.

merci ya soooka

بعيد عن الحكم والظروف التانية احنا ضيعنا التاهل فى القاهرة كسبين 2 بالعافية وكمان يخش فينا جون احنا عارفين حسام البدرى مش بيعرف يكسب برة دة الاهلى خسران 4 مباريات متعادل 2 واحدة من ضمنهم كانت على ارضنا بذمتك يبقى الفرقة دى تكسب ازاى البطولة الاهلى لما كان بيكسب بطولة افريقيا مكنش بيسيب متش يضيع منة والجون لمسة يد واضحة جدااااااااااا بس ركزوا فى اعادة الهدف هتلاقو انيرامو واقف لو حدة وقت الكرة محدش ماسكة مان تو مان الدفاع سيبة على راحتة يعنى لو مدخلهاش بايدة كان هيدخلها براسة الاهلى كان ادامة 70 دقيقة يعوض فيهم احنا عارفين ان دول شمال افريقيا عمالين كدة الحكام زبالة المفروض ان لعيبة الاهلى خبرة متعودين على المواقف دى لاعيبة انهارت بعد الجون لولا ستر ربنا كانا طلعنا بتلاتة يالا قدر للة وماشاء فعل لازم الاهلى يركز ان فية لاعيبة كتير خارج نطاق الخدمة

مستوى الاهلي صار بنازل
ان شاء الله يتحسن وضعو للآفضل
هيدا شئ اكيد بعد رجوع متعب وبس
ثانكس عالخبر سوكا

نتكلم بصراحه شويه المستوى فى النازل اه مفيش رقابه اه حتى لو دخلها براسه وللاسف حصلت برضه فى ماتش الشبيبه بره نفس الجون بس مش للدرجه دى الحكم ده يعنى حسب الجون وقولنا ماشى فى 89 دقيقه نلعب فيهم مش سايبنا نلعب كل شويه عمال يصفر ردت الصفاره فى زوره الله يخربيته كل لمسه بفاول وانذار علينا دى حتى حسام غالى فى الفاول اللى شاطه تريكه عمال يقول للحيطه ترجع مش عايزه ترجع بدل ما يدى للحيطه انذار بيدى غالى

بجد مش ممكن التحكيم الفاجر ده للاسف عمرهم ما فازوا علينا كوووره كلوا بالحكاااااام

اها حتى ضربه الجزاء ماحسبهاش وبعديها علطول الفاول ليهم عشان يدارى الموضوع وكل مانلمس كورة يصفر
يلا حسبى الله ونعمه الوكيل

منهم لله اللاعيبة بتوع الترجي
و منة لله الحكم هوة والطقم كلة
و يا متعب الاهلي و المنتخب منغيرك تحت الصفر بمرااااااحل

[quote:40de="MIRO ADMIRE MET3EB"]نتكلم بصراحه شويه المستوى فى النازل اه مفيش رقابه اه حتى لو دخلها براسه وللاسف حصلت برضه فى ماتش الشبيبه بره نفس الجون بس مش للدرجه دى الحكم ده يعنى حسب الجون وقولنا ماشى فى 89 دقيقه نلعب فيهم مش سايبنا نلعب كل شويه عمال يصفر ردت الصفاره فى زوره الله يخربيته كل لمسه بفاول وانذار علينا دى حتى حسام غالى فى الفاول اللى شاطه تريكه عمال يقول للحيطه ترجع مش عايزه ترجع بدل ما يدى للحيطه انذار بيدى غالى

بجد مش ممكن التحكيم الفاجر ده للاسف عمرهم ما فازوا علينا كوووره كلوا بالحكاااااام

[/quote] وتحكيم زى الزفت وفاجر وبركات رايح يضرب لعيب ادام الحكم يعنى المفروض مندلوش الفرصة لا بركات عطهالو عشان ميزعلش بجد حركة بركات ميعملهاش لعيب ناشئ احنا بنقول دول خبرة لازم يلعبوا يجوا هما الى يغلطوا بجد حاجة تعصب بس ارجع واقول الاهلى الى ضيع نفسة كان عندنا المتش الى فى القاهرة كنا خلصنا نفسنا لازم نتعب روحنا وخلاص الاخطاء هية هية مش بتغير لاعيبة باظت بعد الهدف الى دخل حسام البدرى عمال يتفرج جوزية كان بيقابل ظروف اوحش من دى مليون مرة بس كنا بنفوز عشان بيعرف يظبط لعيبة اما حسام البدرى الصراحة خبرتة قليلة اوى متنفعش الاهلى دة التمريرات غلط مفيش هجوم ولا دفاع انيرامو بيلعب لوحدة لما نزل احمد السيد مسكة يبقى لية ميزنلوش من الاول خط النص زبالة متعرفش حسام غالى بيعمل اية بصراحة الاهلى معملش كورة يستحق عليها الفوز قلنا كدة وقت مخسرنا النهائى ايام متش النجم الساحلى قولنا العرجون دة فاجر بس لما تيجى تتفرج على ماتش تانى هتشون ان هما الى يستحقوا الفوز

يا جماعة الحكم فعلا كان وحش اوووووى بس مش هو السبب فى خروجنا من البطولة. الحكم كان وسيلة مش سبب رئيسى اننا نخرج من البطولة دى.
, ده احنا الحكام ساعدونا نوصل للدور قبل النهائى
لولا الجون الفاول اللى جبناه فى الاسماعيلى هنا كنا خسرنا نقطتين و كان عدى الاماعيلى على حسابنا, و جون محمد فضل الهاند بوك هنا
بجد الاهلى مستواه وحش اووى اووى ,باختصار احنا لا نستحق الصعود
كان فين الاهلى الماتش اللى فات لما كل لعيب مضيع على الاقل فرصتين
و الماتش ده الجون جه من اول دقيقتين ليه الاعيبة معوضتش كان ادامهم فرصة
بس هما استجابو لانفعالتهم واستفزازات الحكم. فيين المدير الفنى اللى المفروض ينصح الاعيبة بالهدوء, من اول الماتش و اللعيبة منفعلة اووى بطريقة غريبة انا مشفتش الاعيبة بتعمل ده ايام جوزيه, ضرورى جدا ان المدير الفنى يعرف يفرض شخصيته على الاعيبة.
انا شايفة ان ك. حسام مش نافع لقيادة الفريق احنا محتاجين مدرب له شخصية قوية وله فكر عالى.

[quote:2f33="كريكورية المغربية"]مستوى الاهلي صار بنازل
ان شاء الله يتحسن وضعو للآفضل
هيدا شئ اكيد بعد رجوع متعب وبس
ثانكس عالخبر سوكا[/quote]


ده بقى اللى مخوفنى يا كريكورية
الناس كلها مستنية متعب وزى ما يكون متعب هيجى يعمل كل حاجة فى الفرقة و هينقذ الفرقة من اللى هيا فيه
الفرقة للاسف وحشه اووى و محتاجة حاجات كتير بجانب عودة متعب اولها مدرب تانى غير ك.حسام
احنا محملين متعب فووق طاقته واحنا مش واخدين بالنا
احنا عندنا خط النص وخط الدفاع وحشين اووى

واللهى صح ياسوكا كل الناس مستنيه متعب وهيحملوه كل حاجه ولو خسروا هيقولوا متعب السبب متعب لوحده مش هيعمل حاجه لازم باقيه اللعيبه يتحسن مستواهم وياريت بقى منصدقش الاشاعات اللى بتتقال عن متعب بتهيالى الخبر ده بياكد ميه بالميه ان خبر لاعيبه الاهلى غضبانين من متعب غلط ياريت بقى نثق فى متعب اكتر من كده زى ما كنا بنثق فبه قبل كده ياريت

بس يا سوكا برضه هدفنا فى الاسماعيلى معتصم كان ماسك جدو من التى شيرت وكمان من قالك ان لو ماتش الاسماعيلى هيدى فرصه للاسماعيلى انه يصعد ان احنا كنا هنلعب بالطريقه دى وكمان مكناش هنريح معظم الفريق

[quote:4240="walaa1991"]واللهى صح ياسوكا كل الناس مستنيه متعب وهيحملوه كل حاجه ولو خسروا هيقولوا متعب السبب متعب لوحده مش هيعمل حاجه لازم باقيه اللعيبه يتحسن مستواهم وياريت بقى منصدقش الاشاعات اللى بتتقال عن متعب بتهيالى الخبر ده بياكد ميم بالميه ان خبر لاعيبه الاهلى غضبانين من متعب غلط ياريت بقى نثق فى متعب اكتر من كده زى ما كنا بنثق فبه قبل كده ياريت[/quote] برافو عليكى ياولاء ياريت فعلن نرجع نثق فى متعب زى الاول لانة واضح انو مش سيبهم ولا حاجة من كلامة يبين انة معاهم على طول فعلن الناس محملة متعب اكبر من طاقتة متعب لاعب هجوم مش سوبر مان هيلعب دفاع وخط نص دة ممكن يحطة مكان حسام البدرى حتى فى المنتخب وقت متش النجر الناس قعدت تقول متعب هو الى فرق ان عمرو ذكى مينفعش هجوم لوحدة مع تريكة عشان متعب الى بيشغل تريكة مع ان الناس دى هى الى كانت بتقول ان حسن شحاتة بيلعب عماد مجاملة كمان قعدوا يشتموا متعب عشان خاطر محطش فى بالة المنتخب عمل الى فى مزاجة دلوقتى متعب بقى حلو بجد للة يكون فى عون متعب مش عارفة هشيل الهم دة ازاى وربنا يعينة على الى جاى دة وراة مسئوليات تهد الحيل من الاهلى للمنتخب يارب يرجع اقوى من الاول واحسن من الاول ويكون اد المسئولية

[quote:753a="soooka"]يا جماعة الحكم فعلا كان وحش اوووووى بس مش هو السبب فى خروجنا من البطولة. الحكم كان وسيلة مش سبب رئيسى اننا نخرج من البطولة دى.
, ده احنا الحكام ساعدونا نوصل للدور قبل النهائى
لولا الجون الفاول اللى جبناه فى الاسماعيلى هنا كنا خسرنا نقطتين و كان عدى الاماعيلى على حسابنا, و جون محمد فضل الهاند بوك هنا
بجد الاهلى مستواه وحش اووى اووى ,باختصار احنا لا نستحق الصعود
كان فين الاهلى الماتش اللى فات لما كل لعيب مضيع على الاقل فرصتين
و الماتش ده الجون جه من اول دقيقتين ليه الاعيبة معوضتش كان ادامهم فرصة
بس هما استجابو لانفعالتهم واستفزازات الحكم. فيين المدير الفنى اللى المفروض ينصح الاعيبة بالهدوء, من اول الماتش و اللعيبة منفعلة اووى بطريقة غريبة انا مشفتش الاعيبة بتعمل ده ايام جوزيه, ضرورى جدا ان المدير الفنى يعرف يفرض شخصيته على الاعيبة.
انا شايفة ان ك. حسام مش نافع لقيادة الفريق احنا محتاجين مدرب له شخصية قوية وله فكر عالى.[/quote] برافو سوكا هو دة كلام العقل بس بجد الاهلى لازم يقف وقفة حق مع نفسهم من لاعيبة لادارة للمدير الفنى الاخطاء الى حصلت الفترة دى متعديش مرور الكرام لو محصلش كدة يبقى الاهلى هيضيع

[quote="فاتن"][quote:c76b="soooka"]يا جماعة الحكم فعلا كان وحش اوووووى بس مش هو السبب فى خروجنا من البطولة. الحكم كان وسيلة مش سبب رئيسى اننا نخرج من البطولة دى.
, ده احنا الحكام ساعدونا نوصل للدور قبل النهائى
لولا الجون الفاول اللى جبناه فى الاسماعيلى هنا كنا خسرنا نقطتين و كان عدى الاماعيلى على حسابنا, و جون محمد فضل الهاند بوك هنا
بجد الاهلى مستواه وحش اووى اووى ,باختصار احنا لا نستحق الصعود
كان فين الاهلى الماتش اللى فات لما كل لعيب مضيع على الاقل فرصتين
و الماتش ده الجون جه من اول دقيقتين ليه الاعيبة معوضتش كان ادامهم فرصة
بس هما استجابو لانفعالتهم واستفزازات الحكم. فيين المدير الفنى اللى المفروض ينصح الاعيبة بالهدوء, من اول الماتش و اللعيبة منفعلة اووى بطريقة غريبة انا مشفتش الاعيبة بتعمل ده ايام جوزيه, ضرورى جدا ان المدير الفنى يعرف يفرض شخصيته على الاعيبة.
انا شايفة ان ك. حسام مش نافع لقيادة الفريق احنا محتاجين مدرب له شخصية قوية وله فكر عالى.[/quote] برافو سوكا هو دة كلام العقل بس بجد الاهلى لازم يقف وقفة حق مع نفسهم من لاعيبة لادارة للمدير الفنى الاخطاء الى حصلت الفترة دى متعديش مرور الكرام لو محصلش كدة يبقى الاهلى هيضيع"فريق يدخل فيه 14 جول في 12 ماتش ويلعب برة ملعبه 6 ماتشات يخسر 5 ويتعادل 1 لا يستحق أبداً انه يكسب البطولة، والجمهور ترك المشكلة وتفرغ للحديث عن حكم المباراة وأخطاءه الاعلام كدة بيضحك علينا لو فضلنا نقول حكام وانا محترمتش حسام البدرى بعد المتش يقول متزعلوش احنا مخسرناش الماتش احنا اتظبطا بزمنك دة كلام مدير فنى للفرقة الجون الى بايد الاهلى مدخل جون فضل بايدة مع ذللك الترجى مسكتوش الا لما دخلو الجون بتعاهم بجد الاهلى ميستحقش ان يصعد للنهائى

هيااخبار متعب صح مفيش اى جديد عنه ليه ؟