فرمان برتغالى لمتعب: "ممنوع الخروج عن النص"

عقد البرتغالي مانويل جوزيه المدير الفني للنادي الاهلي اجتماعا طارئا مع عماد متعب مهاجم الفريق وطلب منه البعد عن إثارة المشاكل سواء داخل النادي الاهلي أو خارجه مشيرا الى أن الفريق يحتاج الى التركيز للفوز بلقب بطولة الدوري في ظل الصراع بينه وبين نادي الزمالك.
واكد جوزيه لمتعب ان الاهلى في حاجة الى الهدوء وليس الى افتعال المشاكل والدخول في أزمات لا طائل من ورائها سوى التشتت وهدده باستبعاده من التشكيلة الاساسية للاهلى فى لقاء انبي القادم في الجولة رقم 25 لبطولة الدوري الممتاز.
وكانت النيابة قد أفرجت عن متعب بعد تصالحه مع سائق سيارة اطلق عليه متعب الرصاص بدعوى معاكسته لزوجته يارا ناعومى .

ايوة كدة

ميرسى ع المرور

وكان لازم يحصل من زمان ولازم يعرف ان الاهلى محتاجه دلوقتى اكتر من اى فتره فياريت يركز ويبعد عن المشاكل

[quote:c420="a7med ua"] وكان لازم يحصل من زمان ولازم يعرف ان الاهلى محتاجه دلوقتى اكتر من اى فتره فياريت يركز ويبعد عن المشاكل [/quote]

تمام ياجوزيه

جماعه عماد مغلطش ف حاجه ده بيدافع عن نفسه وعن مراته
معتقدش انه ده بيسئ ليه كلاعب ولا بيسئ للاهلى فى حاجه
واعتقد ان مينفعش راجل يشوف مراته بتتعاكس ويسيبها ويقول انا نجمك وستار ومينفعش ادافع عنها
ايه ده ؟؟؟

عماد ستار ونجم اه
والاهلى على راسنا اه
لكن ده حقه انه يدافع عن نفسه كانسان عادى ولا ايه ؟؟؟؟

محدش معترض على رد فعله ياهدى
بس الكل معترض على انه طلع نفى الخبر فى وسائل الاعلام
واعترف فى النيابه بس

والله جوزيه ده مية مية

[quote:a128="sherif met3b"]محدش معترض على رد فعله ياهدى
بس الكل معترض على انه طلع نفى الخبر فى وسائل الاعلام
واعترف فى النيابه بس[/quote]

اوكيه يا شريف
لام نعذره اكيد خاف فى الاول
اوريدى هو رد فعل غلط
لكن مش من حق حد انه يهاجمه سواء جوزيه او الزفت اللى اسمه محمود معروف ده
وبعدين ان استاذ وائل اخوه يقول لاسامه اللى حصل بالظبط ده اكيد متعب يعرفه يعنى
وده معناه انه مش بينكر اللى حصل لكن اتحرج انه يغير كلامه تانى ف الاعلام القذر بتاعنا

ماشى

ميرسى ع الخبر

[quote:9729="هدى موسى"]جماعه عماد مغلطش ف حاجه ده بيدافع عن نفسه وعن مراته
معتقدش انه ده بيسئ ليه كلاعب ولا بيسئ للاهلى فى حاجه
واعتقد ان مينفعش راجل يشوف مراته بتتعاكس ويسيبها ويقول انا نجمك وستار ومينفعش ادافع عنها
ايه ده ؟؟؟

عماد ستار ونجم اه
والاهلى على راسنا اه
لكن ده حقه انه يدافع عن نفسه كانسان عادى ولا ايه ؟؟؟؟[/quote]

بس مش بالمسدس دة كدة يبقى over ولا انا غلطانة؟؟؟
يعني يتخانق عاادي دة رايي

» صور لمتعب اول مره تشوفوها من زملكاوى عاشق لمتعب
» فرمان من جوزيه بتدريب متعب يوم زفافه
» فرمان ألماني يُؤجل عودة متعب للملاعب
» دعا له بالهداية - أيوب : ما حدث من متعب غرور وخروج فادح وفاضح عن النص!
» فرمان من البدري بمنع الصحفيين من تغطية تدريبات الفريق