" من غير تحيز "

بدون قصوه ومن غير ما نكون متحيزين
متعب وحش جدا الفره دى جدا و جدا كمان
ياريت كل واحد يقول ممكن نعمل اية لمتعب
و محدش يقول نقف جمبة و الكلام اللى ملوش لازمة
عايزين اعمال ترجع متعب لمستواه بجد مش هزار
انتم شايفين اية ؟؟؟

هو كل حاجه احنا احنا
امال هو واجباته ايه
هو اللى يرجع مستواه بنفسه يفكه شويه بقى
لازم يهين نفسه ف الملعب اكتر من كده
ويعمل مجهود اكتر من كده
يعمل اللى عليه عشان ربنا يوفقه

انا ال شيفاه اننا بنبقي مع متعب ومسندينه لما يجيب اجوان بس

ولما يجي فتره عليه زي اي لاعب راجع من اصابه نهاجمه

الفريق كله كان مش حلو مش هو بس

وربنا يوفقه

[quote:a702="sherif met3b"]هو كل حاجه احنا احنا
امال هو واجباته ايه
هو اللى يرجع مستواه بنفسه يفكه شويه بقى
لازم يهين نفسه ف الملعب اكتر من كده
ويعمل مجهود اكتر من كده
يعمل اللى عليه عشان ربنا يوفقه[/quote]

لا يا شريف احنا جمهوره و احنا اللى اختارنا نكون جمهوره و واجب علينا نقف جمبة مهما حصل
متنساش ان متعب فضل 5 سنين بيفرحنا و بقالوا سنة واحده فى مشاكل

لالا انتى متعرفيش احنا عملنا ايه لمتعب انا واسامه
حكايه الاحتراف كنا وراه ورحنا المطار وعملنا عشانه حاجات كتير
حكايه يارا كنا اول ناس معاه لما ضرب نار كنا معاه لما رجع من الاصابه كنا وراه بردو
وبنفكر نعمل كل جديد لما بيكون وحش بنسانده بس بشرط لما يكون مظلوم وعامل اللى عليه
لكن مش بيعمل اللى عليه ونسانده بااماره ايه .؟؟ ممكن حد يجاوبنى
وبعدين احسن حاجه قالها اسامه
متعب وحش جدا "الفتره دى" مش الماتش ده عشان محدش يقول كله كان وحش انهارده هو متعب من ساعه مارجع وبقاله فتره راجع معملش غير ماتش واحد حلو عشان عمل فيه مجهود ماتش الوداد 3/3 بس غير كده بيبقى وحش واللى بيخلى الناس تهاجمه اكتر انه مش بيعمل مجهود كفايه
انا بحب متعب اكتر من اى حد وانا من النوع اللى لما بحب حد مش بحب اتكلم كتير فعلى بيغطى ع كلامى وبتكلم كده عشان محدش يقولى انت مش بتحبه انا بحبه جدا وعشان كده عنيف عليه لان انا انهارده اتخانقت مع ناس كتير بسببه شتمته وانا قاعد بتفرج ع الماتش وعرضت نفسى لاهانه بسببه رغم انهم عندهم حق لكن عشان بحبه بس مش ينفع كده
لازم يبذل مجهود اكتر من كده ولما ينزل الملعب ينسى الدنيا باللى فيها

[quote:8b49="sara99"]انا ال شيفاه اننا بنبقي مع متعب ومسندينه لما يجيب اجوان بس

ولما يجي فتره عليه زي اي لاعب راجع من اصابه نهاجمه

الفريق كله كان مش حلو مش هو بس

وربنا يوفقه[/quote]

احنا مش بنهجمة خالص و انا بتكلم على اداء متعب الفتره الاخيره مش المتش ده
متعب مستوى مش هو و ده عادى لانة راجع من اصابة و احنا المفرض نقف جمبة بس مش بالكلام
لازم نعمل حاجة كبيره لمتعب تعرفة ان واه جمهور كبير و مستنية و يستحق ان متعب يتعب شوية عشانة

[quote:e08b="اسامة متعب"][quote:e08b="sherif met3b"]هو كل حاجه احنا احنا
امال هو واجباته ايه
هو اللى يرجع مستواه بنفسه يفكه شويه بقى
لازم يهين نفسه ف الملعب اكتر من كده
ويعمل مجهود اكتر من كده
يعمل اللى عليه عشان ربنا يوفقه[/quote]

لا يا شريف احنا جمهوره و احنا اللى اختارنا نكون جمهوره و واجب علينا نقف جمبة مهما حصل
متنساش ان متعب فضل 5 سنين بيفرحنا و بقالوا سنة واحده فى مشاكل[/quote]
اسامه انت اكتر واحد عارف انا بحب متعب اد ايه وفاهم كل كلامك
بس نسانده لما يكون مظلوم لما يكون مش ف ايده حاجه واحنا واجبنا نساانده
لكن دلوقتى هنسانده ازاى وباايه اى مشكله بيقع فيها بنكون ورااااااااااه قبل اى حد وانت عارف
لكن دى حكايه مجهود واداء ف الملعب مهما عملنا مش فاايدنا حاجه
هو لازم يركز شويه ويهين نفسه ف الملعب اكتر ويبذل مجهود .. دى بتاعته مش بتاعتنا
واحنا مش ضده احنا هنفضل وراه وهنسانده مش هننتقده بالعكس هنحثه انه يبذل مجهود اكتر ف الملعب
عشان يرجع متعب بتاع زمان

[quote:66e6="sherif met3b"]

لكن مش بيعمل اللى عليه ونسانده بااماره ايه .؟؟ ممكن حد يجاوبنى

ان احنا جمهور متعب يا شريف

لازم يبذل مجهود اكتر من كده ولما ينزل الملعب ينسى الدنيا باللى فيها[/quote]
لازم نفكر متعب بالكلام ده و نفكره بجمهوره

ربنا يوفقه

انا عندى فكره
جروب متعب الرسمى
احنا نكتب كده مقاله حلوه ونبعتهاله ف رساله ع الفيس وهو اكيد هيشوفها
ويارب تيجى بفايده ايه رايكم ؟

[quote:8f81="sara99"]ربنا يوفقه[/quote]

و نعم بالله بس احنا عايزين افكار اجابية مش دعاء كلنا بندعى بس انا بقول افكار

[quote:63f9="sherif met3b"]انا عندى فكره
جروب متعب الرسمى
احنا نكتب كده مقاله حلوه ونبعتهاله ف رساله ع الفيس وهو اكيد هيشوفها
ويارب تيجى بفايده ايه رايكم ؟ [/quote]
حلوه دى بس على الفيس صعبة لا الاكونتات كتير و مش مضمونة احنا ممكن نديهالو باليد

هتعملها لوحدك انا الفتره الجايه مش هقدر اعمل حاجه بسبب ام الثانويه
وانت زى مانت عارف مفيش حد بيساند غيرنا
هتقدر تعمل حاجه لوحدك لو هتقدر ربنا يوفقك ونفكر ف حاجه نكتبها وانت تديهاله وتبقى بااسم المنتدى

لا مش قصة اقدر او لا
بس لازم الناس تساعد

صدقنى محدش هيعمل حاجه ماكل مره كنا لوحدنا

بص فيه جروب اسمه emad meteeb ده تقريبا الرسمى بتاعه
وهنتاكد بردو انت ممكن تكلم اخوه وتعرف منه
ولما نعرف نكتب حاجه ونبعتهاله اوك

ياريت نقدر نتواصل مع الجروب ونعمل معاه حاجة

هاتعمله ايه يا اسمه ولا هاتعملولوا ايه
صعب
زى ما قال شريف لازم هو يشيل نفسه ويرجع بنفسه

احنا ممكن نفكره بينا و ان واه جمهور كبير مستنية و بيسانده يمكن ده يخلى يركز شوية ده قصدى زملكاوى

انا معاكم يا اسامه انت وشريف فى رائيكم

لازم متعب يفوق

ادائه مكنش حلو بالمره

لازم يفوق بقى

تعرقو لو متعب كان متعب بتاع زمان نهارده كنا اكيد هنفوز

بس نعمل ايه نصيبنا كده

الحمد لله

بس اعملو الفكره دى بسرعه بليز

اولا ميرسى ع التوبيك



ثانيا انا مع شريف احنا مش هنقدر نعمل حاجة غير اننا نسانده ونشجعه وبس

التدريب والاجتهاد والتركيز فى الماتشات ده عليه طبعا واحنا لحد دلوقتى مش مقصرين معاه



بس الرسالة اللى هتوصلوها انا كنت اتمنى بصراحة انى اقدر اشارك بس طبعا برده ظروف الكلية والدراسة اتمنى توصلولوا انه ( يبطل عصبية ومش من اقل حاجة يفقد تركيزه )عيب لما يكون لاعب اسمه كبير زى عماد واشوفه كل شوية بيتخانق ومتعصب مش منظر ابدااااااااااااااا انت خبرة ولعبت كتير مع توانسة وماتشات كتير مع الاهلى والمنتخب اظن مش منطق ابدا انك برده تتعصب ع الحكم بعد الماتش ماينفعش نجم كبير يبقى بالصورة دى حتى لو دى غيرة وحزن ع الفريق بتاعك انه خرج من البطولة مايصحش برده





ثانيا ارجوك حط كامل تركيزك فى الملعب وماتسمعش لاى حد يتكلم عليك رد عليهم فى الملعب واحنا هنساندك وافتكر ان جوزيه مدرب غدار وفى ناس كتير فى مكانك خاف على مكانك يا عمدة وفرح الناس اللى بتحبك

بس التركيز ثم التركيز ثم التركيز ثم الاداء وبعدين الاهداف ما هى بتيجى واحدة واحدة وطول ما انت بتجتهد ربنا هيديك



ثالثا معلش انا ليا ملحوظة خاصة بيا انا ومش لازم يعنى توصلوها بالنسبة لحياتك الشخصية انا عارفة انه مش موضوعنا دلوقتى بس اتمنى من عماد لما حد يسأله عن يارا فى برامج مايفضلش يقول بحبها وهفضل احبها طول العمر واحسن حاجة حصلتلى فى حياتى عشان دى مجال لتريقة ناس كتير عليه واحنا ما صدقنا الموضوع ده هدى وبعدين حياته قال مش بتكلم فيها ليه الكلام ده ما هو الكلام ده اللى بيخلى الناس بيتريقوا عليه بيه ويذلوه ويضحكوا عليه زى اللافتات فى ماتش الزمالك

قول الحمد لله ربنا كرمنى بيها _ربنا يوفقنا مع بعض كلام من ده بس يا ريت بلاش كلام الحب والرومانسية ده ع الهوا كدة



وربنا يوفقكوا ويوفقكوا اسفة على الاطالة وشكراااااااااااااااااااااا جزيلا

ثانيا ارجوك حط كامل تركيزك فى الملعب وماتسمعش لاى حد يتكلم عليك رد عليهم
فى الملعب واحنا هنساندك وافتكر ان جوزيه مدرب غدار وفى ناس كتير فى مكانك
خاف على مكانك يا عمدة وفرح الناس اللى بتحبك

بس التركيز ثم التركيز ثم التركيز ثم الاداء وبعدين الاهداف ما هى بتيجى واحدة واحدة وطول ما انت بتجتهد ربنا هيديك

هو ده بجد اللى لازم يحصل تركيز ثم تركيز ثم اداء ثم اهداف
اهم حاجه تركيز واجتهاد

وانا معاكى جدا ف حكايه يارا دى بجد ده اللى لازم يحصل عشان مش كل مايروح برنامج
يفضلو يسئلوه عنها
ربنا يوفقه ويرجع متعب بتاع زمان

طيب ياجماعة انا ممكن اساعد فى حكاية الرسالة دى

بس للاسف انا مش هقدر اكون مع اللى هيوصلها

انا ممكن اكتبها وابعتها لشريف او ليك يا اسامة

واى واحد منكم يديها لمتعب

وبرضو نشوف باقى الاعضاء اللى عايز يوصل رسالة لمتعب نكتبها فى الرسالة دى

ونبعتهاله بس باليد افضل واضمن

وكمان لو حد من الاعضاء يعمل بوستر لمتعب

ونبعته مع الرسالة يمكن تجى بنتيجة ايجابية

عموما وقت ما تكونوا عايزين الرسالة هتكون عندكم فى يومها

ويارب تنفع

[center]بصراحه متعب من ساعه ماعرف يارا وهو ملعبش ماتش حلو وعلى طول بيتصاب
[/center]

لا مش يارا

هو راجع من اصابه مش اكتر

وان شاء الله يرجع احسن من الاول

سارة بلاش نكدب ع بعض

اصابة وراجع منها فعلا

بس متعب كان بصراحة يعنىبيرجع لمستواه بسرعة

ربنا يخليهالنا ست الكل يارا

من ساعة ماعرفها وهو ف النازل ودى حقيقة

مش علشان بنحبه يبقى نكدب ع نفسنا

المفروض عماد يموت نفسه ف الملعب والتمرين

انما هو ازاى يركز وهو كل شوية يدخل ف مشكلة بسببها

ويخرج من واحدة يدخل ف التانية

وعمال يحب فيها ع الهوا خلاص العالم كله عارف انك بتحبها

وياعم مبروك عليك وربنا يوفقكم بس النادى والجمهور ليهم حق عليه

الفريق كله وحش هو مالوش دعوة يتدرب ويلعب حلو وميعملش زيهم

(ان الله لا يضيع اجر من احسن عملا)

المفروض يجتهد ويجد ويارعى شوية الظروف

وبرضو انا مستعدة اساعد فى اى حاجة تخلى متعب يرجع لمستواه

كفاية اللى خسرناه لغيت دلوقتى