ترشيح متعب وخطيبته «نعوم» لبطولة فيلم سينمائى

مهاجم الأهلى عماد متعب تلقى مؤخراً عرضاً مغرياً للغاية من أحد المنتجين الكبار، وذلك للقيام ببطولة فيلم سينمائى مع خطيبته يارا نعوم ملكة جمال مصر عام 2008، ووعد المنتج مهاجم الأهلى بمنحه عرضاً مالياً ضخماً للغاية، على أن يتم التصوير خلال الفترة المقبلة، أى قبل انتقاله رسمياً للأهلى فى يناير المقبل، حتى لا يتعارض تصوير الفيلم مع ارتباط اللاعب بالتدريبات مع الأهلى، والذى عاد له اللاعب بعد فسخ عقده مع نادى ستاندرلييج البلجيكى مطلع الموسم الجارى.

العرض المغرى وضع اللاعب فى حيرة شديدة من أمره، فاللاعب ينوى خوض هذه التجربة لتحقيق مكسب مالية بجانب «شو إعلامى» ينشده اللاعب فى كل خطواته، غير أنه يخشى أن تكون هذه الخطوة سبباً فى توتر علاقته بإدارة الأهلى التى ما زالت «متحفظة» على ارتباط اللاعب بملكة جمال مصر السابقة، خاصة بعدما تناولت وسائل الإعلام هذه الخطوبة بانتقادات واسعة.

موقف متعب من خوض تجربة التمثيل ما زال غامضاً، وإن كان موقفه النهائى سيتحدد خلال الأيام القليلة المقبلة، سواء بالرفض أو القبول، غير أن الدلائل تشير إلى أن إدارة الأهلى سيكون لها دور كبير فى حسم هذا العرض السينمائى.
المصدر : اليوم السابع

خبر مضحك اووى الصراحة
مفتكرش ان متعب ممكن يمثل

بس الخبر ده فين فى اليوم السابع؟؟؟

«شو إعلامى» ينشده اللاعب فى كل خطواته

بقي متعب بيدور علي شو اعلامي ده هو اللي قال للصحفيين انسوا متعب شوبة واتكلموا عن اي حاجة تانية يبقي ازاي بقي؟؟

وكمان معتقدش ابدا ان متعب يوافق لانه اصلا مضايق من تدخل الناس في حياته الشخصية يبقي مش معقول كمان يعمل فيلم مع خطيبته

ميرسي 3 المتابعة

استحالة يكون هيعمل الفيلم لان في برنامج ( حيلهم بينهم ) قال انوا استحالة يمثل طالما انوا لسة بيلعب كرة قدم
و متعب معتزلش يبئة هذا خبر كاذب 10000% و ريحوا دماغكوا

مش كدة ولا اية؟

هههههههههههههههههههههههههه

بجد الواحد رهق من الاشاعات كفايه بقى ارحموه ربتا يكون فى عونك يا متعب بس بجد خبر يضحك

[quote:fb59="جوليافورايفر"]هههههههههههههههههههههههههه[/quote]

[quote:4021="buty"]استحالة يكون هيعمل الفيلم لان في برنامج ( حيلهم بينهم ) قال انوا استحالة يمثل طالما انوا لسة بيلعب كرة قدم
و متعب معتزلش يبئة هذا خبر كاذب 10000% و ريحوا دماغكوا

مش كدة ولا اية؟[/quote]

no comment

هههههههههههههه لا مش لدرجه يعنى مش روميو وجوليت هما يعنى
الخبر بيقول انا متفبرك جاهز من غير مانفكررررر اصلا
انا عندى احساس كبير انا هما هيسيبوا بعض قبل الخطوبه كمان مش بعدها

[quote:061b="sohaelanasr"]هههههههههههههه لا مش لدرجه يعنى مش روميو وجوليت هما يعنى
الخبر بيقول انا متفبرك جاهز من غير مانفكررررر اصلا
انا عندى احساس كبير انا هما هيسيبوا بعض قبل الخطوبه كمان مش بعدها[/quote]


و انا عندى احساس انهم سابو بعض مش لسه هيسيبو بعض.....

[quote:4e43="soooka"][quote:4e43="sohaelanasr"]هههههههههههههه لا مش لدرجه يعنى مش روميو وجوليت هما يعنى
الخبر بيقول انا متفبرك جاهز من غير مانفكررررر اصلا
انا عندى احساس كبير انا هما هيسيبوا بعض قبل الخطوبه كمان مش بعدها[/quote]


و انا عندى احساس انهم سابو بعض مش لسه هيسيبو بعض.....
[/quote]]

,والله نفس احساسى يا اما هايسيبوا بعض يا اما سابو بعض ولو خطبها هايسيبوا بعض برده

اكيييييييييييييييييييد غلط عماد اصلا مش بيعرف يمثل ده اطيب حد فى الدنيا و صريح اوى ومايعرفش يعمل حاجه تانيه غير لعب الكوره او التحليل

ههههههههههههههههههههههههههههههه

بصوا هو مش خبر هو نكتة بس الغريب فعلا انه في اليوم السابع وده موقع محترم و له مصداقيته و انا احساسي نفس احساسك خاصة بعد مكالمته مع كابتن حسن شحاتة وشكرا علي ردودكم يا جماعة

ياريت والله نفسى اشوفه بيمثل كمان يبقى تحفة

rbana eshfe mafesh t3le2 tane 3alm fadea mosh l2ean 7aga e2lfoha 3 3mad

طب هو فى اى قسم فى اليوم السابع
انا فتحت قسمين الفن والرياضة ومش لاقيت حاجة

خبر يضحك بس عجبنى اوى الجمله دى
وضع اللاعب فى حيرة شديدة من أمره، فاللاعب ينوى خوض هذه التجربة لتحقيق مكسب مالي..............خبر مضحك

كان فى مرة ناس كاتبه ان متعب ارتبط بيارا علشان هما الاتنين يعملو شو اعلامى ويكونوا كابل يعنى فى مصر جامد بس معتقدش متعب شكله طيب ملوش فى المواضيع دى واصلا كان فى الاول خالص اقبل ماتظهر معاة فى الاستاد كان اصحابها على البيدج بتاعته كانوا كاتبين ان هما اصحاب بس
وانا متاكدة ان شاء الله يسبها علشان اتخنقت منهم اصلا فى المواضيع الى بتكتب دى دة كل دة ولسه مخطبهاش امال لما يتخطبوا هيعملوا ايه

هههههههههههههههههههههههه معتقدش ان الخبر صحيح لان عمااااااااد لايمكن يمثل وكمان مع يارا ده الي مضحك جدا بس بصراحة هو عسل ووجهه سينمائي بس بينكسف من الكامرا يبقي هيمثل!!!!!!!!!!!!وكمان محتاج شو اعلامي ده مفيش اشهر منه في مصر!!!!!!!!!!!!!!

مش مصدقه الخبر ولو صح مش هايمثل مادام هو بيلعب كورة وكمان فى النادى الاهلى الى هو رفض ان بركات يعمل برنامج بسسسسس فا اكيد الاهلى مش هايوافق
ومضايقنى اوى انهم بيقولوا ان العرض مغرى ايه ده؟؟؟؟؟؟؟يعنى يخسر الاههلى عشان فلوس من اخلاقه ابدا يعنى



سؤاااااااااااااااااااااال
ليه بيحبوا يطلعوا اشاعات عليه ويضايقوه باى شكل من الاشكال انا نفسى افهم بس؟!!!!!!!!!!مايسبوه فى حاله مرة من نفسه
لا حول ولا قوة الا بالله

الخبر يا هند في اليوم السابع الاسبوعي في اسماء و اخبار وشكرا ليكي

ليه الكلام الكتير و الاشاعات الكتير اللي مالهاش لازمه, هو عماد اكيد ادري بمصلحته. سيبوه يشوف مصلحته و اللي فيه الخير يعمله ربنا.

هههههههه بقالى كتير ما سمعتش نكته اضحك عليها بالطريقه دى

بس حلوه عرض مالى ضخم دى هههههههههههههههههه