متعب يطلب 250 ألف دولار ومقدم عقده لتنفيذ برنامجه التأهيلي

[center]رفض عماد متعب مهاجم الفريق الكروي الأول بالنادي الأهلي تنفيذ برنامجه التأهيلى استعداداً للعودة للملاعب في شهر يناير المقبل، واشترط حصوله على قيمة الغرامة التي تحملها على نفقته الخاصة لفسخ تعاقده مع نادى ستاندر ليج البلجيكى البالغة 500 ألف دولار.
ووفقاً للاتفاق المبرم مع النادي الأهلى فإنه يتحمل مع النادي مناصفة قيمة فسخ العقد أى 250 ألف دولار «نحو مليون و350 ألف جنيه».
كما اشترط متعب أيضاً الحصول على مقدم عقده الجديد مع الأهلي الذي تبلغ قيمته الإجمالية 13 مليون جنيه في ثلاثة مواسم، وهو ما لا يمكن تحقيقه في ظل الأزمة المالية التي يمر بها النادي وعدم وجود سيولة في الخزانة.
وأبلغ اللاعب هادي خشبة مدير الكرة بالفريق بشروطه، ورغبته في الحصول على مستحقاته قبل بدء برنامجه التأهيلي.
وعلمت «المصرى اليوم» أن اللاعب قام بالتعاقد على شراء فيلا جديدة في التجمع الخامس، بقيمة 8 ملايين جنيه.[/center]

أن اللاعب قام بالتعاقد على شراء فيلا جديدة في التجمع الخامس، بقيمة 8 ملايين جنيه

واو ده كده متعب هيبقى جارى

مافيش بنا نص ساعه وابقى عنده

حرام بقى ما كفايه اشاعات مش مصدقه وياريت لما نلاقى اخبار كاذبه زى دى منجبهاش

يبقى اكيد الفيلا عشان الجواز واكيد الخطوبة مكملة

هو ليه اشاعه

ماالكلام نطقى ومفيهوش حاجه من حق متعب انه يخد قيمه عقده وقيمه الاتفاق المبرم

[quote:1295="sherif met3b"]هو ليه اشاعه

ماالكلام نطقى ومفيهوش حاجه من حق متعب انه يخد قيمه عقده وقيمه الاتفاق المبرم[/quote]


طب افترض فيه مشاكل ماليه فى النادى و مش قادرين يدفعولوه فلوسه فى الفترة الحالية, يقوم مينزلش التمرين, انت شايفها حاجة عاديه يا شريف ؟؟؟؟؟؟
من امتى ده بيحصل عندنا فى النادى الاهلى !!!!

[quote:b498="رضوى"]يبقى اكيد الفيلا عشان الجواز واكيد الخطوبة مكملة[/quote]

تقريبا اه

واشترط حصوله على قيمة الغرامة التي تحملها على نفقته الخاصة لفسخ تعاقده مع نادى ستاندر ليج البلجيكى البالغة 500 ألف دولار.

ده حقه

اما حكايه رافض انه يتمرن دى اكيد متفبركه لان متعب مستعد يلعب للاهلى وبيلعب للاهلى مش عشان الفلوس

بس انا اقصد على الاتفاق اللى متفقين عليه المفروض يديلوه 250 الف جنيه


المصدر بتاع الخبر المصرى اليوم

بصراحةانا بقيت بصدق اى حاجة على عماد من بعد يارا

احلى حاجة فينا ان كل كلمة بنصدقها مصدر الخبر المصرى اليوم دى اسمها هجس اليوم الخبر مش منطقى مش هيدليوة فلوس دلوقتى لان يناير لسة مجاش بعدين الدكتور قال ان متعب هينزل فى شهر 11 كلنا عارفين الموضوع دة بطلوا خايبة بقى مش كل خبر هنعمل علية حدوتة

[quote:2ce2="sherif met3b"]واشترط حصوله على قيمة الغرامة التي تحملها على نفقته الخاصة لفسخ تعاقده مع نادى ستاندر ليج البلجيكى البالغة 500 ألف دولار.

ده حقه

اما حكايه رافض انه يتمرن دى اكيد متفبركه لان متعب مستعد يلعب للاهلى وبيلعب للاهلى مش عشان الفلوس

بس انا اقصد على الاتفاق اللى متفقين عليه المفروض يديلوه 250 الف جنيه


المصدر بتاع الخبر المصرى اليوم[/quote]





واشترط حصوله على قيمة الغرامة

الجملة دى معناها انه مش هينزل التمرين الا لما ياخد قيمة الغرامة اللى متفقين عليها, ولو الخبر حقيقة يبقى ده مش من حقة.

انا زيك بالظبط مش قادرة استوعب ان متعب ممكن يعمل ده, و ما زلت مقتنعة ان الموضوع موضوع اصابه, انا ممكن اصدق انه مضايق انه مأخدش فلوسه و بيحاول يوصل للا دارة ده,
بس مش قادرة اتخيل و استوعب انه مش عايز ينزل التمرين عشان مأخدش فلوسه, لأن لو ده حقيقى متعب هيسوء صورته ادام الجماهير, و هيضر نفسه بنفسه.

ده حقه بقى

وليه اشاعه يعنى

مع انى مش بصدق اى حاجه دلوقتى

بس انا عارفه ان دايما الاهلى بيجى ماديا على الاعب اللى مش بيتكلم ولا ايه ؟؟

وعلى فكره سيد معوض بياخدملاليم على نجم دولى

والاهلى عمره مافكر يعدل عقده

هتيجى على عماد

لازم يا عمده تطالب بحقك


ميرسى على المتابعه

اصلا ياسوكا متعب عمره مايعمل كده

لاننا عارفين متعب كويس

بس ممكن يكون الراجل اللى كاتب الخبر ده مزودها حبتين وبيقول انه مشترط وكده

اكيد هو زعلان بس مستحيل يشترط على الاهلى

بس اكيد لازم يطالب بحقه

[quote:ed18="sherif met3b"]اصلا ياسوكا متعب عمره مايعمل كده

لاننا عارفين متعب كويس

بس ممكن يكون الراجل اللى كاتب الخبر ده مزودها حبتين وبيقول انه مشترط وكده

اكيد هو زعلان بس مستحيل يشترط على الاهلى

بس اكيد لازم يطالب بحقه[/quote]



متعب قعد 5 سنين فى النادى عمرنا ماسمعناله مشكلة فى الامور الماديه
و ده اللى سايبنى مصدقة انه ميعملش كدا ,

ان شا الله متعب ينزل التمرين على اول نوفمبر عادى زى ما قال ,لأنه لو منزلش اعتقد الكل هيستنتج ان فيه مشاكل فعلا.

[color:a8e8=white]انا بصراحه قلقان اوى من الاصابه[/color]

[color:a8e8=#ffffff]دى عودته عماله تتاجل من اسبوع لـ اسبوعين لـ شهر[/color]

[color:a8e8=#ffffff]ربنا يستر ويرجع احسن من الاو ل[/color]

[quote:beae="soooka"][quote:beae="sherif met3b"]اصلا ياسوكا متعب عمره مايعمل كده

لاننا عارفين متعب كويس

بس ممكن يكون الراجل اللى كاتب الخبر ده مزودها حبتين وبيقول انه مشترط وكده

اكيد هو زعلان بس مستحيل يشترط على الاهلى

بس اكيد لازم يطالب بحقه[/quote]



متعب قعد 5 سنين فى النادى عمرنا ماسمعناله مشكلة فى الامور الماديه
و ده اللى سايبنى مصدقة انه ميعملش كدا ,

ان شا الله متعب ينزل التمرين على اول نوفمبر عادى زى ما قال ,لأنه لو منزلش اعتقد الكل هيستنتج ان فيه مشاكل فعلا.
[/quote] صح كدا يا سوكا عمرنا ماسمعنا مشكلة لمتعب بصى فى خبر نازل ان مكافات السوبر اتاخرت لعيبة فيها ثورة بسبب الموضوع دة شكلهم هيعملوا مشاكل مع الادارة هل ان الخبر دة صح اكيد طبعا غلط ان عمرها محصلت فى الاهلى وبعدين الخبر دة نازل فى المصرى اليوم الجريدة دى وللة فبكة درجة اولى بذات فى الرياضة مسمينها هجس اليوم ادعوا ان متعب ينزل التمرين ويخف ان شاء للة وقتها محدش يقدر يتكلم لو فى حاجة متعب هيكلم عادى فى المكالمات الى عملها مسمعتش حد اتكلم من الادارة عشان كدة انسوا الخبر دة خالص والنبى فاكرة الخبر بتاع للجنة التحقيق ان الحكم هيطلع يوم الخميس قولت ايوة كورة متصدقهوش فى حاجة اهو عدى الخميس مسمعناش حاجة عشان كدة لازم نتحرى الدقة

bgad ya gma3a ba2ena nsd2 ae 7aga kda hwa f aeh a7na 7`las b2ena sahl etla3b bena kda lo a7na nsda2 7aga zae de ba2e el nas aeh wana bgad b7aee el katb el mawdo3 l2no 2al 7aga f el a7`r 7`la el 7àbr masbok met3b ast7ala erbt floos bttadreeb mahma kan wba3daen hwa el brnamg el t2hele da mosh 3shano hwa bea3nd ma3 nafso ea3ne kabaro dma3`ko shoea w rbana ehde

بصراحه مصدقش لآن متعب ابن النادى وهيحس بيه
وكمان هو عارف ان البرنامج التأهيلى ده هيفيده هو اكتر مهيفيد النادى

انا مستحيل اصدق ان عماد هو اللى ممكن يطلب حتى لو هو فعلا مضايق وبعدين اكيد ان المهم بالنسبه له الايام دى انه يرجع اكيد مش هايأجل عودته عشان الفلوس لمل الموضوع يتعلق برجوعه للملعب مش بيهمه فلوس خالص هو يرجع بس الاول بالسلامه وبعد كده ممكن يفكر مع انى متاكده انه مش بيعرف يتناقش فى الماديات اصلا

بلاش نصدق الجرنان ده ده فااااشل هو والدستور الصفرااااااا وبعدين مستحيل متعب يطلب مقدم عقده وهو لسه مجاش يناير اصلا لكن انه يطالب بحقه ده ماشى لكن اكيد من غير ما يتشرط ع النادى

ايه الكلام الفاضى ده مش مصدقة ومش ممكن ان هو يحط دى قصاد دى

سورى ياجماعه

هو الخبر شكله متفبرك اصلا

ما انا علشان كده ياشريف بقول لازم نعقل الخبر قبل ما نحطه مستحيل متعب يطلب فلوس ويطلب ازاى اصلا وهو لسه ما ابتداش التدريبات مش منطقى ابدا وكمان مستحيل يعمل مشكله وما يروحشى التدريبات لانه اصلا ما ابتداهاش و الدكتور قاله ارتاح شهر يبقى ازاى وبصراحه مش بحب ابدا الجرنان ده دايما بيهاجموا متعب ويطلغوا عليه اشاعات