ايه رايكم فى الحلقه

ياجماعه انا عاوزه اعرف رائ كل واحد فيكم فى الحلقه انا من وجهه نظرى كانت جميله جدا وعماد زى ماهو متغيرش زى مكان ناس هنا بتقول هو لسه متواضع وواثق من نفسه وعنده اراده وعجبنى اوى هزاره مع زميله اكيد وحشوه بس شكل متعب بيحب يارا اوى وبيخاف عليها وميحبش انه يكون سبب مشاكل ليها علشان كده ياريت كلنا نتمناله السعاده وانه يكون مبسوط معاها وانا حاسه انها بنت شخصيها كويس يمكن فعى لبسها وحش بس بصراحه فى كل الصور اللى كانت في مع عماد كانت لبسه كويس واكيد هى بتحبه وعمرها ماهتكون سبب احراج ليه ابدا

على فكرة لحلقة كانت حلوة و حلو اوي القميص الي يارا جبتهولو

عجبااااااانى جداااا بجد

وخد حق يارا من اى حد اتكلم عليها وفعلا شكله بيحبها اوووى وكان مبسوط اوى

وبيهزر وزى ماهو فعلا

ربنا يسعده ويسعدهم مع بعض

انا ماشفتهاش كلها بس بجد كان بيتكلم بكل احترام
ياريت بقى الناس تهدى شويه وتبطل كلام فى المواضيع دى
وربنا يوفقك ياعمدة فى الايام الجايه ان شاء الله

ومرسى ياولاء

ولله حلقه مالهاش حل وعماد اتكلم كويس وكلامه كله موضوعى وانا والحمد لله كنت م الناس الى كانت بتدافع عند عشان عارف كويس ان ف ناس كانت ظالماه اد ايه والحمدلله عماد النهارده اثبت ان احنا كنا بندافع عنه عشان احنا بنحبه وهو عارف كدا كويس


يخرب عقلك ياعمده

شكرا ولاء ع التوبيك

فعلاااااااااااااااااااااااا والله كلامك مية مية يا ريس فعلا متعب زى ما هو برنسسسسسسسس وكبيييييييييييير وهيفضل طول عمرة كدة وياريت بجد يا جماعة ننسا اى حاجة كانت ضدد متعب ونبقا معااااة وندافع عن اى حاجة تخصة

[quote:1795="sara omar"]على فكرة دة اول حلقة محبتهاش لمتعب[/quote] ليه ياساره دى كانت حلوه اوى عماد اتكلم بكل احترام ولا دى غيره عليه

انا مش معاكي يا ولاء انا مقتنعتش خالص بكلامه ومتعب فعلا متغير وهو بيتكلم عليها في الاول كان عصبي جدا ومتوتر واول مرة اشوفه بيتهته في الكلام كدة
ثانيا احنا استنينا كتير اوي عشان يقولنا موضوع بلجيكا دة ايه ولما طلع انهاردة قال كلام سوري ميصدقهوش عيل صغير انه رجع عشان الجيش طيب يعني انت مكونتش عارف موضوع الجيش دة من قبل كدة فجاة اكتشفت ان هيبقي عندك 28 سنة من فبراير اللي جاي؟
وهو برضه اكيد كان عارف ان اخوه تعبان مضي ليه من الاول ؟ كنا فاكرين ان الكلام دة اجتهادات وهو هيطلع يوضح الحقيقة بس لما طلع مقالش اي جديد ومقالش كلام مقنع
ثالثا بقي ودة الاهم انه ما نفاش انه قال هحط جزمة في بقه وقال اي حد هيتكلم هيبقي بينه وبينه القانون طيب انت بتتشطر علي اللي هيتكلم عليها طيب خليها هي الاول ماتخليش حد يتكلم عليها
سوري يعني يا جماعة لو حد دخل صفحة يارا الرسمية علي الفيس بوك هتلاقوها عاملة استفتاء
do u think yara is hottie?
'طيب ازاي مش عايزنا نتكلم ولا نتفرج عليها
معلش يا جماعة محدش يزعل مني في الكلام دة بس انا متعب بجد نزل من نظري جدا اول مرة مقتنعش بكلامه واحس انه واحد تاني خالص

الحقلة كانت حلوة جدا واتكلم بطريقة كويسة وقال انه بيحترم الاعرم والصحافة وان كل اللي كتبو انهم مش مقتنعين برجوعه وانه غلط في انه رجع عندهم حق واكن لازم يقولو كدا هو انتقد بس اللي اتكلم باسلوب مش محترم عن حياته الشخصية لكن كل اللي اتقال عن رحلة احترافه لبلجيكا متكلمش عنه وقال من حقهم يقولو اي حاجة واعتقد انه كدا موضوعي برضه اما بالنسبة لتوتره فدا شئ طبيعي لان الكلام زاد اوي واكيد هو مضايق وعايز يوقف اللي بيحصل واهم حاجة ان علاقته بيها في اطار رسمي ومش بيلعب وخلاص وفعلا شكله بيحبها وشكلها هي اللي بتحبه اكتر يبقى طبيعي هيدافع عنها حتى لو مختلفين معاه بس هو لازم يدافع عنها والاستفتاء اللي علي الفيس دا يا ساسو بقاله سنتين ومش هي اللي عاملة الجروب الجروب دا زي جروبات كتير اوي لعماد هو مبعرفش عنها حاجة وميرسي يا ولاء على التوبيك يا قمر

اولا احنا المفروض منهجمش متعب كدة دة لو بنحبة بجد
ثانيا ولا كان يتهته ولا حاجة ولا متوتر ولا حاجة وحقة يكون عصبى عشان دى خطيبتة ثالثا احنا المفروض ندعى ربنا يوفقة ويبقا معاة مش نقول الكلام الى بيقولوا اى حد بيكرهوا!!!!!!!!!!!!!!!!
وموضوع بلجيكا دة مهو قال بردوا ان اخوة كان تعبان وبعدين احنا ملناش عندها حاجة ولا العلام لية عندها حاجة عشان يهجموة كدة

عس اووى يا مُتعب ... بجد انته انسان محترم

ربنا يحميك و يحفظلك يارا .. لأنك فعلا بجد بتحبها

احنا كمان بنموووووت فيك انته و يارا

على فكرة الحلقة حلوة جدا لاول مرة كل التعليقات على الحلقة والكلام الى قالوا تبقى لصالح متعب الناس زملكوية واهلوية بيقولو عندو حق اخلوا على اليوم السابع وكورابيا وكل المواقع الى جابو الخبر هتشوفوا و على موضوع فسخ العقد متعب نفسة مش مقتنع بلا سباب قال ان هو مع اى حد عاب فية فى موضوع بلجيكا يعنى الراجل عادة العيب كبير يا عمدة

الحلقة كانت حلوة جدا ومتعب رد على كل حاجة باحترام شديد ولسا زى ماهو متغيرش زى ما ناس قالت هنا انا كنت متاكدة انوا متغيرش ولا حاجة بس كلامه النهاردة اكيدلى اكتر والحوار بجد كان مميز اوى وواضح انه بيحبها اوى وهى كمان بتحبه وبجد لو حد اتكلم فى الموضوع ده تانى هرد عليه رد جامد لانه وضح كل حاجة ودى خطيبته ومفيش لحد حاجة عنده غير الملعب وواضح من كلامه انه عند اصرار كبير يرجع احسن من الاول وزى ما توقعنا واخد موضوع يارا حافز لى والحمدلله ان احنا خلصنا من الموضوع ده

فعلا يا فاتن انا احترمته جداااااا لما اعترف بخطائه فى موضوع بلجيكا وهو اتسرع وصلح غلطه محصلش حاجة وكويس اهى فترة كويسة علشان يستعد كويس ودهره يخف ويرجع زى الاول واحسن باذن الله ومشاء الله اللاعيبة بيحبوا اووووووى

متعب طول عمرة زى القمر الحلقة كانت جميلة اوى بس المذيع كان بطيق جدا كل احمد فتحى و وائل جمعة كلة بيموت فى متعب

[color:f90c=red]كان عسول اووووى ومحترم اوووووى كالعادة
واضح كمان انة بيحب خطبتة يارا ربنا يوفقهم ويتتملهم بخير
ونشوفة احلى واجمل عريس ونشوف يارا احلى و اجمل عروسة
ويارب ياعمدة ترجع الملعب زى الاول واحسن
وكلنا معاك وبنشجعك
بنحبك ياعمدة

ومهما يقوووووول لعزوووووووول هتفضل المووووووووووتعب ع طوووووووول[/color]

بجد كانت حلقه جامده جدا ومتعب كان قمر مشاء الله وكلامه كان منطقي جدا وكنت مبسوطه أوي بكلامه عن يارا وحبه ليه أكيد هي كمان بتحبه وأكتر من كده ربنا يسعدهم يارب ويستقر بقي ويرجع هداف أجمد من الأول

بجد كانت حلقه جامده جدا ومتعب كان قمر مشاء الله وكلامه كان منطقي جدا وكنت مبسوطه أوي بكلامه عن يارا وحبه ليه أكيد هي كمان بتحبه وأكتر من كده ربنا يسعدهم يارب ويستقر بقي ويرجع هداف أجمد من الأول

كالعادة حلقة جميلة جدا زى مامتعب معودنا لما يظهر فى برنامج
متعب الخلوق المحترم العاقل الذكى الاهلاوى جدا
ربنا يوفقه فى حياته هو ويارا اللى اختارها قلبه لازم تبقى حبيبتنا

الحلقه كانت جااااامده ومتعب كان عسل كنت هموت عليه ربنا يحميه

الصراحة يا عمدة افحمتهم

جامده طبعا

لا كانت حلقة جامدة
بس عماد ماضفش جديد يعنى
بس تقريبا كان طالع يدافع عن يارا اكتر
يلا ربنا يوفقه

مش فيها عمدتنا

اكيد جامده طبعا

وبصراحه محمد الجندى كان حواره رائع بصراحه ومضايقش عماد فى اسئله خالص

وبنا يكرمك يا عمده ويوفقك ان شاء الله

الحلقة كانت جميلة مكنتش اتخيل ان محمد الجندى يدير الحوار كده
بس هوه اتعصب شوية فى بداية حديثة عن يارا
و كمان مقلش الاسباب المنطقية اللى سابتة يرجع من بلجيكا.
دول بس الملاحظتين.