عادل الشوربجى : القرار النهائى فى أزمة متعب الخميس سواء حضر أم لا

أكد المستشار عادل الشوربجى رئيس لجنة الانضباط التابعة للاتحاد المصرى للكرة فى تصريحات خاصة لموقع "aiwakora" أن القرار النهائى بخصوص أزمة لاعب الفريق الأول للكرة بالاهلى عماد متعب سواء حضر اللاعب أو لم يحضر

ذكر المستشار عادل الشوربجى فى اتصال هاتفى بموقع "aiwakora" أن القرار النهائى فى واقعة اعتداء مهاجم الاهلى عماد متعب على الصحفى ب"صوت الأمة" حسن عبد الفتاح ستصدر يوم الخميس القادم سواء حضر اللاعب أم لم ياتى الى مقر الاتحاد

وتابع الشوربجى أن الاستاذ شوقى عبد الشافى كان المكلف خلال الفترة الأخيرة بالاتصال باللاعب عن طريق ادارة الاهلى والكابتن هادى خشبة مدير الكرة الا أنه لم يستجيب اليه مشيرا أن القرار سيصدر الخميس سواء ذهب الى اتحاد الكرة أم لا

وأضاف الشوربجى أنه لا علاقة له بما أشيع حول التصالح الودى الذى تم بين اللاعب والصحفى مؤكدا أنه ليس طرفا فى الموضوع مؤكدا أنه لم يصله أى صورة رسمية من التصالح مما يعنى أن الشكوى لازالت فى طريقها القانونى والطبيعى

واختتم الشوربجى تصريحاته أن اللجنة تكثف دراستها للموقف وشهادة الشهود لاصدار القرار المناسب حول الواقعة مؤكدا أن حضور متعب وسماع أقواله سيكون لها تأثير كبير فى موقفه من العقوبة أو القرار الذى سيصدر

يذكر ان اعتداءات قد حدثت من جانب مهاجم الاهلى تجاه المصور بصوت الامه حسن عبد الفتاح لرغبته فى التقاط صورة له وخطيبته يارا نعوم ملكة جمال مصر 2008

وانتى مالك اصلا انتا ليك ف الملعب بس غير كداا لا ايه اهبل دا

المشكلة ان الخبر بيتكلم عن واقعة مختلفة خاااالص مش هى الواقعة اللى المفروض هيتحقق مع عماد فيها لأ و مصرين عليها طول الخبر,انا معرفش ايه المحررين دول !!!!

[quote:4554="soooka"]المشكلة ان الخبر بيتكلم عن واقعة مختلفة خاااالص مش هى الواقعة اللى المفروض هيتحقق مع عماد فيها لأ و مصرين عليها طول الخبر,انا معرفش ايه المحررين دول !!!!

[/quote] سوكا دة ايوة كورة يعنى الاسم بتاعة هبل كورة متصدقوش الخبر اصلن على طول يطلع تصريحات و اصحاب التصريحات يطلعة ينفوها لو كان فية حاجة كان اليوم السابع جابها كبروا دمغكم

تعرفوا انا متغاظة اووووووووووووووى عايزة حد يطلع من الاهلى يقول متعب عندوا اية اما تكبير الدماغ دة يشل كانة مش لعيب فى الاهلى لو هو مش عايزيبة مايقولة بدل قلة الاهتمام دى تحبط تخلية يكرة الدنيا دة انا مسمعتش حد اتكلم خالص عنة مش عارفة لية

ايه دة الخبر غلط اصلا تقريبا الراجل الشوربجى دة بيحقق مع متعب بخصوص (الجزمه) بس ايه دخل الراجل الحشرى المصور فى الموضوع الناس دى شكلها فاضيه مش لاقيين حاجه يعملوها ربنا يهديهم

اى كلام

ههههه الموقع ده شكله نايم على نفسه

ميرسى ع المتابعه

[quote:7f61="فاتن"]تعرفوا انا متغاظة اووووووووووووووى عايزة حد يطلع من الاهلى يقول متعب عندوا اية اما تكبير الدماغ دة يشل كانة مش لعيب فى الاهلى لو هو مش عايزيبة مايقولة بدل قلة الاهتمام دى تحبط تخلية يكرة الدنيا دة انا مسمعتش حد اتكلم خالص عنة مش عارفة لية[/quote]

فيه اشاعات مش ظريفة سمعتها بس مش مصدقاها
او بالمعنى الاصح مش هصدقها دلوقتى

من تدخل فيما لا يعنية سمع مالا يرضية
المفروض يسيبة متعب في حالة ف الاول او من الاخر هو السبب انوا يتعصب و يقوا جزمة و شنطة

ولا انا غلطانة ولا حاجة
الاعلام المصري زودها اوووووووووووي

[quote:1ee7="soooka"][quote:1ee7="فاتن"]تعرفوا انا متغاظة اووووووووووووووى عايزة حد يطلع من الاهلى يقول متعب عندوا اية اما تكبير الدماغ دة يشل كانة مش لعيب فى الاهلى لو هو مش عايزيبة مايقولة بدل قلة الاهتمام دى تحبط تخلية يكرة الدنيا دة انا مسمعتش حد اتكلم خالص عنة مش عارفة لية[/quote]

فيه اشاعات مش ظريفة سمعتها بس مش مصدقاها
او بالمعنى الاصح مش هصدقها دلوقتى [/quote] سوكا اية هية الاشاعة ها قولى

sooka 2wle aeh mosh talb 2l2 pleaseeeeeeeeeeee