الانضباط تبحث توقيع غرامة علي متعب

علي الجانب الآخر تعقد لجنة الانضباط برئاسة المستشار عادل الشوربجي رئيس اللجنة اجتماعا خلال 48 ساعة لمناقشة عدد من الأمور المهمة يأتي علي رأسها تعديل لائحة اللجنة وتغليظ العقوبات بها كما تبحث امكانية توقيع عقوبة علي عماد متعب لاعب النادي الأهلي لعدم حضوره أمام اللجنة للتحقيق معه في مسألة الاعتداء علي أحد المصورين الصحفيين برغم مخاطبة النادي الأهلي رسميا مرتين متتاليتين بالإضافة إلي الاتصالات الهاتفية مع هادي خشبة مدير الكرة ومع ذلك ضرب اللاعب باستدعاءات اللجنة عرض الحائط.. ومن المنتظر أن يتم توقيع غرامة مالية عليه.

انا شايفة ان متعب يروح و ميسبش حد يمسك حاجة غلط عليه.
يروح و يمتثل قدام اللجنة و يقول اللى حصل واللى قاله حتى و ان كان قال الجملة اللى اتقالت, قالها فى لحظة غضب و مخصش بيها حد.
لازم متعب يبقى عارف ان موقفه الاقوى لأنه مغلطش فى حد بعينه.
انا بقول كدا و انا عارفة ان اللجنه مش من حقها تطلبه للتحقيق, بس طالما طلبته يبقى لازم يروح.
ده ان كان الخبر صح لأن متعب لما طلع مع مجدى عبد الغنى قال محدش طلبنى للتحقيق, ولو طلبونى هروح و مافيش مشكلة!!!

ماعتدقدش انه مراحش هو كل مايتكلم يقول انا هاروح ومعنديش مانع وانا عايز اكمل فى الموضوع ده للنهاية

يبقى ازاى مارحش ؟؟؟

الله اعلم متسبش حقك يا متعب

[quote:8653="hend_met3b"]ماعتدقدش انه مراحش هو كل مايتكلم يقول انا هاروح ومعنديش مانع وانا عايز اكمل فى الموضوع ده للنهاية

يبقى ازاى مارحش ؟؟؟

الله اعلم متسبش حقك يا متعب[/quote]

لأ يا هنوده انتى الامور عندك دخلت على بعضها
لما كان بيقول انا هكمل فى الموضوع للنهاية ده كان بالنسبة لموضوع الممصور اللى اتبلى عليه ,
اما الموضوع اللى انا كاتباه فوق يخص واقعة الصحفيين , وهو فعلا لسه مراحش.

ميرسى يا سوكاااا

عماد متعب غير مقيد فى سجلات اتحاد الكرة كلاعب من الأساس وحتى 1-1-2011
جنابكم هتوقعوا عليه غرامة بصفة ايه؟؟؟؟؟ ؟

هما ده اللي فالحين فيه

مش لاقيين حاجه يعملوها
عالم فاضيه

ثاااااااااانكس سوكا ع الخبر والمتابعة

ميرسى جدا على المتابعة بس عماد كان قال ان محدش بعتله اى حاجة عشان يورح يحققه معاه يبقى ازاى مراحش

[quote:5efd="soooka"][quote:5efd="hend_met3b"]ماعتدقدش انه مراحش هو كل مايتكلم يقول انا هاروح ومعنديش مانع وانا عايز اكمل فى الموضوع ده للنهاية

يبقى ازاى مارحش ؟؟؟

الله اعلم متسبش حقك يا متعب[/quote]

لأ يا هنوده انتى الامور عندك دخلت على بعضها
لما كان بيقول انا هكمل فى الموضوع للنهاية ده كان بالنسبة لموضوع الممصور اللى اتبلى عليه ,
اما الموضوع اللى انا كاتباه فوق يخص واقعة الصحفيين , وهو فعلا لسه مراحش.
[/quote]

ماشى يا سوكا فعلا انا مابقتش فايقة والله خلاص من كتر المواضيع بجد الى بتتقال عليه يعنى من كترها مش عارفة افرق بين موضوع والتانى

معتقدش ان عمدة مرحش عشان هو قال لو طلبوني هروح وممكن يكون راح والخبر كاذب وعموما شكرا علي الخبر

لا يا جماعه عماااد مارحش ومكبر دماغه و بعتوله على النادى كذا جواب وكلمه هادى خشبه وبرضه عماد مش عايز يروح

[quote:1b7c="MIRO ADMIRE MET3EB"]لا يا جماعه عماااد مارحش ومكبر دماغه و بعتوله على النادى كذا جواب وكلمه هادى خشبه وبرضه عماد مش عايز يروح[/quote] هادى خشبة كلمة هادى خشبة دة نايم فى العسل دة لاعيبة فى متش مصيرى رايحة تعمل اعلان قبل مايسافرة ولا همهم حاجة لاعيبة بيروحوا التمرين متاخرين فية الى مبيروحش منهم محمد طلعت وعفروتو بركات راح متاخر برضة ولا بيهمهم حاجة اصلن هادى خشبة ظلمة الى حاطة فى مكانة دة بسبة الفرقة هتخرب تقولى هو فاضى يكلم متعب اذاكان هما مش مكلفين خاطرهم يعرفوا عندوا اية هيهتموا بى دة اصلن موضوع للجنة دة موضوع فاشل هيبقى حورات وخلاص

يعنى هو هيعرف منين انهم رايحين يعملوا اعلان وادى كمان الاعلان جه عليهم لان فى غرامات كبييره اووى خليهم يشيلوا بقى

ومحمد طلعت اما مارحش التمرين عملوا عليه غرامه 50 الف جنيه
اما حكايه عفروتو وبركات دى معرفهاش

[quote:b16a="MIRO ADMIRE MET3EB"]يعنى هو هيعرف منين انهم رايحين يعملوا اعلان وادى كمان الاعلان جه عليهم لان فى غرامات كبييره اووى خليهم يشيلوا بقى

ومحمد طلعت اما مارحش التمرين عملوا عليه غرامه 50 الف جنيه
اما حكايه عفروتو وبركات دى معرفهاش[/quote] يا سلام هيعرف منين انهم رايحين يعملوا اعلان امال هو اسمة مدير كرة ازاى هما حاطينة وخلاص راجع شوف حسام البدرى كان بيعمل اية وهو فى مكانة هتعرف ان هادى خشبة مينفعش خالص محمد طلعت عطلوة غرامة عشان انو بيسهر بيتغيب عن التدريبات دة كلام حسام البدرى موضع بيصوروا اعلانات دة مش اول مرة دى تانى مرة يحصل كدة يبقى العيب فى مين لعيبة طالما مش هممها يبقى الموضوع بايظ هو اية دوروة فى الفريق بيعقد حاطط ايدة على خدة متفرج كبير اوى ايام بطولة افريقيا لما كانو فى تونس كانوا قالين فى اهلى نيوز ان عفرتو وطلعت متغيبين عن التمرين بقالهم 3 ايام من غير اذن الجهاز على فكرة لجنة الكرة خفضت الغرامة بتاعة العيبة الى هما صوروا اعلانات الى عايظنى يا ميرو ان دى مش اول مرة

طيب هو هيراقبهم يعنى متنسيش ان الاداره حذرتهم من قبل ما يصوروا الاعلان الاول اصلا وبعديه الاداره حذرتهم يبقى خلاص يشيلوا هما الليله بقى الاعلان لو نزل فى غرامه من فودافون على الاهلى الاعيبه هيا اللى هتشيلها

[quote:e38d="MIRO ADMIRE MET3EB"]لا يا جماعه عماااد مارحش ومكبر دماغه و بعتوله على النادى كذا جواب وكلمه هادى خشبه وبرضه عماد مش عايز يروح[/quote]

انا اعتقد كدا برضة
بس انا مش مع متعب فى كده ,لازم يروح

[quote:76fc="MIRO ADMIRE MET3EB"]طيب هو هيراقبهم يعنى متنسيش ان الاداره حذرتهم من قبل ما يصوروا الاعلان الاول اصلا وبعديه الاداره حذرتهم يبقى خلاص يشيلوا هما الليله بقى الاعلان لو نزل فى غرامه من فودافون على الاهلى الاعيبه هيا اللى هتشيلها[/quote] تعرف يا ميرو انت بتقولى ان هو هيراقبهم من 4 سنين متعب صور اعلان لينك dsl من غير الاهلى ميعرف او يقولهم تعرف اية الى حصل متعب اتوقف 3 ايام اتغرم راح ادرب مع الشباب دة كمان الاعلان مكنش فية مشكلة شركة راعية ولا حاجة من الى حصلة دلوقتى يعن مفيش مشاكل خد العقوبة دى عشان كدة انا مستغربة من الى حصل لان الاهلى فى حزم اكتر من كدة عشان انا كدة بتكلم فهمتنى يا ميرو

منا عارف ودى من اكتر الحاجات اللى بحبها فى الاهلى انه شديد جداااا

بس ممكن يكونوا خففوا العقوبه شويه عشان يشيلهم هو الغرامه كلها

[quote:6419="MIRO ADMIRE MET3EB"]لا يا جماعه عماااد مارحش ومكبر دماغه و بعتوله على النادى كذا جواب وكلمه هادى خشبه وبرضه عماد مش عايز يروح[/quote]


وانت عرفت منين انهم قالولو وهو مرحش
فاكر لما كلم محمد الليثى وقالو ان مفيش حاجه وصلتلوا

فاااكر كويس اوووى وفاكره كمان لما رئيس اللجنه طلع فى اكتر من مره فى التليفزيون وريقه نشف من كتر الكلام انو بعت لمتعب كتيير وكلم الكابتن هادى ومحدش عبره !!!!!

خلينا واقعيين يا منه
ميرو كلامه صح, متعب لو عايز يروح كان راح حتى لو هادى خشبة موصلهوش مباشرة انهم طالبينه , الراجل طلع فى التليفزيون كذا مرة و قال متعب لازم يحضرالتحقيق و انه ابلغ هادى خشبة بكده.

ماشى انا معاكو بس هو اكيد مستنى حاجه رسمى ولو فعلا كان قال لهادى خشبه
للدرجاتى هادى خشبه مش فاضى انه حتى يديلو تليفون يقولو روح
وايه خلاص يعنى هما مش عارفين عنوان بيته ما يبعتولو الورقه على هناك
واكبر دليل انه لو وصلو حاجه بيروح انه راح النيابه مرتين
ولو هو فعلا مكبر كان قال فى كل مداخلاته انه مش هيروح واعتقد الفترة اللى فاتت كان عماد ممكن يقولها ويقولها بصوت عالى كمان ماهى مش هاتيجى على دى

وعلى العموم خلينا نشوف يوم الخميس هيحصل فيه ايه

وربنا يستر

عشان انا خلاص تعبت