هام جدا " وجبنا نحو متعب وواجب متعب تجاه جمهوره "

[center]هام جدا " وجبنا نحو متعب وواجب متعب تجاه جمهوره "

السلام عليكم ازيكم جميعا ..؟ عاملين ايه ..؟ يارب تكونو تمام وبخير
الموضوع ده مهم واتمنى منكم كلكم تكملوه لاخره وتقول رايكم
بس ملحوظه " [color:d9be=red]التوبيك ده لمحبى متعب والناس اللى واجبها نحو متعب انها تساعده وتسانده الفتره الجايه "[/color]
[color:d9be=black]اما لو حد داخل عشان يفضل ينتقد متعب فى حاجات ملهاش دعوه بالكوره فده مكانه مش هنا[/color]
لان المنتدى هنا لعشاق عماد متعب مكانه فى حته تانيه واحنا نرد عليه
اما مينفعش نبقى اسمنا محبى متعب ومتعب يشوف الكلام ده مننا هنسيب ايه للناس التانيه يعنى


اولا : موضوع المعاكسه وضرب النار والموضوع ده الناس كلها قالت ان متعب ضرب نار وهو طلع نفى الخبر علطول بس متعب بعد كده اعترف للنيابه انه اطلق نار فى الهوا طبعا ساعتها كله قال يعنى متعب كداب ومتعب كدب علينا وعلى جمهوره ومينفعش كده طيب ليه مسالتوش نفسكم متعب نفى ليه
الاسباب الحقيقه انه نفى [color:d9be=red]" اخو متعب بنفسه "[/color] وضحها للمنتدى ولازم احنا محبينه نفهمها ونصدقها عشان ندافع عن متعب قدام الناس اللى بتهاجمه لان ده وقتنا ولازم نسانده

[color:d9be=black]الحكايه ان متعب كان ماشى ورا يارا بالعربيه وواضح كهربائى بالعربيه عاكس يارا بالفاظ وحشه جدا وفضل يرخم بطريقه جامده فمتعب نزله ومن الطبيعى واقل رد فعل ان يحصل مشاده قام الراجل جايب كوريك من العربيه اكيد يعنى متعب مش هيستنى لما الراجل يموته بالكوريك ولا يقوله انا بهزر معاك كمل وعاكس يارا الحمد لله ان متعب ساعتها كان معاه سلاح مترخص وضرب طلقتين فى الهوا عشان يدافع عن نفسه والراجل خاف ومشى [/color]
دى الحكايه انا مش شايف ان متعب غلطان متعب راجل شرقى لازم تقدروه الكلمه لاننا كلنا شرقيين مش معقول حد من عيلتنا مهما كانت صلتنا بيه ويتعاكس ونسكت منكنش رجاله ساعتها

اما حكايه النفى فمدحت شلبى قال الخبر بعديها على طول فااكيد متعب اتفاجى ومتعب نفى عشان والدته طبعا متقلقش لانها اول ماتسمع كلمه طبنجه وضرب نار ايا كان متعب اللى ضرب او اضرب عليه فهتقلق فكان طبيعى ان متعب ينفى عشان متقلقش هيا ودى حاجه تتحسب ليه انه خايف على والدته اه ممكن كان الافضل انه يسكت ومش يطلع يتكلم
بس هو حاول يلم المشكله من اولها بدل ماتكبر وتوصل لوالدته وتقلق

ومتعب هيطلع ويوضح كل حاجه وليه خبى وكان فى حاجات باقى عليها ومكنش ينفع يقول عشان اسباب وهو الليثى هيجيب متعب وهيوضح كل حاجه عشان الامور تبقى واضحه للناس كلها


[color:d9be=red]ثانيا : [color:d9be=black]موضوع يارا[/color] [/color][color:d9be=black]معظمنا مابيحبش يارا ولا عنده قبول ليها لان طبعا كلنا مش متعودين على حياتها وعلى لبسها ولما بنشوف حد بيعمل حركاتها دى وطريقه لابسها بتبقى فى نظرنا حد مش كويس [/color]
بس عايز اقلكم ان متعب اختارها ومتعب حبها وامنلها على حياته الجايه والمستقبل كله وعلى ولاده الجايه بااذن الله
وعارف ان دى اللى هتريحه وهتبقى معاه طول العمر امينه ليه ولحياته يبقى خلاص احنا مالنا
فى الاول اعترضنا اوكى لان كنا فاكرين ان ممكن يكون راينا ليه تاثير على متعب
لكن دلوقتى خلاص بقت مراته ياجماعه يعنى خلاص نصه التانى بلاش بقى نفضل نقطع فيها
سبوها فى حالها ملكوش دعوه بيها عيب جدا بجد لما تتكلمو على بنت ايا كانت هى مين عيب بجد
مينفعش نتهمها فى اخلاقها وشرفها وسمعتها مينفعش خالص اذا كانت يارا ولا غيرها


كل موضوع يحصل لمتعب او مشكله وبسميها مشكله عكس الناس اللى تقوللك مصيبه ربنا مايجيب مصايب خالص

مثلا اتصاب السبب يارا
حصلت مشكله مع مصور السبب يارا
اتصاب تانى السبب يارا
اتاخر عن التمرين السبب يارا
مشكله الصحفيه اللى اتضربت السبب يارا
كل حاجه تسيبو الاساس وتمسكوه يارا

يعنى الاصابات دى حاجه بتاعت ربنا ايه دخل يارا فيها
مشكله المصور طلعت كذب والشهود نفت الواقعه ومتعب كان مظلوم اوك راح هو ويارا عشان سبب والسبب انه يعرف الناس فعلا انه بيحب يارا وهيتحوزها لان ساعتها كانت فى اشاعات كتيره فحب يكون كل حاجه على نور

مشكله الصحفيه يارا ايه سببها هيا اللى قالت للبودى جارد اضربوها ولا ايه
مشكله المعاكسه دى المفروض انها تعمل ايه ولا ايه سببها سببها انها اتعاكست دى الدنيا كلها بتتعاكس
مافيش بنت بتمشى فى الشارع الا لما تلاقى ناس ترخم عليها طبيعى ان تصرف متعب يكون كده حاجه طبيعيه


ارجوكم ورجاء بجد بلاش نتكلم على يارا وحشه يعنى هينفع حد من محبى متعب يقول عليها بت وسخه هينفع اكيد لا حاجه مش ترضى ربنا

اولا لان انت ملكش الحق انك تقول كده على واحده شريفه ومحترمه من جواها بغض النظر عن اللبس
ثانيا لان عيب تقول الفاظ زى دى فى المنتدى

انتو بتحبو يارا ؟؟ لا
بتقبلوها ؟؟ بردو لا

خلاص بقى بلاش تتكلم عليها مادام مش بتقبلها سبها فى حالها وخلى رايك لنفس او راى محترم مش يسى ليها او يضايق وينرفز متعب واللى بتحب متعب واحنا عشاق متعب منه

[color:d9be=red]ثالثا : [/color][color:d9be=black]ده وقتنا لازم نساند متعب ونسانده انه يرجع متعب بتاع زمان فى الكوره ملناش دعوه بحاجه تانيه[/color]
عايزين متعب بتاع كاس العالم وبتاع 2005 وبتاع الاتحاد السعودى والايام دى ايام مجد متعب بجد
لازم نسانده ونحميه ونرد على اى حشره من الاعلام الفاسد بتاعتنا يتكلم عنه وحش

واحد زى شبانه ده انتقد متعب بطريقه مش ممكن اكيد متعب مش هيطلع يرد عليه ويخش فى مهاترات معاه
بس احنا واجبنا اننا نرد عليه نعمل مدخلات معاه ونرد عليه ونعرفه مين متعب وهو بيتكلم على مين
ولازم يحترم المكان اللى هو فيه ويتكلم عدل عن نجم ليه مكانه فى مصر
وغير شبانه المواقع واللى فيها لازم نرد وندافع عن متعب لان متعب مش هيركز مع الناس دى
بس لازم نخليه يطمن ان وراه جمهور بيحميه وبيدافع عنه
نروح الاستاد ونعمل يافتات لمتعب ونحثه على العوده بقوه فى الماتشات الجايه
وممكن نعمل حاجه حلوه نطلب من الالتراس ان دخلته تكون عن متعب
عشان ياجماعه والله لازم نخاف على متعب ممكن الفتره الجايه لو العصبيه فى الملاعب زادت
متعب هيبقى زى شيكابالا وهيتشتم من جمهور الزمالك
لان متعب هيبقى رقم واحد فى الاهلى فااى نجم لازم يبقى ليه اعداء
[color:d9be=red]ده واجبنا نحو متعب[/color]

[color:d9be=#ff0000]رابعا : [/color][color:d9be=black]واجب متعب تجاهنا لازم ياعمده زى مابنديك تدينا يعنى ركز فى التمرينات ارجع متعب بتاع زمان احنا بندافع عنك قدام الناس اللى بتقول متعب مش هيركز فى الماتشات بسبب ياارا[/color]
لو نزلت فعلا فى ماتش ومش ركزت هتاكد كلامها واحنا محبينك مش هنقدر نرد
فمتخليش حد يمسك عليك حاجه او علينا
ركز فى الماتشات والتمرينات وفى حياتك الكرويه وبس

وطلب ياعمدده مننا بجد [color:d9be=red]" ابعد يارا عن الاعلام اليومين دول بلاش تتكلم عنها بلاش تجيب سيرتها وتقول اغلى شى فى حياتى وكده مش معترضين على حبك ليها بس انت لاعب رياضى اختص فى الكوره وبس وبلاش تتكلم عن ترتيبات الفرح دلوقتى لحد الموسم ماينتهى عشان الناس هتستنالك غلطه وانت الفتره الجايه لازم نفسيتك تكون مستقره ده طلبنا التانيه ياعمده "[/color]

[color:d9be=black]وبردو خلى يارا تحسن من لابسها شويه دنا شوفت ليها فستان وانت جمبها بجد حاجه تحزن اوى[/color]



ارجوكم ياجماعه كل واحد يقول راييه ويدافع عن ممتعب ولو عنده اى حاجه نقدمها لمتعب فكره او حاجه احنا معاه

انا بفكر فى ننا نعمل داخله لمتعب وهنطلب انا واسامه من الالتراس بجد وهنروح التجمع بتاعهم لو مش وافقوه عشان الفلوس احنا مستعدين نقوم بيها بس تودنا وقت بجد

بس لازم نصون متعب ونحميه ونرد على المنتقدين
ومهما يقول العزول هتفضل المتعب على طول [/center]

كلام جميل اوووووي يا مستر شريف
واتمنى ان كل الاعضاء تلتزم بكلامك!!

بجد كلام مينفعش يتقال بعده نص كلمه انت قلت كل اللى انا كنت بفكر فيه

بس المشكله ان الموضوع جاى فى وقت منيل بستين نيله

مش كنت تستنى شويه ياعمدة لحد ما الامتحانات تخلص


حكايه بقى ضرب النار دى فالرجل المفروض يحمد ربنا ان عماد مضربهوش هو بالنار

وعماد طلع نفى على اساس ان الموضوع خلاص هيتلم لكن واضح ان فى حد لعب فى دماغ الرجل وخلاه يعمل محضر

بس اللى انا مستغرباله بجد ان اى حد دلوقتى عماد يتكلم معاه وحصلت مشكله يقوموا مقدمين فيه بلاغ وكانهم بيتلككولوا مثلا

بجد حاجه غريبه جدااااا

اما حكايه الدخله اللى فى المدرجات دى اكيد هترفع من معنويات عماد جامد جدااا
وهيحس ان ليه ضهر يسانده ويشجعه

وعلى فكرة الناس اللى بتقول ان عماد مش هيبقى مركز فى الماتشات غلطانين جدااا

لانهم هما كدة اللى بيخله يخرج عن تركيزه لما يحس ان الناس هتقفله ع الواحدة وكل مايعمل غلطه هيقولوا ما هى السبب هى يارا

وكأن يارا هى الحيطه المايله رغم انى مش قبلاها ومش هقبلها

بس مش هاقعد اقول ان يارا هى اللى مبتخلهوش يجيب اجوان يارا هى اللى بتخليه يتصاب

يبقى كدة احنا عايشين فى الوهم وياما لاعيبه كرة اتجوزوا وبعدها مكملوش


وانا عندى طلب وامنيه ورجاء اى حد يشوف صورة لعماد ويارا زى الصورة اللى نزلت من يومين
ياريت ميجبهاش لانك كدة مش هتستفيد حاجه

احنا كل مانحاول ننسى ونتقبل الوضع بتشعللوا الموضوع زيادة

وطبعا الردود بتبقى حاجه زى الفل يعنى بسد نفس المفجوع

فياريت ياجماعه نهدى الموضوع شويه وزى ماقال شريف نقف معاه ونشجعه ونخليه يرجع يرد على كل واحد اتكلم عليه بطريقه مستفذة

اللى عماد عمله دة كان رد فعل طبيعى جداااا
لكن احنا هنا فى مصر بنبص على ردة الفعل ونسيب الفعل نفسه
وخصوصا مع عماد فى كل مشاكله اللى حصلت واللى دخل فيها النيابه

بنقعد نهاجمه ونلومه لمجرد انه لاعيب كورة ومشهور لكن لو اى حد تانى كنا هنصقفله وتقوله برافو عليك ونطلع بيه السما

وعلى حكايه الانكار اكيد حسبها غلط ومكناش نعرف ساعتها تفكيره كان عامل ازاى
واللى خلاه يطلع ينفى انه كان تكلم مع الراجل وحل الموضوع لكن فى شيطان طلع وسوس فى دماغ الرجل وخلاه يعمل المحضر

واهو كلها بكرة او بعده ويطلع مع الليثى ويوضح كل حاجه

وياريت منقساش عليه اكتر من كدة هو مش ناقص

وثانكس باشريف بجد وياريت كل الناس تفكر زيك كدة

ميرسيه ياميرى منوره

وميرسيه يامنه وان شاء الله حكايه الدخله دى بس اخلص الامتحانات وهحاول اقعد انا واسامه مع الالتراس ونقولهم الفكره لو مش وافقو يقومو هما بالدخله عشان الفلوس اوك ممكن انا واسامه واى حد من هنا يساعد ونعملها بس محتاجه وقت الموضوع ده


وياريت كلنا نساند متعب الفتره الجايه

بجد كلامك صح

كلام حلو اوووووى
بالذات ان متعب لازم يقدر جمهوره زى مااحنا بنقدره كتييييير
لان الفترة الى فاتت دى زى مانت قولت برضه مركز انه فى اى برنامج يجيب سيره يارا قبل جمهوره!


وياريت متعب يوصله التوبيك ده ويقراه



شكرا يا شريف اوى

بالظبط ده اللى بتكلم عليه بلاش يتكلم عليها كتير
ويدينا حقنا
وان شاءالله الكلام هيوصله ويقراه

ميرسيه منوره

طبعا انا معاك يا شريف فى كل حاجه
بس موضوع يارا ده مش معاك اوى
ياعنى ليه احنا منحبهاش زى ما نحب متعب مش دى مراته واكتر حد متعب بيحبه و هى اكتر حد بيحب متعب
وان شاء الله هنعمل لافتات الاول و بعدين نشوف موضوع الداخله
بس ياريت لو نقدر نعمل حاجه فى متش انبى الجاى

(مهما هيحصل برده بحبك وهافضل واقفة جنبك وعمري ما هازعل منك يا متعب)

يعنى الى مش بيحب يارا هايحبها غصب عنه؟
الى مش بيحبها مايتكلمش عنها ولو هايتكلم مايتكلمش وحش

حوار السواق ده عادى جدا ونفيه للخبر ممكن يكون لسه مفكرش هيعمل ايه لان شلبى اتص بيه بعد حوالى ساعتين بس

اما موضوع يارا انا مش بتكلم فيه بقالى كتير ومش هتكلم فيه

وياريت متعب نفسه مش يجيب اى سيره عن حياته الشخصيه لان كده بيدى فرصه ان حد يتكلم عليه


يا منه الناس اللى بتقول ان متعب مش هيبقى مركز دى حقيقه فعلا عشان عارفين لما متعب ينزل وخصوصااااا فى ماتش الزمالك ايه اللى هيحصل

بس احنا لسه مش عارفين هو هيبقى رده ايه

[i]ثالثا : ده وقتنا لازم نساند متعب ونسانده انه يرجع متعب بتاع زمان فى الكوره ملناش دعوه بحاجه تانيه
عايزين متعب بتاع كاس العالم وبتاع 2005 وبتاع الاتحاد السعودى والايام دى ايام مجد متعب بجد
لازم نسانده ونحميه ونرد على اى حشره من الاعلام الفاسد بتاعتنا يتكلم عنه وحش
[/i]

بليز يا جماعه دا الوقت اللى لازم فيه نقف جنب متعب
ونرد على شبانه وغيره من الاعلام اللى اقل حاجه تتقال عنه انه قذر

وياريت نقبل يارا لان ده واقع واللى يحب عماد اكيد لازم يحب يارا

يا اسامة حد يبص في وش بنت زي دي
دي شيطانة وقدرت تسيطر على متعب

[quote:4b7f="كريم ناصر"]يا اسامة حد يبص في وش بنت زي دي دي شيطانة وقدرت تسيطر على متعب[/quote] !!!!!!!!!!!!!!!!!!!!!!!!

[quote:6383="كريم ناصر"]يا اسامة حد يبص في وش بنت زي دي
دي شيطانة وقدرت تسيطر على متعب[/quote]
هو راضى بيها ومحدش ليه اى دعوة
ودى حياته وهو حر فيها

أولا متفقه معاك ف كل اللي قولته ياشريف
ثانيا احنا لازم نلاقي طريقه نتواصل بيها مع عماد مباشره ونوصله كل اللي احنا عايزينه من غير واسطه والله لو حاولنا هنقدر لان ده حقنا عليه

أنا عايزه اقول حاجه بس
متعب لما انكر ان ف حاجه حصلت كان قصده يبعده مراته عن الاعلام ومحدش يقول عليه انها هتعطله وهتأثر عليه ولا انه بيدخل حياته الشخصيه في شعله والكلام اللي بيتقال دلوقتي بس حظه الوحش بقي خلي السواق ده يقدم بلاغ والموضوع يتعرف والكلام اللي كان خايف منه حصل ومتعب اتحول من صاحب حق لمتهم علشان عايز يركذ وميخليش حاجه تشتت تركيذ عشان يرجع لنا بسرعه.. علشان عايز يفصل حياته الشخصيه عن شغله بقي كداب وبيضلل الرأي العام!!! طب انا عايزه اعرف حاجه كان ايه اللي هيتقال لو متعب راح وقدم بلاغ ضد الراجل اللي عاكس مراته وضايقه ((وده طبعا حقه)) بس عشان هو عماد متعب وعشان مراته يارا نعوم لا مش من حقه ولازم كان هيتهاجم ويتقطع من اللي يسوي والا مايسواش ويتقال بقي ان مش مركذ ف التدريبات وان حياته الشخصيه مأثره عليه ويارا بتعطله ويارا...ويارا...ويارا


أنا بجد عيطت لما سمعته كلام شوبير عنه امبارح بجد ربنا يكون ف عونك ياعماد وترجع تخرس أي حد بيتكلم كلمه وحشه ف حقك

[quote:4bf5="د.هبه"]أ طب انا عايزه اعرف حاجه كان ايه اللي هيتقال لو متعب راح وقدم بلاغ ضد الراجل اللي عاكس مراته وضايقه ((وده طبعا حقه))

[/quote]

هيروح يقولهم ايه واحد عاكس مراتى حلوه دى

[quote:3c56="samar_bata2000"][quote:3c56="كريم ناصر"]يا اسامة حد يبص في وش بنت زي دي
دي شيطانة وقدرت تسيطر على متعب[/quote]
هو راضى بيها ومحدش ليه اى دعوة
ودى حياته وهو حر فيها [/quote]

اوك حياته وهوا حر فيها بس هوا الى دخل حياته ف شغله يبقا يستحمل بقا
اما يا كريم قولتلك بلاش شتيمه عليها ياريت يعنى

كريم بلاش غلط اوك
لان انت فى مكان محترم وبتتكلم عن بنت ايا كانت مين البنت دى


واسكت ياعم احمد على طول فاضحنا كده مين قال انى بحب يارا

بجد ياشريف انت كلامك صح بس متعب هو حر فى يارا يخليها تلبس وحش تلبس حلو هو حر دى حياتة احنا مندخلش وع فكرة انا حب يارا جدا كفاية انها اكتر وحدة متعب بيحبها وانا اكيد معاكوا ولو عاوز حاجة منى انا تحت امرك انت واسامة معا الاكونت بتاعى لو عاوززين اى حااجة اساعدكم فيها انا معاك انت واساامة بجد انتوا نااس بجد كوويسين ومحترمين وكفاية اموا بتساندة متعب كدة
متعــــــــــــــــــــــــــــب احنا بنحبــــــــــك اوى

هو فى حد ميحبش يارا

احم
انا بحب رتيبه
مبحبش يارا

يا يختك خليك مع رتيبه رتيبه احمد من يارا هههههههههههههههه

هههههههههههه
ماشى اسكت بقى وقفل وخلينا فى الموضوع
انت المفروض احمد فضيحه مش احمد ua07