متعب : اتمنى الصالح للبلاد وهذا رأيي فيما يحدث

8

عاد اللاعب عماد متعب الى التدريبات الجماعية صباح اليوم بعد تغيبه على مدار الايام الاخيرة بسبب التهاب فى الاذن وحصوله على إذن من الجهاز الطبى من اجل الراحة فى المنزل .

وبالفعل تعافى اللاعب الذى اكد فى تصريحات خاصة لـEl-Ahly.com انه ذهب الى طبيب متخصص وخضع لعلاج مكثف على مدار الايام المقبلة من اجل العودة للتدريبات الجماعية باسرع وقت .

وعلق اللاعب على الاحداث الحالية التى تجرى بميدان التحرير قائلا انه يريد حل الموقف بما فى صالح البلاد بعيدا عن العنف الذى يتسبب فى حصد العديد من الارواح ورفض اللاعب الحديث اكثر من ذلك مؤكدا انه لا يحب الحديث كثيرا فى الامور السياسية الا انه يتمنى الافضل للبلاد .

يذكر ان اللاعب سيعقد قرانه يوم 2 ديسمبر المقبل وقد قام صباح اليوم بتوزيع دعوات الفرح على زملائه بالاهلى وقد قرر الجهاز الفنى منحه اجازة لمدة اسبوع بسبب الزواج فى ظل توقف مسابقة الدورى المصرى لارتباطات المنتخب الاوليمبى بتصفيات افريقيا المؤهلة لاوليمبياد لندن 2012 .

لا جدع

اقعد اتفرج علينا واحنا بنموت وقول مش بحب اتكلم ف السياسه
جدع يامتعب

[quote:fde0="SHERYA 10"]اقعد اتفرج علينا واحنا بنموت وقول مش بحب اتكلم ف السياسه
جدع يامتعب[/quote]

والله عندك حق

هههههههههههههههههههههههههههههههههههههههههههههههههههههههههه

هههههههههههههههههههههههههههههههههههههههههههههههههههههههههههههه

ما كل الاعيبه كدا تعرف ليه عشان مصلحتهم مش بيحبوا ييجوا ع حد بيحبوا يكون وسط عشان مصلحتهم طبعا بعد كدا الثوار نجحوا يبقوا يطلعوا يطبلوا للثوار

الثوار ماتوا كلهم وابن الجزمه المشير لسه زى ماهوا يطلعوا يطبلوا للمشير

فهمت ليه مش عايز يكلم ف السياسه

حاجه تقرف

اه والله الميرغنى لاعب زيزى راح الميدان حتا لو ماعملش حاجه بس راح عشان يقول انا معاكوا فين تريكه فين متعب فين فتحى فين حسام غالى

ولا الاعيبه دى مش شاطره غير ف لم الفلوس وخلاص

بس عندهم حق انا لو مكانهم ملعون ابو البلد باخد ف السنه 5 مليون يبقا لو البلد خربت مفيش مشكله عندى

والله عندكوا حق مافيش كلام اقوله بعد كده

بجد يعنى خلاص مش قدره ابرر لمتعب مواقفه ال ...... ومش هو لوحد بردوه كل اللعيبه مش عايزين يتكلموا فى السياسه علشان ايه ؟؟

هما فعلا مش فلحين غير انهم يلموا الفلوس ويلعببببببببببببببببببببببببببببوا وبس

[img][ندعوك للتسجيل في المنتدى أو التعريف بنفسك لمعاينة هذا الرابط]

ابو تريكة كان ليه نوعا ما موقف مشرف ورأي لكن متعب بيقصر جدا في الكلام ومش بيحب يتكلم بس انا بقوله اضعف الايمان يا كابتن انك حتى تقول كلمة حق لو مش قادر تعمل حاجة فبمجرد كلمة هتكسب احترام ناس كتير وانت معروف عنك الاحترام والمفروض انك متبقاش خايف من حاجة بس انا هديك عذر واحد وهو انك يمكن مش حابب يتقال عليك بتركب الموجة بس ارجو فعلا من لاعيبة الكورة ان يكون ليهم مواقف مشرفة اكتر من كدا ولو حتى بكلمة

علي فكرة متعب اتكلام عن الموضوع ديه قبل كدة في برنامج اسمه العاصمة ياعني هواصلا مركبش الموجة ومطلعش قال اي كلام وخلاص يعني هو عرف هوبيقول ايه كويس قوي وفيه ايه ياعني لو متكلامش في السياسية ماعدا انا عن نفس مبتكلامش فية وانا دلوقتي ضدد الابيتعمل دلوقتي في ميدان تحرير يعني الابيحصل دلوقتي من مسلاحات مين حد يرد علي انت فرحننا بالا بيحاصل دلوقتي عجبكم الابيحصل كل حاجة نقوم نعمل ثورة مش صبارينا لم نشوف رد فعل امتي باقي دلوقتي بانقي معرضنا لي خطر هوديه الاشباب عايزنه ياريت تؤرد علي

انا رأيى المتواضع جداااااا جداااااااااااا انها عادى كل واحد حر فى رأيه انا عن نفسى مش بحب اتكلم فى السياسة ولا اتناقش فيها هو ممكن خايف لو قال رأيه يتفهم غلط بس اكيد كلنا ضد الضرب والعنف اللى فى التحرير ماعتقدش يعنى انه هيبقى فرحان انه بيشوف الشباب بيموتوا ويضربوا وهو قال قبل كدة ماليش فى السياسة ولا بيتكلم فيها
حتى لما اتكلم فى برنامج العاصمة اتكلم بصراحة وماركبش الموجة وفى ناس كتير انتقدته وشتمت فيه وهو طبعا مش هيحب يجيب لنفسه الكلام لو صرح باى حاجة وماعجبتش الناس ما هو داخل على جواز بقى ومش عايز وجع دماغ وبعدين ما هو قال عايز الصالح للبلد خلاص هو حر يقول اللى يقوله

والوطنية مش بالكلام وكل واحد ليه وجهة نظر مختلفة يعنى ناس اتقبلت خطاب المشير وناس كتييير ماعجبهاش ناس شايفة ان المجلس يكمل وناس مش عايزاه ولا دقيقة اهى كلها اراء وانت حر ما لم تضر
وربنا يعدى الازمة على خيييييييييير ان شاء الله
ميرسى واسفة على الاطالة

والوطنية مش بالكلام وكل واحد ليه وجهة نظر مختلفة يعنى ناس اتقبلت خطاب
المشير وناس كتييير ماعجبهاش ناس شايفة ان المجلس يكمل وناس مش عايزاه ولا
دقيقة اهى كلها اراء وانت حر ما لم تضر
وربنا يعدى الازمة على خيييييييييير ان شاء الله
ميرسى واسفة على الاطالة

بالفعل صح ؟

تلوموا متعب لو كان ركب الموجه من الاول

انما هو صريح فى رايه ومش منافق وكل واحد حر فى رايه

مش حكايه موجه لان الوضع مختلف دلوقتى عن الاول ولو قال اللى هو شايفوه كان احسن بس ميبقاش سلبى كده

معظم المشاهير دبلوماسيين يا شيكو

مكنتش اتمنى متعب يبقى كده

[quote:f1b2="SHERYA 10"]مكنتش اتمنى متعب يبقى كده[/quote]

ومكناش بردو نتمنى يعمل حاجات تانيه ولا كنا اصلا نتوقعها منه بس عملها

مع اننا كنا فاكرينها اشاعات بس طلعت حقيقه

يا جماعه ما هو اللى بيتكلم اليومين دول ويقول رايه بيطلعوا عينه وانتوا عارفيين كدا انتوا بطلعوا زعلكم فى متعب ليه

لا المشاهير كلهم مش كدا خالد الصاوي وخالد النبوي وخالد صالح وغيرهم كتير اوي ليهن رأي وموقف ودول مش انصاف فنانين ولا انصاف نجوم دول نجوم كبار اوي اوي بس مش معنى انهم مشاهير ومعاها فلوس انهم مش حاسيين بالناس لا طلعو حاسيين بالناس كويس اوي وبيدافعو عنهم كنا مستنين من معب ان هو من الشباب اكتر وحاسس بمعانتهم اكتر لاغم انه مش محتاج بس عيب اوي ان مادام انا معايا فلوس كتير ومشهور اوي يبقى امشي جنب الحيط واقول كلام فيما معناه وانا مالي

هو كل ده عشان معاه فلوس ومشهور هو ده السبب اللى مخليه مش بيتكلم عادى يعنى فى ناس عاديين جداااا وبسطاء ومالهمش فى السياسة ولا بيتكلموا فيها وبعدين رزقه اللى ربنا كتبهوله ليه بنبص لفلوسه هو يعنى كان وزير ولا عضو مجلس شعب ولا ابن مسئول كبير وبيسرق فى البلد وياخد فلوس الغلابة ما احنا عارفين عماد اصله ايه وكان ايه وعارفين فلوسه مصدرها ايه هو معنى انه مش عايز يتكلم انه مش بيهمه اللى بيحصل فى البلد ولا على باله

ما هو لما اتكلم قبل كدة معجبش دلوقتى لما جاوب بدبلوماسية وقال مش عايز اتكلم فى السياسة وعايز الصالح للبلد برده مش عاجب مش عارفة يعمل ايه يعنى لو قال مع اللى فى التحرير ناس هترد تقوله دى ناس بتخرب فى البلد ومش صابرين على حاجة ومش هيعجبهم كلامه ..... ولو قال انا مع المجلس انه يكمل برده ناس هتقوم عليه ويقولوا ازاى وليه ...ومش هيخلص من الكلام يعنى لا هيبقى كدة عاجب ولا كدة عاجب حتى الاجابة الدبلوماسية مش عاجبة
هو يعنى عماد السبب فى كل حاجة هو ذنبه ايه فى اللى بيحصل فى مصر وفين باقى اللاعيبة ما هما برده مش بيتكلموا بس احنا دايما بنيجى عليه ونتهم فى فلوسه وشهرته ربنا يباركله ...بس مش فلوسه ولا شهرته اللى مخلياه مايتكلمش
اللى بيتكلم دلوقتى ويقول رأيه محدش بيسيبه فى حاله خصوصا ان كتييييير اووووى مابيحترمش اراء بعض ولا وجهات نظر بعض

ميرسى

على فكرة يا توتة انتي فهمتي كلامي كله غلط انا بقول ان فيه ناس كتير معاها فلوس بس مشاركة الناس متاعبها وانا مش هبص لفلوس متعب طبعا انا مش محتاجة اني ابص لفلوسه فميصحش انك تقولي ليه بنبص لفلوسه انا بس انا وكتير غير كنا مستنين منه موقف ايجابي اكتر من كدا وميبقاش بالسلبية دي وانه ميخافش من حد عشان انتي بنفسك دلوقتي قلتي انه لو قال كزا هيقولو كزا ولو قال كزا هيقولو كزا دلوقتي بقى مبقاش ينفع المواقف العايمة دي وكل واحد يقول بجد اللي جواه وميخافش ومتعب برضه لما اتكلم قبل كدا مقالش حاجة يعني مكانش ليه موقف والكل برضه اضايق عشان كدا يعني نفس الموقف هو مغيرش حاجة يعني المفروض من متعب انه كان شاب بسيط ومن عيلة بسيطة وكلنا عارفين زي ما قلتي فاولى هو يبقى حاسس بالناس اكتر من كدا انا المرة الاولى لما اتكلم صدمنى جدا لان لما المذيع ساله انا توقعت اجابة قوية بس هو مقالش اي حاجة زي ما دلوقتي برضه مقالش اي حاجة وياريت مندافعش حتى كمان في الغلط

حبيبتى انا مقصدتش كدة خاااااالص كدة بصرة انتى كمان مافهمتنيش انا بتكلم عامة لان المرة الاولى لما اتكلم الفيديو بتاع الحلقة على اليوتيوب كان عليه تعليقات وحشة وشتايم فيه وتعليقات ناس كتير على الفيس بوك وكل المواقع اللى ذاعت الخبر كانوا ردهم انه معاه فلوس ومش حاسس بحد مع ان احنا عارفين انه اسرته بسيطة جداااا وانه بيعمل خير كتيييييييير
وبعدين هو مش بيركب الموجة وصريح جداااااااااا فى كلامه هو اكيد شاف ان رأيه ممكن يزعل حد عشان كدة ماقالش حاجة لان زى ما قلت محدش بقى بيحترم وجهةنظر التانى
ميرسى

وانا برضه قلت في الكومنت بتاعي الاول خالص ان ممكن اديله عذر وحيد وهو انه مش عايز يتكلم مع اي طرف عشان ميتقالش عليه انه بيركب الموجة يعني انا زعلانة منه جدا بس ممكن اديله العذر دا يعني انا اهو بديله عذر مش بهاجمه بس برضه انا رائ انه شاب بسيط ومن عيلة بسيطة وبيعمل خير كتير يبقى هو من اكتر الناس اللي المفروض تتفهم وضع الناس والشباب واسفة جدا على سوء الفهم

[quote:a2cf="beren"]وانا برضه قلت في الكومنت بتاعي الاول خالص ان ممكن اديله عذر وحيد وهو انه مش عايز يتكلم مع اي طرف عشان ميتقالش عليه انه بيركب الموجة يعني انا زعلانة منه جدا بس ممكن اديله العذر دا يعني انا اهو بديله عذر مش بهاجمه بس برضه انا رائ انه شاب بسيط ومن عيلة بسيطة وبيعمل خير كتير يبقى هو من اكتر الناس اللي المفروض تتفهم وضع الناس والشباب واسفة جدا على سوء الفهم[/quote]

لا عادى ولا يهمــــــــــــــــــــــــــــك حصل خيـــــــــــــر
واديكى قولتيها يمكن مش عايز يتقال عليه انه بيركب الموجة ويمكن خايف يقول رأيه اصلا لحسن يهاجموه وناس تزعل منه وكدة
عموما احنا اللى يهمنا دلوقتى مصلحة مصر وانها ترجع افضل ان شاء الله وتعدى الازمة على خيـــــــــــــر باذن الله
ميرسى ليكـــــــــــى