متعب وجدو في جاكرتا بيعملو ايه؟

من الواضح جدا ان كابتن عماد متعب قال انه مش هيلعب كورة تاني عشان يتفرغ للسفر وللحياة الزوجية وانه كمان قال انه مش هيلعب كورة تاني لحد ما حق اللي ماتو يرجع فواضح انه سافر جاكرتا عشان يرجعه من هناك انا مش عارفة ازاي بعد الكلام دا يجيله قلب يسافر ويكمل شهر العسل بتاعه وكمان معاهم صاحبة يارا الانتيم وجدو ومحدش يقولي دي مرات جدو عشان كلنا عارفين انه مش متجوز اصلا انا مش بقول انه ميفكش عن نفسه ويستجم ويرتاح بس دي ناس شافت ناس بتموت قدامها ومجزرة بتحصل قدامها دي فيها على الاقل شهر اعصاب تعبانة مش قبل ما يفوت اسبوع اسافر اتفسح فيه ناس اجلت افراحها من المشاهير ومحدش فيهم شاف المجزرة دي قدام عنيه وناس كمان عادية جدا اجلت حاجات كتير في حياتها حزن على وجع القلب اللي حصلنا كلنا دا وكابتن عماد لو كان شخص عادي كان ممكن اديله العذر بس هو شخصية عامة وكمان من قلب الاحداث اشمعنى ابو تريكة وبركات وحسام غالي وسيد معوض واكرامي بيزورو اهالي الشهداء وبيتبرعو يعني ياربي شيكابالا يتبرع بمليون ونص وكان على قناة الاهلي هيموت من الزعل ومتعب وجدو بيستجمو في جاكرتا واحد مع المدام وواحد مع صاحبته عايزة اعرف بس رأيكو في الموضوع دا؟

وليه مش تقول انه سافر يرتاح شوية من اللى شافه

ويريح اعصابه وده من حقه

وهو حر يعمل اللى هو عاوزة كفاية اللى هو شافه مش شوية ولا حاجة هينه والله يعنى

وع فكرة مش ينفع تقولى ان متعب راح يكمل شهر العسل

وكمان متعب مع مراته وجدو مع صحبتها

صرحة مش شيافة ان فيه حاجة عادي يعني

بصي انا رافضة كلمة استجمام لآن الكلمة دي اوفر و بردو ايه الاعلام بيقولوا
ده يعني اي يكمل شهر العسل و زفت ايه و اي تهييج و خلاص انا معجبنيش
الكلام ده و مش بحترم الاعلام ده دي اول حاجة
تاني حاجة هما طبعا
غلطانين المفروض يبقوا في مصر و يراعوا مشاعر اهالي الشهداء و التراس لكن
بردو اكيد حالتهم النفسية سيئة واي انسان لما يكون زعلان بيحاول يخرج نفسو
من اللي هو فيه و بردو في لاعيبة تانية سافرت فمينفعش الهجوم يبقي عليهم بس
و الناس اللي مش عاجبها كلهم عايشين حياتهم 24 ساعة و بخرجوا و بيسافرو
يعني لما نيجي نهاجمهم شوف انت عملت ايه للشهداء ودول كانوا في المجزرة و
شافوا ناس بتموت قدامهم
ثالث حاجة هما اخطأوا و الموقف مش مستحمل أصلا
لكن خلاص اللي حصل حصل و هما سافروا و نبص للاهم و القصاص و ناخد حق
الشهداء الهجوم يبقي علي قد الموقف و ياريت متقارنوش ابو تريكة باي حد علشان ده اسطورة
أسفة علي الاطالة

متشكرين اوى يامتعب بجد ضاع مننا 74 واحد عشان كانوا رايحين ورا الكيان ولو كان حد لمسك كنت هتلاقىاللى نازل يدافع عنك حتا لو هيموت لاننا لما بنقول جمهوره ده حماه مش بتبقى مجرد شعار شكرا لانك محستش بينا ولا بالناس اللى ماتت قدامك الناس التانيه احسن منك فى ايه .. الناس اللى راحت تزور اسر الشهداء قدامنا دول ايه احسن منك؟
الناس اللى تعبانة وراحت عمرة عشان تريح اعصابها دول ايه احسن منك ؟
انت روحت جاكرتا للاستجمام ومفهاش تفسير غير كده كلنا عارفين جاكرتا واللى بيروحها بيبقى غرضه ايه
عموما انا كل مره كنت بزعل منك للحظات وبرجع تانى احبك عشان كنت بلاقى تفسير لفعلك
اما بجد مفيش اكتر من كده لان المفروض تحس بينا وتحس ان اللالتراس راح منه 74 واحد 74 واحد اهلاوى 74 واحد مصرى وتعرف ان الناس دى ماتت عشان الكوره وعشان الكيان وعشانكم بركات وتريكه وحسام غالى مش احسن منك الناس دى كل يوم عنده اسرة من اسر الشهداء وواقفين جمبنا ليل نهار وفيه اللى تعبان وراح عمرة وده حاسينا بيه اما اللى غير كده ميستحقش مننا اى حاجه

شكرا ياعمده

يا جدعان هو اكيد خبر ان هو سافر ده
وعلى فكره يا شريف هما 194 اخ مش 74

سوري يامتعب

بس كل يوم بتنزل من نظري اكتر من اليوم اللي قبله

[quote:90ad="ayosha"]بصي انا رافضة كلمة استجمام لآن الكلمة دي اوفر و بردو ايه الاعلام بيقولوا
ده يعني اي يكمل شهر العسل و زفت ايه و اي تهييج و خلاص انا معجبنيش
الكلام ده و مش بحترم الاعلام ده دي اول حاجة
تاني حاجة هما طبعا
غلطانين المفروض يبقوا في مصر و يراعوا مشاعر اهالي الشهداء و التراس لكن
بردو اكيد حالتهم النفسية سيئة واي انسان لما يكون زعلان بيحاول يخرج نفسو
من اللي هو فيه و بردو في لاعيبة تانية سافرت فمينفعش الهجوم يبقي عليهم بس
و الناس اللي مش عاجبها كلهم عايشين حياتهم 24 ساعة و بخرجوا و بيسافرو
يعني لما نيجي نهاجمهم شوف انت عملت ايه للشهداء ودول كانوا في المجزرة و
شافوا ناس بتموت قدامهم
ثالث حاجة هما اخطأوا و الموقف مش مستحمل أصلا
لكن خلاص اللي حصل حصل و هما سافروا و نبص للاهم و القصاص و ناخد حق
الشهداء الهجوم يبقي علي قد الموقف و ياريت متقارنوش ابو تريكة باي حد علشان ده اسطورة
أسفة علي الاطالة [/quote]

ميرسي اوي يا شريف انك فهمت وجهة نظري بالظبط وعايزة بس اقول لسمر ان لا مش عيب على فكرة اني انتقد حاجة مش عجباني وهما مكانش عيب عليهم اللي عملوه عايزة اقلك ان غادة عبد الرازق اللي بنشتم فيها ليل ونهار اجلت جوازها وجواز بنتها ودا بقى جواز يعني مفيهوش تأجيل وهما فنانين وكلنا بنقول عليهم مش بيهمهم حاجة ومكانوش موجودين وناس بتموت قدامهم تفتكري متعب مكانش يقدر يأجل سفره كام اسبوع بس الدنيا تهدى ؟ ولا حتى كان يقدر يفك عن نفسه باي طريقة دا حتى لو كان سافر جوا مصر كانت بقت ارحم بس هو حاسسنا انه ماصدق وبعدين زي ما قال شريف هو بركات وابوتريكة وحسام غالي احسن منه في ايه هو وجدو ... وكمان مش عيب اني اقول ان متعب مع مراته لانه فعلا مع مراته ومش عيب اني اقول ان جدو معاهم لان برضه دي حقيقة اما عن صاحبة يارا فجدو هيعلن جوازه منها قريب ودا بيأكد كلامي وانا عمري ما كنت هكتب او المح حتى بحاجة انا مش متأ:كدة منها انا في الاول لما قالو زوجة جدو قلت هو اتجوز امتى؟ ورجعت قلت يمكن اتجوز ومحدش عرف لكن بعد كدا قالو ان جدو سافر لوحده وكان معاهم صاحبة يارا اللي هيتجوزها ودا مش موضوعنا اصلا موضوعنا ان اللي حصل في بورسعيد مش حاجة قليلة ابدا ولا حاجة ممكن بسف انساها انا لحد دلوقتي بعيط ومشفتش قدامي حد من اللي مات ومليش نفس اسمع اغاني ولا اتفرج على تليفزيون على الرغم اني لو عملت كدا او حد غيري عمل مكانش يبقى فيه لوم لانه مشافش اللي حصل بالظبط لكن لما اشوف قدامي ناس بتموت بالمنظر البشع دا ومجزرة ومذبحة بتحصل بسبب ماتش كورة انا كنت مشارك فيه والناس دي كانت جيالي عشان تشجعنش وتقف جنبي وبعدها بكام يوم اسافر جاكرتا وعلى رأي شريف كلنا عارفين ايه جاكرتا مش جمصة هي يعني

وعلى فكر اه فيه ناس سافرت بس الناس اللي سافرت دي فيه ناس سافرت لاقاريبها وناس راحت تعمل عمرة تدعي فيهل للناس اللي ماتت ودول برنا هيجزيهم خير ان شاء الله ودا اكيد احسن ترويق للاعصاب ولو مكانوش غلطو مكانش الاهلي يفكر يوقع عليهم عقوبة هما بالذات

كلنا عارفين ايه جاكرتا مش جمصة هي يعني

هههههههههههههههههههههه

امال جاكرتا دى بتبيع ايه عشان اكون عارف ^ـ^

[quote:47ec="sherif met3b"]متشكرين اوى يامتعب بجد ضاع مننا 74 واحد عشان كانوا رايحين ورا الكيان ولو كان حد لمسك كنت هتلاقىاللى نازل يدافع عنك حتا لو هيموت لاننا لما بنقول جمهوره ده حماه مش بتبقى مجرد شعار شكرا لانك محستش بينا ولا بالناس اللى ماتت قدامك الناس التانيه احسن منك فى ايه .. الناس اللى راحت تزور اسر الشهداء قدامنا دول ايه احسن منك؟
الناس اللى تعبانة وراحت عمرة عشان تريح اعصابها دول ايه احسن منك ؟
انت روحت جاكرتا للاستجمام ومفهاش تفسير غير كده كلنا عارفين جاكرتا واللى بيروحها بيبقى غرضه ايه
عموما انا كل مره كنت بزعل منك للحظات وبرجع تانى احبك عشان كنت بلاقى تفسير لفعلك
اما بجد مفيش اكتر من كده لان المفروض تحس بينا وتحس ان اللالتراس راح منه 74 واحد 74 واحد اهلاوى 74 واحد مصرى وتعرف ان الناس دى ماتت عشان الكوره وعشان الكيان وعشانكم بركات وتريكه وحسام غالى مش احسن منك الناس دى كل يوم عنده اسرة من اسر الشهداء وواقفين جمبنا ليل نهار وفيه اللى تعبان وراح عمرة وده حاسينا بيه اما اللى غير كده ميستحقش مننا اى حاجه

شكرا ياعمده[/quote]

برافو عليكى

[quote:324e="~*~GHADA~*~"]سوري يامتعب

بس كل يوم بتنزل من نظري اكتر من اليوم اللي قبله[/quote]

تصرفات متعب من سنة و نص كان لينا عليها عتاب كبير اوي انما المرة دي مافيش عتاب لان كده كتير اوي اما جدو فهو مش موضوعنا اصلا و عموما هما حرين بس الاخلاق هي اللي حتفضل.

مش هقول غير حسبى الله ونعم الوكيل عشان دم الناس بجد راح هدر

انا لما قرأت الخبر من ايام اتصدمت واستغربت وفضلت اقول فى بالى لالالا يمكن اشاعة من الاشاعات اللى بتطلع على متعب وعايزة اكدب نفسى واللى قريته فى الخبر

لانى عمالة افتكر اد ايه عماد كان متعصب وقال مش هلعب كورة تانى وحق الناس دى ترجع ومش هلعب غير لما حقهم يرجع وهو اول لاعب طلع قال اعتزلت كورة ونشوفه زعلان فى العزاء وكل حاجة ومافيش 10 ايام الاحداث كانت 1/2 والخبر من كام يوم يعنى والاقيه سافر !!!!!! طب ازااااااااى وليه فى الوقت ده حاجة مستفزة جدااااا

طب لو هو عايز يخرج من الحالة النفسية اللى هو عليها وكان شايف الناس بتموت ادامه الناس اللى راحة عشان تشجعه وكانت بتدفع فلوس من جيوبهم وناس بسيطة عشان يشجعوه ويشوفوه طب اصبر شوية ده احنا بقالنا اسبوعين على الاحداث والاهالى منهارة بس انت للاسف نسيت انى فى حاجة اسمها مراعاة شعور الاخرين !!!

وفى وسائل للخروج من الحزن يعنى لو كان ده غرضه من السفر انا مش عايزة اظلمه ان بعض الظن اثم وانا معرفش نيته بس السفر ماكانش وقت خااالص دلوقتى ........بس هو نسى ( ألا بذكر الله تطمئن القلوب ) كنت اعمل عمرة طيب دى بتغسل الذنوب سنة فاتت وسنة مقبلة ربنا يغفرلك ويغفرلنا جميعا وتدعى للشهداء روح زور اهلك وزور الشهيد اللى مات فى بلبيس فى بلدك وعزى اهله وماروحتش ليه تزور اهالى باقى الشهداء فين ده ؟؟ لكن جاكارتا مرة واحدة صعبة ومستفزة وعيب فى حق الناس وفى حقك مش بقول ماتسافرش بس كان لازم يحسب كويس نتائج فعله ده ايه ويراعى مشاعر الناس

مش هقول غير ربنا يرحم الناس دى وعماد مش عارفة اقوله ايه بقى عندى لامبالاة ومابقتش استغرب اى حاجة يعملها عشان هو بقى غريب من سنة ونص او سنتين !! مش عارفة ادعيله بالهداية وانه يبقى على صواب ولا انه يحافظ على جمهوره اللى فى منهم لسة فى ناس بتحبه ولا ايه بالظبط ؟ بس انا حزينة جداااا عليه وعلى تصرفاته من فترة احنا كلنا عارفينها !!

اسفة على الاطالة وشكراااااااا للموضوع

انهارده شادى محمد من اول اليوم وهو معانا فى المسيرة وبينبح فى صوتة وبينادى بحق الشهداء وهو مش من النادى بس حاسس بينا ونادر السيد بردو كل اللى بيقدر يعمل حاجه بيعملها والناس دى انت بالنسبالنا يامتعب اكبر منها مقاما واحتراما فى نظرنا لكن بجد الواحد اتصدم


ربنا يهديك

فعلا الواحد مصدوم وعشان بنحبه وانه هو لاعب كبير كان لازم يفكر شوية ويقف جنب الناس دى ويأجل السفركان هيجرى ايه يعنى مش بقول مايسافرش ويخرج نفسه من الحالة اللى هو فيها بس سفر خارج مصر ومعاه جدو وصديقة يارا طب ده وقته خالص واى حد هيقرأ الخر هيبقى تفسيره ايه ؟ والله ماكنتش عايزة اتكلم فى الموضوع اصلا بس مابحبش اشوف حاجة غلط واسكت لانى زعلانة عليه ناس كتيييييير بتشتم فيه وبيقل فى نظرهم

ربنا يهديه وكل سنة وانت طيب يا عمدة عيد ميلادك فاضله 4 ايام احنا احسن وبنقف جمبك ويارب تقف مع الناس برده زينا وتقدر مشاعرهم وتعمل حاجة لاهاليهم

يقولك يستجم يستجم ايه ونيله ايه ماهوا تريكه اهوا كان معاه واكتر منه وواخدها لف ع بيوت الناس ف القاهره والسويس وهنا وهناك ف ايه يا جدعان وجدو يقولك لا اتقوا الله ف نشر الاشاعات ماهوا انت رايح مع واحده ولا تقربلك حاجه ولسه عايز تجوزها زى زيدان خلف ولسه بيفكر يحدد معاد جوازه امتى بجد حاجات تفقع المراره يعنى رايح ياجدو تحجوا مثلا انت وصاحبه يارا عموما ف الاخر كل واحد هيبان ليه ايه وعليه ايه

لية تعصب ديه كفاية باقي احنا بنشتم فيه ليه كدة علي فكرة كل واحد فينا ليه طريقة ياغسل بيها احزانه هو اختار كيده يباقي ليه نظلمه الناس

تانية بدافع عنة واحنا بنستمه علي فكرة هو مش اول واحد يعمل كده هو حر في تصرفه وهو واحد شاف الموت بعنيها وشفنا هو كان عمل ازينا في الوقت ديه حرام عليكم هو زينا وشاف الموت بعنيه ما تقولش طيب ماهو شاف الموت بعنيها سافر ليه عايز يطلع من الا هو فيها وعرف وكلنا عرفنا طول ماهو اقاعد في مصر مش هيطلع من الا هو فيه اكيد كلنا عرفينا كيدها فحر ا الابنعماله فيها كفاية بجد الاهو فيها ياريت من فكرش بعواطفنا كتير لان الاعمله دلوقتي عادي جدا ومش هو لوحد الاعمل كدها كل واحد من العبيه فكر بطر يقة علي شان ياطلاع من الحزن الا هو فيه الناس منهم سفرت تعمل عمرة والناس تانية بتزور اهالي الشهداء والناس ما بطلاعش من البيت وكل واحد بيحزن علي طريقة وانت مش شيفنا ان هو بس الاالنس اتكلامت عليه من دون العبية الثانية مع ان فيه ناس تانية سافرت بردوها واحنا بمنتهي السهولة ساعدنهم علي كدها ايه الفيدة من الا احنا عملنه هو عمل الاهو شايف انها يقدر يعمله والحاجه دي انت مش هتقدر تغصب حد علية اسف علي الاطالة

وانت يا مصطفى شايف ان دي طريقة متعب في التعبير عن حزنه ؟ عايزة اقلك ان فيه حاجة اسمها مراعاة شعور الناس واني حتى لو عايز اعمل حاجة اجي على نفسي شوية عشان غيري ما احنا مش عايشين في الدنيا لوحدنا يعني انا مرة واحدة صاحبتي اخوها اتوفى وانا كنت ولا عمري شفته ولما البنت دي نزلت الجامعة ناس زمايلنا كانو قاعدين يهزرو ويضحكو ويغنو قدامها وهما عارفينها كويس ومحدش فيهم فكر يعزيها او على الاقل يحترم نفسه ويحترم حزنها وقتها روحت للناس دي وزعقتلهم لان اللي ميحسش بغيره وميراعيش شعوره ميستحقش اننا نحس بيه يعني مثلا انا كام مرة عيطت لمجرد اني احس ان متعب شكله زعلان في الماتش او صوته وحش وهو بيتكلم في التليفون ويوم ما جاله صليبي كنت بدعيله ليل نهار ويوم المشكلة بتاعته بتاعة الاحتراف واختفائه المفاجئ بعدها كنت بعيط ليل ونهار ولو تفتكرو جه بعدها رمضان كنت كل يوم بعد القيام والفجر وبعد كل صلاة وبعد كل مسكة مصحف ادعي ربنا وانا بعيط ان ربنا يخرجه من ازمته على خير ودا الوقت اللي اتضح فيه انه مش متأزم ولا حاجة ومش انا لوحدي اللي كنت بعمل كدا اكيد ناس كتير هنا عملو كدا وناس كتير كانت دايرة تلف على المواقع والنتديات تدافع عنه بكل شراسة تفتكر بعد كل دا مش عايزنا نزعل منه لما يموت من جمهور الاهلي اكتر من 100 شخص من احسن شباب مصر وهو رايح بيريح اعصابه ومفاتش اسبوع واحد من الناس دي كان ممكن يكون اخوك او صاحبك او حد من قرايبك لا قدر الله انت لو حد من قرايبك اتوفى لا قدر الله بعد كام يوم هتسافر برا مصر وتقول اصل انا كنت بريح اعصابي فتكر هيتقال عليك ايه؟ كان ممك يريح اعصابه بالف طريقة ماعدا الطريقة المستفزة دي ... متعب مبقاش بيحس باي حد ولا فارق معاه حد فمتطلبش مننا نراعي مشاعره ونديله اعذار تاني انا زهقت

وعلى فكرة انا الحاجة الوحيدة اللي لسه مخلياني اشارك في منتدى اسمه عماد متعب هي النس اللي موجودة هنا اللي يمكن معرفهاش بس بحبها بجد وحاسة ان جواهم خير وطيبة كبيرة اوي يعني مش متعب خالص واسفة جدا لو كلامي قاسي بس انا رغم كل اللي حصل منه في الفترة الاخيرة الا ان حاجة زي دي كان اخر ما يمكن اني اتوقعه واللي حصل في بورسعيد خلاني اسامحه اصلا على كل الل فات بس اللي عمله بعدها خلاني عمري ما هقدر اسامحه لاني على الاقل شايفة زمايله عملو وبيعملو ايه فهما اولى بالاعذار والمسامحة منه

[quote:40ac="beren"]وعلى فكرة انا الحاجة الوحيدة اللي لسه مخلياني اشارك في منتدى اسمه عماد متعب هي النس اللي موجودة هنا اللي يمكن معرفهاش بس بحبها بجد وحاسة ان جواهم خير وطيبة كبيرة اوي يعني مش متعب خالص واسفة جدا لو كلامي قاسي بس انا رغم كل اللي حصل منه في الفترة الاخيرة الا ان حاجة زي دي كان اخر ما يمكن اني اتوقعه واللي حصل في بورسعيد خلاني اسامحه اصلا على كل الل فات بس اللي عمله بعدها خلاني عمري ما هقدر اسامحه لاني على الاقل شايفة زمايله عملو وبيعملو ايه فهما اولى بالاعذار والمسامحة منه[/quote]


انا زيك على فكره

[b][font:4e2b='Times New Roman']وأنهى كريم عادل حديثه مؤكداً أن هناك أربع لاعبين من فريق الأهلي "عارفين نفسهم" هم من قاموا بالواجب تجاه أهالي الشهداء والباقي لم يقدم أي شيء ولا يقصد فقط التبرع وإنما الوقوف بجانب أسر الشهداء "ومسافرش أتفسح" ولم نكن ننتظر هذا من اللاعبين بعد تخليهم عن أسر الشهداء.[/font][/b]

[b][font:4e2b='Times New Roman']مفيش كلام تاني .[/font][/b]