قول رايك فى اداء متعب فى ماتش المولوديه ..؟

[center]مقبول
سى’
سى’ جدا
[/center]

سى من هنا لبكره الصبح
من الماتش اللى فات ف تصريحات الواحد قال هتنزل تأكل الملعب
وف الاخر تظهر بالمستوى ده بتخاف تخش فى كل كوره
وجاتلك انفراد اى حد يحطها
مش هينفع ادائك ده على فكره لو فضلت كده
يبقى مكانك ع الدكه خصوصا بقى اننا مش بنستنى كتير

سىء

سىء بس

سىء اووووووى ولا تزعل هههه

بس انا بصراحه عشان مااكونش بكدب انا مركزتش ف الماتش اوى بس عرفت انو كان وحش النهارده

ليه كدة الاهانات دى ما نقول ماكنش فورمة وخلاص وربنا يوفق فى اللى جاى لازم يعنى تريقة

لا مش اهانات ده رد فعل طبيعى بعد ادائه انهارده

ان شاء الله الجاى افضل

متعب ماكنش في مستواه انهارده وضيع فرصه ماتضعش بس الاهلي كله كان وحش والفريق التاني كان احسن مننا بكتييييييييييير و مش معني انه وحش ف ماتش نقول مكانه الدكه والا بقي يبقي تريكه وجدو وشوقي وكل اللاعيبه عالدكه من الماتش الجاي لان بصراحه كلهم مش في مستواهم انهارده
وبصراحه مش منطقي ابدا انه لو جاب جول او عمل ماتش كويس زي الماتش اللي فات نطلع بيه السما ولو مش موفق زي انهارده نتقلب عليه 180 درجه بالشكل ده متعب لاعب كبير وبقدر يخلص في اي وقت حتي لو مش في مستواه وحكايه نستني او لا دي بتاعته المدرب هو اللي يقدر يحدد ان كان يستني عليه ولا لا

[quote:b313="د.هبه"]متعب ماكنش في مستواه انهارده وضيع فرصه ماتضعش بس الاهلي كله كان وحش والفريق التاني كان احسن مننا بكتييييييييييير و مش معني انه وحش ف ماتش نقول مكانه الدكه والا بقي يبقي تريكه وجدو وشوقي وكل اللاعيبه عالدكه من الماتش الجاي لان بصراحه كلهم مش في مستواهم انهارده
وبصراحه مش منطقي ابدا انه لو جاب جول او عمل ماتش كويس زي الماتش اللي فات نطلع بيه السما ولو مش موفق زي انهارده نتقلب عليه 180 درجه بالشكل ده متعب لاعب كبير وبقدر يخلص في اي وقت حتي لو مش في مستواه وحكايه نستني او لا دي بتاعته المدرب هو اللي يقدر يحدد ان كان يستني عليه ولا لا[/quote]





هو ده الكلام الصح ما هو حرام يعنى هو مش بيلعب لوحده دى بقى حاجة غريبة هو متعب بتحاسبوه بالماتش واليومية كمان ايه مافيش غيره بيتهاجم يعنى الفريق اتعادل خلاص ماتش وانتهى ونفكر فى اللى جاى ما هو بيضيع زى ما كله بيضيع ليه الهجوم العنيف ده

والماتش اللى فات طلعنا بيه السما متعب لاعب كبير ومايستحقش كدة ولا هو ولا اى لاعب فى الاهلى المفروض اننا نساند ومش نقول سىء ومقبول انا خفت تقول شايل مادتين ولا حاجة !!!!!!!



احنا فى منتدى عاشقى عماد متعب ولا نسينا يا جماعة ونغير اسم المنتدى بقى ولا ايه

نهدى شوية ارجوكم وباذن الله خير هو الاهلى كدة دايما بيتعبنا فى الاول وبعدين يفرحنا فى الاخر

زى ماانتو بتحبو متعب انا بحبه واكتر يمكن
بس مش عشان بنحبه نجامله متعب بيخاف يخش فى كل كوره
تانى حاجه متعب ماتش حلوه و عشره لا
انا قبل كده قولتها متعب لو عمل مجهود حلو الناس بتنسى الاداء
لكن لا اداء ولا مجهود وخلو فى بالكم ان فيه فضل والسيد حمدى وجونيور ودومنييك ووليد سليمان وجدو بره يعنى متعب لو فضل بالمستوى ده مش هيلعب كوره زى امبارح دى مستاهله هو كان باين اوى انه مش مركز وده ماتش كبير مش محتاج غير التركيز

وتوتا انا قولت مقبول وسىء وسىء جدا لانه مستواه ميستاهلش اكتر من كده ف الماتش ده
وبلاش بقى نظام السخريه ده شايل مادتين والحوارت دى

[quote:ae4a="توتة10"]ليه كدة الاهانات دى ما نقول ماكنش فورمة وخلاص وربنا يوفق فى اللى جاى لازم يعنى تريقة[/quote]

اهانات ايه وبطيخ ايه

عايزه تشوفى الاهانات الى ع حق خشى ع الفيس وشوفى بيقولوا عليه ايه

لما بيخاف يدخل ف كل كوره مشتركه شوفى بتكلموا عليه ويقولوا ايه ودخلوا مراته ف الموضوع

مش هينفع اقولك بيقولوا ايه لانه عيب ف بنات هنا تمام

هوا قال مقبول ولا سى ولا سى جدا

انا بقوله مستواه زفت جاتله كوره تريكه قدامه بيديها للواد بتاع المولوديه

للدرجاتى يعنى ........ ولا ايه مش فاهمين

ولو سمحتى مش كل شويه حوار احنا ف منتدى متعب و منتدى مااعرفش مين ماحنا عارفين انننا ف منتدى متعب والله

وزى ماشريف قال كدا لو هيفضل بالمستوى دا يبقا هيقعد وقريب اوى كمان

الواحد الى مزعله انه بيخاف يدخل ع اى كوره مشتركه ف ايه

كلنا شوفنا تريكه امبارح مع انه ماعملش حاجه بس فوتى تريكه كان بيدخل ازاى ف اى كوره مشتركه

تريكه الى كانوا بيقولوا يعتزل هااااا مش متعب الى لسه مجوز تمام

تريكه كان بيدخل بقوه ع القوه ومش خخايف من اى حاجه ولا اصابه ولا اى حاجه

ومتعب كل كوره بيخاف يدخل فيها ف ايه ولا هيا كلمه احنا ف منتدى متعب دى حاجه مسجله كل مايحصل كدا تتقال

احنا ف منتدى متعب اوك بس مستواه وحش اوى وسيبك من الهدفين الى جابهم هنا احنا عايزين مستوى واهداف برضو زى ماكان قبل كدا كان مستواه حلو اوى وبيجيب اهداف كمان الاتنين مع بعض

وبتقولى الاهلى كله كان وحش تمام الاهلى لما يكون وحش هوا يكسبنا

امال ايه لازمته الاهلى وحش يبقا خلاص مش مهم لا
بلاش نضحك ع نفسنا مستوى متعب وحش اوى ومش هيرجع لمستواه مش معنى كدا لو ف متش اسوان الى جاى جاب اجوان يبقا كدا رجع لمستواه لا

وانا تمنى والله انه يرجع لمستواه متعب الى نعرفه عشان البهايم الى بتشتمه ع الفيس وع المواقع تسكت بقا

الواحد كان بيدافع عنه قبل كدا لانه كان متش كويس ومتش وحش بس دلوقتى الواحد بقا زى الناس الى بتهاجمه لانه مش هينفع مستواه دا

يا توته كل واحد يقول رائيه الى هو عايزه

سئ جداااا ولو فى حاجه تحت السئ كنا هنقولها



لكن بتقولوا انه مبيشاركش فى اى كورة دة طبيعى انتوا ناسيين انه كان فى ضلعين مكسورين

المفروض انه ميحاملش عليهم او مايشتركش فى اى تدخل ودة بامر الدكتور مش حد تانى وشئ

طبيعى ان اى حد فى مكانه حتى لو مبيلعبش كورة انه يخاف.

هتقولوا بخلقله اعذار لا دة مش عذر دى حقيقه والمفروض نكون كلنا عارفين كدة



تانى حاجه الكورة اللى ضيعها رغم انها سهله جدااااا واى عيل صغير كان ممكن يدخلها بس دة بقى

توفيق وعدم توفيق زى بالظبط الجون التانى بتاعه فى الماتش اللى فات دخلت وكانت ضعيفه جدا

والحارس كان هيمسكها بس دخلت !

و بعدين فيها ايه ماكل اللعيبه بتضيع جت عليه ولا هو بس اللى بيضيع!! ولنفرض انها دخلت ما كان

ممكن الفرقه التانيه تسجل التعادل

ومعظم لعيبه الاهلى كانوا وحشين مش هو بس حتى ابوتريكه لعب كام كورة فى اول المتش

وبعد كدة معملش حاجه


ومش كل شويه هنقعد نقول الناس مش هتصبر وجوزيه هيقعده ع الدكه وهيلاعب جونيور وسيد

حمدى وفضل

فيها ايه يعنى لما يقعد ع الدكه بالعكس دة هيحفزه اكتر وهيلعب فضل وحمدى وجونيور

وساعتها بقى الناس هى اللى هتحكم

يا جماعة ادائه مش حلو كلنا عارفين مش حاجة جديدة يعنى

ما هو مش لسة متصاب مكملش اسبوع فى نفس المكان اللى كان متصاب فيه اصاة قوية قبل كدة وملعبش الماتش الودى اللى قبل ماتش المولودية وكان واخد راحة

طبيعى يعنى انه هيخاف يدخل او يلتحم شوية مش دفاع عنه ولا حاجة



كله توفيق يعنى وافتكروا الاهلى لما كسب الصفاقسى فى تونس مافيش حاجة بعيدة ولا مستحيلة اتعادلنا على ارضنا كأننا مهزومين بالظبط وكنا فاقدين الامل والحمد لله خدنا البطولة



اللى اقصده انا مش كل ماتش نشيله الذنب كرة القدم مش لعبة فردية ولو الفريق كله وحش هو مش هيعرف يكسبنا

الاهلى بقاله كتير اووووووى مش بيكسب بره ارضه والحمد لله على التعادل بدل ما كنا نتغلب بعد الشر



يا رب يبقى حافز ليهم انهم يكسبوا الماتشات الجاية وعادى يعنى الكورة غالب ومغلوب

عشان الاصابه ؟؟
انتو بتتكلمو عن متعب ؟؟
انا من ساعه ماشوفته مش بشترك فى كوره واحده جامد

بصو هقلكم حاجه قارنو بينه وبين رامى ربيعه ف الالتحامات

ربيعه مدافع ودة دوره

لكن عماد مش مطلوب منه انه يشارك فى كل كورة عشان ياخدها

وبعدين لو هو مجبش اجوان فين ابو تريكه وفين جدو

لا متعب دوره انه يضغط على المدافعين
ولو هو معاه كوره وطولت منه شويه مش بيرضى يخش جامد عشان ياخدها
وبعدين ابو تريكه ماشى مستواه وحش وجدو مستواه وحش
بس الاتنين بيجرو وبيضغطو وبيعملو مجهود

مجبوش اجوان هما ليه ؟؟

الماتش كان متقفل وبعدين ده توفيق
هما عملو اللى عليهم كمجهود عشان كده محدش بيتكلم عليهم

اشمعنا متقفل عليهم هما

واشمعنا معاهم نقول توفيق ومش توفيق

أنتى لحد دلوقتى مش قادره تفهمى قصدى
مش بتكلم على ان متعب لازم يفك الماتش ويجيب اجوان
انا بقول مش بيعمل مجهود وده اللى بيخلى الناس تشتمه وتتضايق منه وانا اولهم اللى بحبه اهه
اتضايقت منه لان مش بيعمل مجهود لا بيجرى ولا بيدخل ف كور مشتركه
لكن شوفى جدو وتريكه بيجرو وبيعملو مجهود وبيدخلو ف التحامات وكده بس مجابوش اجوان
زيهم زى متعب لكن الناس عشان عملو مجهود مش اتكلمو لانهم عملو اللى عليهم
لكن لاعب ف الملعب مش بيعمل مجهود سورى يعنى ايه لازمته ف الملعب ؟؟

اللى اعرفه ان اى مهاجم فى الدنيا مش مطلوب منه انه يجرى الملعب كله ويروح ياخد الكورة من

دة ومن دة ويعمل مجهود خرافى زى ماانت عايز

المهاجم دوره انه يفضل فى ال18 لحد ما الكورة توصله وهو يتصرف بعد كدة

ولا تبقى ايه مهمه اللى تحتيه او اللى فى نص الملعب

ماشى يتحرك ويعمل مجهود بس مش زى دول

مين قالك كده يامنه ؟؟ المهاجم يفضل واقف ف ال 18 لا طبعا المهاجم بينزل ويستلم ويضغط ع المدافعين ويغطى طب هسئلك سؤال انتى شايفه مجهود متعب ف الماتش ده طبيعى ؟

سئ مقارنة بالماتشس اللى قبله