شوفوا مثلا شهامة وجدعنة متعب جوة غرفة خلع الملابس بعد المجزرة على لسان رامى المشد مراسل الاهلى

[right][font:ae7b=times new roman]لا يمكن أن نغفل كلمات مهمة مثل هذه الكلمات فبعد أن زادت حدة المتربصين بنجوم الأهلي، خرج رامي المشد مراسل قناة الأهلي الذي كان متواجداً في استاد بورسعيد ، وكان شاهداً على ما جرى بشكل عام وعلى مواقف اللاعبين داخل غرفة "الموت" بشكل خاص.[/font][/right]
[right][font:ae7b=times new roman]كشف رامي أسرار ما حدث من مواقف شهامة و"مجدعة" من نجوم الأهلي يوم مجزرة بورسعيد الشهيرة خاصة داخل غرفة الملابس ، مبرزا مواقف الثلاثي عماد متعب ومحمد ناجي جدو وعبد الله السعيد بالإضافة للأبطال حسام غالي وحسام عاشور وشريف عبد الفضيل على حد قوله.[/font][/right]
[right] [/right]
[right][font:ae7b=times new roman]وقال المشد حرفيا:"متعب هو اول لعيب رجع من الأوضة علشان يرجع يدافع عن الجمهور ويحارب معاهم ضد السفاحين وقاد ثورة اللعيبة علشان يرجعوا لأرض الملعب ويفتحوا البوابات للجمهور وكانت معركة بجد لفتح البوابة لولا بعض ظباط الجيش وإحنا كفريق عمل قناة الاهلى".[/font][/right]
[right][font:ae7b=times new roman]وأضاف :"متعب اللى ادا جاكته ولبسه وشبشبه للمصابين علشان يروحوا بيها، متعب اللى رفض انه يلعب كورة إلا لما ييجى حق الناس. متعب اللى ماوافقش إنه يخرج ويرجع القاهرة او حتى يخرج برة الأوضة من غير المصابين اللى لازم يركبوا معانا الطيارة ووقف قدام كل الشرطة والجيش الى موجودين فى الوقت ده".[/font][/right]
[right][font:ae7b=times new roman]وتابع :"الشريك الأساسى ليه فى كل ده حسام غالى انضف بنى ادم مع متعب عرفتهم فى اليوم ده. متعب اللى لسة متجوز مافكرش يطلع يطمن اهله ومراته قبل مايطمن هو على الناس الموجودة ويديهم الميه ويحاول يساعد ويخدم بأى شكل ".[/font][/right]
[right][font:ae7b=times new roman]وأستطرد :"جدو واحد من اللى كانوا بيحاربوا علشان يخرجوا لجمهورهم . جدو واحد من اللعيبة اللى الصور جابته وهو بيمرض المصابين وبيشتغل خدام ليهم علشان يقوموا بالسلامة . جدوا اللى بردة إدا تقريبا حاجته للى موجودين علشان يستخدموها يروحوا بيها أو يدفوا بيها من البرد . جدو كان مرعوب بس ماكانش سلبى".[/font][/right]
[right] [/right]
[right][font:ae7b=times new roman]وأردف عبر صفحته الرسمية:"عبد الله السعيد واحد من الناس اللى كانت مصدومة فى الغرفة ورغم انه ماكانش باين دوره اوى فى الاوضة الا انك كل ماتبصله تلاقى علامات الرعب والخوف على الناس وزيه زى الباقيين تبرع بحاجته للمصابين وبردة رفض يتكلم فى اى قناة . ووالله كان بيحارب رغم ان شكله مش بتاع الكلام ده زى متعب الا انه كان مموت نفسه علشان يخرج مع زمايله علشان يدافعوا عن جمهورهم ويرجعوا الملعب للسفلة ".[/font][/right]
[right][font:ae7b=times new roman]واختتم المشد مؤكداً :"انا حبيت اتكلم عن اللى الألتراس زعلانين منهم واقول شهادة حق رغم ان فى ناس تانية بجد مش هنساهم طول عمرى وكانوا مش رجاله بل ملايكة واسود زى حسام غالى واحساس بركات يجننك من الألم ولا رجولة نجيب واحترامه واخلاصه وخدمته للناس والله كمان حسام عاشور ده بطل والله كل واحد من لعيبة الاهلى يستاهل يتعمله فيلم تراجيدى ويكون هو البطل".[/font][/right]
[right][font:ae7b=times new roman][url=http://koora90.com/NewsData.aspx?id=3226][ندعوك للتسجيل في المنتدى أو التعريف بنفسك لمعاينة هذا الرابط]
[right] [/right]
[right] [/right]
[right][font:ae7b=times new roman]اللى عاوزه اقوله ان [/font][font:ae7b=times new roman][i]ردود افعال الاشخاص بتختلف من شخصية للتانية على حسب تركيبة كل شخصية[/i][/font][/right][font:ae7b=times new roman]
[right][font:ae7b=times new roman][i]مش معنى انه سافر يبقى هو مش حاسس بالناس اللى ماتت ومش على باله حاجة [/i][/font][/right][/font]
[right][font:ae7b=times new roman][i]متعب ممكن يكون اخطأ لما سافر فى التوقيت ده بس مأجرمش انه حاول يخرج نفسه من الحالة النفسية اللى هو فيها.[/i][/font][/right]
[right][font:ae7b=times new roman][i]ربنا سبحانه وتعالى بس هو المطلع على نية كل فرد[/i][/font][/right]
[right] [/right]

كل ده جميل وكويس وحاجة تتحسبله وشوفنا تصريحاته على الفضائيات واول واحد قال مش هلعب كورة تانى لحد ما الناس يرجعلها حقها وهو ده اللى مجننى ازاى بعد كل ده ويسافر ازاى بعد انتمائه ده وعشقه للجماهير والنادى من زمان مش من الموقف ده ويسافر لازم كان يراعى شعور الناس شوية لو بيخرج نفسه من الحالة اللى هو عليها كان يصبرشوية ده ال40 بتاع الشهدا لسة ماجاش وهو مافيش 10 ايام ويسافر يعنى دول زى اندونيسيا وماليزيا وسنغافورة البلاد الجميلة اللى فيها طبيعة خلابة وساحرة الناس بتروحها ليها واغلبهم اللى بيبقوا بيقضوا شهر عسل ويتفسحوا

اى حد كان يقرأ الخبر طبعا هيقول انه بايع الدنيا ومش حاسس بحاجة ورايح يستجم ويتفسح والكلام ده كله اللى سمعناه ماكانش هيجراله اى حاجة لو ماسافرش وهو حر فى الاول والاخر بس ده موقف يضايق جداااا وعموما احنا منعرفش نيته بس دى حاجة تخلى الناس تضايق يعنى بدل ما يخفف عن اهالى الناس اللى ماتت دى ودى ناس ماتت وهما رايحين يشجعوه هو وباقى الفريق ويواسى اهاليهم يسافر يستجم طبعا محدش هيصدق انه زعلان وعايز يخرج من الحزن اللى هو فيه او كدة وناس ليل نهار تعيط واهالى زعلانين ولما يلاقوا ابنهم اللى مات عشان رايح ورا لاعب كورة ونادى يشجعه واللاعب ده سافر يستجم هيبقى شعورهم ايه ؟؟.....كنت اتمنى انه مايسافرش ويفكر الناس هتقول ايه ويفكر فى حاجة ترضيهم وكنت اتمنى يزور اهالى الشهداء ويروح يعمل عمرة زى باقى زمايله احسن حاجة للخروج من الحزن واى حاجة القرب من ربنا وذكر الله ( الا بذكر الله تطمئن القلوب ربنا قادر على كل شىء ده الصح مش السفر والاستجمام يعنى بدل فلوس السفر دى وطبعا بيشترى حاجات من البلد مش هيرجع كدة كان يتبرع يعمل حاجة للناس دى يروح عمرة لكن محدش هيصدق انه حزين وبيحاول يطلع من الحزن )

وعموما زى ما قلت هو حر وانا معرفش نيته ايه يمكن بيهدى اعصابه وبعدين يرجع يعمل الواجب مع الناس دى الله اعلم هو بشر وشاف الموت بعينه بس كلامى ده كله مجرد ( امنية شخصية ) كنت اتمنى انه يعمل كل حاجة ويأدى الواجب وفترة الحداد ع الاقل تنتهى وبعدين يعمل اللى يعمله وانا معاكى كل واحد ليه طريقة ورد فعل حسب شخصية كل واحد لكن المشكلة فى ( التوقيت ) توقيت سفره ماكنش حلو فى وجهة نظرى ووجهات نظر ناس كتير من اللى شوفتهم على المواقع والردود بتاعتهم عاملة ازاى وناس كتير شتمت فيه وكمان قالوا عليه خاين وانا عن نفسى ضدهم جدا ماينفعش اقول الكلمة دى عليه الله اعلم بيه ) بس الواجب لما يتعمل فى وقته بيبقى ليه طعم وبيتحس ) وطالما هو زعلان عليهم يواسى اهاليهم ويقف جنبهم لان احساسى بالناس وزعلى عليهم يخلينى اعمل الواجب واقف جمبهم فى الوقت اللى هما محتاجينه حتى لو المواقف دى صعبة عليه ومش بيستحملها يجى على نفسه شوية وكان يزورهم او يجى على نفسه ومايسافرش فى التوقيت ده احتراما لشعورهم لان محدش هيفهم ولا يصدق انه بيهدى نفسه

وعموما كل حاجة هتبان والامور هتوضح اكتر وهو حر بس عشان بحبه وهفضل احبه برده لازم لما اشوف حاجة مش عاجبانى اقولها وانتقده بس بكل احترام من غير ما اشتم فيه ولا اجرحه ولازم بجد يوضح الامور ويطيب خاطر اهالى الشهداء ويعملهم حاجة ويفكر فى كل حاجة قبل ما يعملها

وشكرااااااااااا سوكا ع الموضوع

هى خلصت خلاص اللى وقف جمبنا وقف واللى موقفش جمبنا هتتحسب عليه

زى ماقال كريم ومحمد طارق مكنش العشم والمعدن بيبان فى اوقات الشده

أولا ميرسي جداااا سوكا انك كتبتي التوبك ده بجد كلام رامي اثر فيا جدا لقيت نفسي بأعيط مش عارفه ليه جايز علشان حاسه بظلم جامد للاعيبه دي خصوصا متعب مصدقت لقيت حد ينصفهم... المهم أنا مش هأقولكم نعذرهم عشان حالتهم النفسيه كانت عامله ازاي وانهم شافوا الموت بعنيهم والكلام ده عشان عارفه انه مش هيأكل معاكم بس هو في حاجه حد فيكم حاول يحط نفسه مكان متعب أو أي لاعب من دول......... لو مش كانوا سافروا كانوا هيقعدوا هنا يعملوا ايه هيقعدوا ف البيت ... لا هيروحوا بيوت الشهدا ويعزوا الناس ويواسهم مش كده؟ طب هيقولهم ايه ف موقف زي ده ؟ماهو مش كل الناس عندها القدره دي ف حد زي تريكه أو وائل جمعه مثلا ممكن يقدروا يعملوا ده.. عارفين يتقال ايه ف موقف زي ده بس في ناس تانيه ماتقدرش ماتقدرش تشوف دموع أم أو اب ابنهم مات ومش عايزين غير حقه ....هتواسيهم وتقولهم إيه وهم مش ف ايديهم أي حاجه ترجع حقه ابنهم؟؟
في ناس هتقول يبقي موجودين معاهم وخلاص يحسسوهم انهم مش ناسينهم.... معاكو بس محدش دخل ف قلوب الناس دي وعرف جواها ايه!!!
يمكن يكونوا أكتر ناس حاسه بيهم بس مش بإيدهم يعملولهم حاجه....

وعايزه اقول حاجه كمان لو متعب ماكنش سافر وكل يوم كان في بيت واحد من الشهدا متأكده والله ان كان هيتقال أنه بيعمل شووو وراح عشان يتصور والكلا
م الاهبل ده فهو حب يبعد بعد وقف ف العزا و مش عشان الكاميرات لان متعب مش محتاج كاميرات علي فكره ;(......

شريف اول مرة احس انك قاسى بالشكل ده ارجوك راجع نفسك تانى اى انسان فى الظرف دا كان هيعمل زيهم والله يعنى انت يا شريف لو اتخانقت مع اى حد من اسرتك مش كنت هتخرج وتقول نفسيتى تعبانة ارجوك فكر شوية! انا سعيدة جدا بكلا مك د\ هبه وشكرا والمفروض يكون دا احساسنا كلنا لم نحكم على اى شخص من قبل ان نعلم ظروفه

اخيرا لاقيت حد بيدافع عنه

دا ان كنت خلاص فاكره ان الناس كلها زى

ولا بلاش احسن بجد الحمدلله

لا انا مش قاسى انا بقول الحقيقة ولا بجامل ولا بطبطب
اولا اللى عملة متعب غلط مليون فى المية ومفيش اتنين مختلفين فى ده
ثانيا الناس اللى ماتت دى صحابى اللى ماتوا من الالتراس وبما انى واحد منهم
عارف فكرهم عارف مبادئهم عارف ماتوا ليه

الناس اللى ماتت دى ماتت عشان اتغدر بيهم ماتوا عشان كانوا بيدفعوا عن اللاعيبه والكيان لو متعب كان اتلمس كنتوا هتلاقوا 100 واحد نازلين يدافعوا عنه الناس ملهاش ذنب انها ماتت هما ماتوا بس عشان رايحين ورا الكيان واللاعب وعشان اقربهلكم شويه انا كنت رايح الماتش ده لولا ظروف منعتنى وكله عارف انى بحب متعب جدا ولو كنت شفت متعب حد بيتعرضله ونزلت دفعت عنه ومت وبعدين متعب يطلع يستجم انتوا كنتوا هتقولوا ايه.. هتقولوا بيريح اعصابه .. بلاش نضحك على بعض
زى ماقولت قبل كده عايز يريح اعصابه يروح عمرة زى اصحابه لكن تفكير متعب مش كده
بدليل انه واخد يارا وصاحبتها وصاحبه يارا يعنى واضحه زى الشمس

اما بقى الكلام اللى قاله رامى فدى حاجه طبيعى متعب يعملها وعيب اوى بجد اللى يمجد فى موقف زى ده
يعنى انتوا عايزينه يقعد يعيط ميعملش حاجه

انا عارف انه اما يرجع هيعمل حاجات كتير لكن خلاص احنا مش محتاجين حاجه من حد
الرجاله اللى فى الفرقة بانت وهما 4 بس والباقى لا

با جماعه مش عايزين استفزار من حد هنا ف المنتدى الى بتقولك حتا لو كان راح بيوت الشهداء هيقولوا شو شو ايه ف الايام دى شوفى تريكه بيعمل ايه الى عمال يلف ع القاهره والسويس وكان عندنا امبارح ف الزقازيق لبيت محمود الله يرحمه ومتعب بيتفسح هوا وجدو وجدو بيظبط لجوازه

واول مره اشوف حد بيموت ع حد وبيموت عشان بيشجعه وهوا ولا حتا فكر انه يروح لحد من اهله احنا اساسا مش عايزين حاجه ولا من متعب ولا غيره ولا فركنا ف يوم ف حاجاه زى دى زى ماكريم عادل قال كدا احنا مش كنا بنسلم ع لاعب لاننا بنشجع كيان مش بنشجع لاعيبه يا بهوات وبجد بقا كفايه كل حاجه دى حياته وقرف حياته هههههه ف 70 واحد ماتوا وحياتهم راحت عشان كانوا بيشجعوه هوا وغيره من الاعيبه وبيلفوا وراهم ف كل مكان وحياتهم راحت عشانه طب حتا يحسسوا اهالى الناس دى ان ابنهم مات ع حاجه مش مات ببلاش كدا

ياعم الناس دى عمرها ماهتحس بينا ..

[quote:0063="Ψ Just Ahly Ψ"]با جماعه مش عايزين استفزار من حد هنا ف المنتدى الى بتقولك حتا لو كان راح بيوت الشهداء هيقولوا شو شو ايه ف الايام دى شوفى تريكه بيعمل ايه الى عمال يلف ع القاهره والسويس وكان عندنا امبارح ف الزقازيق لبيت محمود الله يرحمه ومتعب بيتفسح هوا وجدو وجدو بيظبط لجوازه

واول مره اشوف حد بيموت ع حد وبيموت عشان بيشجعه وهوا ولا حتا فكر انه يروح لحد من اهله احنا اساسا مش عايزين حاجه ولا من متعب ولا غيره ولا فركنا ف يوم ف حاجاه زى دى زى ماكريم عادل قال كدا احنا مش كنا بنسلم ع لاعب لاننا بنشجع كيان مش بنشجع لاعيبه يا بهوات وبجد بقا كفايه كل حاجه دى حياته وقرف حياته هههههه ف 70 واحد ماتوا وحياتهم راحت عشان كانوا بيشجعوه هوا وغيره من الاعيبه وبيلفوا وراهم ف كل مكان وحياتهم راحت عشانه طب حتا يحسسوا اهالى الناس دى ان ابنهم مات ع حاجه مش مات ببلاش كدا[/quote]

براحه شوبة والنبى ع نفسيكم يااحمد انت وشريف براحه بس احسن يحصلكم حاجة

فى ايه خلاص بدال هو مش يفرق معاكم

مش تتكلمه عنه تانى الله واعلم كانت نيته ايه ربنا بس هو اللى اقدر

ويمكن فعلا متعب مش قدر يواجه الموقف ده عشان كده سافر

لكن لا ازاى لازم كل واحد بقى يفضل يتكلم ويعيد ويزيد فى الكلام

واللى يقول دده متعب اتغير من يوم ماعرف يارا نفسى افهم ايه الىل دخل يارا فى الموضع انا مش فاهمه

لكن لازم كل مصيبه يبقى يارا السبب

انا مش فاهمه بجد ايه التخلف ده

المجد للكيان

وماحدش يفرق معايا غير الكيان ومتعب وغيره هيغورا وهيعتزلوا والاهلى هوا الى هيفضل ماشى

[quote:07bd="Ψ Just Ahly Ψ"]المجد للكيان

وماحدش يفرق معايا غير الكيان ومتعب وغيره هيغورا وهيعتزلوا والاهلى هوا الى هيفضل ماشى[/quote]

احسن حاجة انى مش ارد عليك ولا ع غيرك وبكرة متعب يرجع بالسلامه

وهيبان كله حاجة وانا متاكده انكم مش هتصدقه بردك ويبقى احسن والله

[right][b]اللعيبة اللى سافرت دى موقفها فى الظاهر مكانش ظريف طبعا لكن لو فكرنا واقعيا هنلاقى ان كل اللعيبة عاشوا المأساه واتأثروا بها..والاكيد كمان انهم كلهم اتعرضوا لصدمة نفسية وعصبية بعد ما شافوا الناس بتموت قدام عينيهم....اللى اعرفوا ان الصدمات النفسية دى بيكون لها ردود افعال متفاوتة من فرد للتانى وده بيبقى على حسب درجة تحمل كل فرد للصدمة ومهارته فى التعامل مع الموقف....منهم اللى تفاعل وتجاوب مع الموقف وشارك فيه زى تريكه وغيره...ومنهم اللى قفل على نفسه واختفى ...ومنهم اللى شاف انه مش هيعرف ينسى المشاهد اللى شافها إلا لما يسافر بره ويغير جو..[/b][/right]
[right][b] الخلاصة: بصرف النظر عن تصرفهم وعدم قبول كتير مننا للموقف [/b][/right]
[right][b]انا ليا انهم كلهم اتفقوا والتقوا عند هدف واحد وهو القصاص ثم القصاص وده اللى هيريح اهل الشهداء...وكلهم مش عاوزين يرجعوا يلعبوا كورة إلا لما ياخدوا حقهم[/b][/right]
[right][b] الموضوع مش مستدعى اننا نصنف اللعيبه ونقول اربعة منهم رجالة والباقى مش رجالة... بصراحة عيب..محدش يعرف جواهم ايه واحساسهم ايه..وبيفكروا يعملوا ايه للناس اللى ماتت.[/b][/right]
[right][b] وهرجع اقول بردو ان ربنا بس هو اللى عالم بنية كل فرد[/b][/right]

[quote:8f37="soooka"]
[right][b]اللعيبة اللى سافرت دى موقفها فى الظاهر مكانش ظريف طبعا لكن لو فكرنا واقعيا هنلاقى ان كل اللعيبة عاشوا المأساه واتأثروا بها..والاكيد كمان انهم كلهم اتعرضوا لصدمة نفسية وعصبية بعد ما شافوا الناس بتموت قدام عينيهم....اللى اعرفوا ان الصدمات النفسية دى بيكون لها ردود افعال متفاوتة من فرد للتانى وده بيبقى على حسب درجة تحمل كل فرد للصدمة ومهارته فى التعامل مع الموقف....منهم اللى تفاعل وتجاوب مع الموقف وشارك فيه زى تريكه وغيره...ومنهم اللى قفل على نفسه واختفى ...ومنهم اللى شاف انه مش هيعرف ينسى المشاهد اللى شافها إلا لما يسافر بره ويغير جو..[/b][/right]
[right][b]الخلاصة: بصرف النظر عن تصرفهم وعدم قبول كتير مننا للموقف [/b][/right]
[right][b]انا ليا انهم كلهم اتفقوا والتقوا عند هدف واحد وهو القصاص ثم القصاص وده اللى هيريح اهل الشهداء...وكلهم مش عاوزين يرجعوا يلعبوا كورة إلا لما ياخدوا حقهم[/b][/right]
[right][b]الموضوع مش مستدعى اننا نصنف اللعيبه ونقول اربعة منهم رجالة والباقى مش رجالة... بصراحة عيب..محدش يعرف جواهم ايه واحساسهم ايه..وبيفكروا يعملوا ايه للناس اللى ماتت.[/b][/right]
[right][b]وهرجع اقول بردو ان ربنا بس هو اللى عالم بنية كل فرد[/b][/right]
[/quote]

هما مش ف اهمين كده

ولا هما عارفين حاجة وبتكلمه وخلاص

طيب الفرقة 30 لاعب هما بيقولوا 4 بس نعمل ايه في ال 24 الباقيين نعدمهم مثلا!! لما حد ييروح بيمثل الفرقة كلها يعني اللي قاعد في البيت زي اللي سافر معملوش حاجة في الاخر هما بس اللي سافروا اتعرفوا الهجوم يبقي علي كل اللي قصروا!

ردا علي التوبيك بقي الحلو مكملش يعني هو ماشي الكلام ده و بعدين بعد أسبوع كان في اندونسبيا و هو محدش يعرف الكلام ده و في وقت المجزرة يعني لازم يعمل كده اكييد مش هيقعد يتفرج علي الناس و هيا بتموت ما هو طبيعي يساعد و ينقذ الناس عموما اللي حصل حصل و الكلام ده مش هيفيد و لا الناس بتهتم به المهم اللي شافنوا
انا خلاص مش عايزة اتكلم في الموضوع ده تاني لاني زهقت منو و الاهم القصاااااااااااااص

المجد للكيان هو اللي باقي!!

بصوا يا جماعة اللى حصل حصل وكل شىء مكتوب احنا نفكر فى حاجة تانية

الاغلبية او تقريبا كلنا متضايقين من سفره فى الوقت ده وانا اولهم بس ايه اللى هنعمله اللى حصل حصل ونشوف رد عماد هيبقى ايه وبلاش نخونه ونتهمه ربنا اعلم بيه هو اكيد حاسس وعارف ان الجمهور السبب فى كل حاجة حلوة حصلتله وشافهم ادام عينه بيموتوا واكيد حاسس بيهم اينعم سفره فى الوقت ده كان غلط جدا واستفز ناس كتير بس مش معنى كدة نقطعه يعنى احنا مانعرفش جواه ايه هو غلط قرار السفر بس مش جريمة ولو هو بيعمل خير وبيأدى واجبه للناس دى عمره ما هيقول الحاجات دى مش بتتقال فبلاش نظن والايام هتبين كل حاجة

قدر الله وماشاء فعل خلاص بقى نقفل الموضوع ياريت

[quote:8271="ayosha"]طيب الفرقة 30 لاعب هما بيقولوا 4 بس نعمل ايه في ال 24 الباقيين نعدمهم مثلا!! لما حد ييروح بيمثل الفرقة كلها يعني اللي قاعد في البيت زي اللي سافر معملوش حاجة في الاخر هما بس اللي سافروا اتعرفوا الهجوم يبقي علي كل اللي قصروا!

ردا علي التوبيك بقي الحلو مكملش يعني هو ماشي الكلام ده و بعدين بعد أسبوع كان في اندونسبيا و هو محدش يعرف الكلام ده و في وقت المجزرة يعني لازم يعمل كده اكييد مش هيقعد يتفرج علي الناس و هيا بتموت ما هو طبيعي يساعد و ينقذ الناس عموما اللي حصل حصل و الكلام ده مش هيفيد و لا الناس بتهتم به المهم اللي شافنوا
انا خلاص مش عايزة اتكلم في الموضوع ده تاني لاني زهقت منو و الاهم القصاااااااااااااص

المجد للكيان هو اللي باقي!![/quote]


بس ع الاقل مش مستفزين

قاعدين اى نعم ماحدش عمل حاجه منهم بس احسن من الى متعب والزفت التانى دا عمله

سمر والنبى اتكلمى كويس زى الباقى
عمالة تقولى مش فاهمين وبيتكلموا وخلاص والحوارات دى
والله احنا بنتكلم على اللى حصل
الناس كلها متفقة ان متعب غلطان وانتى عمرك ماهيوصلك احساسنا بالموقف لانك مش مننا


وزى ماقال احمد متعب مهما عمل

المجد للكيان فقط

[quote:47ae="sherif met3b"]سمر والنبى اتكلمى كويس زى الباقى
عمالة تقولى مش فاهمين وبيتكلموا وخلاص والحوارات دى
والله احنا بنتكلم على اللى حصل
الناس كلها متفقة ان متعب غلطان وانتى عمرك ماهيوصلك احساسنا بالموقف لانك مش مننا


وزى ماقال احمد متعب مهما عمل

المجد للكيان فقط[/quote]

اولا انا بتكلم كويس ومش مستنياك انت عشان تيجى تقولى وتعرفنى اتكلم ازاى تمام

وزعلان اوى عشان بقول انكم مش فاهمين حاجة وبتتكلمه وخلاص والله هو فعلا كده

وانا اصلا مش عاوزة ابقى منكم ومش شرط والله انى اكون منكم عشان احس باللى حصل

وانا اتكلم ع مزاجى وهقول اللى انا عاوزة

وانا اصلا مش هتكلم ف الموضوع ده تانى لانى زهقت اصلا بجد

الواحد اصلا قرف من الكلام ف الموضوع ده

وزعلان اوى عشان بقول انكم مش فاهمين حاجة وبتتكلمه وخلاص والله هو فعلا كده


بردو.....؟
عموما متشكر ومش هرد عليكى وانتى عارفة السبب

اوك عملو حاجه كويسه وكان لازم يعملو كده بس انا مش مع متعب وجدو انهم يسافرو بعد الى حصل باسبوع ده بجد استفزاز منهم الواحد جاب اخره من عمايل متعب بصراحه

اي حد في الدنيا يشرفه يبقى من الالتراس بجد يا شريف وعايزة بس اقول لكل الناس اللي بتقول حطو نفسكو مكان متعب ما احنا برضه نقول تحط نفسنا مكان شريف واصحابه ونشوف احساسنا هيبقى ايه على الاقل دول اولى بينا عايزة بس اعرف احساس اي حد منكم لو اخوه لاقدر الله او اخته اتوفي وبعد كام يوم اقل من اسبوع لاقيت ناس المفروض انها قريبة منك اوي وبتحبها اوي سافرت راحت تريح اعصابها شعورك هيبقى ايه وتفتكرو ان ممكن مثلا تقولو احنا هنسافر معاكم عشان نريح اعصابنا احنا كمان ممكن حد يقدر يعملها يبقى حد من اصحابه او قرايبه مات وبعد كام يوم يسافر يريح اعصابه عشان الموقف كان صعب عليه ممكن بعدها بفترة طويلة لو الاعصاب فضلت تعبانة دا يحصل بس مش في سخونتها كدا تاني حاجة الموت مفيهوش ترييح اعصاب تاني حاجة مينفعش ابدا اي حد مننا يحط نفسه مكان متعب عشان محدش فينا نجم مشهور وشخصية عامة وكابتن كبير النجومية مش ببلاش النجومية بتفرض عليا اسلوب حياة معين من غير طبعا تققيد للحريات بس مادام رضيت ابقى كدا وفرحان بكدا وباخد كل الايجيابيات من النجومية دي ومعيشاني مبسوط يبقى كمان لا زم ارضى بسلبياتها اللي انا شايفة انها قليلة جدا ومتزدش على اني اكون على سلوك سليم على اد ما اقدر عشان يتقال عليا قدوة وبقدم نموذج محنرم وكويس للشاب النجم المشهور اللي بيعبتر مثال لناس كتير اوي ومجدش عمل متعب غير الجمهور اللي طلعه لسابع سما في ايده ينزله لسابع ارض مينفعش حد يجي يقولي متعب مش هيعمل راسه بالناس دي عشان دا لازم يحطهم في حسابه جدا جدا جدا ويخاف اوي على مكانته لان محدش بيعملها غير الناس دي اللي بنشتمها وبنقولها انتو ولا حاجة ومش متعب لوحده اي نجم في الدنيا الناس هي اللي بتعمله فمينفعش الناس تعملني وتنجمني وابقى مشهور ونجم وغني وانساهم وانسى فضلهم عليا وفضلهم عليا دا المفروض يبقى من اولوليات حياتي يعني متعب راح لاسرة شهيد الشرقية بعد ما رجع من السفر مكانش اولى بيه يروح على الاقل قبل ما يسافر متعب بقاله فترة بيمر بسلسة من الغلطات اللي اسفزت ناس كتير وانا منهم والمشكلة انه مبقاش بيعتذر او حى يتكلم بهدوء علطول عصبي وشايف ان الكل ضده وعلى فكرة كمان مينفعش اشتم في الصحافة والاعلام طول الوقت عشان برضه هما مساهمين بجزء كبير في نجومية متعب ومادام برضه رضيت بايجابياتهم يرضى ارضى بسلبياتهم في حدود المعقول والاحترام طبعا بس هجوم عليهم بسبب ومن غير سبب مينفعش لان اوقات بيبقى عندهم حق وفي الفترة الاخيرة بصراحة هما مطلعوش على متعب اشاعات خالص ودا مش عشان حاجة دا عشان بس هو مش مديهم فرصة يطلعو حاجة اصلا فمش محتاجين يتعبو نفسهم ويدورو على حاجة تخصه

ومرة تانية اي حد في الدنيا يشرفه يبقى من الالتراس يوم ما الناس دي استشهدت كل الجرايد والمواقع كتبت ياوجع قلبك يا مصر عليهم فمينفعش مصر قلبها يتوجع اوي كدا ومتعب ييسافر هو وجدو جاكرتا يارب اكون وصات وجهة نظري صح ومن غير ما اضايق حد واسفة جدا على التطويل دا