رسالة الي عماد متعب

يا كابتن عماد ارجوك ارجع بلجيكا ونفذ تعاقدك مع ستاندرليج عشان خاطرنا وعشان خاطر نفسك وعشان خاطر كل جمهورك اللي بيحبك ونفسه يشوفك احسن لاعب في العالم
مهما يكون السبب ومهما يكون فيه حاجة جامدة اوي بس برده ماتستاهلش انك تضحي بحلم حياتك في الاحتراف وانك تضحي بسمعتك في اوروبا عشانها وتضيع حلم جمهورك معاك
نفسنا اوي نستني ماتشات ستاندرليج وندور علي القنوات اللي هتذيعها ونستني نشوف كابتن عماد بيلعب ويتألق ويسجل زي ماهو عودنا دايما والسنة اللي بعدها نشوفه في نادي اكبر ودوري اكبر ويحقق حلم حياته وحلمنا في اننا نشوفه في الدوري الانجليزي او الاسباني
يا كابتن عماد احنا في ايام مفترجة ارجع وان شاء الله لو فيه اي مشكلة هتتحل وربنا معاك واحنا كلنا بعد ربنا معاك وبندعيلك

انا كمان بضم صوتى لصوتك لو الاسباب اللى رجعته ملهاش علاقة بمبادئه أو اخلاقه

ده اول ماتش لى لياج قعدت اتفرج عليه واقول هو فين متعب ومتعب كان فى مصر

الله اعلم فيه ايه
انا نفسى عماد يلعب ويتالق ويحترف
بره ممكن الرجوع يكون ف مصلحه
متعب احنا وراه وراه
هنا او هناك
وربنا يوفقه

يسلام يعني لما يكون في سبب خارج عن ارادته منعه ..يسافر كيف


هو عارف مصلحته ...والي يريحه يعمله واحنا معاه في اي مكان




ميرسي

انا قصدي ان حتي لو عنده مشاكل وظروف خارجة عن ارادته هي اللي رجعته مصر لازم يتخطاها ويرجع بلجيكا وينفذ تعاقده كلنا سمعنا شوبير لما قال لنادر ان عماد سمعته في اوروبا بقت مش حلوة وان مش هيبقي فيه لا نادي انجليزي ولا اسباني ولا الماني ايه الظروف اللي حصلتله اللي تخليه يضحي بكل دة؟
انا بتمني بجد انه يرجع ويتألق ويفرحنا زي زمان وزي ما نادر قال عماد دخل من البوابة الكبيرة اوي ووقت مايرجع هيلاقي الناس مستنياه ويرحبوا بيه
دة مستقبله وحلمه وحلمنا كلنا اهم حاجة بجد مستقبله وبعد كدة اي مشاكل او ظروف تتحل ان شاء الله