زيزو في المؤتمر الصحفي: عودة متعب إضافة وسأحتضن الكبار نفسياً وبدنياً

أن انضمام عماد متعب للفريق في يناير إضافة وقيمة كبيرة.

ويعود متعب إلى النادي الأهلي بعد فترة احتراف لم تكتمل في نادي ستاندر لييج البلجيكي.

وقال زيزو في المؤتمر الصحفي الذي عقد ظهر الأربعاء: "أوجه الشكر للجهاز الفني وحسام البدري لأن رسالته وصلتني وأقدر مشاعره جيداً لأنه أدى ما عليه وسنكمل المشوار الذي بدأه لأن كلنا في خدمة النادي الأهلي".

وتقدم البدري باستقالته من تدريب الفريق عقب الهزيمة من الإسماعيلي بثلاثة أهداف لهدف ومطالبة الجماهير باستقالته قائلة: "كفاية يا بدري".

وأضاف: "الأهلي يمر بمنحنى ولكنه ليس صعب وعندما طلب مني تدريب الفريق لم أفكر في أية مطالب لأن هذا واجبي تجاه الأهلي كما أنني سعيد بأنني سأساعد النادي والفريق".

وتابع: "بالتأكيد هناك لاعبين كبار بالأهلي لا يمتلكون اللياقة العالية وسأعمل على إعادة مستواهم مرة أخرى باحتضانهم نفسياً وفنياً".

وواجه لاعبو الأهلي خاصة الكبار منهم اتهامات في الفترة السابقة بهبوط المستوى حيث طالب البعض محمد أبو تريكة ووائل جمعة بالابتعاد عن الكرة والأعتزال.

وأوضح مدرب الأهلي: "عودة متعب إلى الأهلي في يناير قيمة وإضافة كما أن عودة محمد شوقي إلى حالته ومستواه إضافة".

وعن شباب الفريق أختتم زيزو حديثه: "لاعبي الأهلي الشباب لم يأخذوا الفرصة الكاملة وبالتأكيد سأشركهم في المباراة حسب التوقيت المناسب".

الجدير بالذكر أن زيزو يتولى تدريب الأهلي حتى نهاية الدور إلى حين التعاقد مع مدرب جديد سواء محلي أو أجنبي.

ميرسى ع الخبر

كل شويه متعب راجع ولما تشوفوه مستواه هتهجموه

لان معتقدش ان متعب هيرجع لفورمته مش اقل من 10

ماتشات لعب بجد

ليه بس كده هو احنا ناقصين هجوم ان شاء الله يرجع بسرعه لمستواه زى السنه ال فاتت ادعوا بس وخلى عندكم ثقه فى الله تعالى اولا وفى عماد كمان

هو اكيد متعب هيحتاج اكتر من 3 ماتشات على الاقل علشان يرجع ده طبيعى بس اتمنى ان زميله يبقوا كويسين علشان يساعدوه هو لوحد مش هيعمل حاجه وياريت الناس ماتستعجلش عليه

اكيد متعب لما يرجع مش هايبقى فى الفورمة بتاعته لا ده طبيعى جداااااااااا
والكل هايبقى عارف ظروفه لانه بقاله كتير اوى مش بيلعب ده اى حد طبيعى كده
والى هايهاجمه بقى هو حر هو الى عايز كده وعايو مشاكل وماعتقدش ده يحصل

وفعلا بلاش نستجعل عليه وانا حاسة هايبقى احسن من السة الى فاتت كمان

شكرا اميرة

مرسي
ع الخبر

first:thnQ ,amira about ur following up

second
:
بتمنى ان يكون اختيار كابتن عبدالعزيز لنهاية الدور الاول اختيار صائب
ويقدر يفيد الفريق ان شاء الله
واكيد لازم نقف ورا فريقنا فى الفترة اللى جاية واقفة قوية
لان هو محتاجنا اوى الفترة دى اكتر من اى وقت
و باذن الله خير
اما بالنسبة لمتعب
فانا عايزة اقول ان متعب محتاج مساندة زى الفريق بالظبط
و ان شاء الله مستواه يرجع احسن من الاول
و ده يعنى مش هيبقى من اول ماتش
بس ربنا قادر على كل شئ
فاكيد متعب محتاج مساندة و مش متعب بس كل اللاعبين
علشان ال performanceبتاع فريقنا يرجع زى الاول و احسن ياااارب
و ان شاء الله خير
والامور تمشى على ما يرام

ميرسى وكلنا مع الاهلى مهما كان ومهما حصل

ليه ياميرو 10ماتشات !!!

طب ما متعب السنه اللي فاتت كان عنده اصابه خطيره جدا وغاب أكتر من 6 شهور ولما رجع كان ماشاء الله الله أكبر في أعلي فورمه وأول ماتش لعبه مع المنتخب جاب جونين وجون الجزاير ومش كان لعب غير ماتشين في الدوري

ومع الأهلي كان مكسر الدنيا ولوحده كان شايل الفريق الدور التاني كله واحلي 10اجوان جابها في حياته

ياجماعه والنبي بلاش القلق الزياده ده وندعي له ربنا يرجعه لنا بالسلامه
ان شاء الله

على فكره متعب بيجيب فورمته بسرعه

10 ماتشات كتير اوى انشاء الله يرجع بسرعة
وشكرااااااااااااااااااا على المتابعة

لان يا جماعه اخر ماتش لعبه كان 9\5

يعنى لما ييجى يناير هيبقى بقاله حوالى 8 شهور مش لعب ده غير الاصابه كمان ده غير الضغط اللى عليه من الجمهور سواء الاهلى او جمهور تانى

طبعا يا ريت يرجع لفورمته حتى من اول ماتش بس دى يا جماعه حاجه طبيعيه انه يتاخر شويه

حتى شوفته شوقى لما جه الاهلى قعد قد ايه فى تدريبات منفرده وبعد كده دخل مع الفرقه بس لسه مش جاب لياقته بتاعت زمان عشان مش بيلعب بس ان شاء الله يرجعوا هما الاتنين لفورمتهم فى اسرع وقت

خلينا نتفائل خير وسواء رجع بسرعه اواحتاج شويه وقت احنا معاه بس للاسف الجمهور هيستعجل عليه لان مستوى الاهلى اقل كتير وده اللى مخوفنى

ان شاء الله متعب يرجع زى الاول واحسن