عماد متعب وخطوبتة من يارا نعوم

تذكير بمساهمة فاتح الموضوع :

بسم الله الرحمن الرحيم
انا قبل ما اتكلم عارفة ان التوبك دة مش مكانة هنا بس انا لازم اكتبة هنا عشان كل الاعضاء تشوفة
اولا احنا بقالنا شهر مش ورانا غير متعب ويارا
شوية نجيب صور ليارا مش كويسة وشوية تانية نحسابها على تصرفاتها ولبسها وانا كنت معاكوا انا يمكن اكون اول واحدة اعترضت على يارا وهاجمتها وهاجمت متعب عشان اختيارة ليارا دى
بس يلا بينا نبص للامر الواقع وهى خطوبة متعب من يارا
خلاص هما قرروا انهم يرتبطوا ببعض وقرأوا فاتحة واهل متعب راحوا قرأوا فاتحة مع اهل يارا يعنى والدة متعب واخواتة موافيقين ع الجوازة دى
انا بقى بسألكوا والسؤال موجهة ليا انا كمان طبعا لانى اعترضت على يارا فى يوم من الايام احنا صفتنا اية عشان نقول لمتعب بلاش يارا
اواولا متعب بالغ وعاقل وراشد واخواتة كذلك ووالدتة ربنا يخليهالة ست كمل وعاقلة يعنى هما مش اطفال واظن انهم شافوا يارا وعارفينها وموافقين عليهايبقى خلاص احنا نعترض على اية
ثانيا ولنفرض ان متعب اخطأ فى الاختيار مثلا يعنى واتسرع او ضغط على اهلة عشان يوافقوا على يارا دة هيضرنا فى اية مهو هو اللى اختار وهو اللى هيتحمل نتيجة اختيارة ولو عمل شى غلط هو اللى هيندم علية
ثالثا احنا مش ملائكة اكيد كلنا بنغلط ويارا دى غلطت فى مرحلة من المراحل انها بقت تلبس لبس مسى للبنت المسلمة لكن ربنا بيغفر وهى لو بتحب متعب هتتغير عشانة ويمكن يكون ربنا هداها وبقت حشمة اليومين دول وهتاخد خطوة الحجاب بعدين
ثالثا يارا دى خدت حسنات بسببنا قد الدنيا دى كلها شوفوا كام واحد غلط فيها والاخوة ع الفيس بوك اللى بيتهموها فى شرفها بيتهموها كدة بناء على اية انتوا كنتوا شوفتوها
رابعا المنتدى دة خاص بعماد متعب مش خاص بعماد متعب وخطبتة يارا نعوم فياريت تكون كل الاخبار عن متعب زى بقية المنتديات اللى بتتكلم عن اخبار اللاعبين بس
خامسا فى ناس كتير هنا زى العسل وانا والله مقدرة هما اد اية زعلانين وانا كنت زيهم وبيحبوا متعب وعشان بيحبوة بيتمنولة الخير عشان كدة هما شايفين ان يارا مش خير فبيحاولوا ولو حتى بالكلام يبعدوها عنة فانا بقولوكوا احنا موجودين وربنا يكتبلنا عمر لحد ما نشوف اية مصير متعب مع يارا وانا عارفة قد اية انتوا محروق دمكوا من صور يارا دى وانا زيكوا بس دى ممكن تكون حاجة فى الماضى ويمكن الواقع يكون حاجة تانية وياريت مش تتعبوا نفسكوا زى ما تعبت نفسى وقعدت اتكلم وكلامى ماجبش نتيجة فاصبروا وشوفوا اللى هيحصل فى المستقبل وان الله مع الصابرين اذا صبروا
سادسا انا شعارى هنا اللى هيعمل غلط هقول علية ولو حتى متعب هو اللى غلط هقول انة غلطان لانى بجد بشوف اعضاء بيدافعوا عن متعب فى الصح والغلط وبيطلعولة اعذار كتير فياريت لا نكون متحاملين علية اوى ولا بندافع عنة اوى
طلب اخيييييييييييييييير ياريت المنتدى دة يكون خاص بمتعب وبس اما يارا بقى فلو عايزين تتكلموا عن اخبارها يلا نعمل منتدى تانى ونسمية المنتدى الرسمى لعشاق ومحبى يارا نعوم
انا عارفة انى طولت عليكوا اوى بس كلامى دة جة بعد تفكير عميق وبعد ما فكرت بعقلى وبعد ما هديت وبعد ما فضلت اهاجم يارا كتير بس دلوقت انا فعلا هتبع مقولة دعوا الخلق للخالق
وعيد سعيد عليكوا ان شاء الله

انا ما تكلمتش عنها وحش يا استاذ شريف انا كل اللى بطلبة ان دة يكون منتدى لعماد متعب لوحدة
يعنى مش حاجة مستحيلة

بحبك يا عماد انت ويارا

[quote:1f4c="جوليت"]انا ما تكلمتش عنها وحش يا استاذ شريف انا كل اللى بطلبة ان دة يكون منتدى لعماد متعب لوحدة
يعنى مش حاجة مستحيلة










[/quote]


القنااااااااااااااااااااااااااااااااااااااااااااااااااااااااااااااااااص وبسسسسسسسسسسسسسسسسسسسسسسسسسسسسسسسس

[center][right]انا معاك ومتفقة معاك في كل كلمة قلتيها
هو اختارها خلاص الف مبروك وربنا يوفقهم يااااااااااااااااااااااااااااارب
واحنا ميهمناش غير سعادة متعب وراحته
لان اللي بيحب حد بيحب ليه كل حاجة تسعده
واللي بيحب حد يحب كل اللي بيحبه
واحنا بنحبك اوي يامتعب
ربنا يوفقك يااااااااااااااااااااااااارب[/right][/center]

اولا انا مش بتكلم عليكى انتى انا بتكلم على البيتكلم على متعب وحش

ثانيا محدش هنا يقدر يتدخل فى حياه متعب الشخصيه لاننا مش لينا دخل بيها

ثالثا برضو مفيهاش حاجه لو حد جاب صوره تربط عماد بيارا وعلى فكره ده منتدى كوره اه بس برضو فى الاول والاخر منتدى
عماد متعب يعنى كل حاجه عنه صور وفيديو وخبر وكل حاجه ومتعب لو انتوا شايفين ان مش كويس اننا نجيب صور ليه وليارا

فمتعب شايف ان ده كويس لانه اتصور معاها وطلع معاها قدام العالم كله وبعدين لو تدخل فى حياه متعب مكنش اتصور من اصله او مكنش خلى حد يصوره هو ويارا ده اللى اعرفه

ربنا يوفق متعب يا رب ومرسي ليكي يا جوليت على الكلام الجميل ده وكل الي قلتي عين العقل

صوره تربط عماد ويارا

اما خبر عن يارا بمفردها او صوره بمفردها لا هيتم حذفها فورا

وفيها اية لما نجيب متعب لوحدة
هو انا لما بكتب فى جوجل
بكتب منتدى عماد متعب
ولا بكتب منتدى عماد متعب ويارا نعوم
ما كل المنتديات خاصة بالاعبين
اشمعنا احنا هنا هنجيب متعب وخطبتة او وزجتة
لو عايزين نجيب صور ليارا معاه
يلا نغير المنتدى ونسمية
المنتدى الرسمى لمحبى وعشاق القناص عماد متعب ويارا نعوم
هو انا بطلب طلب مفتى الجمهورية حرمة ولا اية
وبعدين من امتى احنا بنجيب صور لمتعب واسرتة اشمعنا بقى اليومين دول
دة منتدى كورة
مش منتدى للحياة الشخصية
وبعدين لما هنحط صور لمتعب ويارا الاعضاء هيشوفوا يارا ويفضلوا يعلوقوا على لبسها وطريقتها وغيرة وغيرة وهنفتح الموضوع اللى احنا كنا قفلناة تانى
طب ما بدل ما كل لما نشوف يارا ونفتح مواضيع جديدة
عليها
ما نجيب صور لمتعب بس
هو انا بتكلم فى حاجة حرمها القانون والشرع ولا اية

بصى اولا طريقتك فى الكلام مش لطيفه


هسالك سوال

لو متعب متصور مع رجاء الجداوى اككتر من صوره

وانا جبتله كل الصور بتاعته معاها هيبقفى فيها حاجه

اكيد لا لان دى صور عاديه جدا

وبعدين عماد لو اتصور مع يارا والصور دى نزلت على النت اكيد احنا هنجبها لاننا مهمتنا اننا نجيب اى حاجه عن متعب

اما بقى لو صور لمتعب ويارا مع بعض وشخصيه ومتعب مش عاييز حد يشوفها اكيد هتبقى مع متعب وبس مش على النت

اولا انا عمرى ما دى كانت طريقتى فى الكلام
ثانيا انا اتكلمت كدة لان طريقتة حضرتك هى اللى مش لطيفة وبحس انها بصيغة الامر
ثالثا صور متعب ويارا دى ممكن يارا تكون هى اللى منزلاها لان متعب مش بينزل حاجة شخصية عن نفسة
والا كان نزل صور لولدتة واخواتة لا حصر لها
رابعا انا بحس انى بقيت عدوة لمجرد انى اختلفت فى الراى مع حد
ياما اختلفت مع اعضاء ومع ذلك طلعنا من الخلاف دة اصحاب
لكن انا ملاحظة ان رايى فية سم او بيجرح فى متعب ويارا مع انى مش قولت حاجة وحشة على يارا دى ابدا

ايه يا جماعة الاختلاف فلى الراى لا يفسد للود قضية
استاذ شريف انا شايفة ان فيه اعضاء كتير فى المنتدى هنا مش حبين يجيبو صور لمتعب و معاه يارا,
ده مش رغبة جوليت بس لأ رغبة كتير من الاعضاءا
انا ممكن اكون بختلف معاهم فى المبدأ لأن لو زوجة متعب دى انسانه مشهورةانا مش شايفة فيها اى حاجة اننا نجيب صورهم هما الاتنين هنا فى المنتدى
لكن على الاقل بلاش صور دلوقتى لأنهم لسه مش مخطوبين وجايز ربنا يلهمه الصواب و ميرتبطوش,

كل الحكايه ان احنا مش عايزين نفتح الموضوع تانى ونوجع دماغنا تانى ده بقى موضوع دمه تقيل اوووى

[quote:0e38="MIRO ADMIRE MET3EB"]كل الحكايه ان احنا مش عايزين نفتح الموضوع تانى ونوجع دماغنا تانى ده بقى موضوع دمه تقيل اوووى [/quote]صح يا ميرو انا زيك بالظبط كرهت الموضوع دة
مهو هو اللى هيتجوزها هو احنا اللى هنتجوزها
كل واحد حر بقى فى وجهة نظرة

شكراااااااااااااااااا نور عندك حق والله

بصى جوليت ممهما كان احنا صحاب واسمنا عشاق عماد متعب

وبعدين انا مش قولت ان رايك سم ولا حاجه ولا عدوه

بس انتى اللى اخدتى الكلام على نفسك وانا قولت وجهه نظرى


بصى انا وجهه نظرى ان مش شايف فيها حاجه ان نجيب صور لمتعب ويارا مع بعض

هيا لو فيها حاجه مكنش متعب طلع معاها فى الاستاد وبعدين هيا خطيبته

بس عشان الكل يبقى مرتاح قولت اللى يشوف صور جديده لمتعب ويارا مع بعض

ومش عايز يجيب يارا مع متعب يقص الصور ويخلى متعب لوحده بس اهم حاجه

ان كل جديد عن متعب يكون فى منتدانا والكل يشوفها دى وجهه نظرى


وعموما سورى لو كنت ضايقتك بكلامى ده
بس هو على فكره مفيهوش صغيه امر

لكن التوبيك اللى هو احنا بنكلم نفسنا ده

اه امر بس للاعضاء اللى اترجيتها كتير ومفيش جديد بيعملوا اللى كانو بيعملوه

مش ليكى ولا لاى عضو ملتزم وبيحب المنتدى

[quote:38ef="sherif met3b"]

ثانيا محدش هنا يقدر يتدخل فى حياه متعب الشخصيه لاننا مش لينا دخل بيها

ثالثا برضو مفيهاش حاجه لو حد جاب صوره تربط عماد بيارا وعلى فكره ده منتدى كوره اه بس برضو فى الاول والاخر منتدى
عماد متعب يعنى كل حاجه عنه صور وفيديو وخبر وكل حاجه ومتعب لو انتوا شايفين ان مش كويس اننا نجيب صور ليه وليارا

فمتعب شايف ان ده كويس لانه اتصور معاها وطلع معاها قدام العالم كله وبعدين لو تدخل فى حياه متعب مكنش اتصور من اصله او مكنش خلى حد يصوره هو ويارا ده اللى اعرفه[/quote]

انا رأيي تقريبا مشابه لرأيك
وانا كنت من اشد المعارضين للبس يارا حتي حاليا
لانها لسا ناقصها خطوة هامة وهي الحجاب
واحنا عشان بنحب عماد احنا مش معترضين علي خطوبته
من يارا ومش معترضين علي اخلاق يارا
احنا كل اعتراضنا علي لبسها وصورها
وانا واحدة من عاشقي عماد خايفه عليه من حساب ربنا
له يوم القيامة لو اتجوز يارا ومحجبهاش يبقي انا عايزاله
مصلحته انا كمان واثقة في اخلاق عماد وواثقة انه اختار صح
بس صور يارا ولبسها كان اقوي من اي تفكير وقتها في اخلاقها
لان المظهر هو اللي بيدل علي الشخصية متنكروش ان احنا بناخد
بالمظهر في حاجات كتير لان احنا منملكش غيره وبالذات اما تكون
مع شخصية انت متعرفهاش وهتتجوز شخصية انت بتحبها وبتخاف
عليها وبصراحة لو يارا متحجبتش وغيرت اسلوب حياتها ولبسها
ناس كتير هتكرهها لانها خدت شخصية محترمه متستهلهاش
وساعتها احنا هنزعل بجد علي عماد اكتر من زعلنا حاليا
يارب اهديه واحميه واهديله اللي بيحبها ويحجبها ووفقه
واحنا مهما حصل بنحبك ياعماد بس بجد يارب تسيب يارا
لو متحجبتش ومتعاندش مع الناس ونفسك وربك ولو يارا
متحجبتش مش هتنفعك بالعكس دي هتضرك في الدنيا والاخرة
ويارب تعرف ان احنا بجد خايفين علي مصلحتك وبس

انا عايزة اسأل سؤال ازاي اعرف اعمل لنفسي صفحة اكتب فيها موضوع مثلا اوانشر فيها صور ارجو الاجابه وشكرا

بجد عندك حق فى كلامك يا نور
بس انا مع العمده
فى اى مكان وزمان
ومهما يعمل ومهما يختار
هفضل معاه وكلنا لازم منوقفش ضده
داه مهما كان حبيبنا ولا انا غلطانه
وربنا يوفقه باذن الله

[quote:8b5f="rosana"]انا عايزة اسأل سؤال ازاي اعرف اعمل لنفسي صفحة اكتب فيها موضوع مثلا اوانشر فيها صور ارجو الاجابه وشكرا[/quote]


ادخلى على القسم اللى انتى عايزاه هتلاقى فى اوله فوق على اليمين كلمه موضوع جديد بالنسبه للصور لما تفتحى الموضوع هتلاقى فى الحته بتاعت الكتابه رمز اسمه حفظ صوره دوسى عليه بعد كده browze واختارى الصوره من على جهازك بعد كده host it هيظهر صفحه جديده فيها صوره صغيره من اللى انتى اختارتيها هاتى اللينك التانى واعملى كوبى بعد كده حطيه فى رمز اسمه صوره

ميرسي يا ميرو وجزاك الله خيرا