تذكير بمساهمة فاتح الموضوع :
بصراحه مش عارفه اتكلم اقول ايه بعد كميت النفاق اللى بشوفها من معظم الناس فى الموقع ده لما عماد بيدخل جون بتخلوه احسن واحد فى الدنيا بالرغم من انه مش بيلعب كويس ولما يلعب كويس وميدخلش جون يبقى وحش اوى ده المحللين نفسهم بعد الماتش ملاموش عماد يعنى اسال سؤال مطلوب ايه من واحد بقاله حوالى سنه بره الملعب فى اصابات وقرف عايزينه يرجع يكسر الملعب بصراحه انا اول ما دخلت الموقع ده وسجلت فيه كنت بحبه اوى وكنت بدخل عليه فى اليوم كذا مره لكن دلوقت بدخل فى الاسبوع مره ولا اتنين لان الموقع كان الاول بيتكلم عن حياه عماد متعب فى الملاعب بس مكنش بيتكلم عن حياته الشخصيه لكن دلوقت ما شاء الله مش بنتكلم فى اى حاجة ولا فالحين فى حاجة غير ان احنا نشتم فى مراته كل مصيبه تحصل تبقى يارا نعوم هى السبب والله انا خايفه لتقولوا ان هى سبب الثوره ما خلاص هى سبب كل حاجة لمجرد ان لبسها مش كويس واحنا مالنا ومال لبسها قبل ارتباطها بعماد ولا حتى بعد الارتباط اللى لينا دعوه بيه هو سلوكها لما تبقى مراته ومن يوم كتب الكتاب مشفناش ليها صوره مش حلوه ولا بتظهر فى الاعلام يعنى هى محترمه شعور جوزها يعنى هى احسن مننا لكن احنا كنا اول ناس بندبح فيه وبعدين مفيش حاجة حلوة فى يارا دى كلكم شايفينها وحشه لمجرد لبسها يعنى عماد متعب حبها لله فى لله مش فيها اى حاجة تجذبه مايمكن طيبه ولا روحها حلوة ولا سباقة للخير ولا هى مفيهاش حاجة حلوه ربنا خالقها شاذه عن باقى مخلوقاته
وبعدين ايام ما عماد كان بيتصاب على طول كل شويه نقول يارا السبب فى اصابته ولا فى ظهوره بمستوى مش حلو وفى الاخر فى خروج الاهلى من البطوله والجديد خلت سمعت متعب والاهلى وحشه يسلام ليه كل ده انتو متعرفوش حاجة اسمها قدريات
يعنى مفيش حاجه اسمها قدر الله وما شاء فعل
ولا كل لن يصيبنا الا ما كتب الله لنا
ولا عسا ان تكرهوا شبيئا وهو خير لكم وعسى ان تحبوا شيئا وهو شرا لكم
ولا انا اريد وانت تريد والله يفعل ما يريد
اقولكوا ايه تانى ليه كل الهجوم ده عليها عشان ملكه جمال هى ملكه الجمال دى بتتكرم عشان جمالها لا دى بتتكرم عشان زكائها وتعليمها وثقافتها
وانا قولتها قبل كده وهقولها تانى يا جماعة من فضلكم ارجوكم ملكوش دعوة بحياه عماد بره الملعب اللى يهمكو هو اداء عماد فى الملعب بسسسسسسسسسسسسسسس
والمنتدى ده اسمه المنتدى الرسمي لعشاق عماد متعب مش المتدى الرسمى لمنتقدى تصرفات يارا نعوم
انا اسفة لو طولت عليكوا وياريت محدش يزعل منى بس ده اللى كنت عايزه اقولوا من زمان لان كده الموضوع اخد اكتر من حجمه
وياريييييييييييييييييييييييييييييييييت تكون دى اخر مر نتكلم فى الموضوع ده