متعب: الفرح كان عاديا.. ولست مسئولا عن أطفال الصومال..!

أبدى عماد متعب مهاجم الأهلي استيائه البالغ من الحملة الإعلامية التي صاحبت حفل زفافه على يارا نعوم ملكة جمال مصر السابقة، مشيرا إلي أن بعض وسائل الإعلام حرصت على تسليط الضوء على الحفل بشكل مبالغ فيه وأدعت أشياء لم تكن حقيقية.

وقال خلال تصريحات تلفزيونية عبر برنامج -الأهلي اليوم-: أنا كنت أسمع وأشاهد الأخبار الكثيرة حول حفل زفافي وكنت أضحك عليها لأن أغلبها لم يكن صحيحا، ولا أعرف ما سر هذا الاهتمام".

وأضاف:" الفرح كان عاديا جدا ولم يتكلف المبالغ التي ذكرت في وسائل الإعلام وكان في فندق عادي، وفستان الزفاف تم تصميمه وحياكته في لبنان وذهبت إلي المطار لإحضاره ودفعت الجمارك الخاصة به بدون أي مشاكل"

وعند سؤاله عن قراءة الأخبار حول تكاليف فرحه في ظل معاناة أطفال الصومال ضحك قائلا" أنا عملت فرح عادي فهل من المفترض أن أكون مسئولا عن أطفال ومجاعات الصومال؟!".

كما رحب اللاعب بالانضمام لتشكيل المنتخب الأولمبي المشارك في أولمبياد لندن 2012 لأنه شرف لأي لاعب المشاركة في هذا الحدث العالمي الكبير.

thanks 3al motb3a
el farf kan gamd gdn

اول الكلام كان كويس بس مش عارفة ليه متعب بقى غريب في تصريحاته وهجومي بشكل غريب كدا

[quote:3bcb="beren"]اول الكلام كان كويس بس مش عارفة ليه متعب بقى غريب في تصريحاته وهجومي بشكل غريب كدا[/quote]

اى حد مكانه كان هيقول كدة واكتر

كما رحب اللاعب بالانضمام لتشكيل المنتخب الأولمبي المشارك في أولمبياد لندن 2012 لأنه شرف لأي لاعب المشاركة في هذا الحدث العالمي الكبير.


يااااريت بجد

ثااااانكس شريف

عنده حق بصراحه
الاعلام زودها اووي

ثانكس شريف

وعند سؤاله عن قراءة الأخبار حول تكاليف فرحه في ظل معاناة أطفال الصومال ضحك قائلا" أنا عملت فرح عادي فهل من المفترض أن أكون مسئولا عن أطفال ومجاعات الصومال؟


جدع انك رديت كدة لأ طبعا انت مش مسئول عن مجاعات الصومال دى مشكلة دولة ومؤسسات وموارد وسياسة وحاجات كتير ماتسمعش لكلام حد دول عايزين يفسدوا فرحتك ويخلوك السبب فى اى حاجة ويتهموك ظلم من حقك تفرح حتى لو بالمبالغ اللى سمعناها فلوسك وانت حر فيها مش سارقها من حد بس ان كل حاجة يهاجموه وما انت شايف الغلابة والمجاعات كدة كتير هو اول ولا اخر واحد يفرح وهما اللى بيتكلموا دول عملوا ايه لاطفال الصومال هى شعارات وخلاص بتتقال

وادينا شوفنا الفرح القاعة فعلا عادية اووووووووى انا اتوقعت حاجة فخمة والفستان اللى ماسكين فيه مش بالتمن ده ابدااااااااااااااا وكمان دفع الجمارك من غير مشاكل ولا حاجة اهو طب ايه انه عمل مشكلة والكلام اللى مالوش لازمة ده عايزين الناس تهاجمه وخلاص بكلامهم ده ربنا يهدى

ميرسى

ميرسي ع الخبر والمتابعه يا شيفاااا

دول مختليين وقسما بالله هو ماله باطفال الصومال ربنا يعينهم يارب وتتحل مشكلتهم بس من حقنا نفرح محسسنى انه هو اللى السبب فى المجاعه وبعدين هو لما متعب يعد من غير جواز كدا مشكله الصومال هتتحل ربنا يشفيهم اعلام مختل وحتى لو صرف ملايين على الفرح هما مالهم حد اداله حاجه فلوسه وهو حر فيه اعلام مختل وناس فاضيه

على فكرة يا تزتة الفستان بالتمن دا جدا ويمكن اكتر عشان دا سعر اقل فستان عند ايلي صعب ياسمين عبد العزيز من اكتر من 10 سنين فستانها من ايلي صعب كان ب250 الف جنيه وكان وحش جدا فاكيد فستان يارا النهاردة اغلي من كدا كمان وبغض النظر عن ياسمين عبد العزيز مفيش فستان من ايلي صعب وفسان فرح كمان هيبقى اقل من كدا هو متعب قال ان مفيهوش الماظ وفعلا عنده حق عشان لو فيه الماظ هيعدي المليون مش 300 الف دا

متعب قال الكلام ده غلط جداااااااا ونفاه اكتر من مرة وقال الفستان مش بالتمن ده ولا انا ساذج للدرجة دى عشان اجيب فستان بالتمن ده قال كل اللى حصل انه اتعمل فى لبنان والسعر بتاعه ده مش مظبوووط خالص وكمان مرة يقولوا ان المصمم زهير مراد ومرة يقولوا ايلى صعب سواء ده ولا ده بس الفستان عادى انا مصدقة ان ده مش تمنه من غير ما عماد حتى يقول باين والقاعة عادية اوووووووى برده

مش موضوع احنا شايفين الفستان شكله ايه هو الفستاتين سواء عند زهير مراد ولا ايلي صعب بالتمن دا ودا اقل الاسعار يعني ما انا بقلك ان فستان ياسمين عبد العزيز كان بشع من وجهة نظري واقل فستان تأجير كان هيبقى احلى منه بس هو كان ب250 الف ودا من زمان اوي لان اصلا الاتينن دول بيعملو فستانين لملوك واميرات ونجوم هولييود فدي اسعارهم وهو عالميين وليهم بيت ازياء في باريس ولندن يعني هما في الاسعار مش ا اقل من ديور وشانيل والناس دي والناس دي الشنطة اللي بتتمسك في الايد بتوصل سعرها ل100 الف تفتكري فستان فرح هيقى سعره كام انتي ممكن تشوفي الشنطة عادية وفيه منها كوبي مليون مرة وشبهها بالظبط وب200 جنيه ايه اللي يخلي ناس تروح تشتريها بمئات الالوف عشان هما بيحبو كل حاجة اوريجنال نفس الفكرة بالنسبة لفستان فرح يارا وهو متعب قال انا مش سفيه عشان اجيب فستان فيه الماظ لانه لو فيه الماظ طبعا هيبقى اغلى من كدا بكتير وهو بالتمن دا بالنسبة لمتعب مش غالي ولا حاجة وبالنسبة لناس كتير تمنه معقول ومتعب بيتكلم من المنطق دا وبعدين يارب يكون شاريه بملايين هو حر انا بس بتكلم في ان الفستان فعلا بالسعر دا ودي اقل حاجة