متعب ويارا ومتكبروش الموضوع

فى ايه يا جماعة ايه اللى عرفكوا ان دى خلاص هى اللى متعب هيتجوزها وبعدين ما ممكن تكون صاحبته وحتى لو هيتجوزها دى كانت ملكة جمال مصر يعنى طبيعى جدا يكون ليها صور بكل الاشكال واكيد هوة هيغيرها
الاهم من ده كله انه خرس الجميييييييييع وقال انا فى الاهلى غصب عن اى حد واللى بيقول انى فى الزمالك يلعب بعيد واتبسطت اوى انه جيه والجمهور قعد ينادى عليه

هو قال كدة امتى وفين مسمعتهوش انا بصراحة

لا يا محمد هيجوزها واحدة زى يارا دى عمرها ما راحة ماتشات فجاة كدة تحب الكرة يا سبحان اللة وبعدين طب ما هى ممكن تقعد فى اى مكان ملاقتش غير المكان اللى متعب قاعد فية وتقوم قاعدة جنبة انت عايز يا محمد تفسير اكتر من كدة اية

انا مش بقول انها صدفة بس ممكن تكون صاحبته واتقابلوا وراحوا الماتش مع بعض
عموما مش عارف بس انا زعلان ومش عايز برضه نظلمه

[quote:6220="محمد عصام متعب"]انا مش بقول انها صدفة بس ممكن تكون صاحبته واتقابلوا وراحوا الماتش مع بعض
عموما مش عارف بس انا زعلان ومش عايز برضه نظلمه[/quote]

يا ريت منضحكش على نفسنا اكتر من كده

مش بنضحك على نفسنا ولا حاجة عموما لو احنا زعلانين اوى كدة ممكن بعد كدة مندخلش فى حياته الشخصية و نحكم عليه جوة الملعب

احنا عارفين كويس اوووى ان احنا عاطفيين وبنمووووووت فى حاجه اسمها متعب مكنش نحب انه يرتبط بواحده زى دى

يالهوى ايه المشكله سبوه براحته حياته وهو حر فيها انتم لكم عماد فى الملعب وبس اما حياته الشخصيةمالكوش اى دعوه بيها

يالهوى ايه المشكله سبوه براحته حياته وهو حر فيها انتم لكم عماد فى الملعب وبس اما حياته الشخصيةمالكوش اى دعوه بيها

يالهوى ايه المشكله سبوه براحته حياته وهو حر فيها انتم لكم عماد فى الملعب وبس اما حياته الشخصيةمالكوش اى دعوه بيها

كلنا بنموووووووووووووووووووت فى حاجة اسمها متعب بس خلاص بقة لو هى دى اللى هتسعدوا خلاص ندعيله وخلاص ونركز بقة معاه فى الملعب وبس وحياته الشخصية نسيبهالوا هوة هوة فى الاخر بشر

بجد لا تعليق

انتو عايزين تفهمونى انها مش هتاثر على مستواه فى الملعب وربنا هيبقى راضى عن عماد وهو مصاحب واحده زى دى وحتى لو هما اصحاب بس فالمرء على دين خليله وصحيح دى حياته بس صعب اوى اشوف متعب بيدمر نفسه واقف اتفرج حرام عليه نفسه وجمهوره

عندك حق ياياسمين اكيد هاتأثر على مستواه ده بس جت معاه الماتش النهاره الكورة مكنتش راديه تعدي الجون وضاعت فرص غريبةوالله بجد مش مصدقة لحد دلوقتي

خلااااص يا جماعة قلنا هو حر يجوز يارا يجوز هيفا اللى عاوزة يعملوا وده يعلمنا اننا مندخلش غير فى حياته جوا الملعب بس

والله براحته هو حر يعمل اللي هو عوزوه
والناس اللي متضايقه من الموضوع ده وخايفه علي مستواه
اللي بيشيل اربه مخرومه بتسر علي دماغه

بعد الشر علىدماغه ياتولين ده حتى لسا حالق

ههههههههههههههههههههههه ريبورتي انتي عسل والله ربنا يسعدك يا عمدة يارب ولو هي دي اللي هتسعدك يبقى اتكل بقى على الله وربنا يوفقك ان شاء الله واكيد انت عارفها اكتر مننا كلنا واكيد لو كانت وحشة وهتأذيك مكنتش فكرت فيها او حبيتها

[quote:ad4b="تولين"]والله براحته هو حر يعمل اللي هو عوزوه
والناس اللي متضايقه من الموضوع ده وخايفه علي مستواه
اللي بيشيل اربه مخرومه بتسر علي دماغه [/quote]هوا ماشلش اربه مخرومه ولاحاجه

جماعه بصراحه يعنى احنا ملناش ان احنا ندخل فى حياته الشخصيه

ودى حاجه متعب مش بيحب يتكلم فيها اصلا

وياريت بقى نبطل كلام فى الموضوع ده

وبعدين بقى يعنى لا غلط ولا حرام من حقه ان يصاحب ويحب اللى هوه عايزه ومحدش ليه سلطه عليه

وبلاش بقى الدور اللى احنا عايشين فيه ده


يعنى مش كل البنات اللى هنا محجبات ولا كل الشباب شيوخ بقى

ياريت نهدى شويه عشان احنا مصدر بيطلعوا منه اشاعات غريبه على عمدتنا

وربنا يسعدك يا عمده يارب


ميرسى على التوبيك

علي فكره انا مش معترضه ان يخطبها
ديه حريه شخصيه وانا هفضل احبه برضوا لان ده عمدتي مهما عمل وعلي طول
انا برده علي اللي بيقولوا هتاثر علي مستواه فلو اثارت هتاثر عليه هو
لو خطبها انا اعرف مكان الفرح فين وهروح لان ده عمدتي حتي لو خطب مين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انا مش خايفة على مستواه بس انا خايفة على سمعته مهيا الصور بتاعتها فظيعة مش كده يعني كل البنات اللي بمصر مش لاقي غير ديت يارب يبقى كبوس ده

متعب هالآيام كل تصرفاتو غلط
كل الي بناه بخلال سبع سنوات راح يدمرو بخلال أسبوع

برضه متكبروش الموضوع ولا دمر ولا مدمرش مش عايزين نحكم على حاجة احنا كل اللى يهمنا اننا نشوفه نجم فى الملعب ولا ايه وبعدين متعب بيعرف يفرق كويس اوى بين حياته الشخصية وبين الملعب وبعدين لو هوة هيتجوز دى فعلا ايه المشكلة هوة ممكن يغيرها ولا انتوا نسيتوا شمس البارودى كانت عاملة ازاى ودلوقتى بقت عاملة ازاى ارحموا عماد بقة بجد احنا زودناها اوى كفاية كدة وخلينا ندعيله ربنا يوفقه فى حياته الشخصية وفى الملعب وبجد يرجعلنا زى الاول علشان بجد احنا محتاجينله وانتوا شوفتوا ماتش الشبيبة قد ايه فعلا غياب متعب ناثر

بنحبك يا متعب مهما حصل ومستنيين يناير علشان ترجعلنا يا ملك التهديف واحسن مهاجم فى مصر

لاتعليق